शारदाम्बास्तोत्रमालिका Shri Sharadambastotramalika

(श्रीकालटिक्षेत्रे)आसेतुशीतगिरिमध्यनिवासलोकान्स्वस्वाश्रमाद्युचितकर्मनिषक्तचित्तान् ।श्रीघ्रं विधाय करुणामृतवारिराशेश्रीशारदाम्ब सितचित्तमिमं कुरुष्व ॥ १॥

(śrīkālaṭikṣetre)āsetuśītagirimadhyanivāsalokānsvasvāśramādyucitakarmaniṣaktacittān |śrīghraṃ vidhāya karuṇāmṛtavārirāśeśrīśāradāmba sitacittamimaṃ kuruṣva || 1||

हंसादिमस्करिवरार्चितपादपद्मेहंसाग्र्ययाननिरते मुखनिर्जिताब्जे ।कंसारिमुख्यसुरनायकपूज्यमानेश्रीशारदाम्ब सितचित्तमिमं कुरुष्व ॥ २॥

haṃsādimaskarivarārcitapādapadmehaṃsāgryayānanirate mukhanirjitābje |kaṃsārimukhyasuranāyakapūjyamāneśrīśāradāmba sitacittamimaṃ kuruṣva || 2||

श्वेताम्बुसम्भवनिवासनिषक्तबुद्धेशीतांशुराजतमहीधरतुल्यवर्णे ।वाताम्बुमात्रपरितुष्टजनालिसेव्येश्रीशारदाम्ब सितचित्तमिमं कुरुष्व ॥ ३॥

śvetāmbusambhavanivāsaniṣaktabuddheśītāṃśurājatamahīdharatulyavarṇe |vātāmbumātraparituṣṭajanālisevyeśrīśāradāmba sitacittamimaṃ kuruṣva || 3||

क्रव्यादवैरिमुखदेववरेड्यपादेसुव्याहृतिप्रदपदाम्बुजजातुपाते ।निर्व्याजपूर्णकरुणामृतजन्मभूमेश्रीशारदाम्ब सितचित्तमिमं कुरुष्व ॥ ४॥

kravyādavairimukhadevavareḍyapādesuvyāhṛtipradapadāmbujajātupāte |nirvyājapūrṇakaruṇāmṛtajanmabhūmeśrīśāradāmba sitacittamimaṃ kuruṣva || 4||

भक्त्यादिगन्धरहितान्गुरुपादपद्मेतत्सेवने च सुतरां विनिवृत्तभावान् ।लोकानवाम्ब परिशुद्धहृदो विधायश्रीशारदाम्ब सितचित्तमिमं कुरुष्व ॥ ५॥

bhaktyādigandharahitāngurupādapadmetatsevane ca sutarāṃ vinivṛttabhāvān |lokānavāmba pariśuddhahṛdo vidhāyaśrīśāradāmba sitacittamimaṃ kuruṣva || 5||

अज्ञातवेदनिचयस्मृतिमुख्यगन्धान्कामार्थमात्रपुरुषार्थधियो मनुष्यान् ।आम्नायमार्गपथिकांस्तरसा विधायश्रीशारदाम्ब सितचित्तमिमं कुरुष्व ॥ ६॥

ajñātavedanicayasmṛtimukhyagandhānkāmārthamātrapuruṣārthadhiyo manuṣyān |āmnāyamārgapathikāṃstarasā vidhāyaśrīśāradāmba sitacittamimaṃ kuruṣva || 6||

देहात्मवादनिरतान्सततं हि मोदात्तत्पालनैकनिरतानपि नीचवृत्त्या ।किं च स्ववृत्तिविमुखान्परिपालयन्तीश्रीशारदाम्ब सितचित्तमिमं कुरुष्व ॥ ७॥

dehātmavādaniratānsatataṃ hi modāttatpālanaikaniratānapi nīcavṛttyā |kiṃ ca svavṛttivimukhānparipālayantīśrīśāradāmba sitacittamimaṃ kuruṣva || 7||

