रामाष्टोत्तरशतनामस्तोत्रम् ३ Shriramashtottarashatanamastotram 3

श्रीगणेशाय नमः ॥वाल्मीकिरुवाच ।यैस्तु नामसहस्रस्य पतनं न भवेत्सदा ।रचितं नित्यपाठाय तेभ्यः स्वल्पाक्षरं मया ॥ १॥

śrīgaṇeśāya namaḥ ||vālmīkiruvāca |yaistu nāmasahasrasya patanaṃ na bhavetsadā |racitaṃ nityapāṭhāya tebhyaḥ svalpākṣaraṃ mayā || 1||

अष्टोत्तरशतं नाम्नामादरेण पठन्तु ते ।रामपादारविन्दश्रीप्राप्तिं तेषां च प्रार्थये ॥ २॥

aṣṭottaraśataṃ nāmnāmādareṇa paṭhantu te |rāmapādāravindaśrīprāptiṃ teṣāṃ ca prārthaye || 2||

गुणानां चिन्तनं नित्यं दुर्गुणानां विवर्जनम् ।साधकानां सदा वृत्तिः परमार्थपरा भवेत् ॥ ३॥

guṇānāṃ cintanaṃ nityaṃ durguṇānāṃ vivarjanam |sādhakānāṃ sadā vṛttiḥ paramārthaparā bhavet || 3||

यथा तु व्यसने प्राप्ते राघवः स्थिरनिश्चयः ।विजयं प्राप्तवानन्ते प्राप्नुवन्तु च सज्जनाः ॥ ४॥

yathā tu vyasane prāpte rāghavaḥ sthiraniścayaḥ |vijayaṃ prāptavānante prāpnuvantu ca sajjanāḥ || 4||

श्रीगणेशाय नमः ।सम्राड्दक्षिणमार्गस्थः सहोदरपरीवृतः ।साधुकल्पतरुर्वश्यो वसन्तऋतुसम्भवः ॥ ५॥

śrīgaṇeśāya namaḥ |samrāḍdakṣiṇamārgasthaḥ sahodaraparīvṛtaḥ |sādhukalpatarurvaśyo vasantaṛtusambhavaḥ || 5||

सुमन्त्रादरसम्पूज्यो यौवराज्यविनिर्गतः ।सुबन्धुः सुमहन्मार्गी मृगयाखेलकोविदः ॥ ६॥

sumantrādarasampūjyo yauvarājyavinirgataḥ |subandhuḥ sumahanmārgī mṛgayākhelakovidaḥ || 6||

सरित्तीरनिवासस्थो मारीचमृगमार्गणः ।सदोत्साही चिरस्थायी स्पष्टभाषणशोभनः ॥ ७॥

sarittīranivāsastho mārīcamṛgamārgaṇaḥ |sadotsāhī cirasthāyī spaṣṭabhāṣaṇaśobhanaḥ || 7||

स्त्रीशीलसंशयोद्धिग्नो जातवेद प्रकीर्तितः ।स्वयम्बोधस्तमोहारी पुण्यपादोऽरिदारुणः ॥ ८॥

strīśīlasaṃśayoddhigno jātaveda prakīrtitaḥ |svayambodhastamohārī puṇyapādo'ridāruṇaḥ || 8||

साधुपक्षपरो लीनः शोकलोहितलोचनः ।संसारवनदावाग्रिः सहकार्यसमुत्सुकः ॥ ९॥

sādhupakṣaparo līnaḥ śokalohitalocanaḥ |saṃsāravanadāvāgriḥ sahakāryasamutsukaḥ || 9||

सेनाव्यूहप्रवीणः स्त्रीलाञ्छनकृतसङ्गरः ।सत्याग्रही वनग्राही करग्राही शुभाकृतिः ॥ १०॥

senāvyūhapravīṇaḥ strīlāñchanakṛtasaṅgaraḥ |satyāgrahī vanagrāhī karagrāhī śubhākṛtiḥ || 10||

सुग्रीवाभिमतो मान्यो मन्युनिर्ज्जितसागरः ।सुतद्वययुतः सीताश्वार्भगमनाकुलः ॥ ११॥

sugrīvābhimato mānyo manyunirjjitasāgaraḥ |sutadvayayutaḥ sītāśvārbhagamanākulaḥ || 11||

सुप्रमाणितसर्वाङ्गः पुष्पमालासुशोभितः ।सुगतः सानुजो योद्धा दिव्यवस्त्रादिशोभनः ॥ १२॥

supramāṇitasarvāṅgaḥ puṣpamālāsuśobhitaḥ |sugataḥ sānujo yoddhā divyavastrādiśobhanaḥ || 12||

