गीतशङ्करम् Gita Shankaram

(अनन्तनारायणनामधेयपञ्चरत्नकविकृतम्)श्रीः ।श्रीगणेशाय नमः ।प्रारीप्सितस्य ग्रन्थस्य निर्विघ्नेन समाप्तये ।मङ्गलायतनं शम्भुं वन्दे वागीश्वरं हरिम् ॥ १॥

(anantanārāyaṇanāmadheyapañcaratnakavikṛtam)śrīḥ |śrīgaṇeśāya namaḥ |prārīpsitasya granthasya nirvighnena samāptaye |maṅgalāyatanaṃ śambhuṃ vande vāgīśvaraṃ harim || 1||

शमित जगत्रितये त्वयि मायालीनागर्भगता खिल जगदतिदीना ।निर्मलनिगमवेद्य जय देव विभो ॥ १त्वयि सति सृष्टिपरे भगवतिसा माया विक्षिपतीश जगत्त्रय काया । (निर्मल) २प्रविशति वेदनिधे भवति जगत्यधुना ।चेतनता यदि भवता विभुना ॥ (निर्मल) ३मायिक वपुषि शुभे विशसि यदीश्वरता ।कलुषित वपुषि तु ते मानुषता ॥ (निर्मल) ४तिर्यक् जन्तु कुले जीवतामुपयासितटिदिव जलदे लीनतां यासि ॥ (निर्मल) ५विधिमुख विबुधगणे तव महिमा ।बहुधा त्वयि सति निवसति लसति च वसुधा ॥ (निर्मल) ६जगति तु भेदमितेतरतमता ।विशदातनुते तां सा विभिदापशदा ॥ (निर्मल) ७पावय परमकवे पञ्चरत्नवचनम् ।मणिमिव विमलं कनकं काचम् ॥ ८निर्मल निगमागमवेद्य जयजय देव विभो ।जगज्जन्मादिकार्यस्य कारणं वस्तु शाश्वतम् ।सङ्कीर्त्य सगुणं रूपं तस्यैव प्रतिपाधते ॥

śamita jagatritaye tvayi māyālīnāgarbhagatā khila jagadatidīnā |nirmalanigamavedya jaya deva vibho || 1tvayi sati sṛṣṭipare bhagavatisā māyā vikṣipatīśa jagattraya kāyā | (nirmala) 2praviśati vedanidhe bhavati jagatyadhunā |cetanatā yadi bhavatā vibhunā || (nirmala) 3māyika vapuṣi śubhe viśasi yadīśvaratā |kaluṣita vapuṣi tu te mānuṣatā || (nirmala) 4tiryak jantu kule jīvatāmupayāsitaṭidiva jalade līnatāṃ yāsi || (nirmala) 5vidhimukha vibudhagaṇe tava mahimā |bahudhā tvayi sati nivasati lasati ca vasudhā || (nirmala) 6jagati tu bhedamitetaratamatā |viśadātanute tāṃ sā vibhidāpaśadā || (nirmala) 7pāvaya paramakave pañcaratnavacanam |maṇimiva vimalaṃ kanakaṃ kācam || 8nirmala nigamāgamavedya jayajaya deva vibho |jagajjanmādikāryasya kāraṇaṃ vastu śāśvatam |saṅkīrtya saguṇaṃ rūpaṃ tasyaiva pratipādhate ||

दनुकुलमानविभञ्जन बुधरञ्जन ।जगदानन्दन भानजयजगदेकविभो ॥ १चिन्तामणिकृत मण्डन पुरखण्डन ।प्रणतजनोन्नतिदान ॥ (जय) २चन्द्रकलाधर शङ्करऽभयङ्कर ।नयनानलहतमार ॥ (जय) ३शशधर दिनकर लोचन भवमोचन ।भक्तजनोदितगान ॥ (जय) ४कमलभवनुतपदकमलकलित ।सकलशारदनीरदधवल ॥ (जय) ५गिरिजाकुच गिरिचन्दन !गुहनन्दजनताराधितचरण ॥ (जय) ६भूरिभुजङ्गमभूषण गतदूषण ।अगणितमुक्ताभरण ॥ (जय) ७पञ्चरत्नवचवचन गेय उचित देय ।मुनिजनमानसधेय ॥ (जयजगदेकविभो) ८पाणिग्रहण माङ्गल्यं प्रस्तुत्य शिवयोर्द्वयोः ।भाविकार्याय मन्दन प्रादुर्भावः प्रसज्यते ॥अकालकृत सन्नाहमाकलय्य मनोभवम् ।चिन्तयन्परमात्मानं प्राहेदं नन्दिकेश्वरः ॥

danukulamānavibhañjana budharañjana |jagadānandana bhānajayajagadekavibho || 1cintāmaṇikṛta maṇḍana purakhaṇḍana |praṇatajanonnatidāna || (jaya) 2candrakalādhara śaṅkara'bhayaṅkara |nayanānalahatamāra || (jaya) 3śaśadhara dinakara locana bhavamocana |bhaktajanoditagāna || (jaya) 4kamalabhavanutapadakamalakalita |sakalaśāradanīradadhavala || (jaya) 5girijākuca giricandana !guhanandajanatārādhitacaraṇa || (jaya) 6bhūribhujaṅgamabhūṣaṇa gatadūṣaṇa |agaṇitamuktābharaṇa || (jaya) 7pañcaratnavacavacana geya ucita deya |munijanamānasadheya || (jayajagadekavibho) 8pāṇigrahaṇa māṅgalyaṃ prastutya śivayordvayoḥ |bhāvikāryāya mandana prādurbhāvaḥ prasajyate ||akālakṛta sannāhamākalayya manobhavam |cintayanparamātmānaṃ prāhedaṃ nandikeśvaraḥ ||

अविहित दोहल मृदुल मनोहर सुरभिळबहुल तमाले ।द्विजकुल कलकलमिलितशुकारवपूरितबहुविध साले ॥स्मरमवलोकय समयोयन्ते ।सहचरधर्मा बहवो विपि मने तेन विना न वलन्ते ॥ १मधुकरकलरवमिलन झरीकृत कूजितकोकिल जाले ।कुरवककुसुमपरागकरंवितमलयसमीरणबाले ॥ (स्मरमव) २विकसित कैतकदलमिषसुमशरतर्जन पथिक समाजे ।द्रुत कनकाकृति कुड्मलसन्ततिगुछनिरन्तर राजे ॥ (स्मरभव) ३ललित रसाल विशाल सुमङ्कुर जालमनोभवबाणे ।सङ्कुचदम्बुजनिकरनिशानकवर्तुलदलमिषशाणे ॥ (स्मरभव) ४अविरतविसृमर सौरभ मेदुरमल्लिमतल्लि विकाशे !मुक्ताफलनिभ मुकुल विराजित वासन्तीकृत वाले ॥ (स्मरभव) ५शुकतुण्डाकृति सुमनो भासित किंशुकपाटलिताशे ।कुङ्कुम सुमर सयोजितसितपटशोणाशोकहुताशे ॥ (स्मरभव) ६विविधविहङ्गमपक्षविधूनन जनितपरागपयोदे ।अनवसरागत मनसिज सहचर सौरभसमय विनोदे ॥ (स्मरभव) ७प्रसवाकर वनवर्णन परपद पञ्चरत्न कविर्गीयते ।तव करुणाकर हिमगिरिदुहितुश्चन्द्र कलाकरशीते ॥ ८स्मरमवलोकय समयोयन्तेसहचर धर्मा बहवो विपिने तेन विना न वलन्ते ॥

avihita dohala mṛdula manohara surabhiḷabahula tamāle |dvijakula kalakalamilitaśukāravapūritabahuvidha sāle ||smaramavalokaya samayoyante |sahacaradharmā bahavo vipi mane tena vinā na valante || 1madhukarakalaravamilana jharīkṛta kūjitakokila jāle |kuravakakusumaparāgakaraṃvitamalayasamīraṇabāle || (smaramava) 2vikasita kaitakadalamiṣasumaśaratarjana pathika samāje |druta kanakākṛti kuḍmalasantatiguchanirantara rāje || (smarabhava) 3lalita rasāla viśāla sumaṅkura jālamanobhavabāṇe |saṅkucadambujanikaraniśānakavartuladalamiṣaśāṇe || (smarabhava) 4aviratavisṛmara saurabha meduramallimatalli vikāśe !muktāphalanibha mukula virājita vāsantīkṛta vāle || (smarabhava) 5śukatuṇḍākṛti sumano bhāsita kiṃśukapāṭalitāśe |kuṅkuma sumara sayojitasitapaṭaśoṇāśokahutāśe || (smarabhava) 6vividhavihaṅgamapakṣavidhūnana janitaparāgapayode |anavasarāgata manasija sahacara saurabhasamaya vinode || (smarabhava) 7prasavākara vanavarṇana parapada pañcaratna kavirgīyate |tava karuṇākara himagiriduhituścandra kalākaraśīte || 8smaramavalokaya samayoyantesahacara dharmā bahavo vipine tena vinā na valante ||

