मातृभूमिनुत्यष्टकम् Shri Matribhuminutyashtakam

श्रीविष्णुर्ममजीवनैकशरणो ब्रह्मा सुतो मे प्रियःपौत्रो मे शशिभूषणः पुरहरो मा भैष्ट भो ! भारताः ! । (*)यूयं तादृशवंशजा मम सुता भावैक्यबोधोज्ज्वलाःइत्याघोषणशालिनीं भगवतीं श्रीमातृभूमिं भजे ॥ १॥

śrīviṣṇurmamajīvanaikaśaraṇo brahmā suto me priyaḥpautro me śaśibhūṣaṇaḥ puraharo mā bhaiṣṭa bho ! bhāratāḥ ! | (*)yūyaṃ tādṛśavaṃśajā mama sutā bhāvaikyabodhojjvalāḥityāghoṣaṇaśālinīṃ bhagavatīṃ śrīmātṛbhūmiṃ bhaje || 1||

(*)पौत्रो मे स सदाशिवः पुरहरो मा भैष्ट भो ! भारताः ! ॥ इति पाठान्तरम् ॥श्रीवेदाः स्मृतयश्च शास्त्रनिचयो मामेव संसेवितुंराजन्त्यत्र सुपूतदिव्यचरितानुद्बोधयन्तः सदा ।तस्माच्छोकमरं विहाय नितरां सेवध्वमार्याः प्रजाः ! (*)इत्याघोषणशालिनीं भगवतीं श्रीमातृभूमिं भजे ॥ २॥

(*)pautro me sa sadāśivaḥ puraharo mā bhaiṣṭa bho ! bhāratāḥ ! || iti pāṭhāntaram ||śrīvedāḥ smṛtayaśca śāstranicayo māmeva saṃsevituṃrājantyatra supūtadivyacaritānudbodhayantaḥ sadā |tasmācchokamaraṃ vihāya nitarāṃ sevadhvamāryāḥ prajāḥ ! (*)ityāghoṣaṇaśālinīṃ bhagavatīṃ śrīmātṛbhūmiṃ bhaje || 2||

मुक्त्वा शोकमलीमसं प्रतिलवं सेवध्वमार्याः प्रजाः ! इति पाठान्तरम् ॥ (*)नाहं केवलमृत्तिकोपलमयी भूरस्मि, नो वै जडा,गाङ्गं वारि मदीयमेव जननीस्तन्यात्मकं निस्तुलम् । (*)तस्मादेव नराः सुरासुरगणा मां मातरं मन्वतेइत्याघोषणशालिनीं भगवतीं श्रीमातृभूमिं भजे ॥ ३॥

muktvā śokamalīmasaṃ pratilavaṃ sevadhvamāryāḥ prajāḥ ! iti pāṭhāntaram || (*)nāhaṃ kevalamṛttikopalamayī bhūrasmi, no vai jaḍā,gāṅgaṃ vāri madīyameva jananīstanyātmakaṃ nistulam | (*)tasmādeva narāḥ surāsuragaṇā māṃ mātaraṃ manvateityāghoṣaṇaśālinīṃ bhagavatīṃ śrīmātṛbhūmiṃ bhaje || 3||

(*)गाङ्गं वारि मदीयमेत्र जननीदुग्धात्मकं निस्तुलम् ॥ इति पाठान्तरम् ॥कश्मीरान्ध्रविदर्भकेरलजना वाङ्गाश्च वा मद्रगाः ! (*)नाभीदेषु जनिङ्गतास्तु सततं जानीत भो ! सत्तमाः ! ।साऽहं भारतभूमिरेव शरणं पुण्याय मोक्षाय वःइत्याघोषणशालिनीं भगवतीं श्रीमातृभूमिं भजे ॥ ४॥

(*)gāṅgaṃ vāri madīyametra jananīdugdhātmakaṃ nistulam || iti pāṭhāntaram ||kaśmīrāndhravidarbhakeralajanā vāṅgāśca vā madragāḥ ! (*)nābhīdeṣu janiṅgatāstu satataṃ jānīta bho ! sattamāḥ ! |sā'haṃ bhāratabhūmireva śaraṇaṃ puṇyāya mokṣāya vaḥityāghoṣaṇaśālinīṃ bhagavatīṃ śrīmātṛbhūmiṃ bhaje || 4||

