दोहावली Gosvami Tulasidasa Krita Dohavali

॥ राम ॥

|| rāma ||

॥ श्री हनुमते नमः ॥

|| śrī hanumate namaḥ ||

दो०

do0

श्रीगुरु चरन सरोज रज, निज मनु मुकुरु सुधारि।बरनउँ रघुबर बिमल जसु, जो दायकु फल चारि ॥बुद्धिहीन तनु जानिके, सुमिरौ पवनकुमार।बल बुद्धि विद्या देहु मोहि, हरहु कलेस बिकार ॥

śrīguru carana saroja raja, nija manu mukuru sudhāri|baranaum̐ raghubara bimala jasu, jo dāyaku phala cāri ||buddhihīna tanu jānike, sumirau pavanakumāra|bala buddhi vidyā dehu mohi, harahu kalesa bikāra ||

चौपाई

caupāī

जय हनुमान ज्ञान गुन सागर। जय कपीस तिहुँ लोक उजागर ॥राम दूत अतुलित बल धामा। अंजनिपुत्र पवनसुत नामा ॥महाबीर बिक्रम बजरंगी। कुमति निवार सुमति के संगी ॥कंचन बरन बिराज सुबेसा। कानन कुंडल कुंचित केसा ॥हाथ बज्र और ध्वजा बिराजै। काँधे मूँज जनेऊ साजै ॥संकर सुवन केसरीनंदन। तेज प्रताप महा जग बंदन ॥बिद्यावान गुनी अति चातुर। राम काज करिबे को आतुर ॥प्रभु चरित्र सुनिबे को रसिया। राम लखन सीता मन बसिया ॥सूक्ष्म रुप धरि सियहि दिखावा। बिकट रुप धरि लंक जरावा ॥भीम रुप धरि असुर सँहारे। रामचन्द्र के काज सँवारे ॥लाय संजीवन लखन जियाये। श्रीरघुबीर हरषि उर लाये ॥रघुपति कीन्ही बहुत बडाई। तुम मम प्रिय भरतहि सम भाई ॥सहस बदन तुम्हरो जस गावैं। अस कहि श्रीपति कंठ लगावैं ॥सनकादिक ब्रह्मादि मुनीसा। नारद सारद सहित अहीसा ॥जम कुबेर दिगपाल जहाँ ते। कबि कोबिद कहि सके कहाँ ते ॥तुम उपकार सुग्रीवहिं कीन्हा। राम मिलाय राज पद दीन्हा ॥तुम्हरो मंत्र बिभीषण माना। लंकेश्वर भए सब जग जाना ॥जुग सहस्र जोजन पर भानू। लील्यो ताहि मधुर फल जानू ॥प्रभु मुद्रिका मेलि मुख माही। जलधि लाँघि गये अचरज नाहीं ॥दुर्गम काज जगत के जेते। सुगम अनुग्रह तुम्हरे तेते ॥राम दुआरे तुम रखवारे। होत न आज्ञा बिनु पैसारे ॥सब सुख लहै तुम्हारी सरना। तुम रच्छक काहु को डरना ॥आपन तेज संहारो आपै। तीनो लोक हाँक ते काँपै ॥भूत पिसाच निकट नहि आवै। महाबीर जब नाम सुनावै ॥नासै रोग हरै सब पीरा। जपत निरंतर हनुमत बीरा ॥संकट तें हनुमान छुडावैं। मन क्रम बचन ध्यान जो लावै ॥सब पर राम तपस्वी राजा। तिन के काज सकल तुम साजा ॥और मनोरथ जो कोई लावै। सोइ अमित जीवन फल पावै ॥चारो जुग परताप तुम्हारा। है परसिद्ध जगत उजियारा ॥साधु संत के तुम रखवारे। असुर निकंदन राम दुलारे ॥अष्ट सिद्धि नौ निधि के दाता। अस बर दीन जानकी माता ॥राम रसायन तुम्हरे पासा। सदा रहो रघुपति के दासा ॥तुम्हरे भजन राम को पावै। जनम जनम के दुख बिसरावै ॥अंत काल रघुबर पुर जाई। जहाँ जन्म हरिभक्त कहाई ॥और देवता चित्त न धरई। हनुमत सेइ सर्ब सुख करई ॥संकट कटै मिटै सब पीरा। जो सुमिरै हनुमत बलबीरा ॥जै जै जै हनुमान गोसाई। कृपा करहु गुरुदेव की नाई ॥जो सत बार पाठ कर कोई। छूटहि बंदि महासुख होई ॥जो यह पढै हनुमान चालीसा। होय सिद्धि साखी गौरीसा ॥तुलसीदास सदा हरि चेरा। कीजै नाथ हृदय महँ डेरा ॥

