लघुशान्तिस्तवः Shri Laghushantistavah

श्रीमानदेवसूरिसृत्रितःशान्तिं शन्तिनिशान्तं शातनं शान्ताशीवं नमस्कृत्य ।स्तोतः शान्तिनिमित्तं मन्त्रपदैः शान्तये स्तौमि ॥ १॥

śrīmānadevasūrisṛtritaḥśāntiṃ śantiniśāntaṃ śātanaṃ śāntāśīvaṃ namaskṛtya |stotaḥ śāntinimittaṃ mantrapadaiḥ śāntaye staumi || 1||

ओमितिनिश्चितवचसे नमो नमो भगवतेऽर्हते पूजाम् ।शान्तिजिनायजयवते यशस्विने स्वामिने दमिनाम् ॥ २॥

omitiniścitavacase namo namo bhagavate'rhate pūjām |śāntijināyajayavate yaśasvine svāmine daminām || 2||

सकलातिशेषकमहा सम्पत्तिसमन्विताय शस्याय ।त्रैलोक्यपूजिताय च नमो नमः शान्तिदेवाय ॥ ३॥

sakalātiśeṣakamahā sampattisamanvitāya śasyāya |trailokyapūjitāya ca namo namaḥ śāntidevāya || 3||

सर्वामरसुसमूहस्वामिकसम्पूजिताय न जिताय ।भुवनजनपालनोद्यननमाय मननं नमम्नम्मै ॥ ४॥

sarvāmarasusamūhasvāmikasampūjitāya na jitāya |bhuvanajanapālanodyananamāya mananaṃ namamnammai || 4||

सर्वदुरितौघनाशनकराय सर्वाशिवप्रशमनाय ।दुष्टग्रहभूतपिशाचशाकिनीनां प्रमथनाय ॥ ५॥ युग्मम् ॥

sarvaduritaughanāśanakarāya sarvāśivapraśamanāya |duṣṭagrahabhūtapiśācaśākinīnāṃ pramathanāya || 5|| yugmam ||

यस्येतिनाममन्त्रप्रधानवाक्योपयोगकृततोषा ।विजया कुरुते जनहिनमिति च नुता ! नमत तं शान्तिम् ॥ ६॥

yasyetināmamantrapradhānavākyopayogakṛtatoṣā |vijayā kurute janahinamiti ca nutā ! namata taṃ śāntim || 6||

भवतु नमस्ते भगवति ! विजये ! सुजये ! परापरैरजिते ! ।अपराजिते ! जगत्यां जयतीति जयावहे ! भवति ! ॥ ७॥

bhavatu namaste bhagavati ! vijaye ! sujaye ! parāparairajite ! |aparājite ! jagatyāṃ jayatīti jayāvahe ! bhavati ! || 7||

सर्वस्यापि च सङ्घस्य भद्रकल्याणमङ्गलप्रददे ! ।साधूनां च सदा शिवसुतुष्टिपुष्टिप्रदे ! जीयाः ॥ ८॥

sarvasyāpi ca saṅghasya bhadrakalyāṇamaṅgalapradade ! |sādhūnāṃ ca sadā śivasutuṣṭipuṣṭiprade ! jīyāḥ || 8||

भव्यानां कृतसिद्धे ! निर्वृतिनिर्वाणजननि ! सत्त्वानाम् ।अभयपदाननिरते ! नमोऽस्तु स्वस्तिप्रदे ! तुभ्यम् ॥ ९॥

bhavyānāṃ kṛtasiddhe ! nirvṛtinirvāṇajanani ! sattvānām |abhayapadānanirate ! namo'stu svastiprade ! tubhyam || 9||

भक्तानां जन्तूनां शुभावहे ! नित्यमुद्यते ! देवि ! ।सम्यग् दृष्टीनां धृतिरतिमतिबुद्धिप्रदानाय ॥ १०॥

bhaktānāṃ jantūnāṃ śubhāvahe ! nityamudyate ! devi ! |samyag dṛṣṭīnāṃ dhṛtiratimatibuddhipradānāya || 10||

जिनशासननिरतानां शान्तिनतानां च जगति जनतानाम् ।श्रीसम्पत्कीर्तियशो वर्धनि ! जयदेवि ! विजयस्व ॥ ११॥ युग्मम् ।

jinaśāsananiratānāṃ śāntinatānāṃ ca jagati janatānām |śrīsampatkīrtiyaśo vardhani ! jayadevi ! vijayasva || 11|| yugmam |

सलिलानलविषविषयधरदुष्टग्रहराजरोगरणभयतः ।राक्षसरिपुगणमारीचौरेतिश्वापदादिभ्यः ॥ १२॥

salilānalaviṣaviṣayadharaduṣṭagraharājarogaraṇabhayataḥ |rākṣasaripugaṇamārīcauretiśvāpadādibhyaḥ || 12||

अथ रक्ष रक्ष सुशिवं कुरु कुरु शान्तिं च कुरु कुरु सदेति ।तुष्टिं कुरु कुरु पुष्टिं कुरु कुरु स्वस्तिं च कुरु कुरु त्वम् ॥ १३॥ युग्मम् ॥

atha rakṣa rakṣa suśivaṃ kuru kuru śāntiṃ ca kuru kuru sadeti |tuṣṭiṃ kuru kuru puṣṭiṃ kuru kuru svastiṃ ca kuru kuru tvam || 13|| yugmam ||

भगवति ! गुणवति ! शिवशान्तितुष्टिपुष्टिस्वस्तीह कुरु कुरु जनानाम् ।ओमिति नमो नमो ह्राँ ह्रीं ह्रूँ यः क्षः ह्रीं फट् फट् स्वाहा ॥ १४॥

bhagavati ! guṇavati ! śivaśāntituṣṭipuṣṭisvastīha kuru kuru janānām |omiti namo namo hrām̐ hrīṃ hrūm̐ yaḥ kṣaḥ hrīṃ phaṭ phaṭ svāhā || 14||

एवं यन्नामाक्षरपुरस्सरं संस्तुता जया देवी ।कुरुते शान्तिं नमतां नमो नमः शान्तये तस्मै ॥ १५॥

evaṃ yannāmākṣarapurassaraṃ saṃstutā jayā devī |kurute śāntiṃ namatāṃ namo namaḥ śāntaye tasmai || 15||

इति पूर्वसूरिदर्शितमन्त्रपदविदर्भितः स्तवः शान्तेः ।सलिलादिभयविनाशी शान्त्यादिकरश्च भक्तिमताम् ॥ १६॥

iti pūrvasūridarśitamantrapadavidarbhitaḥ stavaḥ śānteḥ |salilādibhayavināśī śāntyādikaraśca bhaktimatām || 16||

यश्चैनं पठति सदा शृणोति भावयति वा यथायोगम् ।स हि शान्तिपदं यायात्सूरिः श्रीमानदेवश्च ॥ १७॥ युग्मम् ॥

yaścainaṃ paṭhati sadā śṛṇoti bhāvayati vā yathāyogam |sa hi śāntipadaṃ yāyātsūriḥ śrīmānadevaśca || 17|| yugmam ||

इति श्रीमानदेवसूरिसृत्रितः श्रीलघुशान्तिस्तवः समाप्तः ।

iti śrīmānadevasūrisṛtritaḥ śrīlaghuśāntistavaḥ samāptaḥ |