महामृत्युञ्जयकवचम् १ Mahamrityumjaya Kavacha

श्री गणेशाय नमः ।भैरव उवाच ।शृणुष्व परमेशानि कवचं मन्मुखोदितम् ।महामृत्युञ्जयस्यास्य न देयं परमाद्भुतम् ॥ १॥

śrī gaṇeśāya namaḥ |bhairava uvāca |śṛṇuṣva parameśāni kavacaṃ manmukhoditam |mahāmṛtyuñjayasyāsya na deyaṃ paramādbhutam || 1||

यं धृत्वा यं पठित्वा च श्रुत्वा च कवचोत्तमम् ।त्रैलोक्याधिपतिर्भूत्वा सुखितोऽस्मि महेश्वरि ॥ २॥

yaṃ dhṛtvā yaṃ paṭhitvā ca śrutvā ca kavacottamam |trailokyādhipatirbhūtvā sukhito'smi maheśvari || 2||

तदेववर्णयिष्यामि तव प्रीत्या वरानने ।तथापि परमं तत्त्वं न दातव्यं दुरात्मने ॥ ३॥

tadevavarṇayiṣyāmi tava prītyā varānane |tathāpi paramaṃ tattvaṃ na dātavyaṃ durātmane || 3||

विनियोगःअस्य श्रीमहामृत्युञ्जयकवचस्य श्रीभैरव ऋषिः\,गायत्रीछन्दः\, श्रीमहामृत्युञ्जयो महारुद्रो देवता\,ॐ बीजं\, जूं शक्तिः\, सः कीलकं\, हौमिति तत्त्वं\,चतुर्वर्गसाधने मृत्युञ्जयकवचपाठे विनियोगः ॥ॐ चन्द्रमण्डलमध्यस्थं रुद्रं भाले विचिन्त्य तम् ।तत्रस्थं चिन्तयेत् साध्यं मृत्युं प्राप्तोऽपि जीवति ॥ १॥

viniyogaḥasya śrīmahāmṛtyuñjayakavacasya śrībhairava ṛṣiḥ\,gāyatrīchandaḥ\, śrīmahāmṛtyuñjayo mahārudro devatā\,oṃ bījaṃ\, jūṃ śaktiḥ\, saḥ kīlakaṃ\, haumiti tattvaṃ\,caturvargasādhane mṛtyuñjayakavacapāṭhe viniyogaḥ ||oṃ candramaṇḍalamadhyasthaṃ rudraṃ bhāle vicintya tam |tatrasthaṃ cintayet sādhyaṃ mṛtyuṃ prāpto'pi jīvati || 1||

ॐ जूं सः हौं शिरः पातु देवो मृत्युञ्जयो मम ।ॐ श्रीं शिवो ललाटं मे ॐ हौं भ्रुवौ सदाशिवः ॥ २॥

oṃ jūṃ saḥ hauṃ śiraḥ pātu devo mṛtyuñjayo mama |oṃ śrīṃ śivo lalāṭaṃ me oṃ hauṃ bhruvau sadāśivaḥ || 2||

नीलकण्ठोऽवतान्नेत्रे कपर्दी मेऽवताच्छ्रुती ।त्रिलोचनोऽवताद् गण्डौ नासां मे त्रिपुरान्तकः ॥ ३॥

nīlakaṇṭho'vatānnetre kapardī me'vatācchrutī |trilocano'vatād gaṇḍau nāsāṃ me tripurāntakaḥ || 3||

मुखं पीयूषघटभृदोष्ठौ मे कृत्तिकाम्बरः ।हनुं मे हाटकेशनो मुखं बटुकभैरवः ॥ ४॥

mukhaṃ pīyūṣaghaṭabhṛdoṣṭhau me kṛttikāmbaraḥ |hanuṃ me hāṭakeśano mukhaṃ baṭukabhairavaḥ || 4||

कन्धरां कालमथनो गलं गणप्रियोऽवतु ।स्कन्धौ स्कन्दपिता पातु हस्तौ मे गिरिशोऽवतु ॥ ५॥

kandharāṃ kālamathano galaṃ gaṇapriyo'vatu |skandhau skandapitā pātu hastau me giriśo'vatu || 5||

नखान् मे गिरिजानाथः पायादङ्गुलिसंयुतान् ।स्तनौ तारापतिः पातु वक्षः पशुपतिर्मम ॥ ६॥

nakhān me girijānāthaḥ pāyādaṅgulisaṃyutān |stanau tārāpatiḥ pātu vakṣaḥ paśupatirmama || 6||

कुक्षिं कुबेरवरदः पार्श्वौ मे मारशासनः ।शर्वः पातु तथा नाभिं शूली पृष्ठं ममावतु ॥ ७॥

kukṣiṃ kuberavaradaḥ pārśvau me māraśāsanaḥ |śarvaḥ pātu tathā nābhiṃ śūlī pṛṣṭhaṃ mamāvatu || 7||

शिश्र्नं मे शङ्करः पातु गुह्यं गुह्यकवल्लभः ।कटिं कालान्तकः पायादूरू मेऽन्धकघातकः ॥ ८॥

śiśrnaṃ me śaṅkaraḥ pātu guhyaṃ guhyakavallabhaḥ |kaṭiṃ kālāntakaḥ pāyādūrū me'ndhakaghātakaḥ || 8||

जागरूकोऽवताज्जानू जङ्घे मे कालभैरवः ।गुल्फो पायाज्जटाधारी पादौ मृत्युञ्जयोऽवतु ॥ ९॥

jāgarūko'vatājjānū jaṅghe me kālabhairavaḥ |gulpho pāyājjaṭādhārī pādau mṛtyuñjayo'vatu || 9||

