महादेवस्तुतिः Mahadeva Stuti by Kuleshvara Pandya

कुलेश्वरःमहानीपारण्यान्तरकनकपद्माकरतटीमहेन्द्रानीताष्टद्विपधृतविमानोदवसितम् ।महालीलाभूतिप्रकटितविशिष्टात्मविभवंमहादेवं वन्दे मधुरशफराक्षीसहचरम् ॥ १॥

kuleśvaraḥmahānīpāraṇyāntarakanakapadmākarataṭīmahendrānītāṣṭadvipadhṛtavimānodavasitam |mahālīlābhūtiprakaṭitaviśiṣṭātmavibhavaṃmahādevaṃ vande madhuraśapharākṣīsahacaram || 1||

महामातङ्गासृग्धरवसनमद्रीन्द्रतनयामहाभाग्यं मत्तान्धककरटिकण्ठीरववरम् ।महाभोगीन्द्रोद्यत्फणमणिगणालङ्कृततनुंमहादेवं वन्दे मधुर शफराक्षीसहचरम् ॥ २॥

mahāmātaṅgāsṛgdharavasanamadrīndratanayāmahābhāgyaṃ mattāndhakakaraṭikaṇṭhīravavaram |mahābhogīndrodyatphaṇamaṇigaṇālaṅkṛtatanuṃmahādevaṃ vande madhura śapharākṣīsahacaram || 2||

महादुग्धाम्भोधौ मथन जव सम्भूतमसितंमहाहालं कण्ठे सकलभयभङ्गाय दधतम् ।महाकारुण्याब्धिं मधुमथनदृग्दूरचरणंमहादेवं वन्दे मधुर शफराक्षीसहचरम् ॥ ३॥

mahādugdhāmbhodhau mathana java sambhūtamasitaṃmahāhālaṃ kaṇṭhe sakalabhayabhaṅgāya dadhatam |mahākāruṇyābdhiṃ madhumathanadṛgdūracaraṇaṃmahādevaṃ vande madhura śapharākṣīsahacaram || 3||

नमन्नालीकाम्बुजभवशुनासीरमकुटीलसन्माणिक्यांशुस्फुरदरुणपादाब्जयुगलम् ।अमन्दानन्दाब्धिं हरिनयनपद्मार्चितपदंमहादेवं वन्दे मधुर शफराक्षीसहचरम् ॥ ४॥

namannālīkāmbujabhavaśunāsīramakuṭīlasanmāṇikyāṃśusphuradaruṇapādābjayugalam |amandānandābdhiṃ harinayanapadmārcitapadaṃmahādevaṃ vande madhura śapharākṣīsahacaram || 4||

समीराहारेन्द्राङ्गदमखिललोकैकजनकंसमीराहारात्मप्रवणजनहृत्पद्मनिलयम् ।सुमीनाक्षीवक्त्राम्बुजतरुणसूर्यं सुमनसंमहादेवं वन्दे मधुरशफराक्षी सहचरम् ॥ ५॥

samīrāhārendrāṅgadamakhilalokaikajanakaṃsamīrāhārātmapravaṇajanahṛtpadmanilayam |sumīnākṣīvaktrāmbujataruṇasūryaṃ sumanasaṃmahādevaṃ vande madhuraśapharākṣī sahacaram || 5||

नताघौधारण्यानलमनिलभुङ्नाथवलयंसुधांशोरर्धाशं शिरसि दधतं जह्नुसुतया ।वदान्यानामाद्यं वरविबुधवन्द्यं वरगुणंमहादेवं वन्दे मधुर शफराक्षीसहचरम् ॥ ६॥

natāghaudhāraṇyānalamanilabhuṅnāthavalayaṃsudhāṃśorardhāśaṃ śirasi dadhataṃ jahnusutayā |vadānyānāmādyaṃ varavibudhavandyaṃ varaguṇaṃmahādevaṃ vande madhura śapharākṣīsahacaram || 6||