मलयानिल रथकीरतुरङ्गमकूजितकोकिलशाली ।मधुकरसज्जितपुष्यशरासनयोजितसुमनोमाली ॥मदनो रतिमवलोकयते ।रतिरपि मदनमवलोकयते ॥ १भुवन विमोहन परागपिञ्चरशरपूर्णेषुधि धारी ।नानामणिगणविचित्र कोमलमुक्ताफलमय हारी ॥ (मदनो) २रतिमुखसराञ्जचुम्बन लोलुपचित्ततया यतमानम् ।मोहवशेन मुहुर्मुहुरुन्मदमङ्गजमद्भुतगानम् ॥ (मदनी) ३पथिशुकमधुकरमुखरमनोहरललितरसालविशाले ।पथिकवधूजनभावविदारणकुसुमशरावृतशाले ॥ (मदनो) ४अभिमुखरतिकुचकलशयुगोपरिविलिखन्पत्रगमाङ्ते ।नीलोत्पल नवमल्लीपङ्कजचूताशोकवनान्ते ॥ (मदनो) ५कठिनस्तनभरजघनोदञ्चित पुलकालङ्कृतकाया ।पथि परिरभ्य विहृष्य पुनः परिहासरुचिश्रितमाया ॥ (मदनो) ६हरिहर विधिमुख निखिल सुरासुरमानस भेदनकारी ।धृततूणीरशरासनमाधवमग्रेकृत्य विहारी ॥ (मदनो) ७पञ्चरत्नकविकल्पितमन्मथयानकथामृतपानम् ।भवतु भवानीपशुपतिघटनासाधानमधिगतगानम् ॥ ८मदनो रतिमवलोकयते रतिरपि मदनमवलोकयते ।शुश्रूषया तोषयन्ती शङ्करं तपसि स्थितम् ।गृहं गतापि सा गौरी मनस्सम्बोध्य भाषते ॥

malayānila rathakīraturaṅgamakūjitakokilaśālī |madhukarasajjitapuṣyaśarāsanayojitasumanomālī ||madano ratimavalokayate |ratirapi madanamavalokayate || 1bhuvana vimohana parāgapiñcaraśarapūrṇeṣudhi dhārī |nānāmaṇigaṇavicitra komalamuktāphalamaya hārī || (madano) 2ratimukhasarāñjacumbana lolupacittatayā yatamānam |mohavaśena muhurmuhurunmadamaṅgajamadbhutagānam || (madanī) 3pathiśukamadhukaramukharamanoharalalitarasālaviśāle |pathikavadhūjanabhāvavidāraṇakusumaśarāvṛtaśāle || (madano) 4abhimukharatikucakalaśayugoparivilikhanpatragamāṅte |nīlotpala navamallīpaṅkajacūtāśokavanānte || (madano) 5kaṭhinastanabharajaghanodañcita pulakālaṅkṛtakāyā |pathi parirabhya vihṛṣya punaḥ parihāsaruciśritamāyā || (madano) 6harihara vidhimukha nikhila surāsuramānasa bhedanakārī |dhṛtatūṇīraśarāsanamādhavamagrekṛtya vihārī || (madano) 7pañcaratnakavikalpitamanmathayānakathāmṛtapānam |bhavatu bhavānīpaśupatighaṭanāsādhānamadhigatagānam || 8madano ratimavalokayate ratirapi madanamavalokayate |śuśrūṣayā toṣayantī śaṅkaraṃ tapasi sthitam |gṛhaṃ gatāpi sā gaurī manassambodhya bhāṣate ||

शम्बरवैरिविनाभवनोदितनयनहुताशनफालम् ।भौतिकसम्प्लवसमयसमुज्वलदायसभावित फालम् ॥ १ध्याने रतमिव हरमविकारम् ।स्मर मम मानसशमितविकारम् ॥ १सरसिजकेसरसोदरभासुरसान्द्रजटाभरकान्तम् ।अम्बुजकैरवबन्धुविलोचनमद्वयमनिशं भान्तम् ॥ (ध्याने) २शङ्खस्फटिक शशाङ्क सुधारस दुग्ध समाकृति भागम् ।निटिलनिशाकरसमभागोपरिकल्पिततत्पर भागम् ॥ (ध्याने) ३समयविजृम्भितकुवलयदलचयशोभाजित्वरवामम् ।अनवसरागतपिकशुकमलयसमीरणसंहृतकामम् ॥ (ध्याने) ४मुनितनयावन समयोदञ्चितपादतलाहतकालम् ।अभिचरणाध्वरहुतवह सम्भवघोरारवमृगपालम् ॥ (ध्याने) ५चिन्मुद्राजपमालालङ्कृतकरयुगल घृतपाशम् ।मकुटतटस्फुरदिन्दुशकलगलदमृतासेचनकासम् ॥ (ध्याने) ६मदनमनोहरवदनसरोरुहञ्चितशशधरबिम्बम् ।कुन्दप्रतिभटदन्तद्वितियुगदन्तच्छदजित बिम्बम् ॥ (ध्याने) ७पञ्चरत्नकविकल्पितगुणगण चिन्तामणिमयमाला ।शमयतु दुरितं कलयतु कामं कलुषितकल्पकसाला ॥ ८ध्याने रतमिव हरमविकारम् ।स्मरसममानस शमितविकारम् ॥

śambaravairivinābhavanoditanayanahutāśanaphālam |bhautikasamplavasamayasamujvaladāyasabhāvita phālam || 1dhyāne ratamiva haramavikāram |smara mama mānasaśamitavikāram || 1sarasijakesarasodarabhāsurasāndrajaṭābharakāntam |ambujakairavabandhuvilocanamadvayamaniśaṃ bhāntam || (dhyāne) 2śaṅkhasphaṭika śaśāṅka sudhārasa dugdha samākṛti bhāgam |niṭilaniśākarasamabhāgoparikalpitatatpara bhāgam || (dhyāne) 3samayavijṛmbhitakuvalayadalacayaśobhājitvaravāmam |anavasarāgatapikaśukamalayasamīraṇasaṃhṛtakāmam || (dhyāne) 4munitanayāvana samayodañcitapādatalāhatakālam |abhicaraṇādhvarahutavaha sambhavaghorāravamṛgapālam || (dhyāne) 5cinmudrājapamālālaṅkṛtakarayugala ghṛtapāśam |makuṭataṭasphuradinduśakalagaladamṛtāsecanakāsam || (dhyāne) 6madanamanoharavadanasaroruhañcitaśaśadharabimbam |kundapratibhaṭadantadvitiyugadantacchadajita bimbam || (dhyāne) 7pañcaratnakavikalpitaguṇagaṇa cintāmaṇimayamālā |śamayatu duritaṃ kalayatu kāmaṃ kaluṣitakalpakasālā || 8dhyāne ratamiva haramavikāram |smarasamamānasa śamitavikāram ||

सञ्जातपाणिग्रहणं शङ्करं शशिभूषणम् ।उदासितारं मन्वाना भवानी प्राह तां सखीम् ॥अथ सविधागमतत्परयाहितचिन्तासन्ततिजालम् ।मदनोज्जीवन कोमलयालघुपादतलाहतकालम् ॥मन्दाक्षोदयविनम्रया परिपश्यन्तं पराभावम् ।परिकर परिजनजनितभियाबुधसंसारद्रुमदावम् ॥ (रतये) २कथयामपि केलिगृहं गतमुनि भावित चिन्मयकायम् ।पर्यङ्कस्थलसङ्कतया न तु शमितविकारममायम् ॥ (रतये) ३शय्यनीयोपरि विलग्नयाखिल जगतां कारणमेकम् ।अर्धाङ्गीकृत शरीरयात्मनि विश्वोत्पादनिसेकम् ॥ (रतये) ४विविधविमोहनरञ्जनया परिकल्पितभेद विकारम् ।कामकलारचनोत्सुकयानिटिलेक्षणनिर्जितमारम् ॥ (रतये) ५कुसुमपरिष्कृतकुन्तलया ननु भुवनभयङ्करवेषम् ।विविधमनोरथकातरया निजवपुषा निर्जितशेषम् ॥ (रतये) ६नील वलाहकमेचकया चिरनिस्तोयाम्बुदभासम् ।रतिरणितोज्वलमेखलया सुरपुरदहनोचितहासम् ॥ (रतये) ७परिणतमनुतनुभावित यादिम पञ्चरत्नमुखभातम् ।हिममयकुलगिरिकन्यकया भुवि कृतिनामस्त्वदातम् ॥ ८रतये जनितमदन शरीरंकथय कथां सखि रहसि मया सह रमयसि तादृशशीलम् ॥

sañjātapāṇigrahaṇaṃ śaṅkaraṃ śaśibhūṣaṇam |udāsitāraṃ manvānā bhavānī prāha tāṃ sakhīm ||atha savidhāgamatatparayāhitacintāsantatijālam |madanojjīvana komalayālaghupādatalāhatakālam ||mandākṣodayavinamrayā paripaśyantaṃ parābhāvam |parikara parijanajanitabhiyābudhasaṃsāradrumadāvam || (rataye) 2kathayāmapi keligṛhaṃ gatamuni bhāvita cinmayakāyam |paryaṅkasthalasaṅkatayā na tu śamitavikāramamāyam || (rataye) 3śayyanīyopari vilagnayākhila jagatāṃ kāraṇamekam |ardhāṅgīkṛta śarīrayātmani viśvotpādanisekam || (rataye) 4vividhavimohanarañjanayā parikalpitabheda vikāram |kāmakalāracanotsukayāniṭilekṣaṇanirjitamāram || (rataye) 5kusumapariṣkṛtakuntalayā nanu bhuvanabhayaṅkaraveṣam |vividhamanorathakātarayā nijavapuṣā nirjitaśeṣam || (rataye) 6nīla valāhakamecakayā ciranistoyāmbudabhāsam |ratiraṇitojvalamekhalayā surapuradahanocitahāsam || (rataye) 7pariṇatamanutanubhāvita yādima pañcaratnamukhabhātam |himamayakulagirikanyakayā bhuvi kṛtināmastvadātam || 8rataye janitamadana śarīraṃkathaya kathāṃ sakhi rahasi mayā saha ramayasi tādṛśaśīlam ||

