महालिङ्गाष्टकम् Mahalinga Ashtakam

महालिङ्गं महादेवं महेश्वरमुमापतिम् ।साम्बं मध्यार्जुनेशं तं गुरुं देवं नतोऽस्म्यहम् ॥ १॥

mahāliṅgaṃ mahādevaṃ maheśvaramumāpatim |sāmbaṃ madhyārjuneśaṃ taṃ guruṃ devaṃ nato'smyaham || 1||

ज्योतिरूपं कृष्णरूपं सर्वरूपं जगत्पतिम् ।इष्टार्थसिद्धिदं शम्भुं महालिङ्गं नतोऽस्म्यहम् ॥ २॥

jyotirūpaṃ kṛṣṇarūpaṃ sarvarūpaṃ jagatpatim |iṣṭārthasiddhidaṃ śambhuṃ mahāliṅgaṃ nato'smyaham || 2||

काशिक्षेत्रसमानञ्च कैलासादधिकं प्रियम् ।शाश्वतस्थिरवासं च महालिङ्गं नतोऽस्म्यहम् ॥ ३॥

kāśikṣetrasamānañca kailāsādadhikaṃ priyam |śāśvatasthiravāsaṃ ca mahāliṅgaṃ nato'smyaham || 3||

बृहद्कुचाम्बासहितं मूकाम्बा तपसाफलम् ।गणाध्यक्षं षण्मुखञ्च महालिङ्गं नतोऽस्म्यहम् ॥ ४॥

bṛhadkucāmbāsahitaṃ mūkāmbā tapasāphalam |gaṇādhyakṣaṃ ṣaṇmukhañca mahāliṅgaṃ nato'smyaham || 4||

प्रदक्षिणादश्वमेधं नमनात्वाजपेयकम् ।स्तोत्रात्श्रीराजसूयाख्यं स्मराणत्मुक्तिदायकम् ॥ ५॥

pradakṣiṇādaśvamedhaṃ namanātvājapeyakam |stotrātśrīrājasūyākhyaṃ smarāṇatmuktidāyakam || 5||

क्षेत्रवासश्च निर्मुक्त तीर्थस्नानैः सदा शुचि ।पञ्चाक्षरजपाश्चैव महालिङ्गं प्रतुष्यति ॥ ६॥

kṣetravāsaśca nirmukta tīrthasnānaiḥ sadā śuci |pañcākṣarajapāścaiva mahāliṅgaṃ pratuṣyati || 6||

यः प्रदोष महालिङ्गं रुद्रजापात्प्रदोषयेत् ।स सर्वरोगनिर्मुक्त शतायुस्सुखमेततु ॥ ७॥

yaḥ pradoṣa mahāliṅgaṃ rudrajāpātpradoṣayet |sa sarvaroganirmukta śatāyussukhametatu || 7||

दर्शनात्सर्वपापघ्नं नमनात्वाञ्छितप्रदम् ।स्मरणान्सर्वसायुज्यं महालिङ्गं नतोऽस्म्यहम् ॥ ८॥

darśanātsarvapāpaghnaṃ namanātvāñchitapradam |smaraṇānsarvasāyujyaṃ mahāliṅgaṃ nato'smyaham || 8||

महालिङ्गाष्टकं स्तोत्रं कृतं कष्टौघनाशनम् ।महालिङ्गप्रेरितेन गोपालेन कृतं शुभम् ॥ ९॥

mahāliṅgāṣṭakaṃ stotraṃ kṛtaṃ kaṣṭaughanāśanam |mahāliṅgapreritena gopālena kṛtaṃ śubham || 9||

इति महालिङ्गाष्टकं सम्पूर्णम् ।

iti mahāliṅgāṣṭakaṃ sampūrṇam |