जिनसहस्रनामस्तोत्रम् १ Jina Sahasranama Stavanam

प्रभो भवाङ्गभोगेषु निर्विण्णो दुःखभीरुकः ।एष विज्ञापयामि त्वां शरण्यं करुणार्णवम् ॥ १॥

prabho bhavāṅgabhogeṣu nirviṇṇo duḥkhabhīrukaḥ |eṣa vijñāpayāmi tvāṃ śaraṇyaṃ karuṇārṇavam || 1||

सुखलालसया मोहाद् भ्राम्यन् बहिरितस्ततः ।सुखैकहेतोर्नामापि तव न ज्ञातवान् पुरा ॥ २॥

sukhalālasayā mohād bhrāmyan bahiritastataḥ |sukhaikahetornāmāpi tava na jñātavān purā || 2||

अद्य मोहग्रहावेशशैथिल्य तत्किञ्चिदुन्मुखः ।अनन्तगुणमाप्तेभ्यस्त्वां श्रुत्वा स्तोतुमुद्यतः ॥ ३॥

adya mohagrahāveśaśaithilya tatkiñcidunmukhaḥ |anantaguṇamāptebhyastvāṃ śrutvā stotumudyataḥ || 3||

भक्त्या प्रोत्सार्यमाणोऽपि (प्रोत्साह्यमानोऽपि) दूरं शक्त्या तिरस्कृतः ।त्वां नामाष्टसहस्रेण स्तुत्वाऽऽत्मानं पुनाम्यहम् ॥ ४॥

bhaktyā protsāryamāṇo'pi (protsāhyamāno'pi) dūraṃ śaktyā tiraskṛtaḥ |tvāṃ nāmāṣṭasahasreṇa stutvā''tmānaṃ punāmyaham || 4||

जिनसर्वज्ञ यज्ञार्हतीर्थकृन्नाथयोगिनाम् ।निर्वाण ब्रह्मबुद्धान्तकृतां चाष्टोत्तरैः शतैः ॥ ५॥

jinasarvajña yajñārhatīrthakṛnnāthayoginām |nirvāṇa brahmabuddhāntakṛtāṃ cāṣṭottaraiḥ śataiḥ || 5||

जिनो जिनेन्द्रो जिनराट् जिनपृष्ठो जिनोत्तमः ।जिनाधिपो जिनाधीशो जिनस्वामी जिनेश्वरः ॥ ६॥

jino jinendro jinarāṭ jinapṛṣṭho jinottamaḥ |jinādhipo jinādhīśo jinasvāmī jineśvaraḥ || 6||

जिननाथो जिनपतिर्जिनराजो जिनाधिराट् ।जिनप्रभुर्जिनविभुर्जिनभर्त्ता जिनाधिभूः ॥ ७॥

jinanātho jinapatirjinarājo jinādhirāṭ |jinaprabhurjinavibhurjinabharttā jinādhibhūḥ || 7||

जिननेता जिनेशानो जिनेनो जिननायकः ।जिनेट् जिनपरिवृढो जिनदेवो जिनेशिता ॥ ८॥

jinanetā jineśāno jineno jinanāyakaḥ |jineṭ jinaparivṛḍho jinadevo jineśitā || 8||

जिनाधिराजो जिनपो जिनेशी जिनशासिता ।जिनाधिनाथोऽपि जिनाधिपतिर्जिनपालकः ॥ ९॥

jinādhirājo jinapo jineśī jinaśāsitā |jinādhinātho'pi jinādhipatirjinapālakaḥ || 9||

जिनचन्द्रो जिनादित्यो जिनार्को जिनकुञ्जरः ।जिनेन्दुर्जिनधौरेयो जिनधुर्यो जिनोत्तरः ॥ १०॥

jinacandro jinādityo jinārko jinakuñjaraḥ |jinendurjinadhaureyo jinadhuryo jinottaraḥ || 10||

जिनवर्यो जिनवरो जिनसिंहो जिनोद्वहः ।जिनर्षभो जिनवृपो जिनरत्रं जिनोरसम् ॥ ११॥

jinavaryo jinavaro jinasiṃho jinodvahaḥ |jinarṣabho jinavṛpo jinaratraṃ jinorasam || 11||