jaya hanumāna jñāna guna sāgara| jaya kapīsa tihum̐ loka ujāgara ||rāma dūta atulita bala dhāmā| aṃjaniputra pavanasuta nāmā ||mahābīra bikrama bajaraṃgī| kumati nivāra sumati ke saṃgī ||kaṃcana barana birāja subesā| kānana kuṃḍala kuṃcita kesā ||hātha bajra aura dhvajā birājai| kām̐dhe mūm̐ja janeū sājai ||saṃkara suvana kesarīnaṃdana| teja pratāpa mahā jaga baṃdana ||bidyāvāna gunī ati cātura| rāma kāja karibe ko ātura ||prabhu caritra sunibe ko rasiyā| rāma lakhana sītā mana basiyā ||sūkṣma rupa dhari siyahi dikhāvā| bikaṭa rupa dhari laṃka jarāvā ||bhīma rupa dhari asura sam̐hāre| rāmacandra ke kāja sam̐vāre ||lāya saṃjīvana lakhana jiyāye| śrīraghubīra haraṣi ura lāye ||raghupati kīnhī bahuta baḍāī| tuma mama priya bharatahi sama bhāī ||sahasa badana tumharo jasa gāvaiṃ| asa kahi śrīpati kaṃṭha lagāvaiṃ ||sanakādika brahmādi munīsā| nārada sārada sahita ahīsā ||jama kubera digapāla jahām̐ te| kabi kobida kahi sake kahām̐ te ||tuma upakāra sugrīvahiṃ kīnhā| rāma milāya rāja pada dīnhā ||tumharo maṃtra bibhīṣaṇa mānā| laṃkeśvara bhae saba jaga jānā ||juga sahasra jojana para bhānū| līlyo tāhi madhura phala jānū ||prabhu mudrikā meli mukha māhī| jaladhi lām̐ghi gaye acaraja nāhīṃ ||durgama kāja jagata ke jete| sugama anugraha tumhare tete ||rāma duāre tuma rakhavāre| hota na ājñā binu paisāre ||saba sukha lahai tumhārī saranā| tuma racchaka kāhu ko ḍaranā ||āpana teja saṃhāro āpai| tīno loka hām̐ka te kām̐pai ||bhūta pisāca nikaṭa nahi āvai| mahābīra jaba nāma sunāvai ||nāsai roga harai saba pīrā| japata niraṃtara hanumata bīrā ||saṃkaṭa teṃ hanumāna chuḍāvaiṃ| mana krama bacana dhyāna jo lāvai ||saba para rāma tapasvī rājā| tina ke kāja sakala tuma sājā ||aura manoratha jo koī lāvai| soi amita jīvana phala pāvai ||cāro juga paratāpa tumhārā| hai parasiddha jagata ujiyārā ||sādhu saṃta ke tuma rakhavāre| asura nikaṃdana rāma dulāre ||aṣṭa siddhi nau nidhi ke dātā| asa bara dīna jānakī mātā ||rāma rasāyana tumhare pāsā| sadā raho raghupati ke dāsā ||tumhare bhajana rāma ko pāvai| janama janama ke dukha bisarāvai ||aṃta kāla raghubara pura jāī| jahām̐ janma haribhakta kahāī ||aura devatā citta na dharaī| hanumata sei sarba sukha karaī ||saṃkaṭa kaṭai miṭai saba pīrā| jo sumirai hanumata balabīrā ||jai jai jai hanumāna gosāī| kṛpā karahu gurudeva kī nāī ||jo sata bāra pāṭha kara koī| chūṭahi baṃdi mahāsukha hoī ||jo yaha paḍhai hanumāna cālīsā| hoya siddhi sākhī gaurīsā ||tulasīdāsa sadā hari cerā| kījai nātha hṛdaya maham̐ ḍerā ||

दो०

do0

पवनतनय संकट हरन, मंगल मूरति रुप।राम लखन सीता सहित, हृदय बसहु सुर भूप ॥

pavanatanaya saṃkaṭa harana, maṃgala mūrati rupa|rāma lakhana sītā sahita, hṛdaya basahu sura bhūpa ||

॥ इति ॥

|| iti ||

सियावर रामचन्द्र की जय। पवनसुत हनुमान की जय ॥उमापति महादेव की जय। बोलो भाइ सब संतन्ह की जय ॥

siyāvara rāmacandra kī jaya| pavanasuta hanumāna kī jaya ||umāpati mahādeva kī jaya| bolo bhāi saba saṃtanha kī jaya ||

