गिरीशस्तोत्रम् Girisha Stotram

श्रीगणेशाय नमः ।शिरोगाङ्गवासं जटाजूटभासंमनोजादिनाशं सदादिग्विकासम् ।हरं चाम्बिकेशं शिवेशं महेशंशिवं चन्द्रभालं गिरीशं प्रणौमि ॥ १॥

śrīgaṇeśāya namaḥ |śirogāṅgavāsaṃ jaṭājūṭabhāsaṃmanojādināśaṃ sadādigvikāsam |haraṃ cāmbikeśaṃ śiveśaṃ maheśaṃśivaṃ candrabhālaṃ girīśaṃ praṇaumi || 1||

सदाविघ्नदारं गले नागहारंमनोजप्रहारं तनौभस्मभारम् ।महापापहारं प्रभुं कान्तिधारंशिवं चन्द्रभालं गिरीशं प्रणौमि ॥ २॥

sadāvighnadāraṃ gale nāgahāraṃmanojaprahāraṃ tanaubhasmabhāram |mahāpāpahāraṃ prabhuṃ kāntidhāraṃśivaṃ candrabhālaṃ girīśaṃ praṇaumi || 2||

शिवं विश्वनाथं प्रभुं भूतनाथंसुरेशादिनाथं जगन्नाथनाथम् ।रतीनाथनाशङ्करन्देवनाथंशिवं चन्द्रभालं गिरीशं प्रणौमि ॥ ३॥

śivaṃ viśvanāthaṃ prabhuṃ bhūtanāthaṃsureśādināthaṃ jagannāthanātham |ratīnāthanāśaṅkarandevanāthaṃśivaṃ candrabhālaṃ girīśaṃ praṇaumi || 3||

धनेशादितोषं सदाशत्रुकोषंमहामोहशोषं जनान्नित्यपोषम् ।महालोभरोषं शिवानित्यजोषंशिवं चन्द्रभालं गिरीशं प्रणौमि ॥ ४॥

dhaneśāditoṣaṃ sadāśatrukoṣaṃmahāmohaśoṣaṃ janānnityapoṣam |mahālobharoṣaṃ śivānityajoṣaṃśivaṃ candrabhālaṃ girīśaṃ praṇaumi || 4||

ललाटे च बालं शिवं दुष्टकालंसदाभक्तपालं दधानङ्कपालम् ।महाकालकालस्वरूपं करालंशिवं चन्द्रभालं गिरीशं प्रणौमि ॥ ५॥

lalāṭe ca bālaṃ śivaṃ duṣṭakālaṃsadābhaktapālaṃ dadhānaṅkapālam |mahākālakālasvarūpaṃ karālaṃśivaṃ candrabhālaṃ girīśaṃ praṇaumi || 5||

परब्रह्मरूपं विचित्रस्वरूपंसुराणां सुभूपं महाशान्तरूपम् ।गिरीन्द्रात्मजा सङ्गृहीतार्धरूपंशिवं चन्द्रभालं गिरीशं प्रणौमि ॥ ६॥

parabrahmarūpaṃ vicitrasvarūpaṃsurāṇāṃ subhūpaṃ mahāśāntarūpam |girīndrātmajā saṅgṛhītārdharūpaṃśivaṃ candrabhālaṃ girīśaṃ praṇaumi || 6||

सदागङ्गपानं सुमोक्षादिदानंस्वभक्तादिमानं प्रभुं सर्वज्ञानम् ।डमरुं त्रिशूलं कराभ्यां दधानंशिवं चन्द्रभालं गिरीशं प्रणौमि ॥ ७॥

sadāgaṅgapānaṃ sumokṣādidānaṃsvabhaktādimānaṃ prabhuṃ sarvajñānam |ḍamaruṃ triśūlaṃ karābhyāṃ dadhānaṃśivaṃ candrabhālaṃ girīśaṃ praṇaumi || 7||

अजिनादि गोहं रतीनाथमोहंसदाशत्रुद्रोहं शिवं निर्विमोहम् ।विभुं सर्वकालेश्वरं कामद्रोहंशिवं चन्द्रभालं गिरीशं प्रणौमि ॥ ८॥

ajinādi gohaṃ ratīnāthamohaṃsadāśatrudrohaṃ śivaṃ nirvimoham |vibhuṃ sarvakāleśvaraṃ kāmadrohaṃśivaṃ candrabhālaṃ girīśaṃ praṇaumi || 8||

द्विजन्मानुसेवं प्रभुं देवदेवंसदाभूतसेवं गणेशादिदेवम् ।पतङ्गादिदेवं हिरण्यादिदेवंशिवं चन्द्रभालं गिरीशं प्रणौमि ॥ ९॥

dvijanmānusevaṃ prabhuṃ devadevaṃsadābhūtasevaṃ gaṇeśādidevam |pataṅgādidevaṃ hiraṇyādidevaṃśivaṃ candrabhālaṃ girīśaṃ praṇaumi || 9||

अदेवप्रमारं शिवं सर्वसारंनराणां विभारं गणेशादिपारम् ।महारोषहारं ह्यलङ्कारधारंशिवं चन्द्रभालं गिरीशं प्रणौमि ॥ १०॥

adevapramāraṃ śivaṃ sarvasāraṃnarāṇāṃ vibhāraṃ gaṇeśādipāram |mahāroṣahāraṃ hyalaṅkāradhāraṃśivaṃ candrabhālaṃ girīśaṃ praṇaumi || 10||

नरोयस्त्रिकाले पठेद्भक्तियुक्तःशिवं प्राप्य सद्यस्त्रिलोके प्रसिद्धम् ।धनं धान्यपुत्रं कुटुम्बादियुक्तंसमासाद्यमित्रं सुमुक्तिं व्रजेत्सः ॥ ११॥

naroyastrikāle paṭhedbhaktiyuktaḥśivaṃ prāpya sadyastriloke prasiddham |dhanaṃ dhānyaputraṃ kuṭumbādiyuktaṃsamāsādyamitraṃ sumuktiṃ vrajetsaḥ || 11||

इति श्रीमिश्रकुञ्जविहारिणाकृतं गिरीशस्तोत्रं सम्पूर्णम् ।शुभं भूयात् ।

iti śrīmiśrakuñjavihāriṇākṛtaṃ girīśastotraṃ sampūrṇam |śubhaṃ bhūyāt |