पापाम्बुराशिविनिमज्जनमुह्यमानमेनं दुरन्तविषयाशमजास्यवासे ।लोकं निवार्य तरसा कृपया दुराशांश्रीशारदाम्ब सितचित्तमिमं कुरुष्व ॥ ८॥

pāpāmburāśivinimajjanamuhyamānamenaṃ durantaviṣayāśamajāsyavāse |lokaṃ nivārya tarasā kṛpayā durāśāṃśrīśāradāmba sitacittamimaṃ kuruṣva || 8||

उद्वेगकालपरितुष्टहृदम्बुजातमप्यैहिकादिनिचये स्पृहया विहीनम् ।भीत्या रुषा च सुतरां रहितं विधायश्रीशारदाम्ब सितचित्तमिमं कुरुष्व ॥ ९॥

udvegakālaparituṣṭahṛdambujātamapyaihikādinicaye spṛhayā vihīnam |bhītyā ruṣā ca sutarāṃ rahitaṃ vidhāyaśrīśāradāmba sitacittamimaṃ kuruṣva || 9||

आकल्पकालटिनिवासनिबद्धदीक्षाभूत्वा तथाखिलजगत्यपि धर्मवृद्धिम् ।प्रापय्य लोकपरिरक्षणमाचरन्तीश्रीशारदाम्ब सितचित्तमिमं कुरुष्व ॥ १०॥

ākalpakālaṭinivāsanibaddhadīkṣābhūtvā tathākhilajagatyapi dharmavṛddhim |prāpayya lokaparirakṣaṇamācarantīśrīśāradāmba sitacittamimaṃ kuruṣva || 10||

भाग्याब्धिपूर्णशरदिन्दुसमूहरूपेभक्तौघसस्यसितभिन्नपयोदपङ्क्ते ।वेधोमनोऽम्बुजनिबालदिवाकराभेश्रीशारदाम्ब सितचित्तमिमं कुरुष्व ॥ ११॥

bhāgyābdhipūrṇaśaradindusamūharūpebhaktaughasasyasitabhinnapayodapaṅkte |vedhomano'mbujanibāladivākarābheśrīśāradāmba sitacittamimaṃ kuruṣva || 11||

प्राणादिवायुनिचयं विनिरुद्।ह्ध्य चेतोहृत्पङ्कजे चिरतरं तव दिव्यमूर्तेः ।ध्यानं विभुं रचयितुं प्रविधाय मातःश्रीशारदाम्ब सितचित्तमिमं कुरुष्व ॥ १२॥

prāṇādivāyunicayaṃ vinirud|hdhya cetohṛtpaṅkaje cirataraṃ tava divyamūrteḥ |dhyānaṃ vibhuṃ racayituṃ pravidhāya mātaḥśrīśāradāmba sitacittamimaṃ kuruṣva || 12||

काणादकापिलमुखेषु समस्तशास्त्रेष्वव्याहतां प्रतिभया सहितां मनीषाम् ।जात्वप्यकर्णविषयेषु वितीर्य तूर्णंश्रीशारदाम्ब सितचित्तमिमं कुरुष्व ॥ १३॥

kāṇādakāpilamukheṣu samastaśāstreṣvavyāhatāṃ pratibhayā sahitāṃ manīṣām |jātvapyakarṇaviṣayeṣu vitīrya tūrṇaṃśrīśāradāmba sitacittamimaṃ kuruṣva || 13||

लक्ष्येऽखिलश्रुतिमहादिमवाक्यपङ्क्तेःऋक्षेशगर्वपरिशातनदक्षवक्त्रे ।यक्षेशपाशिमुखदिक्पतिपूज्यपादेश्रीशारदाम्ब सितचित्तमिमं कुरुष्व ॥ १४॥

lakṣye'khilaśrutimahādimavākyapaṅkteḥṛkṣeśagarvapariśātanadakṣavaktre |yakṣeśapāśimukhadikpatipūjyapādeśrīśāradāmba sitacittamimaṃ kuruṣva || 14||

दारात्मजावसथपालनसक्तचित्तांस्तत्पालनात्तबहुदुःखततीश्च सोढ्वा ।स्वप्नेऽपि सौख्यरहितान्परिपाल्य लोकान्श्रीशारदाम्ब सितचित्तमिमं कुरुष्व ॥ १५॥

dārātmajāvasathapālanasaktacittāṃstatpālanāttabahuduḥkhatatīśca soḍhvā |svapne'pi saukhyarahitānparipālya lokānśrīśāradāmba sitacittamimaṃ kuruṣva || 15||