॥ श्रीसीतारामाभ्यां नमः ॥

|| śrīsītārāmābhyāṃ namaḥ ||

दोहावली

dohāvalī

ध्यान

dhyāna

राम बाम दिसि जानकी लखन दाहिनी ओर।ध्यान सकल कल्यानमय सुरतरु तुलसी तोर ॥सीता लखन समेत प्रभु सोहत तुलसीदास।हरषत सुर बरषत सुमन सगुन सुमंगल बास ॥पंचबटी बट बिटप तर सीता लखन समेत।सोहत तुलसीदास प्रभु सकल सुमंगल देत ॥

rāma bāma disi jānakī lakhana dāhinī ora|dhyāna sakala kalyānamaya surataru tulasī tora ||sītā lakhana sameta prabhu sohata tulasīdāsa|haraṣata sura baraṣata sumana saguna sumaṃgala bāsa ||paṃcabaṭī baṭa biṭapa tara sītā lakhana sameta|sohata tulasīdāsa prabhu sakala sumaṃgala deta ||

रामनामजपकी महिमा

rāmanāmajapakī mahimā

चित्रकूट सब दिन बसत प्रभु सिय लखन समेत।राम नाम जप जापकहि तुलसी अभिमत देत ॥पय अहार फल खाइ जपु राम नाम षट मास।सकल सुमंगल सिद्धि सब करतल तुलसीदास ॥राम नाम मनीदीप धरु जीह देहरी द्वार।तुलसी भीतर बाहरेहुँ जौं चाहसि उजियार ॥हियँ निर्गुन नयनन्हि सगुन रसना राम सुनाम।मनहुँ पुरट संपुट लसत तुलसी ललित ललाम ॥सगुन ध्यान रुचि सरस नहिं निर्गुन मन ते दूरि।तुलसी सुमिरहु रामको नाम सजीवन मूरि ॥एकु छत्रु एकु मुकुटमनि सब बरननि पर जोउ।तुलसी रघुबर नाम के बरन बिराजत दोउ ॥नाम राम को अंक है सब साधन हैं सून।अंक गएँ कछु हाथ नहिं अंक रहें दस गून ॥नामु राम को कलपतरु कलि कल्यान निवासु।जो सुमिरत भयो भाँग तें तुलसी तुलसीदासु ॥राम नाम जपि जीहँ जन भए सुकृत सुखसालि।तुलसी इहाँ जो आलसी गयो आजु की कालि ॥नाम गरीबनिवाज को राज देत जन जानि।तुलसी मन परिहरत नहिं घुर बिनिआ की बानि ॥कासीं बिधि बसि तनु तजें हठि तनु तजें प्रयाग।तुलसी जो फल सो सुलभ राम नाम अनुराग ॥मीठो अरु कठवति भरो रौंताई अरु छैम।स्वारथ परमारथ सुलभ राम नाम के प्रेम ॥राम नाम सुमिरत सुजस भाजन भए कुजाति।कुतरुक सुरपुर राजमग लहत भुवन बिख्याति ॥स्वारथ सुख सपनेहुँ अगम परमारथ न प्रबेस।राम नाम सुमिरत मिटहिं तुलसी कठिन कलेस ॥मोर मोर सब कहँ कहसि तू को कहु निज नाम।कै चुप साधहि सुनि समुझि कै तुलसी जपु राम ॥हम लखि लखहि हमार लखि हम हमार के बीच।तुलसी अलखहि का लखहि राम नाम जप नीच ॥राम नाम अवलंब बिनु परमारथ की आस।बरषत बारिद बूँद गहि चाहत चढ़न अकास ॥तुलसी हठि हठि कहत नित चित सुनि हित करि मानि।लाभ राम सुमिरन बड़ो बड़ी बिसारें हानि ॥बिगरी जनम अनेक की सुधरै अबहीं आजु।होहि राम को नाम जपु तुलसी तजि कुसमाजु ॥