दृश्यमानस्य जगतो मिथ्यात्वप्रतिपत्तये ।श्रुत्यर्थं गेयरूपेण विशदी कुरुते कविः ॥दृश्यरूपमिदं त्वयीश्वर कल्पितं कलयामि ।सत्य चिद्वनमद्वयं तव रूपमित्यपि यामि ॥शिवशिवेतरतया कथमिदं कलयेहम् ।शिवशिवशिवेतरतया ॥ (शिवशिव) १कल्पितं जगद्तदद्वयशुक्तिरूप्यवदेव ।सत्वहीनतया पृथड्न तथा विभाति स देव ॥ (शिवशिव) २एकमेव सदन्तरं नहि नान्तरत्वयि भाति ।तेन मायिकमेतदीश्वर भानमेव पुनाति ॥ (शिवशिव) ३यस्य चात्मतया विभासि न तस्य साक्ष्यपदेश ।तस्य साक्षितया विभासि जगत्त्रयं परमेश ॥ (शिवशिव) ४आत्मतत्वमर्तृरूपमवैति सम्प्रति योऽपि ।मुक्तरूपतया तदा सुखरूप एव स कोऽपि ॥ (शिवशिव) ५तस्य विश्वमिदं विभाति पृथक्तयात्मनि नैव !सद्विलक्षणता यथास्य तथा सतोऽपि तथैव ॥ (शिवशिव) ६व्यावहारिकसत्यतास्ति न सास्त्यसत्यत एव ।व्योम नीरज तुच्छ ते वनतुच्छताऽत्र तु देव ॥ (शिवशिव) ७पञ्चरत्न कवीश्वरेण सुनिर्मितं सुनयेन ।गेयमभ्यसनीयमेव मुमुक्षुभिः प्रणयेन ॥ ८शिवशिव शिवेतरतया कथमिदं कलयेहम् ।शिवशिव शिवेतरतया ॥गङ्गातटान्तविपिनवटमूलनिवासिनम् ।ध्याने नरहितं शम्भुमाह गौरी दशां सखी ॥

dṛśyamānasya jagato mithyātvapratipattaye |śrutyarthaṃ geyarūpeṇa viśadī kurute kaviḥ ||dṛśyarūpamidaṃ tvayīśvara kalpitaṃ kalayāmi |satya cidvanamadvayaṃ tava rūpamityapi yāmi ||śivaśivetaratayā kathamidaṃ kalayeham |śivaśivaśivetaratayā || (śivaśiva) 1kalpitaṃ jagadtadadvayaśuktirūpyavadeva |satvahīnatayā pṛthaḍna tathā vibhāti sa deva || (śivaśiva) 2ekameva sadantaraṃ nahi nāntaratvayi bhāti |tena māyikametadīśvara bhānameva punāti || (śivaśiva) 3yasya cātmatayā vibhāsi na tasya sākṣyapadeśa |tasya sākṣitayā vibhāsi jagattrayaṃ parameśa || (śivaśiva) 4ātmatatvamartṛrūpamavaiti samprati yo'pi |muktarūpatayā tadā sukharūpa eva sa ko'pi || (śivaśiva) 5tasya viśvamidaṃ vibhāti pṛthaktayātmani naiva !sadvilakṣaṇatā yathāsya tathā sato'pi tathaiva || (śivaśiva) 6vyāvahārikasatyatāsti na sāstyasatyata eva |vyoma nīraja tuccha te vanatucchatā'tra tu deva || (śivaśiva) 7pañcaratna kavīśvareṇa sunirmitaṃ sunayena |geyamabhyasanīyameva mumukṣubhiḥ praṇayena || 8śivaśiva śivetaratayā kathamidaṃ kalayeham |śivaśiva śivetaratayā ||gaṅgātaṭāntavipinavaṭamūlanivāsinam |dhyāne narahitaṃ śambhumāha gaurī daśāṃ sakhī ||

मण्डनमनुतनुनन्दति न सखी गणयति विधुमपि भानुम् ।निन्दति कमलं चन्दनमपि सा पश्यति खदिरकृशानुम् ॥विरहकृशा भवदीया भव विरहकृशा भव दीया ।मानदमदनजतापभियादिव तावकपदगमनीया !! १विरहदवानल कवलितमानसमध्यगतं मम कान्तम् ।मोचय कथमपि मामिति कथयति सैषालपति नितान्तम् ॥ (विरह) २नवनलिनीदल विरचित शयनं हिमजलसिक्त सकाशम् ।विलुलितमनसा तनुते वपुषा भस्मीभूतपलाशम् ॥ (विरह) ३मलयजपवनं कलयति गिरिजा विसरन्मुर्मुरजालम् ।वपुरतिभरमिव वहति सतापं विदलित मौक्तिकमालम् ॥ (विरह) ४अञ्जनकलुषित नयनजलं बहु मुञ्चति मुहुरुरुतापम् ।कुचकलशोपरि निपतित मास्रम्पदमुपयाति दुरापम् ॥ (विरह) ५अतिमदनाकृति वपुरपरं तव भावनयैव निकामम् ।धुरि परिकल्प्य सदातनपूजां कुरते साकिल कमम् ॥ (विरह) ६मङ्गलदायां मनसिजजनितं क्षिप्रमपाकुरु खेदम् ।कुसुमवितानित शयनतलोपरि जनयन् बहुरतिभेदम् ॥ (विरह) ७दारिद्र्या नलजनितभयं भुवि पुंसां यदि शमनीयम् ।पञ्चरत्न कविफणितमिदं भव भक्तधनं पठनीयम् ॥ ८विरहकृशा भवदीया भवविरह कृशाभवदीया ।मानद मदनज तापभयादिव तावकपदगमनीया ॥

maṇḍanamanutanunandati na sakhī gaṇayati vidhumapi bhānum |nindati kamalaṃ candanamapi sā paśyati khadirakṛśānum ||virahakṛśā bhavadīyā bhava virahakṛśā bhava dīyā |mānadamadanajatāpabhiyādiva tāvakapadagamanīyā !! 1virahadavānala kavalitamānasamadhyagataṃ mama kāntam |mocaya kathamapi māmiti kathayati saiṣālapati nitāntam || (viraha) 2navanalinīdala viracita śayanaṃ himajalasikta sakāśam |vilulitamanasā tanute vapuṣā bhasmībhūtapalāśam || (viraha) 3malayajapavanaṃ kalayati girijā visaranmurmurajālam |vapuratibharamiva vahati satāpaṃ vidalita mauktikamālam || (viraha) 4añjanakaluṣita nayanajalaṃ bahu muñcati muhururutāpam |kucakalaśopari nipatita māsrampadamupayāti durāpam || (viraha) 5atimadanākṛti vapuraparaṃ tava bhāvanayaiva nikāmam |dhuri parikalpya sadātanapūjāṃ kurate sākila kamam || (viraha) 6maṅgaladāyāṃ manasijajanitaṃ kṣipramapākuru khedam |kusumavitānita śayanatalopari janayan bahuratibhedam || (viraha) 7dāridryā nalajanitabhayaṃ bhuvi puṃsāṃ yadi śamanīyam |pañcaratna kaviphaṇitamidaṃ bhava bhaktadhanaṃ paṭhanīyam || 8virahakṛśā bhavadīyā bhavaviraha kṛśābhavadīyā |mānada madanaja tāpabhayādiva tāvakapadagamanīyā ||

जननीहृदयं ज्ञात्वा चिन्तयानमिवस्थितम् ।धैर्यमालं सा गौरी शङ्करं समभाषत ॥अपनयविषधरमणिमयहारम् ।जीवय कथमपि मारितमारम् ।किं तया तव शङ्कर चिन्तया ॥ १त्यज कनकाह्वय कुसुम वितानम् ।विविध्न्मादनपित्तनिदानम् । (किं तया) २परिहरभिक्षाटनमतिघोरम् ।गौरवलज्जां बहुमति घोरम् ॥ (किं तया) ३रुधिरचषककृतनारकपालम् ।विसृज दहनमयमायसफालम् ॥ (किं तया) ४करटित्वंङमयगजपरि धानम् ।मुच विलोपय दिक् परिधानम् ॥ (किं तया) ५अस्थि सृक्परिकर्मित फालम् ।सम्मृज्योन्नय शशधरबालम् ॥ (किं तया) ६भजसि यदीश शुभप्रदरूपम् ।फलति मनोरथतरुरनुरूपम् ॥ (किं तया) ७पञ्चरत्नकविवरमुखजातम् ।गिरिजागीतामृतमवदातम् ॥ ८किं तया तव शङ्कर चिन्तया ॥

jananīhṛdayaṃ jñātvā cintayānamivasthitam |dhairyamālaṃ sā gaurī śaṅkaraṃ samabhāṣata ||apanayaviṣadharamaṇimayahāram |jīvaya kathamapi māritamāram |kiṃ tayā tava śaṅkara cintayā || 1tyaja kanakāhvaya kusuma vitānam |vividhnmādanapittanidānam | (kiṃ tayā) 2pariharabhikṣāṭanamatighoram |gauravalajjāṃ bahumati ghoram || (kiṃ tayā) 3rudhiracaṣakakṛtanārakapālam |visṛja dahanamayamāyasaphālam || (kiṃ tayā) 4karaṭitvaṃṅamayagajapari dhānam |muca vilopaya dik paridhānam || (kiṃ tayā) 5asthi sṛkparikarmita phālam |sammṛjyonnaya śaśadharabālam || (kiṃ tayā) 6bhajasi yadīśa śubhapradarūpam |phalati manorathataruranurūpam || (kiṃ tayā) 7pañcaratnakavivaramukhajātam |girijāgītāmṛtamavadātam || 8kiṃ tayā tava śaṅkara cintayā ||

