अम्बास्तोत्रम् २ Jnanaprasunambastotram

माणिक्याञ्चितभूषणां मणिवरां माहेन्द्रनीलोज्ज्वलांमन्दारद्रुममाल्यभूषितकचां मत्तेभकुम्भस्तनीम् ।मौलिस्तोमनुतां मराळगमनां माध्वीरसानन्दिनींध्याये चेतसि काळहस्तिनिलयां ज्ञानप्रसूनाम्बिकाम् ॥ १॥

māṇikyāñcitabhūṣaṇāṃ maṇivarāṃ māhendranīlojjvalāṃmandāradrumamālyabhūṣitakacāṃ mattebhakumbhastanīm |maulistomanutāṃ marāḷagamanāṃ mādhvīrasānandinīṃdhyāye cetasi kāḷahastinilayāṃ jñānaprasūnāmbikām || 1||

श्यामां राजनिभाननां रतिहितां राजीवपत्रेक्षणांराजत्काञ्चनरत्नभूषणयुतां राज्यप्रदानेश्वरीम् ।रक्षोगर्वनिवारणां त्रिजगतां रक्षैकचिन्तामणिंध्याये चेतसि काळहस्तिनिलयां ज्ञानप्रसूनाम्बिकाम् ॥ २॥

śyāmāṃ rājanibhānanāṃ ratihitāṃ rājīvapatrekṣaṇāṃrājatkāñcanaratnabhūṣaṇayutāṃ rājyapradāneśvarīm |rakṣogarvanivāraṇāṃ trijagatāṃ rakṣaikacintāmaṇiṃdhyāye cetasi kāḷahastinilayāṃ jñānaprasūnāmbikām || 2||

कल्याणीं करिकुम्भभासुरकुचां कामेश्वरीं कामिनींकल्याणाचलवासिनीं कलरवां कन्दर्पविद्याकलाम् ।कञ्जाक्षीं कलबिन्दुकल्पलतिकां कामारिचित्तप्रियांध्याये चेतसि काळहस्तिनिलयां ज्ञानप्रसूनाम्बिकाम् ॥ ३॥

kalyāṇīṃ karikumbhabhāsurakucāṃ kāmeśvarīṃ kāminīṃkalyāṇācalavāsinīṃ kalaravāṃ kandarpavidyākalām |kañjākṣīṃ kalabindukalpalatikāṃ kāmāricittapriyāṃdhyāye cetasi kāḷahastinilayāṃ jñānaprasūnāmbikām || 3||

भावातीतमनःप्रभावभरितां ब्रह्माण्डभाण्डोदरींबालां बालकुरङ्गनेत्रयुगलां भानुप्रभाभासिताम् ।भास्वत्क्षेत्ररुचाभिरामनिलयां भव्यां भवानीं शिवांध्याये चेतसि काळहस्तिनिलयां ज्ञानप्रसूनाम्बिकाम् ॥ ४॥

bhāvātītamanaḥprabhāvabharitāṃ brahmāṇḍabhāṇḍodarīṃbālāṃ bālakuraṅganetrayugalāṃ bhānuprabhābhāsitām |bhāsvatkṣetrarucābhirāmanilayāṃ bhavyāṃ bhavānīṃ śivāṃdhyāye cetasi kāḷahastinilayāṃ jñānaprasūnāmbikām || 4||

वीणागानविनोदिनीं विजयिनीं वेतण्डकुम्भस्तनींविद्वद्वन्दितपादपद्मयुगलां विद्याप्रदां शङ्करीम् ।विद्वेषिण्यभिरञ्जिनीं स्तुतिभवां वेदान्तवेद्यां शिवांध्याये चेतसि काळहस्तिनिलयां ज्ञानप्रसूनाम्बिकाम् ॥ ५॥

vīṇāgānavinodinīṃ vijayinīṃ vetaṇḍakumbhastanīṃvidvadvanditapādapadmayugalāṃ vidyāpradāṃ śaṅkarīm |vidveṣiṇyabhirañjinīṃ stutibhavāṃ vedāntavedyāṃ śivāṃdhyāye cetasi kāḷahastinilayāṃ jñānaprasūnāmbikām || 5||