citrakūṭa saba dina basata prabhu siya lakhana sameta|rāma nāma japa jāpakahi tulasī abhimata deta ||paya ahāra phala khāi japu rāma nāma ṣaṭa māsa|sakala sumaṃgala siddhi saba karatala tulasīdāsa ||rāma nāma manīdīpa dharu jīha deharī dvāra|tulasī bhītara bāharehum̐ jauṃ cāhasi ujiyāra ||hiyam̐ nirguna nayananhi saguna rasanā rāma sunāma|manahum̐ puraṭa saṃpuṭa lasata tulasī lalita lalāma ||saguna dhyāna ruci sarasa nahiṃ nirguna mana te dūri|tulasī sumirahu rāmako nāma sajīvana mūri ||eku chatru eku mukuṭamani saba baranani para jou|tulasī raghubara nāma ke barana birājata dou ||nāma rāma ko aṃka hai saba sādhana haiṃ sūna|aṃka gaem̐ kachu hātha nahiṃ aṃka raheṃ dasa gūna ||nāmu rāma ko kalapataru kali kalyāna nivāsu|jo sumirata bhayo bhām̐ga teṃ tulasī tulasīdāsu ||rāma nāma japi jīham̐ jana bhae sukṛta sukhasāli|tulasī ihām̐ jo ālasī gayo āju kī kāli ||nāma garībanivāja ko rāja deta jana jāni|tulasī mana pariharata nahiṃ ghura biniā kī bāni ||kāsīṃ bidhi basi tanu tajeṃ haṭhi tanu tajeṃ prayāga|tulasī jo phala so sulabha rāma nāma anurāga ||mīṭho aru kaṭhavati bharo rauṃtāī aru chaima|svāratha paramāratha sulabha rāma nāma ke prema ||rāma nāma sumirata sujasa bhājana bhae kujāti|kutaruka surapura rājamaga lahata bhuvana bikhyāti ||svāratha sukha sapanehum̐ agama paramāratha na prabesa|rāma nāma sumirata miṭahiṃ tulasī kaṭhina kalesa ||mora mora saba kaham̐ kahasi tū ko kahu nija nāma|kai cupa sādhahi suni samujhi kai tulasī japu rāma ||hama lakhi lakhahi hamāra lakhi hama hamāra ke bīca|tulasī alakhahi kā lakhahi rāma nāma japa nīca ||rāma nāma avalaṃba binu paramāratha kī āsa|baraṣata bārida būm̐da gahi cāhata caṛhana akāsa ||tulasī haṭhi haṭhi kahata nita cita suni hita kari māni|lābha rāma sumirana baड़o baड़ī bisāreṃ hāni ||bigarī janama aneka kī sudharai abahīṃ āju|hohi rāma ko nāma japu tulasī taji kusamāju ||

प्रीति प्रतीति सुरीति सों राम राम जपु राम।तुलसी तेरो है भलो आदि मध्य परिनाम ॥दंपति रस रसना दसन परिजन बदन सुगेह।तुलसी हर हित बरन सिसु संपति सहज सनेह ॥बरषा रितु रघुपति भगति तुलसी सालि सुदास।रामनाम बर बरन जुग सावन भादव मास ॥राम नाम नर केसरी कनककसिपु कलिकाल।जापक जन प्रहलाद जिमि पालिहि दलि सुरसाल ॥राम नाम कलि कामतरु राम भगति सुरधेनु।सकल सुमंगल मूल जग गुरुपद पंकर रेनु ॥राम नाम कलि कामतरु सकल सुमंगल कंद।सुमिरत करतल सिद्धि सब पग पग परमानंद ॥जथा भूमि सब बीजमय नखत निवास अकास।राम नाम सब धरममय जानत तुलसीदास ॥सकल कामना हीन जे राम भगति रस लीन।नाम सुप्रेम पियूष हृद तिन्हहुँ किए मन मीन ॥

prīti pratīti surīti soṃ rāma rāma japu rāma|tulasī tero hai bhalo ādi madhya parināma ||daṃpati rasa rasanā dasana parijana badana sugeha|tulasī hara hita barana sisu saṃpati sahaja saneha ||baraṣā ritu raghupati bhagati tulasī sāli sudāsa|rāmanāma bara barana juga sāvana bhādava māsa ||rāma nāma nara kesarī kanakakasipu kalikāla|jāpaka jana prahalāda jimi pālihi dali surasāla ||rāma nāma kali kāmataru rāma bhagati suradhenu|sakala sumaṃgala mūla jaga gurupada paṃkara renu ||rāma nāma kali kāmataru sakala sumaṃgala kaṃda|sumirata karatala siddhi saba paga paga paramānaṃda ||jathā bhūmi saba bījamaya nakhata nivāsa akāsa|rāma nāma saba dharamamaya jānata tulasīdāsa ||sakala kāmanā hīna je rāma bhagati rasa līna|nāma suprema piyūṣa hṛda tinhahum̐ kie mana mīna ||