संसार सागरे मन्नान्प्राकृतान् बिबुधानपि ।समीक्ष्य कारुण्यवान्मुनिः कश्चिदभाषत ॥कुसुमविताने कनकविमाने जगदवनाय वसन्तम् ।विरचितवेषं तनुजितशेषं जनता भजत भवन्तम् ॥ १शिवशैलेशो धृतभुजगेशो धर्नताटवनवासी ।अमरतटिन्या अनुजभवान्या देव्या वसति विलासी ॥शिवशैलेशो धृतभुजगेशो ॥बहुमतमदने विहरति सदने जनयन्परिजनमोदम् ।अपगतखेदं मुखरितवेदं पश्यत विविध विनोदम् ॥ (शिवशैले) २अविरततानं समुदितगानं पश्यति नृत्तमुदारम् ।प्रणमत मुदितं गणयति सहितं प्रशमितचित्तविकारम् ॥ (शिवशैले) ३बहुमणि मायां कनकसभायां नटनं कलयति सायम् ।धरणी विबुधा मुदिता बहुधा ध्यायत चिन्मयकायम् ॥ (शिवशैले) ४निबिडितकीरे घटनातीरे सान्द्रतराखिलसारे ।पालितमोदं बाणविनोदं पश्यन् हृष्यति काले ॥ (शिवशैले) ५मञ्जुलगाने मङ्गलयाने मदयति मनुज समाजम् ।दलयति तोदं जनयति मोदं भजनीयाकृतिभाजम् ॥ (शिवशैले) ६अनुदिततपने मृदुतरपवने धाम निवसति सलीलम् ।अविदितपादं प्रतिहतवादं भावय तादृश शीलम् ॥ (शिवशैले) ७प्रकटितसेवं प्रमुदितदेवं पञ्चरत्न कविगीतम् ।पातक भीतैर्भावविशुध्यै पठनीयं भवगीतम् ॥ ८शिवशैलेशो धृतभुजगेशो धटनातटवनवासी ।अमरतटिन्या अनुजभवान्या देव्या वसति विलासी ॥शिवशैलेशो धृतभुजगेशो ॥ १

saṃsāra sāgare mannānprākṛtān bibudhānapi |samīkṣya kāruṇyavānmuniḥ kaścidabhāṣata ||kusumavitāne kanakavimāne jagadavanāya vasantam |viracitaveṣaṃ tanujitaśeṣaṃ janatā bhajata bhavantam || 1śivaśaileśo dhṛtabhujageśo dharnatāṭavanavāsī |amarataṭinyā anujabhavānyā devyā vasati vilāsī ||śivaśaileśo dhṛtabhujageśo ||bahumatamadane viharati sadane janayanparijanamodam |apagatakhedaṃ mukharitavedaṃ paśyata vividha vinodam || (śivaśaile) 2aviratatānaṃ samuditagānaṃ paśyati nṛttamudāram |praṇamata muditaṃ gaṇayati sahitaṃ praśamitacittavikāram || (śivaśaile) 3bahumaṇi māyāṃ kanakasabhāyāṃ naṭanaṃ kalayati sāyam |dharaṇī vibudhā muditā bahudhā dhyāyata cinmayakāyam || (śivaśaile) 4nibiḍitakīre ghaṭanātīre sāndratarākhilasāre |pālitamodaṃ bāṇavinodaṃ paśyan hṛṣyati kāle || (śivaśaile) 5mañjulagāne maṅgalayāne madayati manuja samājam |dalayati todaṃ janayati modaṃ bhajanīyākṛtibhājam || (śivaśaile) 6anuditatapane mṛdutarapavane dhāma nivasati salīlam |aviditapādaṃ pratihatavādaṃ bhāvaya tādṛśa śīlam || (śivaśaile) 7prakaṭitasevaṃ pramuditadevaṃ pañcaratna kavigītam |pātaka bhītairbhāvaviśudhyai paṭhanīyaṃ bhavagītam || 8śivaśaileśo dhṛtabhujageśo dhaṭanātaṭavanavāsī |amarataṭinyā anujabhavānyā devyā vasati vilāsī ||śivaśaileśo dhṛtabhujageśo || 1

स्वाधीनपतिका साध्वी धीरा रहसि लालिता ।परिष्कृतं द्रष्टुकामा पार्वती पतिमब्रवीत् ॥कलय मृदलदलदाम परिष्कृत निटिलतलोपरिभागंशशधर शकल समुज्वलदुद्घण मणिमकुटोदितरागंपाहि मानद सोमशेखर मा भज भूषण दोषम् ।यानि विभूषण भावगतान्यपि परिहर तानि सतोषम् ॥ १उज्वल नवनव मणिगण विलसित कुण्डल मण्डितगण्डंतवमुखममलं विलसितनयनं नवमिव चन्द्रमखण्डम् ॥ (पाहिमा)२कम्बु सहोदर कण्ठ समुज्वल काञ्चनमय सरजालम् ।विलुठतु नाभेरुपरिमनोभव डोलेवोचितकालम् ॥ (पाहिमा) ३उडुगण परिवृत हिमकर बिम्बमिवोपरि विनिहितनीलम् ।विलसतु जठरे तवमणिपतगं मदनतुरङ्गगमकीलम् ॥ (पाहिमा) ४बहुलतरलतरहारलताहृदि तारावलिरिव केशे ।भुजयुगलोपरि कनकमये तव केयूरे ज्वलिताशे ॥ (पाहिमा)५कटितट सुघटित सारसनावृतकमनीयाम्बरवीतम् ।विरचय पदकमलोपरि हंसकमञ्जुलशिञ्जितगीतम् ॥ (पाहिमा)६मरतकमणिशकलाञ्चित कङ्कण धलधलरोचिरूदारम् ।विरचय करकमलद्वयमपि ते भक्तजनाभयपारम् ॥ (पाहिमा)७पञ्चरत्नकविचित्तविकासजरूद्राणीपतिवेषम् ।करगत बदरीफलमिव सुकृतं चिन्तयतामविशेषम् ॥ ८पाहि मानद सोमशेखर मा भज भूषणदोषम् ।यानि विभूषण भावगतान्यपि परिहर तानि सतोषम् ॥

svādhīnapatikā sādhvī dhīrā rahasi lālitā |pariṣkṛtaṃ draṣṭukāmā pārvatī patimabravīt ||kalaya mṛdaladaladāma pariṣkṛta niṭilataloparibhāgaṃśaśadhara śakala samujvaladudghaṇa maṇimakuṭoditarāgaṃpāhi mānada somaśekhara mā bhaja bhūṣaṇa doṣam |yāni vibhūṣaṇa bhāvagatānyapi parihara tāni satoṣam || 1ujvala navanava maṇigaṇa vilasita kuṇḍala maṇḍitagaṇḍaṃtavamukhamamalaṃ vilasitanayanaṃ navamiva candramakhaṇḍam || (pāhimā)2kambu sahodara kaṇṭha samujvala kāñcanamaya sarajālam |viluṭhatu nābheruparimanobhava ḍolevocitakālam || (pāhimā) 3uḍugaṇa parivṛta himakara bimbamivopari vinihitanīlam |vilasatu jaṭhare tavamaṇipatagaṃ madanaturaṅgagamakīlam || (pāhimā) 4bahulataralatarahāralatāhṛdi tārāvaliriva keśe |bhujayugalopari kanakamaye tava keyūre jvalitāśe || (pāhimā)5kaṭitaṭa sughaṭita sārasanāvṛtakamanīyāmbaravītam |viracaya padakamalopari haṃsakamañjulaśiñjitagītam || (pāhimā)6maratakamaṇiśakalāñcita kaṅkaṇa dhaladhalarocirūdāram |viracaya karakamaladvayamapi te bhaktajanābhayapāram || (pāhimā)7pañcaratnakavicittavikāsajarūdrāṇīpativeṣam |karagata badarīphalamiva sukṛtaṃ cintayatāmaviśeṣam || 8pāhi mānada somaśekhara mā bhaja bhūṣaṇadoṣam |yāni vibhūṣaṇa bhāvagatānyapi parihara tāni satoṣam ||

योगमास्थाय तिष्टन्तं शङ्करं लोकशङ्करम् ।प्राप्य गौरी सखी प्राह तदवस्थामिमां क्रमात् ॥ध्यायति सीदति विलपति विततम् ।गायति तव गुणगणमपि सततम् ॥देवगृहे मुह्यति गौरी तापमिता ॥ १मुञ्चति नयनजले मुहुः विमलम् ।सिञ्चति मुहुरुरु कञ्चुकपटलम् ॥ (देव) २नालीकं न तु पश्यति बालानालीरपि सा दृष्टरसाला ॥ (देव) ३भूतावेशवशेन निषण्णा ।यदनधविलिखितकुरतिविषण्णा ॥ (देव) ४क्रीडाव्याजविमुक्ताहारान् ।तुलनापरिहत मुक्ताहारा ॥ (देव) ५आतपतापिततनुमतिशेते ।तुहिन शिलामयफलके सेते ॥ (देव) ६रोदिति लीला कलहविलापा ।छादितमदनविलासजतापा ॥ (देव) ७पञ्चरत्नकविकल्पितगीतम् ।सोमशेखरमुदेस्तु सुगीतम् ॥ ८देव गृहे शम्भो देव गृहे ।मुह्यति गौरी तापमिता ॥

yogamāsthāya tiṣṭantaṃ śaṅkaraṃ lokaśaṅkaram |prāpya gaurī sakhī prāha tadavasthāmimāṃ kramāt ||dhyāyati sīdati vilapati vitatam |gāyati tava guṇagaṇamapi satatam ||devagṛhe muhyati gaurī tāpamitā || 1muñcati nayanajale muhuḥ vimalam |siñcati muhururu kañcukapaṭalam || (deva) 2nālīkaṃ na tu paśyati bālānālīrapi sā dṛṣṭarasālā || (deva) 3bhūtāveśavaśena niṣaṇṇā |yadanadhavilikhitakurativiṣaṇṇā || (deva) 4krīḍāvyājavimuktāhārān |tulanāparihata muktāhārā || (deva) 5ātapatāpitatanumatiśete |tuhina śilāmayaphalake sete || (deva) 6roditi līlā kalahavilāpā |chāditamadanavilāsajatāpā || (deva) 7pañcaratnakavikalpitagītam |somaśekharamudestu sugītam || 8deva gṛhe śambho deva gṛhe |muhyati gaurī tāpamitā ||

