रामश्लोकपञ्चरत्नम् Shriramashlokapancharatnam

कञ्जातपत्रायतलोचनाय कर्णावतंसोज्ज्वलकुण्डलाय ।कारुण्यपात्राय सुवंशजाय नमोऽस्तु रामाय सलक्ष्मणाय ॥ १॥

kañjātapatrāyatalocanāya karṇāvataṃsojjvalakuṇḍalāya |kāruṇyapātrāya suvaṃśajāya namo'stu rāmāya salakṣmaṇāya || 1||

विद्युन्निभाम्भोदसुविग्रहाय विद्याधरैः संस्तुतसद्गुणाय ।वीरावताराय विराधहन्त्रे नमोऽस्तु रामाय सलक्ष्मणाय ॥ २॥ (विरोधिहर्त्रे)

vidyunnibhāmbhodasuvigrahāya vidyādharaiḥ saṃstutasadguṇāya |vīrāvatārāya virādhahantre namo'stu rāmāya salakṣmaṇāya || 2|| (virodhihartre)

संसक्तदिव्यायुधकार्मुकाय समुद्रगर्वापहरायुधाय ।सुग्रीवमित्राय सुरारिहन्त्रे नमोऽस्तु रामाय सलक्ष्मणाय ॥ ३॥

saṃsaktadivyāyudhakārmukāya samudragarvāpaharāyudhāya |sugrīvamitrāya surārihantre namo'stu rāmāya salakṣmaṇāya || 3||

पीताम्बरालङ्कृतमध्यकाय पितामहेन्द्रामरवन्दिताय ।पित्रे स्वभक्तस्य जनस्य मात्रे नमोऽस्तु रामाय सलक्ष्मणाय ॥ ४॥

pītāmbarālaṅkṛtamadhyakāya pitāmahendrāmaravanditāya |pitre svabhaktasya janasya mātre namo'stu rāmāya salakṣmaṇāya || 4||

नमो नमस्तेऽखिलपूजिताय नमो नमश्चन्द्रनिभाननाय । (नमस्तेन्दु)नमो नमस्ते रघुवंशजाय नमोऽस्तु रामाय सलक्ष्मणाय ॥ ५॥

namo namaste'khilapūjitāya namo namaścandranibhānanāya | (namastendu)namo namaste raghuvaṃśajāya namo'stu rāmāya salakṣmaṇāya || 5||

इमानि पञ्चरत्नानि त्रिसन्ध्यं यः पठेन्नरः ।सर्वपापविनिर्मुक्तः स याति परमां गतिम् ॥ ६॥

imāni pañcaratnāni trisandhyaṃ yaḥ paṭhennaraḥ |sarvapāpavinirmuktaḥ sa yāti paramāṃ gatim || 6||

इति श्रीरामकर्णामृतान्तर्गतं श्रीरामश्लोकपञ्चरत्नं सम्पूर्णम् ।

iti śrīrāmakarṇāmṛtāntargataṃ śrīrāmaślokapañcaratnaṃ sampūrṇam |