रामजानकीस्तुतिः Shriramajanakistutih

ध्येयं सदा परिभवघ्नमभीष्टदोहं,तीर्थास्पदं शिवविरिञ्चिनुतं शरण्यम् ।भृत्यार्तिहं प्रणतपालभवाब्धिपोतं,वन्दे महापुरुष ते चरणारविन्दम् ॥ १॥

dhyeyaṃ sadā paribhavaghnamabhīṣṭadohaṃ,tīrthāspadaṃ śivaviriñcinutaṃ śaraṇyam |bhṛtyārtihaṃ praṇatapālabhavābdhipotaṃ,vande mahāpuruṣa te caraṇāravindam || 1||

त्यक्त्वा सुदुस्त्यजसुरेप्सितराज्यलक्ष्मींधर्मिष्ठ आर्यवचसा यदगादरण्यम् ।मायामृगं दयितयेप्सितमन्वधावत्वन्दे महापुरुष ते चरणारविन्दम् ॥ २॥

tyaktvā sudustyajasurepsitarājyalakṣmīṃdharmiṣṭha āryavacasā yadagādaraṇyam |māyāmṛgaṃ dayitayepsitamanvadhāvatvande mahāpuruṣa te caraṇāravindam || 2||

वेदान्तवेद्यमतिगुह्यमनन्तमाद्यं,तापत्रयानलनिवारणमादिमूलम् ।वृन्दावनस्थलविहारविनोदलीलं,वन्दे महापुरुष ते चरणारविन्दम् ॥ ३॥

vedāntavedyamatiguhyamanantamādyaṃ,tāpatrayānalanivāraṇamādimūlam |vṛndāvanasthalavihāravinodalīlaṃ,vande mahāpuruṣa te caraṇāravindam || 3||

त्वमेव माता च पिता त्वमेव,त्वमेव बन्धुश्च सखा त्वमेव ।त्वमेव विद्या द्रविणं त्वमेव,त्वमेव सर्वं मम देवदेव ॥ ४॥

tvameva mātā ca pitā tvameva,tvameva bandhuśca sakhā tvameva |tvameva vidyā draviṇaṃ tvameva,tvameva sarvaṃ mama devadeva || 4||

श्रीराघवं दशरथात्मजमप्रमेयं,सीतापतिं रघुकुलान्वयरत्नदीपम् ।आजानुबाहुमरविन्ददलायताक्षं,रामं निशाचरविनाशकरं नमामि ॥ ५॥

śrīrāghavaṃ daśarathātmajamaprameyaṃ,sītāpatiṃ raghukulānvayaratnadīpam |ājānubāhumaravindadalāyatākṣaṃ,rāmaṃ niśācaravināśakaraṃ namāmi || 5||

वन्दे विदेहतनयापदपुण्डरीकं,यः सौरवृषमाहितयोगचित्तम् ।हन्तुं त्रितापमनिशं मुनिहंससेव्यं,सन्मानशीलपरिपीतपरागपुञ्जम् ॥ ६॥

vande videhatanayāpadapuṇḍarīkaṃ,yaḥ sauravṛṣamāhitayogacittam |hantuṃ tritāpamaniśaṃ munihaṃsasevyaṃ,sanmānaśīlaparipītaparāgapuñjam || 6||

उल्लङ्घ्य सिन्धोस्सलिलं सलीलंयः शोक वह्निं जनकात्मजायाः ।आदाय तेनैव ददाह लङ्कांनमामि तं प्राञ्जलिराञ्जनेयम् ॥ ७॥

ullaṅghya sindhossalilaṃ salīlaṃyaḥ śoka vahniṃ janakātmajāyāḥ |ādāya tenaiva dadāha laṅkāṃnamāmi taṃ prāñjalirāñjaneyam || 7||

मनोजवं मारुततुल्यवेगंजितेन्द्रियं बुद्धिमतां वरिष्ठम् ।वातात्मजं वानरयूथमुख्यंश्रीरामदूतं शरणं प्रपद्ये ॥ ८॥

manojavaṃ mārutatulyavegaṃjitendriyaṃ buddhimatāṃ variṣṭham |vātātmajaṃ vānarayūthamukhyaṃśrīrāmadūtaṃ śaraṇaṃ prapadye || 8||

यत्र यत्र रघुनाथकीर्तनंतत्र तत्र कृतमस्तकाञ्जलिम् ।वाष्पवारिपरिपूर्णलोचनंमारुतिं नमत राक्षसान्तकम् ॥ ९॥

yatra yatra raghunāthakīrtanaṃtatra tatra kṛtamastakāñjalim |vāṣpavāriparipūrṇalocanaṃmārutiṃ namata rākṣasāntakam || 9||

प्रथमो अनन्तरूपश्च द्वितीयो लक्ष्मणस्तथा ।तृतीयो बलरामश्च कलौ रामानुजो मुनिः ॥ १०॥

prathamo anantarūpaśca dvitīyo lakṣmaṇastathā |tṛtīyo balarāmaśca kalau rāmānujo muniḥ || 10||

संसारतापसन्दग्धशीलहेतुविवर्णितः ।रामदेशिकपदाम्भोजछायाविश्राममाश्रयेत् ॥ ११॥

saṃsāratāpasandagdhaśīlahetuvivarṇitaḥ |rāmadeśikapadāmbhojachāyāviśrāmamāśrayet || 11||

जय जय यतिराज फणिराज अवतारमणे ।प्रबलपाखण्डमानो विजयी भव विजयी भव ॥ १२॥

jaya jaya yatirāja phaṇirāja avatāramaṇe |prabalapākhaṇḍamāno vijayī bhava vijayī bhava || 12||

इति श्रीरामजानकीस्तुतिः समाप्ता ॥

iti śrīrāmajānakīstutiḥ samāptā ||