समाधाता समाकारः समाहारः समन्वयः ।समयोगी समुत्कर्षः समभावः समुद्यतः ॥ १३॥

samādhātā samākāraḥ samāhāraḥ samanvayaḥ |samayogī samutkarṣaḥ samabhāvaḥ samudyataḥ || 13||

समदृष्टिः समारम्भः समवृत्तिः समद्युतिः ।सदोदितो नवोन्मेषः सदसद्वाचकः पुमान् ॥ १४॥

samadṛṣṭiḥ samārambhaḥ samavṛttiḥ samadyutiḥ |sadodito navonmeṣaḥ sadasadvācakaḥ pumān || 14||

हरिणाकृष्टवैदेहीप्रेरितः प्रियदर्शनः ।हृतदार उदारश्रीर्जनशोकविशोषणः ॥ १५॥

hariṇākṛṣṭavaidehīpreritaḥ priyadarśanaḥ |hṛtadāra udāraśrīrjanaśokaviśoṣaṇaḥ || 15||

हनुमद्वाहनोऽगम्यः सुगमः सज्जनप्रियः ।हनुमद्दूतसपन्नो मृगाकृष्टः सुखोदधिः ॥ १६॥

hanumadvāhano'gamyaḥ sugamaḥ sajjanapriyaḥ |hanumaddūtasapanno mṛgākṛṣṭaḥ sukhodadhiḥ || 16||

हृन्मन्दिरस्थचिन्मूर्तिर्मृदू राजीवलोचनः ।क्षत्राग्रणीस्तमालाभो रुदनक्लिन्नलोचनः ॥ १७॥

hṛnmandirasthacinmūrtirmṛdū rājīvalocanaḥ |kṣatrāgraṇīstamālābho rudanaklinnalocanaḥ || 17||

क्षीणायुर्जनकाहूतो रक्षोघ्नो ऋक्षवत्सलः ।ज्ञानचक्षुर्योगविज्ञो युक्तिज्ञो युगभूषणः ॥ १८॥

kṣīṇāyurjanakāhūto rakṣoghno ṛkṣavatsalaḥ |jñānacakṣuryogavijño yuktijño yugabhūṣaṇaḥ || 18||

सीताकान्तश्चित्रमूर्तिः कैकेयीसुतबान्धवः ।पौरप्रियः पूर्णकर्मा पुण्यकर्मपयोनिधिः ॥ १९॥

sītākāntaścitramūrtiḥ kaikeyīsutabāndhavaḥ |paurapriyaḥ pūrṇakarmā puṇyakarmapayonidhiḥ || 19||

सुराज्यस्थापकश्चातुर्वर्ण्यसंयोजकः क्षमः ।द्वापरस्थो महानात्मा सुप्रतिष्ठो युगन्धरः ॥ २०॥

surājyasthāpakaścāturvarṇyasaṃyojakaḥ kṣamaḥ |dvāparastho mahānātmā supratiṣṭho yugandharaḥ || 20||

पुण्यप्रणतसन्तोषः शुद्धः पतितपावनः ।पूर्णोऽपूर्णोऽनुजप्राणः प्राप्यो निजहृदि स्वयम् ॥ २१॥

puṇyapraṇatasantoṣaḥ śuddhaḥ patitapāvanaḥ |pūrṇo'pūrṇo'nujaprāṇaḥ prāpyo nijahṛdi svayam || 21||

वैदेहीप्राणनिलयः शरणणतवत्सलः ।शुभेच्छापुर्वकं स्तोत्रं पठनीयं दिने दिने ।अष्टोत्तरशतं नाम्नां राघवस्य पठेन्नरः ॥ २२॥

vaidehīprāṇanilayaḥ śaraṇaṇatavatsalaḥ |śubhecchāpurvakaṃ stotraṃ paṭhanīyaṃ dine dine |aṣṭottaraśataṃ nāmnāṃ rāghavasya paṭhennaraḥ || 22||

इष्टं लब्ध्वा सदा शान्तः सामर्थ्यसहितो भवेत् ।नित्यं रामेण सहितो निवासस्तस्य वा भवेत् ॥ २३॥

iṣṭaṃ labdhvā sadā śāntaḥ sāmarthyasahito bhavet |nityaṃ rāmeṇa sahito nivāsastasya vā bhavet || 23||

इति श्री अनन्तसुतश्रीदिवाकरविरचितंश्रीरामाष्टोत्तरशतनामस्तोत्रं ३ सम्पूर्णम् ॥

iti śrī anantasutaśrīdivākaraviracitaṃśrīrāmāṣṭottaraśatanāmastotraṃ 3 sampūrṇam ||