अर्धनारीश्वरस्तोत्रम् ३ शिवशिवास्तुतिः ४ Ardhanarishvarastotram 3

ब्रह्मोवाचजय देव महादेव जयेश्वर महेश्वर ।जय सर्वगुणश्रेष्ठ जय सर्वसुराधिप ॥ १॥

brahmovācajaya deva mahādeva jayeśvara maheśvara |jaya sarvaguṇaśreṣṭha jaya sarvasurādhipa || 1||

जय प्रकृतिकल्याणि जय प्रकृतिनायिके ।जय प्रकृतिदूरे त्वं जय प्रकृतिसुन्दरि ॥ २॥

jaya prakṛtikalyāṇi jaya prakṛtināyike |jaya prakṛtidūre tvaṃ jaya prakṛtisundari || 2||

जयामोघमहामाय जयामोघमनोरथ ।जयामोघमहालील जयामोघमहाबल ॥ ३॥

jayāmoghamahāmāya jayāmoghamanoratha |jayāmoghamahālīla jayāmoghamahābala || 3||

जय विश्वजगन्मातर्जय विश्वजगन्मये ।जय विश्वजगद्धात्रि जय विश्वजगत्सखि ॥ ४॥

jaya viśvajaganmātarjaya viśvajaganmaye |jaya viśvajagaddhātri jaya viśvajagatsakhi || 4||

जय शाश्वतिकैश्वर्ये जय शाश्वतिकालय ।जय शाश्वतिकाकार जयशाश्वतिकानुग ॥ ५॥

jaya śāśvatikaiśvarye jaya śāśvatikālaya |jaya śāśvatikākāra jayaśāśvatikānuga || 5||

जयात्मत्रयनिर्मात्रि जयात्मत्रयपालिनि ।जयात्मत्रयसंहर्त्रि जयात्मत्रयनायिके ॥ ६॥

jayātmatrayanirmātri jayātmatrayapālini |jayātmatrayasaṃhartri jayātmatrayanāyike || 6||

जयावलोकनायत्तजगत्कारणबृंहण । वर् जयावलोकनोत्कृष्टजयोपेक्षाकटाक्षोत्थहुतभुग्भुक्तमौक्तिक ॥ ७॥

jayāvalokanāyattajagatkāraṇabṛṃhaṇa | var jayāvalokanotkṛṣṭajayopekṣākaṭākṣotthahutabhugbhuktamauktika || 7||

जय देवाद्यविज्ञेयस्वात्मसूक्ष्मदृशोज्ज्वले ।जय स्थूलात्मशक्त्येशेजय व्याप्तचराचरे ॥ ८॥

jaya devādyavijñeyasvātmasūkṣmadṛśojjvale |jaya sthūlātmaśaktyeśejaya vyāptacarācare || 8||

वर् स्थूलात्मशक्त्यंशव्याप्तविश्वचराचरेजय नामैकविन्यस्तविश्वतत्त्वसमुच्चय ।जयासुरशिरोनिष्ठश्रेष्ठानुगकदम्बक ॥ ९॥

var sthūlātmaśaktyaṃśavyāptaviśvacarācarejaya nāmaikavinyastaviśvatattvasamuccaya |jayāsuraśironiṣṭhaśreṣṭhānugakadambaka || 9||

जयोपाश्रितसंरक्षां संविधानपटीयसी ।जयोन्मूलितसंसारविषवृक्षाङ्कुरोद्गमे ॥ १०॥

jayopāśritasaṃrakṣāṃ saṃvidhānapaṭīyasī |jayonmūlitasaṃsāraviṣavṛkṣāṅkurodgame || 10||

जय प्रादेशिकैश्वर्यवीर्यशौर्यविजृम्भिणे ।जय विश्वबहिर्भूत निरस्तपरवैभव ॥ ११॥

jaya prādeśikaiśvaryavīryaśauryavijṛmbhiṇe |jaya viśvabahirbhūta nirastaparavaibhava || 11||

