हालास्येशाष्टकम् अथवा कुण्डोदरस्तुतिः Halasyesha Ashtakam
hālāsyeśāṣṭakam athavā kuṇḍodarastutiḥ
Halasyesha Ashtakam (हालास्येशाष्टकम् अथवा कुण्डोदरस्तुतिः): an eight-verse hymn (aṣṭaka) to Śiva. 10 verses in Sanskrit with Devanagari and IAST.
- Stotra
- Aṣṭakam
- Śiva
- Ashtaka
हालास्येशाष्टकम् अथवा कुण्डोदरस्तुतिः
1 / 10
शैलाधीशसुतासहाय सकलाम्नायान्तवेद्य प्रभो!शूलोग्राग्रविदारितान्धक सुरारातीन्द्रवक्षस्थल ।कालातीत! कलाविलास! कुशल त्रायेत ते सन्ततंहालास्येश कृपाकटाक्षलहरी मामापदामास्पदम् ॥ १॥
śailādhīśasutāsahāya sakalāmnāyāntavedya prabho!śūlogrāgravidāritāndhaka surārātīndravakṣasthala |kālātīta! kalāvilāsa! kuśala trāyeta te santataṃhālāsyeśa kṛpākaṭākṣalaharī māmāpadāmāspadam || 1||
कोलाच्छच्छद्मरूपमाधव सुरज्येष्ठातिदूराङ्घ्रिक!नीलार्धाङ्ग! निवेशनिर्जरधुनीभास्वज्जटामण्डल!।कैलासाचलवास! कार्मुकहर! त्रायेत ते सन्ततंहालास्येश कृपाकटाक्षलहरी मामापदामास्पदम् ॥ २॥
kolācchacchadmarūpamādhava surajyeṣṭhātidūrāṅghrika!nīlārdhāṅga! niveśanirjaradhunībhāsvajjaṭāmaṇḍala!|kailāsācalavāsa! kārmukahara! trāyeta te santataṃhālāsyeśa kṛpākaṭākṣalaharī māmāpadāmāspadam || 2||
फालाक्षिप्रभवप्रभञ्जनसख प्रोद्यत्स्फुलिङ्गच्छटातूलानङ्गकचारुसंहनन सन्मीनेक्षणावल्लभ ।शैलादिप्रमुखैर्गणैः स्तुतगुण त्रायेत ते सन्ततंहालास्येश कृपाकटाक्षलहरी मामापदामास्पदम् ॥ ३॥
phālākṣiprabhavaprabhañjanasakha prodyatsphuliṅgacchaṭātūlānaṅgakacārusaṃhanana sanmīnekṣaṇāvallabha |śailādipramukhairgaṇaiḥ stutaguṇa trāyeta te santataṃhālāsyeśa kṛpākaṭākṣalaharī māmāpadāmāspadam || 3||
मालाकल्पितमालुधानफणसन्माणिक्यभास्वत्तनोमूलाधार! जगत्त्रयस्य मुरजिन्नेत्रारविन्दार्चित ।सालाकारभुजासहस्र! गिरिश! त्रायेत ते सन्ततंहालास्येश कृपाकटाक्षलहरी मामापदामास्पदम् ॥ ४॥
mālākalpitamāludhānaphaṇasanmāṇikyabhāsvattanomūlādhāra! jagattrayasya murajinnetrāravindārcita |sālākārabhujāsahasra! giriśa! trāyeta te santataṃhālāsyeśa kṛpākaṭākṣalaharī māmāpadāmāspadam || 4||
बालादित्यसहस्रकोटिसदृशोद्यद्वेगवत्यापगावेलाभूमिविहारनिष्ठ! विबुधस्रोतस्विनीशेखर! ।बालावर्ण्यकवित्वभूमिसुखद! त्रायेत ते सन्ततंहालास्येश कृपाकटाक्षलहरी मामापदामास्पदम् ॥ ५॥
bālādityasahasrakoṭisadṛśodyadvegavatyāpagāvelābhūmivihāraniṣṭha! vibudhasrotasvinīśekhara! |bālāvarṇyakavitvabhūmisukhada! trāyeta te santataṃhālāsyeśa kṛpākaṭākṣalaharī māmāpadāmāspadam || 5||
कीलालावनिपावकानिलनभश्चन्द्रार्कयज्वाकृते!कीलानेकसहस्रसङ्कुलशिखिस्तम्भस्वरूपामित ।चोळादीष्टगृहाङ्गनाविभवद! त्रायेत ते सन्ततंहालास्येश कृपाकटाक्षलहरी मामापदामास्पदम् ॥ ६॥
kīlālāvanipāvakānilanabhaścandrārkayajvākṛte!kīlānekasahasrasaṅkulaśikhistambhasvarūpāmita |coḷādīṣṭagṛhāṅganāvibhavada! trāyeta te santataṃhālāsyeśa kṛpākaṭākṣalaharī māmāpadāmāspadam || 6||
लीलार्थाञ्जलिमेकमेव चरतां साम्राज्यलक्ष्मीप्रद!स्थूलाशेषचराचरात्मक जगत्स्थूणाष्टमूर्ते! गुरो!।तालाङ्कानुजफल्गुनप्रियकर! त्रायेत ते सन्ततंहालास्येश कृपाकटाक्षलहरी मामापदामास्पदम् ॥ ७॥
līlārthāñjalimekameva caratāṃ sāmrājyalakṣmīprada!sthūlāśeṣacarācarātmaka jagatsthūṇāṣṭamūrte! guro!|tālāṅkānujaphalgunapriyakara! trāyeta te santataṃhālāsyeśa kṛpākaṭākṣalaharī māmāpadāmāspadam || 7||
हालास्यागतदेवदैत्यमुनिसङ्गीतापदानक्वणत्तूलाकोटिमनोहराङ्घ्रिकमलानन्दापवर्गप्रद ।श्रीलीलाकर! पद्मनाभ! वरद! त्रायेत ते सन्ततंहालास्येश कृपाकटाक्षलहरी मामापदामास्पदम् ॥ ८॥
hālāsyāgatadevadaityamunisaṅgītāpadānakvaṇattūlākoṭimanoharāṅghrikamalānandāpavargaprada |śrīlīlākara! padmanābha! varada! trāyeta te santataṃhālāsyeśa kṛpākaṭākṣalaharī māmāpadāmāspadam || 8||
लीलानादरमोहतः कपटतो यद्वा कदम्बाटवीहालास्याधिपतीष्टमष्टकमिदं सर्वेष्टसन्दोहनम् ।आलापानफलान्विहाय सततं सङ्कीर्तयन्तीह येते लाक्षार्द्रपदाबलाभिरखिलान् भोगान् लभन्ते सदा ॥ ९॥
līlānādaramohataḥ kapaṭato yadvā kadambāṭavīhālāsyādhipatīṣṭamaṣṭakamidaṃ sarveṣṭasandohanam |ālāpānaphalānvihāya satataṃ saṅkīrtayantīha yete lākṣārdrapadābalābhirakhilān bhogān labhante sadā || 9||
इति श्रीहालास्येशाष्टकं सम्पूर्णम् ।
iti śrīhālāsyeśāṣṭakaṃ sampūrṇam |
॥ इति हालास्येशाष्टकम् अथवा कुण्डोदरस्तुतिः सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Halasyesha Ashtakam?
Halasyesha Ashtakam has 10 verses on this page, each shown with its number, Devanagari text and transliteration, and meaning where available.
Can I read Halasyesha Ashtakam in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Halasyesha Ashtakam?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