शिवानुरागजनित सन्तापं गोप्तुमक्षमा ।विजने मानसीचिन्तामाह गौरीमनोरथम् ॥आतपमिषेण यदि तापकरगोपनम् ।शीतोपचारकृतिजनितमतिकोपनम् ।केन वा गोपयेयं तमिह मनोरथ चिन्तयेयम् ॥ १हिमसलिलसेकोऽपि मम तपनसाधनम् ।मलयजरसस्नपनमपि मानबाधनम् ॥ (केन वा) २व्यजनपवनोऽपि मम मदनतुरगायते ।कुसुममयशयनमपि दहनशकलायते ॥ (केन वा) ३हारलतिका वपुषि मारपाशायते ।शीतकिरणोमि मम तापकिरणायते ॥ (केन वा) ४नालीकदल कलितकञ्जुलीधारणम् ।आलिकरजः पटवदात्ततनुदारणम् ॥ (केन वा) ५कर्पूरमिश्रजम्बलजलाधिकम् ।पश्यामि पानीयमपि तद्धदाधिकम् ॥ (केन वा) ६शयनमतिशङ्कां हि जनयति हिमाचले ।वलनमपि नीहारशीते शिलातले ॥ (केन वा) ७पञ्चरत्नादिकविजाल्पितरसायनम् ।परमशिव सायुज्यगमन सुगमायनम् ॥ ८केन वागोपयेयं तमिह मनोरथ चिन्तयेदम् ॥

śivānurāgajanita santāpaṃ goptumakṣamā |vijane mānasīcintāmāha gaurīmanoratham ||ātapamiṣeṇa yadi tāpakaragopanam |śītopacārakṛtijanitamatikopanam |kena vā gopayeyaṃ tamiha manoratha cintayeyam || 1himasalilaseko'pi mama tapanasādhanam |malayajarasasnapanamapi mānabādhanam || (kena vā) 2vyajanapavano'pi mama madanaturagāyate |kusumamayaśayanamapi dahanaśakalāyate || (kena vā) 3hāralatikā vapuṣi mārapāśāyate |śītakiraṇomi mama tāpakiraṇāyate || (kena vā) 4nālīkadala kalitakañjulīdhāraṇam |ālikarajaḥ paṭavadāttatanudāraṇam || (kena vā) 5karpūramiśrajambalajalādhikam |paśyāmi pānīyamapi taddhadādhikam || (kena vā) 6śayanamatiśaṅkāṃ hi janayati himācale |valanamapi nīhāraśīte śilātale || (kena vā) 7pañcaratnādikavijālpitarasāyanam |paramaśiva sāyujyagamana sugamāyanam || 8kena vāgopayeyaṃ tamiha manoratha cintayedam ||

कथमपि रतिगेहं प्रापयन्ती मृगाक्षीसरसवचनबाष्पा सादरं भाषमाणाम् ।अपि सपदि विदित्वा जातकामानिरेकासविधसहचरी स्वां भाषमाणेति याता ॥बहुमतमदने हिमगिरिसदने सम्भृतरतिसाधने ।कदमपि सविधं गतया विविधं कल्पितकनकासने ।रुचिरे गङ्गातटविपिने विहरति पुरारिरूमया ॥ १शिशिरसमीर निबिडपटीरे चम्पकसुमनोहरे ।अविरततानं प्रबलितगानं रसदलिसुमनोभरे ॥ (रूचिरे) २सुरभिलसलिले विकसत कमले वेतसगहनान्तरे ।अविदितभेदं गतरतिखेदं कल्पितकुमुदाकरे ॥ (रूचिरे) ३प्रकटितकाये परिचितमाये सङ्गतभवनोदरे ।पालितगात्रं मीलितनेत्रं विगलति कलहादरे ॥ (रूचिरे) ४निबिडितकीरे जलनिधितीरे कल्पकसुरभीकृते ।परिचितखेलं प्रभुरतिवेलं सारसमुखरीकृते ॥ (रूचिरे) ५विलुकितचिकुरे करधृतमुकुरे मङ्गलवनिताजने ।अपगतकुहनं कचभरनहनं कलयन्कमलानने ॥ (रुचिरे) ६गतिजितहंसे कलितवतंसे सङ्गमसमयोदरे ।रतमपरिमितं तन्वतिमहितं किमिह सपदि गम्यते ॥ (रूचिरे) ७शङ्करपादे शमितविवादे पञ्चरत्नशोभिते ।विलसतु सदयं बुधजनहृदयं पङ्कजभवपूजिते ॥ ८रुचिरे गङ्गातटविपिने विहरति पुरारिरूमया ॥

kathamapi ratigehaṃ prāpayantī mṛgākṣīsarasavacanabāṣpā sādaraṃ bhāṣamāṇām |api sapadi viditvā jātakāmānirekāsavidhasahacarī svāṃ bhāṣamāṇeti yātā ||bahumatamadane himagirisadane sambhṛtaratisādhane |kadamapi savidhaṃ gatayā vividhaṃ kalpitakanakāsane |rucire gaṅgātaṭavipine viharati purārirūmayā || 1śiśirasamīra nibiḍapaṭīre campakasumanohare |aviratatānaṃ prabalitagānaṃ rasadalisumanobhare || (rūcire) 2surabhilasalile vikasata kamale vetasagahanāntare |aviditabhedaṃ gataratikhedaṃ kalpitakumudākare || (rūcire) 3prakaṭitakāye paricitamāye saṅgatabhavanodare |pālitagātraṃ mīlitanetraṃ vigalati kalahādare || (rūcire) 4nibiḍitakīre jalanidhitīre kalpakasurabhīkṛte |paricitakhelaṃ prabhurativelaṃ sārasamukharīkṛte || (rūcire) 5vilukitacikure karadhṛtamukure maṅgalavanitājane |apagatakuhanaṃ kacabharanahanaṃ kalayankamalānane || (rucire) 6gatijitahaṃse kalitavataṃse saṅgamasamayodare |ratamaparimitaṃ tanvatimahitaṃ kimiha sapadi gamyate || (rūcire) 7śaṅkarapāde śamitavivāde pañcaratnaśobhite |vilasatu sadayaṃ budhajanahṛdayaṃ paṅkajabhavapūjite || 8rucire gaṅgātaṭavipine viharati purārirūmayā ||

आगलङ्करलाक्रान्तमाकल्पितभुजङ्गमम् ।गोकर्णोशं गता प्राह वृहदम्वादशां सखी ॥गरलमलिनगलजनितभयेन विसरति याविषवचन नयेनतामव गोकर्णेश्वरहरताभवगोकर्णेश्वर ॥ १भुजगवलययुत भुजयुगलेनजनितभया विनितगरलेन ॥ (तामव) २मलयपवनमिषतुषदहनेन ।व्यसनमिता तव मुखपवनेन !! (तामव) ३पिकशुकमुखरवकलरणितेन ।लुलितमनाधुरिहितफाणितेन ॥ (तामव) ४मनसिजशरततिकृतदलनेन ।व्याथिततरहृदिरसमिलनेन ॥ (तामव) ५सुरभिलमलयजरसतपनेन ।व्याथिततरातपरिपुलपनेन ॥ (तामव) ६अनलशकलसमदलशयने ।न वितथतमा निशि शशिनयनेन ॥ (तामव) ७अविरलबहुविधहितकथितेनजनित सुखा भव तव विहतेन ।प्रणमत भवमिह शिवचरितेनबृहदम्बासुतविबुधकृतेन ॥ ८पञ्चरत्नादिमकविरचितेनगोकर्णेश्वरगुणचरितेन ॥तामव गोकर्णेश्वरहर तामव गोकर्णेश्वर ॥

āgalaṅkaralākrāntamākalpitabhujaṅgamam |gokarṇośaṃ gatā prāha vṛhadamvādaśāṃ sakhī ||garalamalinagalajanitabhayena visarati yāviṣavacana nayenatāmava gokarṇeśvaraharatābhavagokarṇeśvara || 1bhujagavalayayuta bhujayugalenajanitabhayā vinitagaralena || (tāmava) 2malayapavanamiṣatuṣadahanena |vyasanamitā tava mukhapavanena !! (tāmava) 3pikaśukamukharavakalaraṇitena |lulitamanādhurihitaphāṇitena || (tāmava) 4manasijaśaratatikṛtadalanena |vyāthitatarahṛdirasamilanena || (tāmava) 5surabhilamalayajarasatapanena |vyāthitatarātaparipulapanena || (tāmava) 6analaśakalasamadalaśayane |na vitathatamā niśi śaśinayanena || (tāmava) 7aviralabahuvidhahitakathitenajanita sukhā bhava tava vihatena |praṇamata bhavamiha śivacaritenabṛhadambāsutavibudhakṛtena || 8pañcaratnādimakaviracitenagokarṇeśvaraguṇacaritena ||tāmava gokarṇeśvarahara tāmava gokarṇeśvara ||

