श्रीरामपादोदकपञ्चकम् Shriramapadodaka Panchakam

रामपादोदकं दिव्यं प्रेमभक्तिप्रदायकम् ।भक्तानां प्राणसर्वस्वं पीत्वा धन्योऽस्म्यहं सदा ॥ १॥

rāmapādodakaṃ divyaṃ premabhaktipradāyakam |bhaktānāṃ prāṇasarvasvaṃ pītvā dhanyo'smyahaṃ sadā || 1||

रामपादोदकं पीत्वा, नत्वा रामपदाम्बुजे ।राममन्त्रं च सञ्जप्य रामभक्तो भवेन्नरः ॥ २॥

rāmapādodakaṃ pītvā, natvā rāmapadāmbuje |rāmamantraṃ ca sañjapya rāmabhakto bhavennaraḥ || 2||

रामपादोदकं दिव्यं संसारमलनाशनम् ।चिन्मयं सच्चिदानन्दं रमणीयं रसायनम् ॥ ३॥

rāmapādodakaṃ divyaṃ saṃsāramalanāśanam |cinmayaṃ saccidānandaṃ ramaṇīyaṃ rasāyanam || 3||

रामपादोदकं प्राप्य यः पिबेद्धर्षसंयुतः ।प्रेमनिर्भरपुलकाङ्गो रामप्रेमार्णवो भवेत् ॥ ४॥

rāmapādodakaṃ prāpya yaḥ pibeddharṣasaṃyutaḥ |premanirbharapulakāṅgo rāmapremārṇavo bhavet || 4||

रामपादोदकं नित्यं ससुरासुरमानवाः ।पीत्वा महर्षयः सर्वे लभन्ते पदमव्ययम् ॥ ५॥

rāmapādodakaṃ nityaṃ sasurāsuramānavāḥ |pītvā maharṣayaḥ sarve labhante padamavyayam || 5||

यः पठेत् प्रातरुत्थाय श्रीपादोदकपञ्चकम् ।स लभेत परां भक्तिं ब्रह्मदासेन कीर्तितम् ॥इति श्रीब्रह्मदासजीमहाराजप्रणीतं श्रीरामपादोदकपञ्चकं सम्पूर्णम् ।

yaḥ paṭhet prātarutthāya śrīpādodakapañcakam |sa labheta parāṃ bhaktiṃ brahmadāsena kīrtitam ||iti śrībrahmadāsajīmahārājapraṇītaṃ śrīrāmapādodakapañcakaṃ sampūrṇam |