ब्रह्म राम तें नामु बड़ बर दायक बर दानि।राम चरित सत कोटि महँ लिय महेस जियँ जानि ॥सबरी गीध सुसेवकनि सुगति दीन्हि रघुनाथ।नाम उधारे अमित खल बेद बिदित गुन गाथ ॥राम नाम पर नाम तें प्रीति प्रतीति भरोस।सो तुलसी सुमिरत सकल सगुन सुमंगल कोस ॥लंक बिभीषन राज कपि पति मारुति खग मीच।लही राम सों नाम रति चाहत तुलसी नीच ॥हरन अमंगल अघ अखिल करन सकल कल्यान।रामनाम नित कहत हर गावत बेद पुरान ॥

brahma rāma teṃ nāmu baड़ bara dāyaka bara dāni|rāma carita sata koṭi maham̐ liya mahesa jiyam̐ jāni ||sabarī gīdha susevakani sugati dīnhi raghunātha|nāma udhāre amita khala beda bidita guna gātha ||rāma nāma para nāma teṃ prīti pratīti bharosa|so tulasī sumirata sakala saguna sumaṃgala kosa ||laṃka bibhīṣana rāja kapi pati māruti khaga mīca|lahī rāma soṃ nāma rati cāhata tulasī nīca ||harana amaṃgala agha akhila karana sakala kalyāna|rāmanāma nita kahata hara gāvata beda purāna ||

तुलसी प्रीति प्रतीति सों राम नाम जप जाग।किएँ होइ बिधि दाहिनो देइ अभागेहि भाग ॥जल थल नभ गति अमित अति अग जग जीव अनेक।राम भरोसो राम बल राम नाम बिस्वास।सुमिरत सुभ मंगल कुसल माँगत तुलसीदास ॥राम नाम रति राम गति राम नाम बिस्वास।सुमिरत सुभ मंगल कुसल दुहुँ दिसि तुलसीदास ॥

tulasī prīti pratīti soṃ rāma nāma japa jāga|kiem̐ hoi bidhi dāhino dei abhāgehi bhāga ||jala thala nabha gati amita ati aga jaga jīva aneka|rāma bharoso rāma bala rāma nāma bisvāsa|sumirata subha maṃgala kusala mām̐gata tulasīdāsa ||rāma nāma rati rāma gati rāma nāma bisvāsa|sumirata subha maṃgala kusala duhum̐ disi tulasīdāsa ||

रामप्रेमके बिना सब व्यर्थ है

rāmapremake binā saba vyartha hai

रसना साँपिनि बदन बिल जे न जपहिं हरिनाम।तुलसी प्रेम न राम सों ताहि बिधाता बाम ॥हिय फाटहुँ फूटहुँ नयन जरउ सो तन केहि काम।द्रवहिं स्त्रवहिं पुलकइ नहीं तुलसी सुमिरत राम ॥रामहि सुमिरत रन भिरत देत परत गुरु पाँय।तुलसी जिन्हहि न पुलक तनु ते जग जीवत जायँ ॥

rasanā sām̐pini badana bila je na japahiṃ harināma|tulasī prema na rāma soṃ tāhi bidhātā bāma ||hiya phāṭahum̐ phūṭahum̐ nayana jarau so tana kehi kāma|dravahiṃ stravahiṃ pulakai nahīṃ tulasī sumirata rāma ||rāmahi sumirata rana bhirata deta parata guru pām̐ya|tulasī jinhahi na pulaka tanu te jaga jīvata jāyam̐ ||

सोरठा

soraṭhā

हृदय सो कुलिस समान जो न द्रवइ हरिगुन सुनत।कर न राम गुन गान जीह सो दादुर जीह सम ॥स्त्रवै न सलिल सनेहु तुलसी सुनि रघुबीर जस।ते नयना जनि देहु राम करहु बरु आँधरो ॥रहैं न जल भरि पूरि राम सुजस सुनि रावरो।तिन आँखिन में धूरि भरि भरि मूठी मेलिये ॥

hṛdaya so kulisa samāna jo na dravai hariguna sunata|kara na rāma guna gāna jīha so dādura jīha sama ||stravai na salila sanehu tulasī suni raghubīra jasa|te nayanā jani dehu rāma karahu baru ām̐dharo ||rahaiṃ na jala bhari pūri rāma sujasa suni rāvaro|tina ām̐khina meṃ dhūri bhari bhari mūṭhī meliye ||