कामारिणा भगवता प्रेषिता चन्द्रमौलिना ।मानेन चिरं सा गौरी जगौ हरदशां सखीम् ॥गलित मणिमयमालो मदनमनुसन्धाय ।कलितजलजशकलो विरह दमनशमनाय ॥तव विगमे पुरवैरी बत सीदति बाले ॥वलति जलदसमीरे मदनदहनभवाय ।दहति शशिकरनिकरे स्वसखीविजयकरणाय ॥ (तव) १पतति सविधयतीरे भजगनिलशिमनाय ।गलति यशिरसमीरे कुसुमविशिखविशिखाय ॥ (तव) २रसति विपिनमयूरे विरहिजनविमोहाय ।नदति जलधर विवरे मदनोज्जीवनाय ॥ (तव) ३मिलति मदन सहाये कथिते सम्प्रति तेन !सपदि मनसिजविजये पञ्चरत्नविबुधेन ॥तव विगमे पुरवैरि बत सीदति बाले ।

kāmāriṇā bhagavatā preṣitā candramaulinā |mānena ciraṃ sā gaurī jagau haradaśāṃ sakhīm ||galita maṇimayamālo madanamanusandhāya |kalitajalajaśakalo viraha damanaśamanāya ||tava vigame puravairī bata sīdati bāle ||valati jaladasamīre madanadahanabhavāya |dahati śaśikaranikare svasakhīvijayakaraṇāya || (tava) 1patati savidhayatīre bhajaganilaśimanāya |galati yaśirasamīre kusumaviśikhaviśikhāya || (tava) 2rasati vipinamayūre virahijanavimohāya |nadati jaladhara vivare madanojjīvanāya || (tava) 3milati madana sahāye kathite samprati tena !sapadi manasijavijaye pañcaratnavibudhena ||tava vigame puravairi bata sīdati bāle |

विहरति पुररिपुरिहमदनवने ।किमिति विषीदति सखि वद भवने ।शङ्करे कुरु सखि भावमुमे ॥ १अनुदिनमनुसररहसि वसन्तम् ।तव मुखकमलमधूनि पिबन्तम् ॥ (शङ्करे) २शशधरलेखालङ्कृतमकुटम् ।निजतनुशोभारजितनिकटम् ॥ (शङ्करें) ३विकसितसरसिजसुन्दर वदनम् ।रतिमकरध्वजमङ्गलसदनम् ॥ (शङ्करे) ४येन हितामृतसितं त्यज विफलम् ।इह सखि मा कुरु यौवनमफलम् ॥ (शङ्करे) ५लज्जामानौ कथमपि वारय ।मेना मानसरथमपि पूरय ॥ (शङ्करे) ६भुङ्क्ष्व तपः फलमधुनोपनतम् ।मङ्गलभाजनवपुषावनतम् ॥ (शङ्क)७पञ्चरत्नकविभाषितगानम् ।पार्वतीपति मुदे रसपानम् ॥ ८शङ्करे कुरु सखि भावमुमे ॥

viharati puraripurihamadanavane |kimiti viṣīdati sakhi vada bhavane |śaṅkare kuru sakhi bhāvamume || 1anudinamanusararahasi vasantam |tava mukhakamalamadhūni pibantam || (śaṅkare) 2śaśadharalekhālaṅkṛtamakuṭam |nijatanuśobhārajitanikaṭam || (śaṅkareṃ) 3vikasitasarasijasundara vadanam |ratimakaradhvajamaṅgalasadanam || (śaṅkare) 4yena hitāmṛtasitaṃ tyaja viphalam |iha sakhi mā kuru yauvanamaphalam || (śaṅkare) 5lajjāmānau kathamapi vāraya |menā mānasarathamapi pūraya || (śaṅkare) 6bhuṅkṣva tapaḥ phalamadhunopanatam |maṅgalabhājanavapuṣāvanatam || (śaṅka)7pañcaratnakavibhāṣitagānam |pārvatīpati mude rasapānam || 8śaṅkare kuru sakhi bhāvamume ||

मानेन विरहं प्राप्य कोपेन कलुषीकृताम् ।गिरिजामुचितैर्वाक्यैर्मानयन्प्राह शङ्करः ॥नयननलिनेन यदि पश्यसि जनप्रिये व्यपनयतु दुरितमतिदूरम् ।कनकमयमन्दिरे कमलदलसुन्दरे स तु पिबतु विषयसुखपूरम् ॥वामलीले शिवे वामलीले त्यज सुहृदि रोषमपदोषम् ।विषमशरपातकी विदलयति मानसं काममयि पूरय सतोषम् ॥ १खेदयसि मानकरणेन यदि मामये तावकसुखाय पतनीयम् ।विरहविषमरमरस्त्वमियमबलाजनस्तदिदमनुचिन्त्य करणीयम् ॥ (वाम) २श्रमजलधिसाधनं रतिविरहकारणं परिहर मुधा मनसि मानम् ।यदि वदसि केवलं मम हृदयमोहनं प्रभवामि तव सुखनिदानम् ॥(वाम) ३मुखकमलमण्डनं तनुजडिमखण्डनं शिशिरसमयोदयस्वेदम् ।खदिररससादितं कर्पूरभावितं ताम्बूलमाद्रियस्वेदम् ॥ (वाम) ४अपि जघन मण्डलं मणि रशनयाचितं विरचय निनादरमणीयम् ।कुड्मलान्तरे नवरत्नमालिका रोचयतु कान्तिकमनीयम् ॥ (वाम) ५उरसि मम वासिनी शिति नलिनभासुरे शोभया मम खिलशरीरम् ।पदकमलयोरुपरि मञ्जीरसिञ्जितं श्रुतिपदं कलय मम धीरम् ॥ (वाम) ६अयि जधनमण्डलं मणिरशनयाचितं विरचय निनादरमणीयम् ।कुचघनान्तरे नवरत्नमालिका रोचयतु कान्तिकमनीयम् ॥ (वाम) ७नहि कलहकालोयमबले रति प्रिये मा कृथा वितथमिह कालम् ।कमलदल निर्मितं कामुक मनोहरं शयनमवलोकय विशालम् ।हरमुखसमीरितं हिमगिरि सुताहितं पञ्चरत्नादिकविगीतंरतिकलह भञ्जनं श्रुति शिखर बन्धुरं श्रोतव्यमेतदविगीतम् ॥ ८वामलीले शिवे वामलीले त्यज सुहृदिरोषमपदोषंविषमशरपातकी विदलयचि मानसं कामयायि पूरय सतोषम् ॥

mānena virahaṃ prāpya kopena kaluṣīkṛtām |girijāmucitairvākyairmānayanprāha śaṅkaraḥ ||nayananalinena yadi paśyasi janapriye vyapanayatu duritamatidūram |kanakamayamandire kamaladalasundare sa tu pibatu viṣayasukhapūram ||vāmalīle śive vāmalīle tyaja suhṛdi roṣamapadoṣam |viṣamaśarapātakī vidalayati mānasaṃ kāmamayi pūraya satoṣam || 1khedayasi mānakaraṇena yadi māmaye tāvakasukhāya patanīyam |virahaviṣamaramarastvamiyamabalājanastadidamanucintya karaṇīyam || (vāma) 2śramajaladhisādhanaṃ rativirahakāraṇaṃ parihara mudhā manasi mānam |yadi vadasi kevalaṃ mama hṛdayamohanaṃ prabhavāmi tava sukhanidānam ||(vāma) 3mukhakamalamaṇḍanaṃ tanujaḍimakhaṇḍanaṃ śiśirasamayodayasvedam |khadirarasasāditaṃ karpūrabhāvitaṃ tāmbūlamādriyasvedam || (vāma) 4api jaghana maṇḍalaṃ maṇi raśanayācitaṃ viracaya ninādaramaṇīyam |kuḍmalāntare navaratnamālikā rocayatu kāntikamanīyam || (vāma) 5urasi mama vāsinī śiti nalinabhāsure śobhayā mama khilaśarīram |padakamalayorupari mañjīrasiñjitaṃ śrutipadaṃ kalaya mama dhīram || (vāma) 6ayi jadhanamaṇḍalaṃ maṇiraśanayācitaṃ viracaya ninādaramaṇīyam |kucaghanāntare navaratnamālikā rocayatu kāntikamanīyam || (vāma) 7nahi kalahakāloyamabale rati priye mā kṛthā vitathamiha kālam |kamaladala nirmitaṃ kāmuka manoharaṃ śayanamavalokaya viśālam |haramukhasamīritaṃ himagiri sutāhitaṃ pañcaratnādikavigītaṃratikalaha bhañjanaṃ śruti śikhara bandhuraṃ śrotavyametadavigītam || 8vāmalīle śive vāmalīle tyaja suhṛdiroṣamapadoṣaṃviṣamaśarapātakī vidalayaci mānasaṃ kāmayāyi pūraya satoṣam ||

भर्तुस्समाराधनमन्तरेण भावो नहि स्यादिति निश्चयेपि ।सञ्जातमन्दाक्षतया विहस्तां तां बोधयामास सखी क्रमेण ॥अनुदिनमरूण कराङ्कुरजृम्भित कुसुमशरासन बाणम् ।आहार पूजय हरपदमिचिरादविदिततरपरिमाणम् ॥स्निग्धे पुरमथनं परिवृढमनुनय बाले ॥ १पङ्कजभवनव पङ्कजलोचन भावनयापि दुरापम् ।शङ्करचरणजुषामपि विदुषां परिहतमानसतापम् ॥ (स्निग्धे) २शोभनपूर्वकगोमयगोमुख रङ्गलताभिरुपेतम् ।कुरु कल्याण निदानमिहाश्रमसम्मामोदेन समेतम् ॥ (स्निग्धे) ३चेलाजिनकुशकल्पित मासनमास्तीर्योदक पात्रम् ।आनीयान्तिक मधिवस शम्भोरानम्भ्यानत गात्रम् । (स्निग्धे) ४कुङ्कुमचन्दनधनसारेक्षुरसादिरसायनजातम् ।सम्पाद्योन्नत वेदितलोपरि हरमाराधय भातम् ॥ (स्निग्धे)५मोचाकेररसालकपित्थफलादि निवेदय कामम् ।दीपाधन तोषित मयि कुरु पश्चाद्धापय कामम् ॥ (स्निग्धे) ६शम्भो शङ्कर शशधर शेखर साम्ब शर्व भवमोचन ।भक्तजनप्रिय परमदयालो पाहि पद्मनिभलोचन । (स्निग्धे)७इचि सखि कथितं गिरिजाचरितं पञ्चरत्न कविगीतम् ।योऽसौ गायति सायं प्रातर्दुरितं तरति परीतम् ॥स्निग्धे पुरमथनं परिवृढमनुनय बाले ॥ ८

