चन्द्रमौलीश्वरस्तुतिः Ganaih Krita Chandramaulishvara Stuti

(शिवरहस्यान्तर्गते ईश्वराख्ये)गणा (तुष्टुवुः)यस्मिन् जगत्सर्वमिदं विभातियश्चाप्यनन्यः सकलप्रपञ्चात् ।तिलेषु तैलोपममास्थितं त्वांश्रीचन्द्रमौलीश्वरमाश्रयामः ॥ ३८॥

(śivarahasyāntargate īśvarākhye)gaṇā (tuṣṭuvuḥ)yasmin jagatsarvamidaṃ vibhātiyaścāpyananyaḥ sakalaprapañcāt |tileṣu tailopamamāsthitaṃ tvāṃśrīcandramaulīśvaramāśrayāmaḥ || 38||

पश्यन्ति यन्न श्रुतयः शिरस्थंशिरःस्थितं वस्त्विव सर्वलोकाः ।त्वामात्मभूतं जगतां त्रयाणांश्रीचन्द्रमौलीश्वरमाश्रयामः ॥ ३९॥

paśyanti yanna śrutayaḥ śirasthaṃśiraḥsthitaṃ vastviva sarvalokāḥ |tvāmātmabhūtaṃ jagatāṃ trayāṇāṃśrīcandramaulīśvaramāśrayāmaḥ || 39||

अणोरणीयान् महतो महीयानात्मा गुहायां निहितोऽस्य जन्तोः ।तं सर्वभूतस्थितमात्मरूपंश्रीचन्द्रमौलीश्वरमाश्रयामः ॥ ४०॥

aṇoraṇīyān mahato mahīyānātmā guhāyāṃ nihito'sya jantoḥ |taṃ sarvabhūtasthitamātmarūpaṃśrīcandramaulīśvaramāśrayāmaḥ || 40||

यः सर्वसाक्षी तमसः परस्ताद्विभाति सर्वं किल यस्य भासा ।त्वामागमान्तैरपि दुर्निरूपंश्रीचन्द्रमौलीश्वरमाश्रयामः ॥ ४१॥

yaḥ sarvasākṣī tamasaḥ parastādvibhāti sarvaṃ kila yasya bhāsā |tvāmāgamāntairapi durnirūpaṃśrīcandramaulīśvaramāśrayāmaḥ || 41||

पुमानविज्ञाय शिवं कदाचि(पि)(दु)द्दुःखस्य नान्तं समुपैति धीरः ।त्वां सच्चिदानन्दमयं प्रशान्तंश्रीचन्द्रमौलीश्वरमाश्रयामः ॥ ४२॥

pumānavijñāya śivaṃ kadāci(pi)(du)dduḥkhasya nāntaṃ samupaiti dhīraḥ |tvāṃ saccidānandamayaṃ praśāntaṃśrīcandramaulīśvaramāśrayāmaḥ || 42||

अजं पुराणं पुरुषं महान्तंअनश्वरं वाङ्मनसो(सा)ऽति दूरम् ।ज्ञानात्मनां हृद्यवभासमानंश्रीचन्द्रमौलीश्वरमाश्रयामः ॥ ४३॥

ajaṃ purāṇaṃ puruṣaṃ mahāntaṃanaśvaraṃ vāṅmanaso(sā)'ti dūram |jñānātmanāṃ hṛdyavabhāsamānaṃśrīcandramaulīśvaramāśrayāmaḥ || 43||

वदन्त्यमी यत्पदमेव वेदाज्ञाते तु यास्मिन् सकलं विबुद्धम् ।त्वां प्रत्यगात्मनमचिन्त्यशक्तिंश्रीचन्द्रमौलीश्वरमाश्रयामः ॥ ४४॥

vadantyamī yatpadameva vedājñāte tu yāsmin sakalaṃ vibuddham |tvāṃ pratyagātmanamacintyaśaktiṃśrīcandramaulīśvaramāśrayāmaḥ || 44||

यं निर्विकल्पेन समाधिनैवतपस्विनश्चेतसि वीतरागाः ।ध्यायन्ति तेजोमयमद्भुतं त्वांश्रीचन्द्रमौलीश्वरमाश्रयामः ॥ ४५॥

yaṃ nirvikalpena samādhinaivatapasvinaścetasi vītarāgāḥ |dhyāyanti tejomayamadbhutaṃ tvāṃśrīcandramaulīśvaramāśrayāmaḥ || 45||

त्रिलोचनं चन्द्रकलावतंसंगङ्गातरङ्गोल्लसदुत्तमाङ्गम् ।स्मेरास्यमिष्टप्रदमष्टमूर्तिंश्रीचन्द्रमौलीश्वरमाश्रयामः ॥ ४६॥

trilocanaṃ candrakalāvataṃsaṃgaṅgātaraṅgollasaduttamāṅgam |smerāsyamiṣṭapradamaṣṭamūrtiṃśrīcandramaulīśvaramāśrayāmaḥ || 46||

अपारसच्चित्सुखराशिमेकमनादिमध्यान्तमनन्तरूपम् ।त्रिलोचनं नीलगलं प्रशान्तंश्रीचन्द्रमौलीश्वरमाश्रयामः ॥ ४७॥

apārasaccitsukharāśimekamanādimadhyāntamanantarūpam |trilocanaṃ nīlagalaṃ praśāntaṃśrīcandramaulīśvaramāśrayāmaḥ || 47||

कैलासशैलेन्द्रशिरस्तटेषुनगेन्द्रपुत्र्या सह संवसन्तम् ।विभूति रुद्राक्षविभूषिताङ्गंश्रीचन्द्रमौलीश्वरमाश्रयामः ॥ ४८॥

kailāsaśailendraśirastaṭeṣunagendraputryā saha saṃvasantam |vibhūti rudrākṣavibhūṣitāṅgaṃśrīcandramaulīśvaramāśrayāmaḥ || 48||

॥ इति शिवरहस्यान्तर्गते गणैः कृता चन्द्रमौलीश्वरस्तुतिः सम्पूर्णाः ॥॥ श्रीशिवरहस्यम् । ईश्वराख्यः दशमांशः । अध्यायः ३३ चन्द्रमौलीश्वरस्तुतिः । ३८४८॥

|| iti śivarahasyāntargate gaṇaiḥ kṛtā candramaulīśvarastutiḥ sampūrṇāḥ |||| śrīśivarahasyam | īśvarākhyaḥ daśamāṃśaḥ | adhyāyaḥ 33 candramaulīśvarastutiḥ | 3848||

– ॥ श्रीशिवरहस्यम् ।ईश्वराख्यः दशमांशः ।अध्यायः ३३ चन्द्रमौलीश्वरस्तुतिः ।३८-४८॥

– || śrīśivarahasyam |īśvarākhyaḥ daśamāṃśaḥ |adhyāyaḥ 33 candramaulīśvarastutiḥ | 38-48||