प्रार्थना

prārthanā

बारक सुमिरत तोहि होहि तिन्हहि सम्मुख सुखद।क्यों न सँभारहि मोहि दया सिंधु दसरत्थ के ॥

bāraka sumirata tohi hohi tinhahi sammukha sukhada|kyoṃ na sam̐bhārahi mohi dayā siṃdhu dasarattha ke ||

रामकी और रामप्रेमकी महिमा

rāmakī aura rāmapremakī mahimā

साहिब होत सरोष सेवक को अपराध सुनि।अपने देखे दोष सपनेहु राम न उर धरे ॥

sāhiba hota saroṣa sevaka ko aparādha suni|apane dekhe doṣa sapanehu rāma na ura dhare ||

दोहा

dohā

तुलसी रामहि आपु तें सेवक की रुचि मीठि।सीतापति से साहिबहि कैसे दीजै पीठि ॥तुलसी जाके होयगी अंतर बाहिर दीठि।सो कि कृपालुहि देइगो केवटपालहि पीठि ॥प्रभु तरु तर कपि डार पर ते किए आपु समान।तुलसी कहूँ न राम से साहिब सील निधान ॥

tulasī rāmahi āpu teṃ sevaka kī ruci mīṭhi|sītāpati se sāhibahi kaise dījai pīṭhi ||tulasī jāke hoyagī aṃtara bāhira dīṭhi|so ki kṛpāluhi deigo kevaṭapālahi pīṭhi ||prabhu taru tara kapi ḍāra para te kie āpu samāna|tulasī kahūm̐ na rāma se sāhiba sīla nidhāna ||

उद्बोधन

udbodhana

रे मन सब सों निरस ह्वै सरस राम सों होहि।भलो सिखावन देत है निसि दिन तुलसी तोहि ॥हरे चरहिं तापहि बरे फरें पसारहिं हाथ।तुलसी स्वारथ मीत सब परमारथ रघुनाथ ॥स्वारथ सीता राम सों परमारथ सिय राम।तुलसी तेरो दूसरे द्वार कहा कहु काम ॥स्वारथ परमारथ सकल सुलभ एक ही ओर।द्वार दूसरे दीनता उचित न तुलसी तोर ॥तुलसी स्वारथ राम हित परमारथ रघुबीर।सेवक जाके लखन से पवनपूत रनधीर ॥ज्यों जग बैरी मीन को आपु सहित बिनु बारि।त्यों तुलसी रघुबीर बिनु गति आपनी बिचारि ॥

re mana saba soṃ nirasa hvai sarasa rāma soṃ hohi|bhalo sikhāvana deta hai nisi dina tulasī tohi ||hare carahiṃ tāpahi bare phareṃ pasārahiṃ hātha|tulasī svāratha mīta saba paramāratha raghunātha ||svāratha sītā rāma soṃ paramāratha siya rāma|tulasī tero dūsare dvāra kahā kahu kāma ||svāratha paramāratha sakala sulabha eka hī ora|dvāra dūsare dīnatā ucita na tulasī tora ||tulasī svāratha rāma hita paramāratha raghubīra|sevaka jāke lakhana se pavanapūta ranadhīra ||jyoṃ jaga bairī mīna ko āpu sahita binu bāri|tyoṃ tulasī raghubīra binu gati āpanī bicāri ||

तुलसीदासजीकी अभिलाषा

tulasīdāsajīkī abhilāṣā

राम प्रेम बिनु दूबरो राम प्रेमहीं पीन।रघुबर कबहुँक करहुगे तुलसिहि ज्यों जल मीन ॥

rāma prema binu dūbaro rāma premahīṃ pīna|raghubara kabahum̐ka karahuge tulasihi jyoṃ jala mīna ||

रामप्रेमकी महत्ता

rāmapremakī mahattā

राम सनेही राम गति राम चरन रति जाहि।तुलसी फल जग जनम को दियो बिधाता ताहि ॥आपु आपने तें अधिक जेहि प्रिय सीताराम।तेहि के पग की पानहीं तुलसी तनु को चाम ॥स्वारथ परमारथ रहित सीता राम सनेहँ।तुलसी सो फल चारि को फल हमार मत एहँ ॥जे जन रूखे बिषय रस चिकने राम सनेहँ।तुलसी ते प्रिय राम को कानन बसहि कि गेहँ ॥जथा लाभ संतोष सुख रघुबर चरन सनेह।तुलसी जो मन खूँद सम कानन बसहुँ कि गेह ॥तुलसी जौं पै राम सों नाहिन सहज सनेह।मूँड़ मुड़ायो बादिहीं भाँड़ भयो तजि गेह ॥