bhartussamārādhanamantareṇa bhāvo nahi syāditi niścayepi |sañjātamandākṣatayā vihastāṃ tāṃ bodhayāmāsa sakhī krameṇa ||anudinamarūṇa karāṅkurajṛmbhita kusumaśarāsana bāṇam |āhāra pūjaya harapadamicirādaviditataraparimāṇam ||snigdhe puramathanaṃ parivṛḍhamanunaya bāle || 1paṅkajabhavanava paṅkajalocana bhāvanayāpi durāpam |śaṅkaracaraṇajuṣāmapi viduṣāṃ parihatamānasatāpam || (snigdhe) 2śobhanapūrvakagomayagomukha raṅgalatābhirupetam |kuru kalyāṇa nidānamihāśramasammāmodena sametam || (snigdhe) 3celājinakuśakalpita māsanamāstīryodaka pātram |ānīyāntika madhivasa śambhorānambhyānata gātram | (snigdhe) 4kuṅkumacandanadhanasārekṣurasādirasāyanajātam |sampādyonnata veditalopari haramārādhaya bhātam || (snigdhe)5mocākerarasālakapitthaphalādi nivedaya kāmam |dīpādhana toṣita mayi kuru paścāddhāpaya kāmam || (snigdhe) 6śambho śaṅkara śaśadhara śekhara sāmba śarva bhavamocana |bhaktajanapriya paramadayālo pāhi padmanibhalocana | (snigdhe)7ici sakhi kathitaṃ girijācaritaṃ pañcaratna kavigītam |yo'sau gāyati sāyaṃ prātarduritaṃ tarati parītam ||snigdhe puramathanaṃ parivṛḍhamanunaya bāle || 8

त्यक्तातापसवेषमादिमरसं प्राप्ता जगन्मोहिनीशृङ्गारादिरसायनं त्रिजगतामानन्दसन्दापिनम् ।मन्दारप्रभवप्रसूनकलिकासौरम्भसान्द्रीकृतंगौरीशङ्करमेव केलिसदने सानन्दमैक्षिष्टतम् ॥गौरीमुख सरसीरुह दर्शन हर्षितमानसहंसम् ।तुहिनाचलमिव भुवन विमोहन शशदर शकलवतंसम् ।सादरमैक्षत सा करुणाकरमानन्दोज्वलहासम् ॥ १नयनमनोहरवदन निशाकरवञ्चित हिमकरबिम्बम् ।चुम्बनलोलुप चञ्चलपुटयुग दन्तवसनमिषबिम्बम् ॥ (हरमे) २सुरभिसरोरुहमृदुलदलोपमनयनममानमसङ्गम् ।क्षीराम्भोनिधिवेलातटमिव मुक्ताफलकुल सङ्गम् ॥ (हरमे) ३कोमलमणिगणघटित मनोरम कुण्डलमण्डित गण्डम् ।चिन्तामणिमिव चिन्तित फलदम भङ्गुरसच्चिदखण्डम् ॥ (हरमे) ४अम्बुद कोकिलषट्चरण स्वनमङ्गीकृत्य वसन्तम् ।शम्बरवैरि समागम कारणमप्पादृत्य वसन्तम् ॥ (हरमे) ५मृगमद चन्दन सुरभिल कन्धरमतिधवलं भगवन्तम् ।नवमदनोचित विहरण साधन शयनीये प्रभवन्तम् ॥ (हरमे)६वेधो हरिमुख विबुध मनोरथ कल्पककल्पक कन्दम् ।साकूतस्मित लीला वेक्षणमाला युक्तममन्दम् ॥ (हरमे) ७सूत्रे मणिमिव गुम्भितममलं पञ्चरत्न कविबन्धम् ।पश्यत विबुधा भक् दमनिशं गिरिजाकरुणागन्धम् । ८हर मे वर संवरमचिरद्विति भासंसादरमैक्षत सा करुणाकरमानन्दोज्वलहासम् ॥

tyaktātāpasaveṣamādimarasaṃ prāptā jaganmohinīśṛṅgārādirasāyanaṃ trijagatāmānandasandāpinam |mandāraprabhavaprasūnakalikāsaurambhasāndrīkṛtaṃgaurīśaṅkarameva kelisadane sānandamaikṣiṣṭatam ||gaurīmukha sarasīruha darśana harṣitamānasahaṃsam |tuhinācalamiva bhuvana vimohana śaśadara śakalavataṃsam |sādaramaikṣata sā karuṇākaramānandojvalahāsam || 1nayanamanoharavadana niśākaravañcita himakarabimbam |cumbanalolupa cañcalapuṭayuga dantavasanamiṣabimbam || (harame) 2surabhisaroruhamṛduladalopamanayanamamānamasaṅgam |kṣīrāmbhonidhivelātaṭamiva muktāphalakula saṅgam || (harame) 3komalamaṇigaṇaghaṭita manorama kuṇḍalamaṇḍita gaṇḍam |cintāmaṇimiva cintita phaladama bhaṅgurasaccidakhaṇḍam || (harame) 4ambuda kokilaṣaṭcaraṇa svanamaṅgīkṛtya vasantam |śambaravairi samāgama kāraṇamappādṛtya vasantam || (harame) 5mṛgamada candana surabhila kandharamatidhavalaṃ bhagavantam |navamadanocita viharaṇa sādhana śayanīye prabhavantam || (harame)6vedho harimukha vibudha manoratha kalpakakalpaka kandam |sākūtasmita līlā vekṣaṇamālā yuktamamandam || (harame) 7sūtre maṇimiva gumbhitamamalaṃ pañcaratna kavibandham |paśyata vibudhā bhak damaniśaṃ girijākaruṇāgandham | 8hara me vara saṃvaramaciradviti bhāsaṃsādaramaikṣata sā karuṇākaramānandojvalahāsam ||

चूडामणीकृत शशाङ्क कलासमुद्यज्ज्योत्स्नावितानबहलीकृतचन्द्रपादैः ।उद्दीपिते रहसि केलिगृहे निविष्टं दृष्ट्वा हरं हरसखीमियमित्युवाच ॥कञ्जदल पिञ्चरित कामभवने इह विहर रहसि नवकुन्दरदने ।सपदि बाले मङ्गलनिदानं सखि पुरारिं रञ्जय पुरेव ॥ १परिलग्ननवरत्नमञ्चफलके ।इह विहर परमशिवभोगरसिके । (सपदि) २शशिशकलममृदुपवनजात मदने ।इह विहर कुसुमशरणबाणनयने ॥ (सपदि) ३कमलवनगन्धवह सुमनोहरे ।इह विहर विषमशरकातरतरे ॥ (सपदि) ४सुरभिभवकुसुमशरपोषितरमे ।इह विहर विनवमदनसाधकतमे ॥ (सपदि) ५अतिधवलमृदुलतरशयनोदरे ।इह विहर विविधरतिभेद चतुरे (सपदि) ६कन्दलित कोरकितचम्पकवने ।इह विहर कुटिलतरकुन्तलगणे ॥ (सपदि) ७पञ्चरत्नादिकवि वर्णितहरेइह विहर मदनबहुमानसमरे ॥ ८सपदि बाले मङ्गलनिदानम् ।सखि पुरारिं रञ्जय पुरेव ॥

cūḍāmaṇīkṛta śaśāṅka kalāsamudyajjyotsnāvitānabahalīkṛtacandrapādaiḥ |uddīpite rahasi keligṛhe niviṣṭaṃ dṛṣṭvā haraṃ harasakhīmiyamityuvāca ||kañjadala piñcarita kāmabhavane iha vihara rahasi navakundaradane |sapadi bāle maṅgalanidānaṃ sakhi purāriṃ rañjaya pureva || 1parilagnanavaratnamañcaphalake |iha vihara paramaśivabhogarasike | (sapadi) 2śaśiśakalamamṛdupavanajāta madane |iha vihara kusumaśaraṇabāṇanayane || (sapadi) 3kamalavanagandhavaha sumanohare |iha vihara viṣamaśarakātaratare || (sapadi) 4surabhibhavakusumaśarapoṣitarame |iha vihara vinavamadanasādhakatame || (sapadi) 5atidhavalamṛdulataraśayanodare |iha vihara vividharatibheda cature (sapadi) 6kandalita korakitacampakavane |iha vihara kuṭilatarakuntalagaṇe || (sapadi) 7pañcaratnādikavi varṇitahareiha vihara madanabahumānasamare || 8sapadi bāle maṅgalanidānam |sakhi purāriṃ rañjaya pureva ||