जिनेशो जिनशार्दूलो जिनाग्र्यं जिनपुङ्गवः ।जिनहंसो जिनोत्तंसो जिननागो जिनाग्रणीः ॥ १२॥

jineśo jinaśārdūlo jināgryaṃ jinapuṅgavaḥ |jinahaṃso jinottaṃso jinanāgo jināgraṇīḥ || 12||

जिनप्रवेकश्च जिनग्रामणीर्जिनसत्तमः ।जिनप्रवर्हः परमजिनो जिनपुरोगमः ॥ १३॥

jinapravekaśca jinagrāmaṇīrjinasattamaḥ |jinapravarhaḥ paramajino jinapurogamaḥ || 13||

जिनश्रेष्ठो जिनज्येष्ठो जिनमुख्यो जिनाग्रिमः ।श्रीजिनश्वोत्तमजिनो जिनवृन्दारकोऽरिजित् ॥ १४॥

jinaśreṣṭho jinajyeṣṭho jinamukhyo jināgrimaḥ |śrījinaśvottamajino jinavṛndārako'rijit || 14||

निर्विघ्नो विरजाः शुद्धो निस्तमस्को निरञ्जनः ।घातिकर्मान्तकः कर्ममर्मावित्कर्महानघः ॥ १५॥

nirvighno virajāḥ śuddho nistamasko nirañjanaḥ |ghātikarmāntakaḥ karmamarmāvitkarmahānaghaḥ || 15||

वीतरागोऽक्षुदद्वेषो निर्मोहो निर्मदोऽगदः ।वितृष्णो निर्ममोऽसङ्गो निर्भयो वीतविस्मयः ॥ १६॥

vītarāgo'kṣudadveṣo nirmoho nirmado'gadaḥ |vitṛṣṇo nirmamo'saṅgo nirbhayo vītavismayaḥ || 16||

अस्वप्नो निःश्रमोऽजन्मा निःस्वेदो निर्जरोऽमरः ।अरत्यतीतो निश्चिन्तो निर्विषादस्त्रिषष्ठिजित् ॥ १७॥

asvapno niḥśramo'janmā niḥsvedo nirjaro'maraḥ |aratyatīto niścinto nirviṣādastriṣaṣṭhijit || 17||

सर्वज्ञः सर्ववित्सर्वदर्शी सर्वावलोकनः ।अनन्तविक्रमोऽनन्तवीर्योऽनन्तसुखात्मकः ॥ १८॥

sarvajñaḥ sarvavitsarvadarśī sarvāvalokanaḥ |anantavikramo'nantavīryo'nantasukhātmakaḥ || 18||

अनन्तसौख्यो विश्वज्ञो विश्वदृश्वाऽखिलार्थदृक् ।न्यक्षदृग्विश्वतश्चक्षुर्विश्वचक्षुरशेषवित् ॥ १९॥

anantasaukhyo viśvajño viśvadṛśvā'khilārthadṛk |nyakṣadṛgviśvataścakṣurviśvacakṣuraśeṣavit || 19||

आनन्द परमानन्दः सदानन्दः सदोदयः ।नित्यानन्दो महानन्दः परानन्दः परोदयः ॥ २०॥

ānanda paramānandaḥ sadānandaḥ sadodayaḥ |nityānando mahānandaḥ parānandaḥ parodayaḥ || 20||

परमोजः परंतेजः परंधाम परंमहः ।प्रत्यग्ज्योतिः परंज्योतिः परंब्रह्म परंरहः ॥ २१॥

paramojaḥ paraṃtejaḥ paraṃdhāma paraṃmahaḥ |pratyagjyotiḥ paraṃjyotiḥ paraṃbrahma paraṃrahaḥ || 21||

प्रत्यगात्मा प्रबुद्धात्मा महात्मात्ममहोदयः ।परमात्मा प्रशान्तात्मा परात्मात्मनिकेतनः ॥ २२॥

pratyagātmā prabuddhātmā mahātmātmamahodayaḥ |paramātmā praśāntātmā parātmātmaniketanaḥ || 22||

