महारुद्रस्तोत्रम् Maharudrastotram

श्रीगणेशाय नमः ।वाण्या ॐङ्काररूपिण्या अन्त उक्तोऽस्य नान्यथा ।सुरस्त्रिभुवनेशः स नः सर्वान्तःस्थितोऽवतु ॥ १॥

śrīgaṇeśāya namaḥ |vāṇyā oṃṅkārarūpiṇyā anta ukto'sya nānyathā |surastribhuvaneśaḥ sa naḥ sarvāntaḥsthito'vatu || 1||

देवोऽयं सर्वदेवाद्यः सूरिरुन्मत्तवत्स्थितः ।वाहो बलीवर्दकोऽस्य याञ्चकस्येष्टदः स तु ॥ २॥

devo'yaṃ sarvadevādyaḥ sūrirunmattavatsthitaḥ |vāho balīvardako'sya yāñcakasyeṣṭadaḥ sa tu || 2||

नन्दिस्कन्धाधिरूढोऽपि त्रिप्रमित्यतिगः स्वभूः ।दशा यस्य न शम्भुं तं सन्तं वन्देऽखिलात्मकम् ॥ ३॥

nandiskandhādhirūḍho'pi tripramityatigaḥ svabhūḥ |daśā yasya na śambhuṃ taṃ santaṃ vande'khilātmakam || 3||

सद्योजातोऽष्टमूर्तिः स भूतवन्दिस्तुतो जितः ।रक्ष मन्मथहन्नाथ तोकधर्माणमद्य माम् ॥ ४॥

sadyojāto'ṣṭamūrtiḥ sa bhūtavandistuto jitaḥ |rakṣa manmathahannātha tokadharmāṇamadya mām || 4||

स्वतो हेतोर्जगद्धेतो दयानाथाम्बिकापते ।तीव्रासुहृत्त्रिविधहृत्तापान्मृत्योश्च मामव ॥ ५॥

svato hetorjagaddheto dayānāthāmbikāpate |tīvrāsuhṛttrividhahṛttāpānmṛtyośca māmava || 5||

कृतागसमपि त्राह्यत्रेर्मृत्योस्त्वं च भिषक्तमः ।तत्सन्धिं भिन्धि सर्वाकयोनेर्मुञ्चस्व मां शिव ॥ ६॥

kṛtāgasamapi trāhyatrermṛtyostvaṃ ca bhiṣaktamaḥ |tatsandhiṃ bhindhi sarvākayonermuñcasva māṃ śiva || 6||

श्रीद पुष्टिद ते व्याप्तं दिक्षु क्षीरनिभं यशः ।रुङ्मार्ष्टिकृद्रक्ष मां त्वं गङ्गा यन्मूर्ध्नि चर्क्षराट् ॥ ७॥

śrīda puṣṭida te vyāptaṃ dikṣu kṣīranibhaṃ yaśaḥ |ruṅmārṣṭikṛdrakṣa māṃ tvaṃ gaṅgā yanmūrdhni carkṣarāṭ || 7||

द्रष्टा वसति सर्वत्र बत मामीक्षसे न किम् ।स्तुतेर्धर्मेशशक्तिर्निरस्तमृत्योनमेजते ॥ ८॥

draṣṭā vasati sarvatra bata māmīkṣase na kim |stuterdharmeśaśaktirnirastamṛtyonamejate || 8||

तिष्ठानन्दद चित्ते मे समन्तात् परिपालय ॥ ९॥

tiṣṭhānandada citte me samantāt paripālaya || 9||

इति श्रीवासुदेवानन्दसरस्वतीविरचितं महाख्यस्तोत्रं सम्पूर्णम् ॥

iti śrīvāsudevānandasarasvatīviracitaṃ mahākhyastotraṃ sampūrṇam ||