मानेन विरहं प्राप्य सीदमानां मनास्विनी ।शङ्करः प्रणयादाह गिरिजामनुरञ्जयन् ॥कुसुमवितानितशयनमलङ्कुरु सुनिहितपदासविलासम् ।तव पदपद्म सपन सरोरुहमिदमुपयात्वविकासम् ॥इह सविधे निवसन्तं भवमवलोकय बाले ॥ १अनिलगलित सुमलक भरं तव दृढनहनं कलयेहम् ।निटिलतले तव मृगमदतिलकं मलयजगन्धि च देहम् ॥ (इह)२परिहर विरहदमशुभकरं तव विफलममुं हृदि मानम् ।श्रुतिसुखदन्तव मुखकमलोदितमयि दयिते कुरु गानम् ॥ (इह)३कुचकलशोपरि पत्रलतामयि विलिखाभ्यपनयचोलम् ।अनुभवदयिते सहचर सविधे खेलनमजुनवडोलम् ॥ (इह) ४लम्बितपदयुगले तव कामिनि योजितयावकसारम् ।अम्बरमसितद्युतिरिव लम्भय मामवलम्बितहारम् ॥ (इह) ५मामयि मधुरं तावकमधुरं पायय पय इव बालम् ।वपुरिदमबले कबलयवपुषा शाखयवार्जुनशालम् ॥ (इह) ६अयि रशनागुण मुदितरवं कुरु नानासिञ्जित भेदम् ।विहर यथारुचि विगताभयास्मसञ्जातं त्यज खेदम् ॥ (इह)७विलुलित चुकुरं तव मुख कमलं श्रमजल कलुषि कपोलंमुहुरभि वाञ्छति ननु मममानसमवलोकितुमतिलोलम् ।पञ्चरत्नकविभणितमिदं भवभक्तजनाभयदानंकलयतु गिरिजापतिपरितोषं बहु कल्याणनिदानम् ॥ ८इह सविधे निवसन्तं भवमवलोकय बाले ॥

mānena virahaṃ prāpya sīdamānāṃ manāsvinī |śaṅkaraḥ praṇayādāha girijāmanurañjayan ||kusumavitānitaśayanamalaṅkuru sunihitapadāsavilāsam |tava padapadma sapana saroruhamidamupayātvavikāsam ||iha savidhe nivasantaṃ bhavamavalokaya bāle || 1anilagalita sumalaka bharaṃ tava dṛḍhanahanaṃ kalayeham |niṭilatale tava mṛgamadatilakaṃ malayajagandhi ca deham || (iha)2parihara virahadamaśubhakaraṃ tava viphalamamuṃ hṛdi mānam |śrutisukhadantava mukhakamaloditamayi dayite kuru gānam || (iha)3kucakalaśopari patralatāmayi vilikhābhyapanayacolam |anubhavadayite sahacara savidhe khelanamajunavaḍolam || (iha) 4lambitapadayugale tava kāmini yojitayāvakasāram |ambaramasitadyutiriva lambhaya māmavalambitahāram || (iha) 5māmayi madhuraṃ tāvakamadhuraṃ pāyaya paya iva bālam |vapuridamabale kabalayavapuṣā śākhayavārjunaśālam || (iha) 6ayi raśanāguṇa muditaravaṃ kuru nānāsiñjita bhedam |vihara yathāruci vigatābhayāsmasañjātaṃ tyaja khedam || (iha)7vilulita cukuraṃ tava mukha kamalaṃ śramajala kaluṣi kapolaṃmuhurabhi vāñchati nanu mamamānasamavalokitumatilolam |pañcaratnakavibhaṇitamidaṃ bhavabhaktajanābhayadānaṃkalayatu girijāpatiparitoṣaṃ bahu kalyāṇanidānam || 8iha savidhe nivasantaṃ bhavamavalokaya bāle ||

रम्यसानुवन्द्देशे शिवशैलस्य कन्दरे ।क्रीङन्तं शिवशैलेशं कल्याणी प्राह शङ्करम् ॥ १दनुजभयङ्कर शङ्कर हर करजेन निजेन भुजान्तरे ।नखपदचन्द्रकलां कुरु कुचयुगले गलितान्तरे ॥गिरिजाजगाविति सुन्दरे शिवशैलसानुकन्धरे ॥विरचितमण्डन खण्डन तनुजितमन्मथ घटय यथोचित्तम् ।शशधरशेखर चन्द्रमसं मकुटेन सुयोजितम् ॥ २ (गिरिजा)मृगमदचन्दन निन्दनकलुषित निटिलतलं तिलकाञ्चितम् ।परिहरभीषणभूषणमनुतनु पुरहर तव यदि वाञ्छितम् ॥ ३ (गिरिजा)कुचयुगले च गले च निरन्तर कुङ्कुम चन्दन रोपणम् ।कलय विलोलकपोल विचित्रित पत्र विलेखन गोपनम् ॥ (गिरिजा) ४नित्यनिरञ्जन खञ्जन कोपनलेपनशोभन मञ्जनम् ।ननु नय नयने कुवलय सदृशे भुवन विमोहनरञ्जनम् ॥ (गिरिजा) ५उरसि विरन्तरदन्तुरहार लता परिकर्मित कञ्जुकम् ।योजय मोदयलोचन चन्द्रिकया शुकमुत्सुक चञ्चुकम् ॥ (गिरिजा)६अनुदित दूषण भूषण भूषितमात्मानं तव खेलय ।शिवशैलेश महेश मनोहर नित्यं मामपि वेलय ॥ (गिरिजा)७शिवगिरि विवरे रुचिरे वचनं कल्पाण्या मृदु संहितम् ।श्रुतिपथ मधुरं भिदुरं विपदां पञ्चरत्न कवि बृंहितम् ॥गिरिजाजगाविति सुन्दरे शिवशैलसानुकन्दरे ॥

ramyasānuvanddeśe śivaśailasya kandare |krīṅantaṃ śivaśaileśaṃ kalyāṇī prāha śaṅkaram || 1danujabhayaṅkara śaṅkara hara karajena nijena bhujāntare |nakhapadacandrakalāṃ kuru kucayugale galitāntare ||girijājagāviti sundare śivaśailasānukandhare ||viracitamaṇḍana khaṇḍana tanujitamanmatha ghaṭaya yathocittam |śaśadharaśekhara candramasaṃ makuṭena suyojitam || 2 (girijā)mṛgamadacandana nindanakaluṣita niṭilatalaṃ tilakāñcitam |pariharabhīṣaṇabhūṣaṇamanutanu purahara tava yadi vāñchitam || 3 (girijā)kucayugale ca gale ca nirantara kuṅkuma candana ropaṇam |kalaya vilolakapola vicitrita patra vilekhana gopanam || (girijā) 4nityanirañjana khañjana kopanalepanaśobhana mañjanam |nanu naya nayane kuvalaya sadṛśe bhuvana vimohanarañjanam || (girijā) 5urasi virantaradanturahāra latā parikarmita kañjukam |yojaya modayalocana candrikayā śukamutsuka cañcukam || (girijā)6anudita dūṣaṇa bhūṣaṇa bhūṣitamātmānaṃ tava khelaya |śivaśaileśa maheśa manohara nityaṃ māmapi velaya || (girijā)7śivagiri vivare rucire vacanaṃ kalpāṇyā mṛdu saṃhitam |śrutipatha madhuraṃ bhiduraṃ vipadāṃ pañcaratna kavi bṛṃhitam ||girijājagāviti sundare śivaśailasānukandare ||

ऋतु समयोचित करण कला पागलित मदनकृत मानसतापा ।कामजनितजवा कमनीयरूपा कामजनितजव ॥विहरति रहसि पुररिपुणा ॥ १स्मरणाविषयरति विघटितचोला ।विहितचरणयुगचलनवडोला । (कामज) २कुचतटविलसित कोमल हारा ।कुसुमनिकरयुत कुन्तलभारा ॥ (कामज) ३मृगमद सुरभिल कलुष कपोला ।पुररिपुणा सह विहरण लोला ॥ (कामज) ४जन विलम्बितगमन विशेषा ।मदनविजृम्भित समर दृगेषा ॥ (कामज) ५मन्दस्मित युत वदन सरोजा ।कन्दर्पोत्सव कलशोरोजा ॥ (कामज) ६हंसळहंस पदाम्बुजयुगला ।शम्भुतनूकृत निजतनुशबला ॥ (कामज) ७पञ्चरत्नकवि कल्पित कामा ।परमशिवाहित पङ्कज दामा ॥ ८कामजनित जवा कमनीय रूपाविहरति रहसि पुररिपुणा ॥

ṛtu samayocita karaṇa kalā pāgalita madanakṛta mānasatāpā |kāmajanitajavā kamanīyarūpā kāmajanitajava ||viharati rahasi puraripuṇā || 1smaraṇāviṣayarati vighaṭitacolā |vihitacaraṇayugacalanavaḍolā | (kāmaja) 2kucataṭavilasita komala hārā |kusumanikarayuta kuntalabhārā || (kāmaja) 3mṛgamada surabhila kaluṣa kapolā |puraripuṇā saha viharaṇa lolā || (kāmaja) 4jana vilambitagamana viśeṣā |madanavijṛmbhita samara dṛgeṣā || (kāmaja) 5mandasmita yuta vadana sarojā |kandarpotsava kalaśorojā || (kāmaja) 6haṃsaḷahaṃsa padāmbujayugalā |śambhutanūkṛta nijatanuśabalā || (kāmaja) 7pañcaratnakavi kalpita kāmā |paramaśivāhita paṅkaja dāmā || 8kāmajanita javā kamanīya rūpāviharati rahasi puraripuṇā ||

॥ इति श्री कविकुलतिलकायमानानन्तयज्वकुलकलशसिन्धुकौस्तुभायमानकृष्णदीक्षिततुर्यतनयमृत्युञ्जयार्यतनुसम्भवानन्तनारायण नामधेय पञ्चरत्नकविकृतंगीतशङ्करं समातम् ॥

|| iti śrī kavikulatilakāyamānānantayajvakulakalaśasindhukaustubhāyamānakṛṣṇadīkṣitaturyatanayamṛtyuñjayāryatanusambhavānantanārāyaṇa nāmadheya pañcaratnakavikṛtaṃgītaśaṅkaraṃ samātam ||

रचितं शङ्करचरितं बृहदम्बागर्भसम्भवेनेदम् ।मोदाय भवतु सुदृशामनुरणितं शुकबालकेनैव ॥

racitaṃ śaṅkaracaritaṃ bṛhadambāgarbhasambhavenedam |modāya bhavatu sudṛśāmanuraṇitaṃ śukabālakenaiva ||

श्रीः देव्यै नमः । शुभमस्तु । श्रीः ॥

śrīḥ devyai namaḥ | śubhamastu | śrīḥ ||