परमेष्ठी महिष्टात्मा श्रेष्ठात्मा स्वात्मनिष्ठितः ।ब्रह्मनिष्ठो महानिष्ठो निरूढात्मा दृढात्मदृक् ॥ २३॥

parameṣṭhī mahiṣṭātmā śreṣṭhātmā svātmaniṣṭhitaḥ |brahmaniṣṭho mahāniṣṭho nirūḍhātmā dṛḍhātmadṛk || 23||

एकविद्यो महाविद्यो महाब्रह्मपदेश्वरः ।पञ्चब्रह्ममयः सार्वः सर्वविद्येश्वरः स्वभूः ॥ २४॥

ekavidyo mahāvidyo mahābrahmapadeśvaraḥ |pañcabrahmamayaḥ sārvaḥ sarvavidyeśvaraḥ svabhūḥ || 24||

अनन्तधीरनन्तात्माऽनन्तशक्तिरनन्तदृक् ।अनन्तानन्तधीशक्तिरनन्तचिदनन्तमुत् ॥ २५॥

anantadhīranantātmā'nantaśaktiranantadṛk |anantānantadhīśaktiranantacidanantamut || 25||

सदाप्रकाशः सर्वार्थसाक्षात्कारी समग्रधीः ।कर्मसाक्षी जगच्चक्षुरलक्ष्यात्माऽचलस्थितिः ॥ २६॥

sadāprakāśaḥ sarvārthasākṣātkārī samagradhīḥ |karmasākṣī jagaccakṣuralakṣyātmā'calasthitiḥ || 26||

निराबाधोऽप्रतर्क्यात्मा धर्मचक्री विदांवरः ।भूतात्मा सहजज्योतिर्विश्वज्योतिरतीन्द्रियः ॥ २७॥

nirābādho'pratarkyātmā dharmacakrī vidāṃvaraḥ |bhūtātmā sahajajyotirviśvajyotiratīndriyaḥ || 27||

केवली केवलालोको लोकालोकविलोकनः ।विविक्तः केवलोऽव्यक्तः शरण्योऽचिन्त्यवैभवः ॥ २८॥

kevalī kevalāloko lokālokavilokanaḥ |viviktaḥ kevalo'vyaktaḥ śaraṇyo'cintyavaibhavaḥ || 28||

विश्वभृद्विश्वरूपात्मा विश्वात्मा विश्वतोमुखः ।विश्वव्यापी स्वयञ्ज्योतिरचिन्त्यात्माऽमितप्रभः ॥ २९॥

viśvabhṛdviśvarūpātmā viśvātmā viśvatomukhaḥ |viśvavyāpī svayañjyotiracintyātmā'mitaprabhaḥ || 29||

महौदार्यो महाबोधिर्महालाभो महोदयः ।महोपभोगः सुगतिर्महाभोगो महाबलः ॥ ३०॥

mahaudāryo mahābodhirmahālābho mahodayaḥ |mahopabhogaḥ sugatirmahābhogo mahābalaḥ || 30||

यज्ञार्हो भगवानर्हन्महार्हो मघवार्चितः ।भूतार्थयज्ञपुरुषो भूतार्थक्रतुपौरुषः ॥ ३१॥

yajñārho bhagavānarhanmahārho maghavārcitaḥ |bhūtārthayajñapuruṣo bhūtārthakratupauruṣaḥ || 31||

पूज्यो भट्टारकस्तत्रभवानत्रभवान्महान् ।महामहार्हस्तत्रायुस्ततो दीर्घायुरर्घ्यवाक् ॥ ३२॥

pūjyo bhaṭṭārakastatrabhavānatrabhavānmahān |mahāmahārhastatrāyustato dīrghāyurarghyavāk || 32||

आराध्यः परमाराध्यः पञ्चकल्याणपूजितः ।दृग्विशुद्धिगणोदग्रो वसुधारार्चितास्पदः ॥ ३३॥

ārādhyaḥ paramārādhyaḥ pañcakalyāṇapūjitaḥ |dṛgviśuddhigaṇodagro vasudhārārcitāspadaḥ || 33||

