सीताष्टोत्तरशतनामस्तोत्रम् ४ Shri Sita Ashtottarashatanama Stotram 4

ॐ सीता पतिव्रता देवी मैथिली जनकात्मजा ।अयोनिजा वीर्यशुल्का शुभा सुरसुतोपमा ॥ १॥

oṃ sītā pativratā devī maithilī janakātmajā |ayonijā vīryaśulkā śubhā surasutopamā || 1||

विद्युत्प्रभा विशालाक्षी नीलकुञ्चितमूर्धजा ।अभिरामा महाभागा सर्वाभरणभूषिता ॥ २॥

vidyutprabhā viśālākṣī nīlakuñcitamūrdhajā |abhirāmā mahābhāgā sarvābharaṇabhūṣitā || 2||

पूर्णचन्द्रानना रामा धर्मज्ञा धर्मचारिणी ।पतिसम्मानिता सुभ्रूः प्रियार्हा प्रियवादिनी ॥ ३॥

pūrṇacandrānanā rāmā dharmajñā dharmacāriṇī |patisammānitā subhrūḥ priyārhā priyavādinī || 3||

शुभानना शुभापाङ्गी शुभाचारा यशस्विनी ।मनस्विनी मत्तकाशिन्यनघा च तपस्विनी ॥ ४॥

śubhānanā śubhāpāṅgī śubhācārā yaśasvinī |manasvinī mattakāśinyanaghā ca tapasvinī || 4||

धर्मपत्नी च वैदेही जानकी मदिरेक्षणा ।तापसी धर्मनिरता नियता ब्रह्मचारिणी ॥ ५॥

dharmapatnī ca vaidehī jānakī madirekṣaṇā |tāpasī dharmaniratā niyatā brahmacāriṇī || 5||

मृदुशीला चारुदती चारुनेत्रविलासिनी ।उत्फुल्ललोचना कान्ता भर्तृवात्सल्यभूषणा ॥ ६॥

mṛduśīlā cārudatī cārunetravilāsinī |utphullalocanā kāntā bhartṛvātsalyabhūṣaṇā || 6||

स्वभावतनुका साध्वी पद्माक्षी पङ्कजप्रिया ।विचक्षणाऽनवद्याङ्गी मृदुपूर्वाभिभाषिणी ॥ ७॥

svabhāvatanukā sādhvī padmākṣī paṅkajapriyā |vicakṣaṇā'navadyāṅgī mṛdupūrvābhibhāṣiṇī || 7||

अक्लिष्टमाल्याभरणा वरारोहा वराङ्गनासती कमपत्राक्षी मृगशावनिभेक्षणा ॥ ८॥

akliṣṭamālyābharaṇā varārohā varāṅganāsatī kamapatrākṣī mṛgaśāvanibhekṣaṇā || 8||

महाकुलीना बिम्बोष्ठी पीतकौशेयवासिनीवीरपार्थिवपत्नी च विशुद्धा विनयान्विता ॥ ९॥

mahākulīnā bimboṣṭhī pītakauśeyavāsinīvīrapārthivapatnī ca viśuddhā vinayānvitā || 9||

सुकुमारी सुमध्या च सुभगा सुप्रतिष्ठितासर्वाङ्गगुणसम्पन्ना सर्वलोकमनोहरा ॥ १०॥

sukumārī sumadhyā ca subhagā supratiṣṭhitāsarvāṅgaguṇasampannā sarvalokamanoharā || 10||

तरुणादित्यसङ्काशा तप्तकाञ्चनभूषणा ।सत्यव्रतपरा चैव वरा हरिणलोचना ॥ ११॥

taruṇādityasaṅkāśā taptakāñcanabhūṣaṇā |satyavrataparā caiva varā hariṇalocanā || 11||

श्यामा विशुद्धभावा च रामपादानुवर्तिनी ।यशोधना उदारशीला विमला क्लेशनाशिनी ॥ १२॥

śyāmā viśuddhabhāvā ca rāmapādānuvartinī |yaśodhanā udāraśīlā vimalā kleśanāśinī || 12||

अनिन्दिता सुवृत्ता च रामस्य हृदयप्रिया ।आर्या च सुविभक्ताङ्गी विनाभरणशोभिनी ॥ १३॥

aninditā suvṛttā ca rāmasya hṛdayapriyā |āryā ca suvibhaktāṅgī vinābharaṇaśobhinī || 13||

मान्या कान्तस्मिता चैव कल्याणी रुचिरप्रभा ।स्निग्धपल्लवसङ्काशा जाम्बूनदसमप्रभा ॥ १४॥

mānyā kāntasmitā caiva kalyāṇī ruciraprabhā |snigdhapallavasaṅkāśā jāmbūnadasamaprabhā || 14||

अमला शीलसम्पन्ना इक्ष्वाकुकुलनन्दिनी ।भद्रा शुद्धसमाचारा वरार्हा तनुमध्यमा ॥ १५॥

amalā śīlasampannā ikṣvākukulanandinī |bhadrā śuddhasamācārā varārhā tanumadhyamā || 15||

प्रियकाननसञ्चारा सुकेशी चारुहासिनी ।हेमाभा राजमहिषी शोभना राघवप्रिया ॥ १६॥

priyakānanasañcārā sukeśī cāruhāsinī |hemābhā rājamahiṣī śobhanā rāghavapriyā || 16||

अष्टोत्तरशतं देव्याः सीतायाः स्तोत्रमुत्तमम् ।यः पठेच्छृणुयाद्वापि सर्वान्कामानवाप्नुयात् ॥ १७॥

aṣṭottaraśataṃ devyāḥ sītāyāḥ stotramuttamam |yaḥ paṭhecchṛṇuyādvāpi sarvānkāmānavāpnuyāt || 17||

इति श्री सीता अष्टोत्तरशतनामस्तोत्रं ४ सम्पूर्णम् ।

iti śrī sītā aṣṭottaraśatanāmastotraṃ 4 sampūrṇam |