rāma sanehī rāma gati rāma carana rati jāhi|tulasī phala jaga janama ko diyo bidhātā tāhi ||āpu āpane teṃ adhika jehi priya sītārāma|tehi ke paga kī pānahīṃ tulasī tanu ko cāma ||svāratha paramāratha rahita sītā rāma saneham̐|tulasī so phala cāri ko phala hamāra mata eham̐ ||je jana rūkhe biṣaya rasa cikane rāma saneham̐|tulasī te priya rāma ko kānana basahi ki geham̐ ||jathā lābha saṃtoṣa sukha raghubara carana saneha|tulasī jo mana khūm̐da sama kānana basahum̐ ki geha ||tulasī jauṃ pai rāma soṃ nāhina sahaja saneha|mūm̐ड़ muड़āyo bādihīṃ bhām̐ड़ bhayo taji geha ||

रामविमुखताका कुफल

rāmavimukhatākā kuphala

तुलसी श्रीरघुबीर तजि करै भरोसो और।सुख संपति की का चली नरकहुँ नाहीं ठौर ॥तुलसी परिहरि हरि हरहि पाँवर पूजहिं भूत।अंत फजीहत होहिंगे गनिका के से पूत ॥सेये सीता राम नहिं भजे न संकर गौरि।जनम गँवायो बादिहीं परत पराई पौरि ॥तुलसी हरि अपमान तें होइ अकाज समाज।राज करत रज मिलि गए सदल सकुल कुरुराज ॥तुलसी रामहि परिहरें निपट हानि सुन ओझ।सुरसरि गत सोई सलिल सुरा सरिस गंगोझ ॥राम दूरि माया बढ़ति घटति जानि मन माँह।भूरि होति रबि दूरि लखि सिर पर पगतर छाँह ॥साहिब सीतानाथ सों जब घटिहै अनुराग।तुलसी तबहीं भालतें भभरि भागिहैं भाग ॥करिहौ कोसलनाथ तजि जबहिं दूसरी आस।जहाँ तहाँ दुख पाइहौं तबहीं तुलसीदास ॥बिंधि न ईंधन पाइऐ सागर जुरै न नीर।परै उपास कुबेर घर जो बिपच्छ रघुबीरो ॥बरसा को गोबर भयो को चहै को करै प्रीति।तुलसी तू अनुभवहि अब राम बिमुख की रीति ॥सबहिं समरथहि सुखद प्रिय अच्छम प्रिय हितकारि।कबहुँ न काहुहि राम प्रिय तुलसी कहा बिचारि ॥तुलसी उद्यम करम जुग जब जेहि राम सुडीठि।होइ सुफल सोइ ताहि सब सनमुख प्रभु तन पीठि ॥राम कामतरु परिहरत सेवत कलि तरु ठूँठ।स्वारथ परमारथ चहत सकल मनोरथ झूँठ ॥

tulasī śrīraghubīra taji karai bharoso aura|sukha saṃpati kī kā calī narakahum̐ nāhīṃ ṭhaura ||tulasī parihari hari harahi pām̐vara pūjahiṃ bhūta|aṃta phajīhata hohiṃge ganikā ke se pūta ||seye sītā rāma nahiṃ bhaje na saṃkara gauri|janama gam̐vāyo bādihīṃ parata parāī pauri ||tulasī hari apamāna teṃ hoi akāja samāja|rāja karata raja mili gae sadala sakula kururāja ||tulasī rāmahi parihareṃ nipaṭa hāni suna ojha|surasari gata soī salila surā sarisa gaṃgojha ||rāma dūri māyā baṛhati ghaṭati jāni mana mām̐ha|bhūri hoti rabi dūri lakhi sira para pagatara chām̐ha ||sāhiba sītānātha soṃ jaba ghaṭihai anurāga|tulasī tabahīṃ bhālateṃ bhabhari bhāgihaiṃ bhāga ||karihau kosalanātha taji jabahiṃ dūsarī āsa|jahām̐ tahām̐ dukha pāihauṃ tabahīṃ tulasīdāsa ||biṃdhi na īṃdhana pāiai sāgara jurai na nīra|parai upāsa kubera ghara jo bipaccha raghubīro ||barasā ko gobara bhayo ko cahai ko karai prīti|tulasī tū anubhavahi aba rāma bimukha kī rīti ||sabahiṃ samarathahi sukhada priya acchama priya hitakāri|kabahum̐ na kāhuhi rāma priya tulasī kahā bicāri ||tulasī udyama karama juga jaba jehi rāma suḍīṭhi|hoi suphala soi tāhi saba sanamukha prabhu tana pīṭhi ||rāma kāmataru pariharata sevata kali taru ṭhūm̐ṭha|svāratha paramāratha cahata sakala manoratha jhūm̐ṭha ||