कारुण्यपूर्णनयने कलिकल्मषघ्निकन्दर्पवैरिसहजे कमलायताक्षि ।कस्तूरिकामकरिकाश्रितगण्डभागेश्रीशारदाम्ब सितचित्तमिमं कुरुष्व ॥ १६॥

kāruṇyapūrṇanayane kalikalmaṣaghnikandarpavairisahaje kamalāyatākṣi |kastūrikāmakarikāśritagaṇḍabhāgeśrīśāradāmba sitacittamimaṃ kuruṣva || 16||

नैवापहाय निजधर्ममतीव कष्टकालेऽपि वाणि सुतरां निजधर्मवाञ्छाः ।भूयासुराशु पुरुषाः कुरु तद्वदम्बश्रीशारदाम्ब सितचित्तमिमं कुरुष्व ॥ १७॥

naivāpahāya nijadharmamatīva kaṣṭakāle'pi vāṇi sutarāṃ nijadharmavāñchāḥ |bhūyāsurāśu puruṣāḥ kuru tadvadambaśrīśāradāmba sitacittamimaṃ kuruṣva || 17||

ईहाविहीनजनसन्ततिचिन्त्यमानपादारविन्दयुगले प्रणतव्रजाय ।ईशित्वसिद्धिमुखसिद्धिततिप्रदात्रिश्रीशारदाम्ब सितचित्तमिमं कुरुष्व ॥ १८॥

īhāvihīnajanasantaticintyamānapādāravindayugale praṇatavrajāya |īśitvasiddhimukhasiddhitatipradātriśrīśāradāmba sitacittamimaṃ kuruṣva || 18||

बालारुणाधरविनिर्जितपक्वबिम्बेचेलावधूतशरदभ्रसनस्तगर्वे ।लीलाविनिर्मितविचित्रजगत्समूहेश्रीशारदाम्ब सितचित्तमिमं कुरुष्व ॥ १९॥

bālāruṇādharavinirjitapakvabimbecelāvadhūtaśaradabhrasanastagarve |līlāvinirmitavicitrajagatsamūheśrīśāradāmba sitacittamimaṃ kuruṣva || 19||

भक्तिं वितीर्य सुदृढां तव पादपद्मेदुःखालयेषु विषयेषु विरक्तिदार्ढ्यम् ।औत्सुक्यमप्यविरलं निगमान्तपाठेश्रीशारदाम्ब सितचित्तमिमं कुरुष्व ॥ २०॥

bhaktiṃ vitīrya sudṛḍhāṃ tava pādapadmeduḥkhālayeṣu viṣayeṣu viraktidārḍhyam |autsukyamapyaviralaṃ nigamāntapāṭheśrīśāradāmba sitacittamimaṃ kuruṣva || 20||

दूर्वादिमत्तगजसिंहधुरन्धरत्वंशर्वादिसेवितपदे तरसा वितीर्य ।दुर्वासनां हृदि गतां तरसा प्रमथ्यश्रीशारदाम्ब सितचित्तमिमं कुरुष्व ॥ २१॥

dūrvādimattagajasiṃhadhurandharatvaṃśarvādisevitapade tarasā vitīrya |durvāsanāṃ hṛdi gatāṃ tarasā pramathyaśrīśāradāmba sitacittamimaṃ kuruṣva || 21||

पादाम्बुजप्रणतलोकविचित्रकाव्यकर्तृत्वदानचतुरे चतुरास्यजाये ।कुम्भीन्द्रकुम्भपरिपन्थिकुचे कुमारिश्रीशारदाम्ब सितचित्तमिमं कुरुष्व ॥ २२॥

pādāmbujapraṇatalokavicitrakāvyakartṛtvadānacature caturāsyajāye |kumbhīndrakumbhaparipanthikuce kumāriśrīśāradāmba sitacittamimaṃ kuruṣva || 22||

