शिवस्तुतिः हरदत्तकृता परशिवस्तोत्रम् Haradattakrita Shiva Stuti

(शिवरहस्यान्तर्गते सदाशिवाख्ये)हरदत्त उवाच ।महादेवो देवः श्रुतिशिखरमौलिस्थवचनैस्तथान्ये विष्ण्वाद्याविधिहरिहरेन्द्रानलयमाः ।महादेवाज्जाताः शृणुत वरसोमेन जनिताअतो वेदैर्वेद्यो भवति शिव एकः शिवकरः ॥ ६३॥

(śivarahasyāntargate sadāśivākhye)haradatta uvāca |mahādevo devaḥ śrutiśikharamaulisthavacanaistathānye viṣṇvādyāvidhihariharendrānalayamāḥ |mahādevājjātāḥ śṛṇuta varasomena janitāato vedairvedyo bhavati śiva ekaḥ śivakaraḥ || 63||

मखानामेवायं प्रभुरखिलविश्वाधिक हरःस वेदादौ चान्ते स्वरजनिततारः परशिवः ।यतो ब्रह्मेन्द्राद्या हरिरविमुखा रुद्रनिवहाःप्रसूता ध्येयोऽयं श्रुतिशिखवाक्यैः परशिवः ॥ ६४॥

makhānāmevāyaṃ prabhurakhilaviśvādhika haraḥsa vedādau cānte svarajanitatāraḥ paraśivaḥ |yato brahmendrādyā hariravimukhā rudranivahāḥprasūtā dhyeyo'yaṃ śrutiśikhavākyaiḥ paraśivaḥ || 64||

ऋतं सत्यं देव पुरुषपरमो भूतहृदयोनमोऽन्तानां शेषी श्रुतिवरमहारुद्रवचसाम् ।रवेरन्तर्ध्येयो भवति स हि भर्गेन(ण)वचसाद्विजैर्गायत्र्यां च प्रतिपदमुपास्यः परशिवः ॥ ६५॥

ṛtaṃ satyaṃ deva puruṣaparamo bhūtahṛdayonamo'ntānāṃ śeṣī śrutivaramahārudravacasām |raverantardhyeyo bhavati sa hi bhargena(ṇa)vacasādvijairgāyatryāṃ ca pratipadamupāsyaḥ paraśivaḥ || 65||

यतो वाचः शम्भोर्भवति च निवृत्ताश्च मनसामहानन्दं यस्माद्भवति जनतास्वेव निपुणम् ।जगद्यस्माज्जातं प्रभवति महेशेन जनितंअतोऽन्ते तस्मिन्यद्द्भवति च विलीनं परशिवे ॥ ६६॥

yato vācaḥ śambhorbhavati ca nivṛttāśca manasāmahānandaṃ yasmādbhavati janatāsveva nipuṇam |jagadyasmājjātaṃ prabhavati maheśena janitaṃato'nte tasminyaddbhavati ca vilīnaṃ paraśive || 66||

द्विजानां जाबालश्रुतिगदितवर्णाश्रमविधिःमहात्रैविध्योक्तः श्रुतिगदितवर्णाश्रमविधिः ।शिवस्यार्चालिङ्गे श्रुतिगदितभस्माक्षविधृतिर्जपो रुद्रस्यायं श्रुतिगदितपञ्चाक्षरमनोः ॥ ६७॥

dvijānāṃ jābālaśrutigaditavarṇāśramavidhiḥmahātraividhyoktaḥ śrutigaditavarṇāśramavidhiḥ |śivasyārcāliṅge śrutigaditabhasmākṣavidhṛtirjapo rudrasyāyaṃ śrutigaditapañcākṣaramanoḥ || 67||

विष्णुब्रह्मानन्द्रा मुनिनृपदितिजा यस्य लिङ्गार्चनाद्वैसम्प्राप्ताः पदवीं सदैव मुदितास्तैः कर्मदेवा जनाः ।एतत्सत्यमहो त्रिसत्यमधुना वच्मीदमग्नीशितुःसान्निध्ये निवसामितत्सुखमहं पद्मेवतत्पायसे ॥ ६०॥

viṣṇubrahmānandrā muninṛpaditijā yasya liṅgārcanādvaisamprāptāḥ padavīṃ sadaiva muditāstaiḥ karmadevā janāḥ |etatsatyamaho trisatyamadhunā vacmīdamagnīśituḥsānnidhye nivasāmitatsukhamahaṃ padmevatatpāyase || 60||

इत्युक्त्वा हरदत्तकस्त्रिजगतीनाथं प्रणम्यादरान्निस्तीर्णः सुमहायसोरुशयनादुत्तीर्य राज्ञार्चितः ।शौवेन्द्रैर्हरभक्तिभावजनितैः सानन्दबाष्पाम्बुभिःलोकैः साध्विति नन्दितो हरकृपापीयूषवारान्निधौ ॥ ६९॥

ityuktvā haradattakastrijagatīnāthaṃ praṇamyādarānnistīrṇaḥ sumahāyasoruśayanāduttīrya rājñārcitaḥ |śauvendrairharabhaktibhāvajanitaiḥ sānandabāṣpāmbubhiḥlokaiḥ sādhviti nandito harakṛpāpīyūṣavārānnidhau || 69||

॥ इति शिवरहस्यान्तर्गते हरदत्तकृता शिवस्तुतिः सम्पूर्णा ॥॥ श्रीशिवरहस्यम् । सदाशिवाख्यः नवमांशः । अध्यायः १७ गौरीहरदत्तचरितम् । ६३६९॥

|| iti śivarahasyāntargate haradattakṛtā śivastutiḥ sampūrṇā |||| śrīśivarahasyam | sadāśivākhyaḥ navamāṃśaḥ | adhyāyaḥ 17 gaurīharadattacaritam | 6369||

– ॥ श्रीशिवरहस्यम् ।सदाशिवाख्यः नवमांशः ।अध्यायः १७ गौरीहरदत्तचरितम् ।६३-६९॥

– || śrīśivarahasyam |sadāśivākhyaḥ navamāṃśaḥ |adhyāyaḥ 17 gaurīharadattacaritam | 63-69||