नानाभूषितभूषणादिविमलां लावण्यपाथोनिधिंकाञ्चीचञ्चलघाटिकाकलरवां कञ्जातपत्रेक्षणाम् ।कर्पूरागरुकुङ्कुमाङ्कितकुचां कैलासनाथप्रियांध्याये चेतसि काळहस्तिनिलयां ज्ञानप्रसूनाम्बिकाम् ॥ ६॥

nānābhūṣitabhūṣaṇādivimalāṃ lāvaṇyapāthonidhiṃkāñcīcañcalaghāṭikākalaravāṃ kañjātapatrekṣaṇām |karpūrāgarukuṅkumāṅkitakucāṃ kailāsanāthapriyāṃdhyāye cetasi kāḷahastinilayāṃ jñānaprasūnāmbikām || 6||

मञ्जीराञ्चितपादपद्मयुगलां माणिक्यभूषान्वितांमन्दारद्रुममञ्जरीमधुझरीमाधुर्यखेलद्गिराम् ।मातङ्गीं मदिरालसां करशुकां नीलालकालङ्कृतांध्याये चेतसि काळहस्तिनिलयां ज्ञानप्रसूनाम्बिकाम् ॥ ७॥

mañjīrāñcitapādapadmayugalāṃ māṇikyabhūṣānvitāṃmandāradrumamañjarīmadhujharīmādhuryakheladgirām |mātaṅgīṃ madirālasāṃ karaśukāṃ nīlālakālaṅkṛtāṃdhyāye cetasi kāḷahastinilayāṃ jñānaprasūnāmbikām || 7||

कर्णालम्बितहेमकुण्डलयुगां कादम्बवेणीमुमांअम्भोजासनवासवादिविनुतामर्धेन्दुभूषोज्ज्वलाम् ।कस्तूरीतिलकाभिरामनिटिलां गानप्रियां श्यामलांध्याये चेतसि काळहस्तिनिलयां ज्ञानप्रसूनाम्बिकाम् ॥ ८॥

karṇālambitahemakuṇḍalayugāṃ kādambaveṇīmumāṃambhojāsanavāsavādivinutāmardhendubhūṣojjvalām |kastūrītilakābhirāmaniṭilāṃ gānapriyāṃ śyāmalāṃdhyāye cetasi kāḷahastinilayāṃ jñānaprasūnāmbikām || 8||

कौमारीं नवपल्लवाङ्घ्रियुगलां कर्पूरभासोज्ज्वलांगङ्गाऽऽवर्तसमाननाभिकुहरां गाङ्गेयभूषान्विताम् ।चन्द्रार्कानलकोटिकोटिसदृशां चन्द्रार्कबिम्बाननांध्याये चेतसि काळहस्तिनिलयां ज्ञानप्रसूनाम्बिकाम् ॥ ९॥

kaumārīṃ navapallavāṅghriyugalāṃ karpūrabhāsojjvalāṃgaṅgā''vartasamānanābhikuharāṃ gāṅgeyabhūṣānvitām |candrārkānalakoṭikoṭisadṛśāṃ candrārkabimbānanāṃdhyāye cetasi kāḷahastinilayāṃ jñānaprasūnāmbikām || 9||

बालादित्यनिभाननां त्रिनयनां बालेन्दुना भूषितांनीलाकारसुकेशिनीं विलसितां नित्यान्नदानप्रदाम् ।शङ्खं चक्रवराभयं च दधतीं सारस्वतार्थप्रदांताम्बूलीं त्रिपुरां शिवसेनसहितां ध्यायामि मूकाम्बिकाम् ॥ १०॥

bālādityanibhānanāṃ trinayanāṃ bālendunā bhūṣitāṃnīlākārasukeśinīṃ vilasitāṃ nityānnadānapradām |śaṅkhaṃ cakravarābhayaṃ ca dadhatīṃ sārasvatārthapradāṃtāmbūlīṃ tripurāṃ śivasenasahitāṃ dhyāyāmi mūkāmbikām || 10||

इति ज्ञानप्रसूनाम्बिकास्तोत्रं समाप्तम् ॥

iti jñānaprasūnāmbikāstotraṃ samāptam ||