चापल्यनैजजनिभूमिहृदम्बुजातंपापाम्बुराशिदृढमग्नमपेतपुण्यम् ।आत्मावबोधविधुरं गुरुभक्तिहीनंश्रीशारदाम्ब सितचित्तमिमं कुरुष्व ॥ २३॥

cāpalyanaijajanibhūmihṛdambujātaṃpāpāmburāśidṛḍhamagnamapetapuṇyam |ātmāvabodhavidhuraṃ gurubhaktihīnaṃśrīśāradāmba sitacittamimaṃ kuruṣva || 23||

रङ्कोऽपि यत्करुणया प्रभवेत्सुरेशोमूकोऽपि तद्गुरुमहो वचसा जयेच्च ।सा त्वं प्रभूतधनवाग्विभवप्रदात्रिश्रीशारदाम्ब सितचित्तमिमं कुरुष्व ॥ २४॥

raṅko'pi yatkaruṇayā prabhavetsureśomūko'pi tadgurumaho vacasā jayecca |sā tvaṃ prabhūtadhanavāgvibhavapradātriśrīśāradāmba sitacittamimaṃ kuruṣva || 24||

अम्बाशु बोधय कृपाभरितैः कटाक्षैस्तत्त्वं परं यदवलोकनतो न भूयात् ।भूयोऽपि जन्म पदनम्रततेः कदाचित्श्रीशारदाम्ब सितचित्तमिमं कुरुष्व ॥ २५॥

ambāśu bodhaya kṛpābharitaiḥ kaṭākṣaistattvaṃ paraṃ yadavalokanato na bhūyāt |bhūyo'pi janma padanamratateḥ kadācitśrīśāradāmba sitacittamimaṃ kuruṣva || 25||

कालट्यभिख्यपुरवासनिबद्धभावेकालप्रतीपसहजे कलकण्ठकण्ठे ।कायप्रभाजिततुषारसितांशुशोभेश्रीशारदाम्ब सितचित्तमिमं कुरुष्व ॥ २६॥

kālaṭyabhikhyapuravāsanibaddhabhāvekālapratīpasahaje kalakaṇṭhakaṇṭhe |kāyaprabhājitatuṣārasitāṃśuśobheśrīśāradāmba sitacittamimaṃ kuruṣva || 26||

यत्त्वं हि वीक्षणलवेन नतार्भकाणांसम्पोषणं प्रकुरुषे जगदम्ब सार्थम् ।मीनाम्बकत्वमभजद्भवतीह तस्मात्श्रीशारदाम्ब सितचित्तमिमं कुरुष्व ॥ २७॥

yattvaṃ hi vīkṣaṇalavena natārbhakāṇāṃsampoṣaṇaṃ prakuruṣe jagadamba sārtham |mīnāmbakatvamabhajadbhavatīha tasmātśrīśāradāmba sitacittamimaṃ kuruṣva || 27||

अष्टाङ्गयोगमखिलं तरसोपदिश्यनीत्वा च मध्यपदवीं सहशक्तिवायुम् ।चेतश्च धामनि परे दृढमारचय्यश्रीशारदाम्ब सितचित्तमिमं कुरुष्व ॥ २८॥

aṣṭāṅgayogamakhilaṃ tarasopadiśyanītvā ca madhyapadavīṃ sahaśaktivāyum |cetaśca dhāmani pare dṛḍhamāracayyaśrīśāradāmba sitacittamimaṃ kuruṣva || 28||

ऐक्यावबोधनकृते प्रणमज्जनानांवक्त्रे विधुत्वमथ नेत्रयुगे झषत्वम् ।मध्ये च पञ्चमुखतां परिधारयन्तीश्रीशारदाम्ब सितचित्तमिमं कुरुष्व ॥ २९॥

aikyāvabodhanakṛte praṇamajjanānāṃvaktre vidhutvamatha netrayuge jhaṣatvam |madhye ca pañcamukhatāṃ paridhārayantīśrīśāradāmba sitacittamimaṃ kuruṣva || 29||

श्रीशङ्करार्यकरपङ्कजपूजिताङ्घ्रेपाशं विभिद्य तरसा भवनामभाजम् ।साशंसदाहिविषयेऽप्युपभुक्तपूर्वेश्रीशारदाम्ब सितचित्तमिमं कुरुष्व ॥ ३०॥

