शारदास्वर्णरथसमर्पणपद्यावलिः Shri Sharada Svarnaratha Samarpana Padyavalih

श्रीशङ्करगुरूत्तंससमर्चितपदाम्बुजे ।शारदे रथमारोह सौवर्णं सर्वमङ्गले ॥ १॥

śrīśaṅkaragurūttaṃsasamarcitapadāmbuje |śārade rathamāroha sauvarṇaṃ sarvamaṅgale || 1||

स्वर्गादिसुखसन्दात्रि स्वर्णसच्छायविग्रहे ।स्वर्णस्यन्दनमारुह्य सर्वान् पालय शारदे ॥ २॥

svargādisukhasandātri svarṇasacchāyavigrahe |svarṇasyandanamāruhya sarvān pālaya śārade || 2||

भक्तिप्रिये भद्रदात्रि भक्तानामभयप्रदे ।भक्त्या समर्पयाम्येनं जाम्बूनदमयं रथम् ॥ ३॥

bhaktipriye bhadradātri bhaktānāmabhayaprade |bhaktyā samarpayāmyenaṃ jāmbūnadamayaṃ ratham || 3||

हिरण्यगर्भवामाङ्गि हरिदश्वादिसेविते ।हिरण्यरथमारोह हिताय जगतां सदा ॥ ४॥

hiraṇyagarbhavāmāṅgi haridaśvādisevite |hiraṇyarathamāroha hitāya jagatāṃ sadā || 4||

कनकाभरणैर्युक्ते कविताविभवप्रदे ।कार्तस्वरमयं मातः आरोह रथमुत्तमम् ॥ ५॥

kanakābharaṇairyukte kavitāvibhavaprade |kārtasvaramayaṃ mātaḥ āroha rathamuttamam || 5||

इति श्रीशारदास्वर्णरथसमर्पणपद्यावलिः सम्पूर्णा ।

iti śrīśāradāsvarṇarathasamarpaṇapadyāvaliḥ sampūrṇā |