दशास्याहङ्कारद्रुमकुलिशिताङ्गुष्ठनखरंनिशानाथश्रीजिन्निजवदनबिम्बं निरवधिम् ।विशालाक्षं विश्वप्रभवभरणापायकरणंमहादेवं वन्दे मधुर शफराक्षीसहचरम् ॥ ७॥

daśāsyāhaṅkāradrumakuliśitāṅguṣṭhanakharaṃniśānāthaśrījinnijavadanabimbaṃ niravadhim |viśālākṣaṃ viśvaprabhavabharaṇāpāyakaraṇaṃmahādevaṃ vande madhura śapharākṣīsahacaram || 7||

अनाकारं हारीकृतभुजगराजं पुरहरंसनाथं शर्वाण्या सरसिरुहपत्रायतदृशम् ।दिनारम्भादित्यायुतशतनिभानन्दवपुषंमहादेवं वन्दे मधुरशफराक्षी सहचरम् ॥ ८॥

anākāraṃ hārīkṛtabhujagarājaṃ puraharaṃsanāthaṃ śarvāṇyā sarasiruhapatrāyatadṛśam |dinārambhādityāyutaśatanibhānandavapuṣaṃmahādevaṃ vande madhuraśapharākṣī sahacaram || 8||

उमापीनोत्तुङ्गस्तनतटलसत्कुङ्कुमरजस्समाहारात्यन्तारुणविपुलदोरन्तरतलम् ।रमावाणीन्द्राणीरतिविरचिताराधनविधिंमहादेवं वन्दे मधुर शफराक्षीसहचरम् ॥ ९॥

umāpīnottuṅgastanataṭalasatkuṅkumarajassamāhārātyantāruṇavipuladorantaratalam |ramāvāṇīndrāṇīrativiracitārādhanavidhiṃmahādevaṃ vande madhura śapharākṣīsahacaram || 9||

धरापाथस्स्वाहासहचरजगत्प्राणशशभृत्सुराध्वाहर्नाथाध्वरकरशरीरं शशिधरम् ।सुराहारास्वादातिशयिनिजवाचं सुखकरंमहादेवं वन्दे मधुरशफराक्षी सहचरम् ॥ १०॥

dharāpāthassvāhāsahacarajagatprāṇaśaśabhṛtsurādhvāharnāthādhvarakaraśarīraṃ śaśidharam |surāhārāsvādātiśayinijavācaṃ sukhakaraṃmahādevaṃ vande madhuraśapharākṣī sahacaram || 10||

धरापीठं धाराधरकलशमाकाशवपुषंधराभृद्दोर्दण्डं तपनशशिवैश्वानरदृशम् ।विराजन्नक्षत्रप्रसवमुदरीभूतजलधिंमहादेवं वन्दे मधुरशफराक्षीसहचरम् ॥ ११॥

dharāpīṭhaṃ dhārādharakalaśamākāśavapuṣaṃdharābhṛddordaṇḍaṃ tapanaśaśivaiśvānaradṛśam |virājannakṣatraprasavamudarībhūtajaladhiṃmahādevaṃ vande madhuraśapharākṣīsahacaram || 11||

सुपर्णाकाङ्काम्भोजासनदृगतिदूराङ्घ्रिशिरसंसुपर्णाहारस्रक्सुरविटपि शाखायतभुजम् ।अपर्णापादाब्जातिचलित चन्द्रार्द्धमकुटंमहादेवं वन्दे मधुर शफराक्षीसहचरम् ॥ १२॥

suparṇākāṅkāmbhojāsanadṛgatidūrāṅghriśirasaṃsuparṇāhārasraksuraviṭapi śākhāyatabhujam |aparṇāpādābjāticalita candrārddhamakuṭaṃmahādevaṃ vande madhura śapharākṣīsahacaram || 12||