पादादिमूर्धपर्यन्तमघोरः पातु मे सदा ।शिरसः पादपर्यन्तं सद्योजातो ममावतु ॥ १०॥

pādādimūrdhaparyantamaghoraḥ pātu me sadā |śirasaḥ pādaparyantaṃ sadyojāto mamāvatu || 10||

रक्षाहीनं नामहीनं वपुः पात्वमृतेश्वरः ।पूर्वे बलविकरणो दक्षिणे कालशासनः ॥ ११॥

rakṣāhīnaṃ nāmahīnaṃ vapuḥ pātvamṛteśvaraḥ |pūrve balavikaraṇo dakṣiṇe kālaśāsanaḥ || 11||

पश्चिमे पार्वतीनाथो ह्युत्तरे मां मनोन्मनः ।ऐशान्यामीश्वरः पायादाग्नेय्यामग्निलोचनः ॥ १२॥

paścime pārvatīnātho hyuttare māṃ manonmanaḥ |aiśānyāmīśvaraḥ pāyādāgneyyāmagnilocanaḥ || 12||

नैरृत्यां शम्भुरव्यान्मां वायव्यां वायुवाहनः ।ऊर्ध्वे बलप्रमथनः पाताले परमेश्वरः ॥ १३॥

nairṛtyāṃ śambhuravyānmāṃ vāyavyāṃ vāyuvāhanaḥ |ūrdhve balapramathanaḥ pātāle parameśvaraḥ || 13||

दशदिक्षु सदा पातु महामृत्युञ्जयश्च माम् ।रणे राजकुले द्यूते विषमे प्राणसंशये ॥ १४॥

daśadikṣu sadā pātu mahāmṛtyuñjayaśca mām |raṇe rājakule dyūte viṣame prāṇasaṃśaye || 14||

पायाद् ओं जूं महारुद्रो देवदेवो दशाक्षरः ।प्रभाते पातु मां ब्रह्मा मध्याह्ने भैरवोऽवतु ॥ १५॥

pāyād oṃ jūṃ mahārudro devadevo daśākṣaraḥ |prabhāte pātu māṃ brahmā madhyāhne bhairavo'vatu || 15||

सायं सर्वेश्वरः पातु निशायां नित्यचेतनः ।अर्धरात्रे महादेवो निशान्ते मां महोमयः ॥ १६॥

sāyaṃ sarveśvaraḥ pātu niśāyāṃ nityacetanaḥ |ardharātre mahādevo niśānte māṃ mahomayaḥ || 16||

सर्वदा सर्वतः पातु ॐ जूं सः हौं मृत्युञ्जयः ।इतीदं कवचं पुण्यं त्रिषु लोकेषु दुर्लभम् ॥ १७॥

sarvadā sarvataḥ pātu oṃ jūṃ saḥ hauṃ mṛtyuñjayaḥ |itīdaṃ kavacaṃ puṇyaṃ triṣu lokeṣu durlabham || 17||

फलश्रुतिसर्वमन्त्रमयं गुह्यं सर्वतन्त्रेषु गोपितम् ।पुण्यं पुण्यप्रदं दिव्यं देवदेवाधिदैवतम् ॥ १८॥

phalaśrutisarvamantramayaṃ guhyaṃ sarvatantreṣu gopitam |puṇyaṃ puṇyapradaṃ divyaṃ devadevādhidaivatam || 18||

य इदं च पठेन्मन्त्री कवचं वार्चयेत् ततः ।तस्य हस्ते महादेवि त्र्यम्बकस्याष्ट सिद्धयः ॥ १९॥

ya idaṃ ca paṭhenmantrī kavacaṃ vārcayet tataḥ |tasya haste mahādevi tryambakasyāṣṭa siddhayaḥ || 19||

रणे धृत्वा चरेद्युद्धं हत्वा शत्रूञ्जयं लभेत् ।जयं कृत्वा गृहं देवि सम्प्राप्स्यति सुखी पुनः ॥ २०॥

raṇe dhṛtvā caredyuddhaṃ hatvā śatrūñjayaṃ labhet |jayaṃ kṛtvā gṛhaṃ devi samprāpsyati sukhī punaḥ || 20||

महाभये महारोगे महामारीभये तथा ।दुर्भिक्षे शत्रुसंहारे पठेत् कवचमादरात् ॥ २१॥

mahābhaye mahāroge mahāmārībhaye tathā |durbhikṣe śatrusaṃhāre paṭhet kavacamādarāt || 21||

सर्व तत् प्रशमं याति मृत्युञ्जयप्रसादतः ।धनं पुत्रान् सुखं लक्ष्मीमारोग्यं सर्वसम्पदः ॥ २२॥

sarva tat praśamaṃ yāti mṛtyuñjayaprasādataḥ |dhanaṃ putrān sukhaṃ lakṣmīmārogyaṃ sarvasampadaḥ || 22||

प्राप्नोति साधकः सद्यो देवि सत्यं न संशयःइतीदं कवचं पुण्यं महामृत्युञ्जयस्य तु ।गोप्यं सिद्धिप्रदं गुह्यं गोपनीयं स्वयोनिवत् ॥ २३॥

prāpnoti sādhakaḥ sadyo devi satyaṃ na saṃśayaḥitīdaṃ kavacaṃ puṇyaṃ mahāmṛtyuñjayasya tu |gopyaṃ siddhipradaṃ guhyaṃ gopanīyaṃ svayonivat || 23||

। इति श्रीरुद्रयामले तन्त्रे श्रीदेवीरहस्येमृत्युञ्जयकवचं सम्पूर्णम् ।

| iti śrīrudrayāmale tantre śrīdevīrahasyemṛtyuñjayakavacaṃ sampūrṇam |