महामृत्युञ्जयाष्टकम् १ Mahamrityunjaya Ashtakam
mahāmṛtyuñjayāṣṭakam 1
Mahamrityunjaya Ashtakam (महामृत्युञ्जयाष्टकम् १): an eight-verse hymn (aṣṭaka) to Śiva. 12 verses in Sanskrit with Devanagari and IAST.
- Stotra
- Aṣṭakam
- Śiva
- Ashtaka
महामृत्युञ्जयाष्टकम् १
1 / 12
ॐ मृत्युञ्जय ! परेशान जगदामयनाशन ! ।तव ध्यानेन देवेश ! मृत्युं प्राप्तोऽपि जीवति ॥ १॥
oṃ mṛtyuñjaya ! pareśāna jagadāmayanāśana ! |tava dhyānena deveśa ! mṛtyuṃ prāpto'pi jīvati || 1||
पञ्चास्यदोर्द्दण्डदशाङ्घ्रिनेमदिनेशभालेन्दुयुतं गणेशैः ।वामाङ्गसंस्थागिरिजासमेतं वन्दे महामृत्युविनाशरूपम् ॥ २॥
pañcāsyadorddaṇḍadaśāṅghrinemadineśabhālenduyutaṃ gaṇeśaiḥ |vāmāṅgasaṃsthāgirijāsametaṃ vande mahāmṛtyuvināśarūpam || 2||
देवं मृत्युविनाशनं भयहरं साम्राज्यमुक्तिप्रदंनानाभूतगणान्वितं दिवि पदैर्देवैः सदा सेवितम् ।अज्ञानान्धकनाशनं शुभकरं विद्यासुसौख्यप्रदंसर्वं सर्वपतिं महेश्वरहरं मृत्युञ्जयं भावये ॥ ३॥
devaṃ mṛtyuvināśanaṃ bhayaharaṃ sāmrājyamuktipradaṃnānābhūtagaṇānvitaṃ divi padairdevaiḥ sadā sevitam |ajñānāndhakanāśanaṃ śubhakaraṃ vidyāsusaukhyapradaṃsarvaṃ sarvapatiṃ maheśvaraharaṃ mṛtyuñjayaṃ bhāvaye || 3||
वन्दे ईशानदेवाय नमस्तस्मै पिनाकिने ।आदिमध्यान्तरूपाय मृत्युनाशं करोतु मे ॥ ४॥
vande īśānadevāya namastasmai pinākine |ādimadhyāntarūpāya mṛtyunāśaṃ karotu me || 4||
नमस्तस्मै भगवते कैलासाचलवासिने ।नमो ब्रह्मेन्द्ररूपाय मृत्युञ्जय प्रसीद मे ॥ ५॥
namastasmai bhagavate kailāsācalavāsine |namo brahmendrarūpāya mṛtyuñjaya prasīda me || 5||
नमो विष्ण्वर्करूपाय नमो ज्ञानस्वरूपिणे ।मृत्युं नाशयतामाशु मृत्युञ्जय प्रसीद मे ॥ ६॥
namo viṣṇvarkarūpāya namo jñānasvarūpiṇe |mṛtyuṃ nāśayatāmāśu mṛtyuñjaya prasīda me || 6||
त्र्यम्बकाय नमस्तुभ्यं पञ्चास्याय नमो नमः ।दोर्द्दण्डचापाय नमो मम मृत्युं विनाशय ॥ ७॥
tryambakāya namastubhyaṃ pañcāsyāya namo namaḥ |dorddaṇḍacāpāya namo mama mṛtyuṃ vināśaya || 7||
नमोऽर्धेन्दुस्वरूपाय नमो दिग्वसनाय च ।नमो भक्तार्तिहन्त्रे च मम मृत्युं विनाशय ॥ ८॥
namo'rdhendusvarūpāya namo digvasanāya ca |namo bhaktārtihantre ca mama mṛtyuṃ vināśaya || 8||
मृत्युञ्जयाष्टकं दिव्यं त्रिकाले यः पठेन्नरः ।अपमृत्युर्व्रजेत्तस्य सत्यं सत्यं शिवाज्ञया ॥ ९॥
mṛtyuñjayāṣṭakaṃ divyaṃ trikāle yaḥ paṭhennaraḥ |apamṛtyurvrajettasya satyaṃ satyaṃ śivājñayā || 9||
अर्धरात्रे जपेन्नित्यं चतुरशीतिसङ्ख्यया ।काले मृत्युर्विनश्येत अकालाल्पस्य का कथा ॥ १०॥
ardharātre japennityaṃ caturaśītisaṅkhyayā |kāle mṛtyurvinaśyeta akālālpasya kā kathā || 10||
आलस्येनाप्रसङ्गेन श्रद्धाहीनेन चेतसा ।पठेद्यद्यप्यकालेषु ध्रुवं मृत्युं निवारयेत् ॥ ११॥
ālasyenāprasaṅgena śraddhāhīnena cetasā |paṭhedyadyapyakāleṣu dhruvaṃ mṛtyuṃ nivārayet || 11||
॥ इति महामृत्युञ्जयाष्टकम् ॥
|| iti mahāmṛtyuñjayāṣṭakam ||
॥ इति महामृत्युञ्जयाष्टकम् १ सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Mahamrityunjaya Ashtakam?
Mahamrityunjaya Ashtakam has 12 verses on this page, each shown with its number, Devanagari text and transliteration, and meaning where available.
Can I read Mahamrityunjaya Ashtakam in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Mahamrityunjaya Ashtakam?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
