सरस्वतीस्तुतिः ४ Brahmana Krita Sarasvati Stutih
sarasvatīstutiḥ 4
Brahmana Krita Sarasvati Stutih (सरस्वतीस्तुतिः ४): a hymn of praise (stuti) to Sarasvatī. 8 verses in Sanskrit with Devanagari and IAST.
- Stotra
- Stuti
- Sarasvatī
- Stuti
सरस्वतीस्तुतिः ४
1 / 8
ब्रह्मोवाच ।जयस्व सत्यसम्भूते ध्रुवे देवि वराक्षरे ।सर्वगे सर्वजननि सर्वभूतमहेश्वरि ॥ ९॥
brahmovāca |jayasva satyasambhūte dhruve devi varākṣare |sarvage sarvajanani sarvabhūtamaheśvari || 9||
सर्वज्ञे त्वं वरारोहे सर्वसिद्धिप्रदायिनी ।सिद्धिबुद्धिकरी देवि प्रसूतिः परमेश्वरि ॥ १०॥
sarvajñe tvaṃ varārohe sarvasiddhipradāyinī |siddhibuddhikarī devi prasūtiḥ parameśvari || 10||
त्वं स्वाहा त्वं स्वधा देवि त्वमुत्पत्तिर्वरानने ।त्वमोङ्कारस्थिता देवि वेदोत्पत्तिस्त्वमेव च ॥ ११॥
tvaṃ svāhā tvaṃ svadhā devi tvamutpattirvarānane |tvamoṅkārasthitā devi vedotpattistvameva ca || 11||
देवानां दानवानां च यक्षगन्धर्वरक्षसाम् ।पशूनां वीरुधां चापि त्वमुत्पत्तिर्वरानने ॥ १२॥
devānāṃ dānavānāṃ ca yakṣagandharvarakṣasām |paśūnāṃ vīrudhāṃ cāpi tvamutpattirvarānane || 12||
विद्या विद्येश्वरी सिद्धा प्रसिद्धा त्वं सुरेश्वरि ।सर्वज्ञा त्वं वरारोहे सर्वसिद्धिप्रदायिनी ॥ १३॥
vidyā vidyeśvarī siddhā prasiddhā tvaṃ sureśvari |sarvajñā tvaṃ varārohe sarvasiddhipradāyinī || 13||
सर्वगा गतसन्देहा सर्वशत्रुनिबर्हिणी ।सर्वविद्येश्वरी देवी नमस्ते स्वस्तिकारिणि ॥ १४॥
sarvagā gatasandehā sarvaśatrunibarhiṇī |sarvavidyeśvarī devī namaste svastikāriṇi || 14||
ऋतुस्नातां स्त्रियं गच्छेद्यस्त्वां स्तुत्वा वरानने ।तस्यावश्यं भवेत् सृष्टिस्त्वत्प्रसादात् प्रजेश्वरि ।स्वरूपा विजया भद्रा सर्वशत्रुप्रमोहिनि ॥ १५॥
ṛtusnātāṃ striyaṃ gacchedyastvāṃ stutvā varānane |tasyāvaśyaṃ bhavet sṛṣṭistvatprasādāt prajeśvari |svarūpā vijayā bhadrā sarvaśatrupramohini || 15||
इति वराहपुराणे नवतितमाध्यायान्तर्गता ब्रह्मकृता सरस्वतीस्तुतिः समाप्ता ।वराहपुराण । अध्याय ९०/९१५॥वराहपुराण । अध्याय ९०/९-१५॥
iti varāhapurāṇe navatitamādhyāyāntargatā brahmakṛtā sarasvatīstutiḥ samāptā |varāhapurāṇa | adhyāya 90/915||varāhapurāṇa | adhyāya 90/9-15||
॥ इति सरस्वतीस्तुतिः ४ सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Brahmana Krita Sarasvati Stutih?
Brahmana Krita Sarasvati Stutih has 8 verses on this page, each shown with its number, Devanagari text and transliteration, and meaning where available.
Can I read Brahmana Krita Sarasvati Stutih in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Brahmana Krita Sarasvati Stutih?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