जय प्रणीतपञ्चार्थप्रयोगपरमामृत ।जय पञ्चार्थविज्ञानसुधास्तोत्रस्वरूपिणे ॥ १२॥ वर् सुखस्रोतःस्वरूपिणे

jaya praṇītapañcārthaprayogaparamāmṛta |jaya pañcārthavijñānasudhāstotrasvarūpiṇe || 12|| var sukhasrotaḥsvarūpiṇe

जयति घोरसंसारमहारोगभिषग्वर ।जयानादिमलाज्ञानतमःपटलचन्द्रिके ॥ १३॥

jayati ghorasaṃsāramahārogabhiṣagvara |jayānādimalājñānatamaḥpaṭalacandrike || 13||

जय त्रिपुरकालाग्ने जय त्रिपुरभैरवि ।जय त्रिगुणनिर्मुक्ते जय त्रिगुणमर्दिनि ॥ १४॥

jaya tripurakālāgne jaya tripurabhairavi |jaya triguṇanirmukte jaya triguṇamardini || 14||

जय प्रथमसर्वज्ञ जय सर्वप्रबोधिक । वर् प्रमथसर्वज्ञजय प्रचुरदिव्याङ्ग जय प्रार्थितदायिनि ॥ १५॥

jaya prathamasarvajña jaya sarvaprabodhika | var pramathasarvajñajaya pracuradivyāṅga jaya prārthitadāyini || 15||

क्व देव ते परं धाम क्व च तुच्छं च नो वचः ।तथापि भगवन् भक्त्या प्रलपन्तं क्षमस्व माम् ॥ १६॥

kva deva te paraṃ dhāma kva ca tucchaṃ ca no vacaḥ |tathāpi bhagavan bhaktyā pralapantaṃ kṣamasva mām || 16||

विज्ञाप्यैवंविधैः सूक्तैर्विश्वकर्मा चतुर्मुखः ।नमश्चकार रुद्राय रुद्राण्यै च मुहुर्मुहुः ॥ १७॥

vijñāpyaivaṃvidhaiḥ sūktairviśvakarmā caturmukhaḥ |namaścakāra rudrāya rudrāṇyai ca muhurmuhuḥ || 17||

इदं स्तोत्रवरं पुण्यं ब्रह्मणा समुदीरितम् ।अर्धनारीश्वरं नाम शिवयोर्हर्षवर्धनम् ॥ १८॥

idaṃ stotravaraṃ puṇyaṃ brahmaṇā samudīritam |ardhanārīśvaraṃ nāma śivayorharṣavardhanam || 18||

य इदं कीर्तयेद्भक्त्या यस्य कस्यापि शिक्षया । वर् शुचिस्तद्गतमानसः ।महत्फलमवाप्नोति शिवयोः प्रीतिकारणात् ॥ १९॥

ya idaṃ kīrtayedbhaktyā yasya kasyāpi śikṣayā | var śucistadgatamānasaḥ |mahatphalamavāpnoti śivayoḥ prītikāraṇāt || 19||

सकलभुवनभूतभावनाभ्यांजननविनाशविहीनविग्रहाभ्याम् ।नरवरयुवतीवपुर्धराभ्यांसततमहं प्रणतोऽस्मि शङ्कराभ्याम् ॥ २०॥

sakalabhuvanabhūtabhāvanābhyāṃjananavināśavihīnavigrahābhyām |naravarayuvatīvapurdharābhyāṃsatatamahaṃ praṇato'smi śaṅkarābhyām || 20||

॥ इति श्रीशैवे महापुराणे वायवीयसंहितायां पूर्वभागेशिवशिवास्तुतिवर्णनं नाम पञ्चदशाध्यायेअर्धनारीश्वरस्तोत्रं सम्पूर्णम् ॥णा

|| iti śrīśaive mahāpurāṇe vāyavīyasaṃhitāyāṃ pūrvabhāgeśivaśivāstutivarṇanaṃ nāma pañcadaśādhyāyeardhanārīśvarastotraṃ sampūrṇam ||ṇā