कश्मीरान्ध्रविदर्भकेरलजना वाङ्गाश्च वा सिन्धुगाः ! इति पाठान्तरम् ॥ (*)चातुर्वर्ण्ययुता जिनेन्द्रपथगाः सिक्खा मुनीन्द्रानुगाः !कृश्चीनार्यमुहम्मदीयमता भो ! पारसीकादयः ! ।सर्वे मत्प्रियबान्धवाः सुकृतिनो धर्माध्वनीनाध्वगाःइत्याघोषणशालिनीं भगवतीं श्रीमातृभूमिं भजे ॥ ५॥

kaśmīrāndhravidarbhakeralajanā vāṅgāśca vā sindhugāḥ ! iti pāṭhāntaram || (*)cāturvarṇyayutā jinendrapathagāḥ sikkhā munīndrānugāḥ !kṛścīnāryamuhammadīyamatā bho ! pārasīkādayaḥ ! |sarve matpriyabāndhavāḥ sukṛtino dharmādhvanīnādhvagāḥityāghoṣaṇaśālinīṃ bhagavatīṃ śrīmātṛbhūmiṃ bhaje || 5||

भास्वच्छुभ्रहिमालयोज्ज्वलमणिप्रोद्यच्छिरोभूषणांपारावारविहारवीचिविलसन्मञ्जीरझङ्कारिणीम् । (*)देवीं भारतमातरं मुहुरहो ! रक्षन्तु मां पुण्यदाम्इत्याघोषणशालिनीं भगवतीं श्रीमातृभूमिं भजे ॥ ६॥

bhāsvacchubhrahimālayojjvalamaṇiprodyacchirobhūṣaṇāṃpārāvāravihāravīcivilasanmañjīrajhaṅkāriṇīm | (*)devīṃ bhāratamātaraṃ muhuraho ! rakṣantu māṃ puṇyadāmityāghoṣaṇaśālinīṃ bhagavatīṃ śrīmātṛbhūmiṃ bhaje || 6||

(*)पारावारविहारवीचिविलसन्मञ्जीरशिञ्जाखनाम् ॥ इति पाठान्तरम् ॥लोकाः सन्तु निरामयाः, प्रतिगृहं स्फूर्जन्तु धर्माण्यथो,अस्तु स्वस्तिमती निरीतिरखिला सम्पन्नसस्याऽवनिः ।श्रेयःश्रेणिजुषो भवन्तु धरणीपालाः प्रजाः सन्ततम्इत्याघोषणशालिनीं भगवतीं श्रीमातृभूमिं भजे ॥ ७॥

(*)pārāvāravihāravīcivilasanmañjīraśiñjākhanām || iti pāṭhāntaram ||lokāḥ santu nirāmayāḥ, pratigṛhaṃ sphūrjantu dharmāṇyatho,astu svastimatī nirītirakhilā sampannasasyā'vaniḥ |śreyaḥśreṇijuṣo bhavantu dharaṇīpālāḥ prajāḥ santatamityāghoṣaṇaśālinīṃ bhagavatīṃ śrīmātṛbhūmiṃ bhaje || 7||

सञ्जातो हि ! युधिष्ठिरः पुनरसौ भीमाग्रजः पाण्डवोराष्ट्रोऽयं प्रबलो भवेदिति स यो नाजीगणञ्जीवनम् ।तच्छ्रीपूज्यमहात्मगान्धिपथगा भूयास्त भो ! सुप्रजाः ! (*)इत्याघोषणशालिनीं भगवतीं श्रीमातृभूमिं भजे ॥ ८॥

sañjāto hi ! yudhiṣṭhiraḥ punarasau bhīmāgrajaḥ pāṇḍavorāṣṭro'yaṃ prabalo bhavediti sa yo nājīgaṇañjīvanam |tacchrīpūjyamahātmagāndhipathagā bhūyāsta bho ! suprajāḥ ! (*)ityāghoṣaṇaśālinīṃ bhagavatīṃ śrīmātṛbhūmiṃ bhaje || 8||

(*)तच्छ्रीमोहनदासगान्धिपथगा भूयात भो ! सुप्रजाः ! इति पाठान्तरम् ॥श्रीमातृभूमेरेतद् वै पुण्यं दिव्यानुशासनम् ।श्रुत्वावधार्य भूयास्त धन्या भारतभूसुताः ! ॥मातृभूमिनुतिं नित्यं यः पठेद् भक्तिपूर्वकम् ।सोऽवश्यं मातृभूसेवारतो भूत्वा सुखं व्रजेत् ॥वन्दे भारतमातरम् ।

(*)tacchrīmohanadāsagāndhipathagā bhūyāta bho ! suprajāḥ ! iti pāṭhāntaram ||śrīmātṛbhūmeretad vai puṇyaṃ divyānuśāsanam |śrutvāvadhārya bhūyāsta dhanyā bhāratabhūsutāḥ ! ||mātṛbhūminutiṃ nityaṃ yaḥ paṭhed bhaktipūrvakam |so'vaśyaṃ mātṛbhūsevārato bhūtvā sukhaṃ vrajet ||vande bhāratamātaram |