मखारातिं मन्दस्मितमधुरबिम्बाधरलसन्मुखाम्भोजं मुग्धामृतकिरणचूडामणिधरम् ।नखाकृष्टेभत्वक्परिवृतशरीरं पशुपतिंमहादेवं वन्दे मधुर शफराक्षीसहचरम् ॥ १३॥

makhārātiṃ mandasmitamadhurabimbādharalasanmukhāmbhojaṃ mugdhāmṛtakiraṇacūḍāmaṇidharam |nakhākṛṣṭebhatvakparivṛtaśarīraṃ paśupatiṃmahādevaṃ vande madhura śapharākṣīsahacaram || 13||

सहस्राब्जैकोने निजनयनमुद्धृत्य यजतेसहस्राख्यापूर्त्यै सरसिजदृशे येन कृपया ।सहस्रारं दत्तं तपननियुताभं रथपदंमहादेवं वन्दे मधुर शफराक्षीसहचरम् ॥ १४॥

sahasrābjaikone nijanayanamuddhṛtya yajatesahasrākhyāpūrtyai sarasijadṛśe yena kṛpayā |sahasrāraṃ dattaṃ tapananiyutābhaṃ rathapadaṃmahādevaṃ vande madhura śapharākṣīsahacaram || 14||

रथावन्याम्नायाश्वमजरथकारं रणपटुंरथाङ्गादित्येन्दुं रथपदधरास्रं रथिवरम् ।रथाधारेष्वासं रथधरगुणं रम्यफलदंमहादेवं वन्दे मधुर शफराक्षीसहचरम् ॥ १५॥

rathāvanyāmnāyāśvamajarathakāraṃ raṇapaṭuṃrathāṅgādityenduṃ rathapadadharāsraṃ rathivaram |rathādhāreṣvāsaṃ rathadharaguṇaṃ ramyaphaladaṃmahādevaṃ vande madhura śapharākṣīsahacaram || 15||

धराकर्षापास्त प्रचुरभुजकण्डूयनजलन्धराहार्यद्वैधीकरणहृत लोकत्रयभयम् ।स्मराकाराहाराकलनपटुफालानलकणंमहादेवं वन्दे मधुरशफराक्षीसहचरम् ॥ १६॥

dharākarṣāpāsta pracurabhujakaṇḍūyanajalandharāhāryadvaidhīkaraṇahṛta lokatrayabhayam |smarākārāhārākalanapaṭuphālānalakaṇaṃmahādevaṃ vande madhuraśapharākṣīsahacaram || 16||

अगस्त्यःइदं सुन्दरनाथस्य स्तोत्रं भक्त्या पठन्ति ये ।श्रिया परमया युक्ताः शिवमन्ते भजन्ति ते ॥ १७॥

agastyaḥidaṃ sundaranāthasya stotraṃ bhaktyā paṭhanti ye |śriyā paramayā yuktāḥ śivamante bhajanti te || 17||

सुन्दरेश्वरमीशानं सुमीनाक्षीसुनायकम् ।कुलेश्वरमहीपाल इति स्तोत्रैरतोषयत् ॥ १८॥

sundareśvaramīśānaṃ sumīnākṣīsunāyakam |kuleśvaramahīpāla iti stotrairatoṣayat || 18||

अथ वाचाऽशरीरिण्या शङ्करस्सुन्दरेश्वरः ।स्तोत्रप्रियः प्रियादाह भूपतिं पुरतः स्थितम् ॥ १९॥

atha vācā'śarīriṇyā śaṅkarassundareśvaraḥ |stotrapriyaḥ priyādāha bhūpatiṃ purataḥ sthitam || 19||

इति कुलेशपाण्ड्यकृता स्तुतिः समाप्ता ।श्रीस्कान्दे महापुराणे अगस्त्यसंहितायांहालास्यमाहात्म्ये अध्यायः ६२ लीला ५६ श्लोकानि ४८६३(शिवलीलार्णवतः)

iti kuleśapāṇḍyakṛtā stutiḥ samāptā |śrīskānde mahāpurāṇe agastyasaṃhitāyāṃhālāsyamāhātmye adhyāyaḥ 62 līlā 56 ślokāni 4863(śivalīlārṇavataḥ)