शारदाभुजङ्गप्रयाताष्टकम् Sharadabhujangaprayatashtakam

सुवक्षोजकुम्भां सुधापूर्णकुंभांप्रसादावलम्बां प्रपुण्यावलम्बाम् ।सदास्येन्दुबिम्बां सदानोष्ठबिम्बांभजे शारदाम्बामजस्रं मदम्बाम् ॥ १॥

suvakṣojakumbhāṃ sudhāpūrṇakuṃbhāṃprasādāvalambāṃ prapuṇyāvalambām |sadāsyendubimbāṃ sadānoṣṭhabimbāṃbhaje śāradāmbāmajasraṃ madambām || 1||

कटाक्षे दयार्द्रां करे ज्ञानमुद्रांकलाभिर्विनिद्रां कलापैः सुभद्राम् ।पुरस्त्रीं विनिद्रां पुरस्तुङ्गभद्रांभजे शारदाम्बामजस्रं मदम्बाम् ॥ २॥

kaṭākṣe dayārdrāṃ kare jñānamudrāṃkalābhirvinidrāṃ kalāpaiḥ subhadrām |purastrīṃ vinidrāṃ purastuṅgabhadrāṃbhaje śāradāmbāmajasraṃ madambām || 2||

ललामाङ्कफालां लसद्गानलोलांस्वभक्तैकपालां यशःश्रीकपोलाम् ।करे त्वक्षमालां कनत्प्रत्नलोलांभजे शारदाम्बामजस्रं मदम्बाम् ॥ ३॥

lalāmāṅkaphālāṃ lasadgānalolāṃsvabhaktaikapālāṃ yaśaḥśrīkapolām |kare tvakṣamālāṃ kanatpratnalolāṃbhaje śāradāmbāmajasraṃ madambām || 3||

सुसीमन्तवेणीं दृशा निर्जितैणींरमत्कीरवाणीं नमद्वज्रपाणीम् ।सुधामन्थरास्यां मुदा चिन्त्यवेणींभजे शारदाम्बामजस्रं मदम्बाम् ॥ ४॥

susīmantaveṇīṃ dṛśā nirjitaiṇīṃramatkīravāṇīṃ namadvajrapāṇīm |sudhāmantharāsyāṃ mudā cintyaveṇīṃbhaje śāradāmbāmajasraṃ madambām || 4||

सुशान्तां सुदेहां दृगन्ते कचान्तांलसत्सल्लताङ्गीमनन्तामचिन्त्याम् ।स्मरेत्तापसैः सङ्गपूर्वस्थितां तांभजे शारदाम्बामजस्रं मदम्बाम् ॥ ५॥

suśāntāṃ sudehāṃ dṛgante kacāntāṃlasatsallatāṅgīmanantāmacintyām |smarettāpasaiḥ saṅgapūrvasthitāṃ tāṃbhaje śāradāmbāmajasraṃ madambām || 5||

कुरङ्गे तुरङ्गे मृगेन्द्रे खगेन्द्रेमराले मदेभे महोक्षेऽधिरूढाम् ।महत्यां नवम्यां सदा सामरूपांभजे शारदाम्बामजस्रं मदम्बाम् ॥ ६॥

kuraṅge turaṅge mṛgendre khagendremarāle madebhe mahokṣe'dhirūḍhām |mahatyāṃ navamyāṃ sadā sāmarūpāṃbhaje śāradāmbāmajasraṃ madambām || 6||

ज्वलत्कान्तिवह्निं जगन्मोहनाङ्गींभजे मानसाम्भोजसुभ्रान्तभृङ्गीम् ।निजस्तोत्रसङ्गीतनृत्यप्रभाङ्गीम्भजे शारदाम्बामजस्रं मदम्बाम् ॥ ७॥

jvalatkāntivahniṃ jaganmohanāṅgīṃbhaje mānasāmbhojasubhrāntabhṛṅgīm |nijastotrasaṅgītanṛtyaprabhāṅgīmbhaje śāradāmbāmajasraṃ madambām || 7||

भवाम्भोजनेत्राजसम्पूज्यमानांलसन्मन्दहासप्रभावक्त्रचिह्नाम् ।चलच्चञ्चलाचारुताटङ्ककर्णांभजे शारदाम्बामजस्रं मदम्बाम् ॥ ८॥

bhavāmbhojanetrājasampūjyamānāṃlasanmandahāsaprabhāvaktracihnām |calaccañcalācārutāṭaṅkakarṇāṃbhaje śāradāmbāmajasraṃ madambām || 8||

इति श्रीमत्परमहंसपरिव्राजकाचार्यस्यश्रीगोविन्दभगवत्पूज्यपादशिष्यस्यश्रीमच्छङ्करभगवतः कृतौशारदाभुजङ्गप्रयाताष्टक सम्पूर्णम् ॥षविथ्रि ड् सव्देव् अत् होत्मैल्ॅओम्

iti śrīmatparamahaṃsaparivrājakācāryasyaśrīgovindabhagavatpūjyapādaśiṣyasyaśrīmacchaṅkarabhagavataḥ kṛtauśāradābhujaṅgaprayātāṣṭaka sampūrṇam ||ṣavithri ḍ savdev at hotmaileom