सुस्वप्नदर्शी दिव्यौजाः शचीसेवितमातृकः ।स्याद्वत्नगर्भः श्रीपूतगर्भो गर्भोत्सवोच्छ्रतः ॥ ३४॥

susvapnadarśī divyaujāḥ śacīsevitamātṛkaḥ |syādvatnagarbhaḥ śrīpūtagarbho garbhotsavocchrataḥ || 34||

दिव्योपचारोपचितः पद्मभूर्निष्कलः स्वजः ।सर्वीयजन्मा पुण्याङ्गो भास्वानुद्भूतदैवतः ॥ ३५॥

divyopacāropacitaḥ padmabhūrniṣkalaḥ svajaḥ |sarvīyajanmā puṇyāṅgo bhāsvānudbhūtadaivataḥ || 35||

विश्वविज्ञातसम्भूतिर्विश्वदेवागमाद्भुतः ।शचीसृष्टप्रतिच्छन्दः सहस्राक्षदृगुत्सवः ॥ ३६॥

viśvavijñātasambhūtirviśvadevāgamādbhutaḥ |śacīsṛṣṭapraticchandaḥ sahasrākṣadṛgutsavaḥ || 36||

नृत्यदैवतासीनः सर्वशक्रनमस्कृतः ।हर्षाकुलामरखगश्चारणर्षिमतोत्सवः ॥ ३७॥

nṛtyadaivatāsīnaḥ sarvaśakranamaskṛtaḥ |harṣākulāmarakhagaścāraṇarṣimatotsavaḥ || 37||

व्योम विष्णुपदारक्षा स्नानपीठायिताद्रिराट् ।तीर्थेशंमन्यदुग्धाब्धिः स्नानाम्बुस्नातवासवः ॥ ३८॥

vyoma viṣṇupadārakṣā snānapīṭhāyitādrirāṭ |tīrtheśaṃmanyadugdhābdhiḥ snānāmbusnātavāsavaḥ || 38||

गन्धाम्बुपूतत्रैलोक्यो वज्रसूचीशुचिश्रवा ।कृतार्थितशचीहस्तः शक्रोद्धुष्टेष्टनामकः ॥ ३९॥

gandhāmbupūtatrailokyo vajrasūcīśuciśravā |kṛtārthitaśacīhastaḥ śakroddhuṣṭeṣṭanāmakaḥ || 39||

शक्रारब्धानन्दनृत्यः शचीविस्मापिताम्बिकः ।इन्द्रनृत्यन्तपितृको रैदपूर्णमनोरथः ॥ ४०॥

śakrārabdhānandanṛtyaḥ śacīvismāpitāmbikaḥ |indranṛtyantapitṛko raidapūrṇamanorathaḥ || 40||

आज्ञार्थीन्द्रकृतासेवो देवर्षीष्टशिवोद्यमः ।दीक्षाक्षणक्षुब्धजगद्भूर्भुवःस्वःपतीडितः ॥ ४१॥

ājñārthīndrakṛtāsevo devarṣīṣṭaśivodyamaḥ |dīkṣākṣaṇakṣubdhajagadbhūrbhuvaḥsvaḥpatīḍitaḥ || 41||

कुबेरनिर्मितास्थानः श्रीयुग्योगीश्वरार्चितः ।ब्रह्मेड्यो ब्रह्मविद्वेद्यो याज्यो यज्ञपतिः क्रतुः ॥ ४२॥

kuberanirmitāsthānaḥ śrīyugyogīśvarārcitaḥ |brahmeḍyo brahmavidvedyo yājyo yajñapatiḥ kratuḥ || 42||

यज्ञाङ्गममृतं यज्ञो हविः स्तुत्यः स्तुतीश्वरः ।भावो महामहपतिर्महायज्ञोऽग्रयाजकः ॥ ४३॥

yajñāṅgamamṛtaṃ yajño haviḥ stutyaḥ stutīśvaraḥ |bhāvo mahāmahapatirmahāyajño'grayājakaḥ || 43||

