शारदास्तोत्रम् २ Shri Sharadastotram 2

वाग्देवते ! भक्तिमतां स्वशक्तिकलापवित्रा सितविग्रहा मे ।बोधं विशुद्धं भवती विधत्तां कलापवित्रा सितविग्रहा मे ॥ १॥

vāgdevate ! bhaktimatāṃ svaśaktikalāpavitrā sitavigrahā me |bodhaṃ viśuddhaṃ bhavatī vidhattāṃ kalāpavitrā sitavigrahā me || 1||

अङ्कप्रवीणा कलहंसपत्रा कृतस्मरेणानमतां निहन्तुम् ।अङ्कप्रविणा कलहंसपत्रा सरस्वती शश्वदपोहतां वः ॥ २॥

aṅkapravīṇā kalahaṃsapatrā kṛtasmareṇānamatāṃ nihantum |aṅkapraviṇā kalahaṃsapatrā sarasvatī śaśvadapohatāṃ vaḥ || 2||

ब्राह्मि विजेषाष्ठ विनिन्द्रकुन्दप्रभावदाता घनगर्जितस्य !स्वरेण जैत्री ऋतुना स्वकीय प्रभावदाता घनर्गर्जितस्य ॥ ३॥

brāhmi vijeṣāṣṭha vinindrakundaprabhāvadātā ghanagarjitasya !svareṇa jaitrī ṛtunā svakīya prabhāvadātā ghanargarjitasya || 3||

मुक्ताक्षमालालसदौषधीशाऽभिशूजजवला भाति करे त्वदीये ।मुक्ताक्षमालालसदौषधीशा यां प्रेक्ष्य भेजे मुनयोऽपि हर्षम् ॥ ४॥

muktākṣamālālasadauṣadhīśā'bhiśūjajavalā bhāti kare tvadīye |muktākṣamālālasadauṣadhīśā yāṃ prekṣya bheje munayo'pi harṣam || 4||

ज्ञानं प्रदातुं प्रवणा ममातिशयालुनानाभवपातकानि ।त्वं नेमुषां भारति ! पुण्डरीकशयालु नानाभवपातकानि ॥ ५॥

jñānaṃ pradātuṃ pravaṇā mamātiśayālunānābhavapātakāni |tvaṃ nemuṣāṃ bhārati ! puṇḍarīkaśayālu nānābhavapātakāni || 5||

प्रौढप्रभावासमपुस्तकेनः द्याताऽसि येनाम्ब ! विराजिहस्ता ।प्रौढप्रभावासमपुस्तकेन विद्यासुघापूरमदूरदुःखा ॥ ६॥

prauḍhaprabhāvāsamapustakenaḥ dyātā'si yenāmba ! virājihastā |prauḍhaprabhāvāsamapustakena vidyāsughāpūramadūraduḥkhā || 6||

तुभ्यं प्रणामः क्रियते न येन मरालयेन प्रमदेन मातः ।कीर्ति प्रतापौ भुवि तस्य नम्रमरालयेन प्रमदेन मातः ॥ ७॥

tubhyaṃ praṇāmaḥ kriyate na yena marālayena pramadena mātaḥ |kīrti pratāpau bhuvi tasya namramarālayena pramadena mātaḥ || 7||

रूच्चारविन्दभ्रमदं करोति, वेलं यदीयोऽर्चति तेऽङ्घ्रियुग्मम् ।रूच्चारविन्दभ्रमदं करोति स स्वस्थ गोष्ठीं विदूषां प्रविश्य ॥ ८॥

rūccāravindabhramadaṃ karoti, velaṃ yadīyo'rcati te'ṅghriyugmam |rūccāravindabhramadaṃ karoti sa svastha goṣṭhīṃ vidūṣāṃ praviśya || 8||

पादप्रसादात् वद्रव रूपसम्पत्लेखाभिरामोदितमानवेशः ।भवेन्नरः सूक्तिभिरम्ब ! चित्रोल्लेखाभिरामोदितमानवेशः ॥ ९॥

pādaprasādāt vadrava rūpasampatlekhābhirāmoditamānaveśaḥ |bhavennaraḥ sūktibhiramba ! citrollekhābhirāmoditamānaveśaḥ || 9||

सितांशुकान्ते नयनाभिरामामूर्ति समाराध्य भवेन्मनुष्यः ।सितांशुकानन्ते नयनाभिरामान्धकारसूर्यः क्षितिपावतंसः ॥ १०॥

sitāṃśukānte nayanābhirāmāmūrti samārādhya bhavenmanuṣyaḥ |sitāṃśukānante nayanābhirāmāndhakārasūryaḥ kṣitipāvataṃsaḥ || 10||

येन स्थितं त्वामनु सर्वतीर्थ्यैः सभाजिता मानतमस्तकेन ।दुर्वादिनां निर्दलितं नरेन्द्रसभाजिता मानतमस्तकेन ॥ ११॥

yena sthitaṃ tvāmanu sarvatīrthyaiḥ sabhājitā mānatamastakena |durvādināṃ nirdalitaṃ narendrasabhājitā mānatamastakena || 11||

सर्वज्ञवक्त्रवरमारसाङ्कलीनामालिं घ्नती प्रणयमन्थरया दशैव ।सर्वज्ञवक्त्रवरतामरसाङ्कलीनाप्रीणात् विश्रुतयशाः श्रुतदेवता नः ॥ १२॥

sarvajñavaktravaramārasāṅkalīnāmāliṃ ghnatī praṇayamantharayā daśaiva |sarvajñavaktravaratāmarasāṅkalīnāprīṇāt viśrutayaśāḥ śrutadevatā naḥ || 12||

कॢप्तस्तुतिर्निबिडभक्तिजडत्वपृक्तैर्गुम्फैर्गिरामिति गिराभधिदेवता सा ।बालऽनुकम्प्य इति रोपयतु प्रसादस्मेरा दृशं मयि जिनप्रभसूरिवर्ण्या ॥ १३॥

kḷptastutirnibiḍabhaktijaḍatvapṛktairgumphairgirāmiti girābhadhidevatā sā |bāla'nukampya iti ropayatu prasādasmerā dṛśaṃ mayi jinaprabhasūrivarṇyā || 13||

॥ इति श्रीशारदास्तोत्रं (२) सम्पूर्णम् ॥

|| iti śrīśāradāstotraṃ (2) sampūrṇam ||