कल्याणका सुगम उपाय

kalyāṇakā sugama upāya

निज दूषन गुन राम के समुझें तुलसीदास।होइ भलो कलिकाल हूँ उभय लोक अनयास ॥कै तोहि लागहिं राम प्रिय कै तू प्रभु प्रिय होहि।दुइ में रुचै जो सुगम सो कीबे तुलसी तोहि ॥तुलसी दुइ महँ एक ही खेल छाँड़ि छल खेलु।कै करु ममता राम सों के ममता परहेलु ॥

nija dūṣana guna rāma ke samujheṃ tulasīdāsa|hoi bhalo kalikāla hūm̐ ubhaya loka anayāsa ||kai tohi lāgahiṃ rāma priya kai tū prabhu priya hohi|dui meṃ rucai jo sugama so kībe tulasī tohi ||tulasī dui maham̐ eka hī khela chām̐ड़i chala khelu|kai karu mamatā rāma soṃ ke mamatā parahelu ||

श्रीरामजीकी प्राप्तिका सुगम उपाय

śrīrāmajīkī prāptikā sugama upāya

निगम अगम साहेब सुगम राम साँचिली चाह।अंबु असन अवलोकिअत सुलभ सबै जग माँह ॥सनमुख आवत पथिक ज्यों दिएँ दाहिनो बाम।तैसोइ होत सु आप को त्यों ही तुलसी राम ॥

nigama agama sāheba sugama rāma sām̐cilī cāha|aṃbu asana avalokiata sulabha sabai jaga mām̐ha ||sanamukha āvata pathika jyoṃ diem̐ dāhino bāma|taisoi hota su āpa ko tyoṃ hī tulasī rāma ||

रामप्रेमके लिये वैराग्यकी आवश्यकता

rāmapremake liye vairāgyakī āvaśyakatā

राम प्रेम पथ पेखिऐ दिएँ बिषय तन पीठि।तुलसी केंचुरि परिहरें होत साँपहू दीठि ॥तुलसी जौ लौं बिषय की मुधा माधुरी मीठि।तौ लौं सुधा सहस्र सम राम भगति सुठि सीठि ॥

rāma prema patha pekhiai diem̐ biṣaya tana pīṭhi|tulasī keṃcuri parihareṃ hota sām̐pahū dīṭhi ||tulasī jau lauṃ biṣaya kī mudhā mādhurī mīṭhi|tau lauṃ sudhā sahasra sama rāma bhagati suṭhi sīṭhi ||

शरणागतिकी महिमा

śaraṇāgatikī mahimā

जैसो तैसो रावरो केवल कोसलपाल।तौ तुलसी को है भलो तिहूँ लोक तिहुँ काल ॥है तुलसी कें एक गुन अवगुन निधि कहैं लोग।भलो भरोसो रावरो राम रीझिबे जोग ॥

jaiso taiso rāvaro kevala kosalapāla|tau tulasī ko hai bhalo tihūm̐ loka tihum̐ kāla ||hai tulasī keṃ eka guna avaguna nidhi kahaiṃ loga|bhalo bharoso rāvaro rāma rījhibe joga ||

भक्तिका स्वरुप

bhaktikā svarupa

प्रीति राम सों नीति पथ चलिय राग रिस जीति।तुलसी संतन के मते इहै भगति की रीति ॥

prīti rāma soṃ nīti patha caliya rāga risa jīti|tulasī saṃtana ke mate ihai bhagati kī rīti ||

कलियुगसे कौन नहीं छला जाता

kaliyugase kauna nahīṃ chalā jātā

सत्य बचन मानस बिमल कपट रहित करतूति।तुलसी रघुबर सेवकहि सकै न कलिजुग धूति ॥तुलसी सुखी जो राम सों दुखी सो निज करतूति।करम बचन मन ठीक जेहि तेहि न सकै कलि धूति ॥

satya bacana mānasa bimala kapaṭa rahita karatūti|tulasī raghubara sevakahi sakai na kalijuga dhūti ||tulasī sukhī jo rāma soṃ dukhī so nija karatūti|karama bacana mana ṭhīka jehi tehi na sakai kali dhūti ||

गोस्वामीजीकी प्रेमकामना

gosvāmījīkī premakāmanā