śrīśaṅkarāryakarapaṅkajapūjitāṅghrepāśaṃ vibhidya tarasā bhavanāmabhājam |sāśaṃsadāhiviṣaye'pyupabhuktapūrveśrīśāradāmba sitacittamimaṃ kuruṣva || 30||

कीरार्भकप्रविलसत्करपङ्कजातेस्वाराज्यदानपरितोषितनम्रवृन्दे ।स्मेरास्यकान्तिपरिधूतसुधांशुबिम्बेश्रीशारदाम्ब सितचित्तमिमं कुरुष्व ॥ ३१॥

kīrārbhakapravilasatkarapaṅkajātesvārājyadānaparitoṣitanamravṛnde |smerāsyakāntiparidhūtasudhāṃśubimbeśrīśāradāmba sitacittamimaṃ kuruṣva || 31||

कारुण्यसागरनिमग्नहृदम्बुजातेलावण्यजन्मसदनीकृतनैजदेहे ।कारुण्यनित्यविहृतेर्निलयाङ्गसौधेश्रीशारदाम्ब सितचित्तमिमं कुरुष्व ॥ ३२॥

kāruṇyasāgaranimagnahṛdambujātelāvaṇyajanmasadanīkṛtanaijadehe |kāruṇyanityavihṛternilayāṅgasaudheśrīśāradāmba sitacittamimaṃ kuruṣva || 32||

श्रीशेशपद्मजमुखामरपूजिताङ्घ्रेश्रीबोधदाननिरते प्रणमज्जनेभ्यः ।श्रीकण्ठसोदरि कृपामृतवरिराशेश्रीशारदाम्ब सितचित्तमिमं कुरुष्व ॥ ३३॥

śrīśeśapadmajamukhāmarapūjitāṅghreśrībodhadānanirate praṇamajjanebhyaḥ |śrīkaṇṭhasodari kṛpāmṛtavarirāśeśrīśāradāmba sitacittamimaṃ kuruṣva || 33||

पूर्णानदीतटविहारविलोलचित्तेतूर्णानतेष्टततिदाननिबद्धदीक्षे ।चूर्णायिताखिलचिरात्तहृदन्धकारेश्रीशारदाम्ब सितचित्तमिमं कुरुष्व ॥ ३४॥

pūrṇānadītaṭavihāravilolacittetūrṇānateṣṭatatidānanibaddhadīkṣe |cūrṇāyitākhilacirāttahṛdandhakāreśrīśāradāmba sitacittamimaṃ kuruṣva || 34||

वैराग्यजन्मनिलयैः परिसेव्यमानेवैयासकिप्रमुखमौनिजनैर्नितान्तम् ।सच्चित्सुखात्मकतनो विधिपुण्यराशेश्रीशारदाम्ब सितचित्तमिमं कुरुष्व ॥ ३५॥

vairāgyajanmanilayaiḥ parisevyamānevaiyāsakipramukhamaunijanairnitāntam |saccitsukhātmakatano vidhipuṇyarāśeśrīśāradāmba sitacittamimaṃ kuruṣva || 35||

यां वेत्तुमिच्छति मखानशनाद्युपायैर्लोके द्विजावलिरसौ बहुपुण्यपाकात् ।सोपायहीनमपि नैजकृपातिरेकात्श्रीशारदाम्ब सितचित्तमिमं कुरुष्व ॥ ३६॥

yāṃ vettumicchati makhānaśanādyupāyairloke dvijāvalirasau bahupuṇyapākāt |sopāyahīnamapi naijakṛpātirekātśrīśāradāmba sitacittamimaṃ kuruṣva || 36||

इति शृङ्गेरि श्रीजगद्गुरु श्रीसच्चिदानन्दशिवाभिनवनृसिंहभारतीस्वामिभिः विरचिता श्रीशारदाम्बास्तोत्रमालिका सम्पूर्णा ।

iti śṛṅgeri śrījagadguru śrīsaccidānandaśivābhinavanṛsiṃhabhāratīsvāmibhiḥ viracitā śrīśāradāmbāstotramālikā sampūrṇā |