दयायागो जगत्पूज्यः पूजार्हो जगदर्चितः ।देवाधिदेवः शक्रार्च्यो देवदेवो जगद्गुरुः ॥ ४४॥

dayāyāgo jagatpūjyaḥ pūjārho jagadarcitaḥ |devādhidevaḥ śakrārcyo devadevo jagadguruḥ || 44||

संहूतदेवसङ्घार्च्यः पद्मयानो जयध्वजी ।भामण्डली चतुःषष्टिचामरो देवदुन्दुभिः ॥ ४५॥

saṃhūtadevasaṅghārcyaḥ padmayāno jayadhvajī |bhāmaṇḍalī catuḥṣaṣṭicāmaro devadundubhiḥ || 45||

वागस्पृष्टासनः छत्रत्रयराट् पुष्पवृष्टिभाक् ।दिव्याशोको मानमर्दी सङ्गीतार्होऽष्टमङ्गलः ॥ ४६॥

vāgaspṛṣṭāsanaḥ chatratrayarāṭ puṣpavṛṣṭibhāk |divyāśoko mānamardī saṅgītārho'ṣṭamaṅgalaḥ || 46||

तीर्थकुत्तीर्थसृट् तीर्थङ्करस्तीर्थङ्करः सुदृक् ।तीर्थकर्त्ता तीर्थभर्ता तीर्थेशस्तीर्थनायकः ॥ ४७॥

tīrthakuttīrthasṛṭ tīrthaṅkarastīrthaṅkaraḥ sudṛk |tīrthakarttā tīrthabhartā tīrtheśastīrthanāyakaḥ || 47||

धर्मतीर्थङ्करस्तीर्थप्रणेता तीर्थकारकः ।तीर्थप्रवर्तकस्तीर्थवेधास्तीर्थविधायकः ॥ ४८॥

dharmatīrthaṅkarastīrthapraṇetā tīrthakārakaḥ |tīrthapravartakastīrthavedhāstīrthavidhāyakaḥ || 48||

सत्यतीर्थङ्करस्तीर्थसेव्यस्तैर्थिकतारकः ।सत्यवाक्याधिपः सत्यशासनोऽप्रतिशासनः ॥ ४९॥

satyatīrthaṅkarastīrthasevyastairthikatārakaḥ |satyavākyādhipaḥ satyaśāsano'pratiśāsanaḥ || 49||

स्याद्वादी दिव्यगीर्दिव्यध्वनिरव्याहतार्थवाक् ।पुण्यवागर्थ्यवागर्धवागधीयोक्तिरिद्धवाक् ॥ ५०॥

syādvādī divyagīrdivyadhvaniravyāhatārthavāk |puṇyavāgarthyavāgardhavāgadhīyoktiriddhavāk || 50||

अनेकान्त दिगेकान्तध्वान्तभिद् दुर्णयान्तकृत् ।सार्थवागप्रयत्नोक्तिः प्रतितीर्थमदघ्नवाक् ॥ ५१॥

anekānta digekāntadhvāntabhid durṇayāntakṛt |sārthavāgaprayatnoktiḥ pratitīrthamadaghnavāk || 51||

स्यात्कारध्वजवागीहापेतवागचलौष्ठवाक् ।अपौरुषेयवाक्छास्ता रुद्धवाक् सप्तभङ्गिवाक् ॥ ५२॥

syātkāradhvajavāgīhāpetavāgacalauṣṭhavāk |apauruṣeyavākchāstā ruddhavāk saptabhaṅgivāk || 52||

अवर्णगीः सर्वभाषामयगीर्व्यक्तवर्णगीः ।अमोघवागक्रमवागवाच्यान्तवागवाक् ॥ ५३॥

avarṇagīḥ sarvabhāṣāmayagīrvyaktavarṇagīḥ |amoghavāgakramavāgavācyāntavāgavāk || 53||

अद्वैतगीः सूनृतगीः सत्यानुभयगीः सुगीः ।योजनव्यापिगी क्षीरगौरगीस्तीर्थकृत्वगीः ॥ ५४॥

advaitagīḥ sūnṛtagīḥ satyānubhayagīḥ sugīḥ |yojanavyāpigī kṣīragauragīstīrthakṛtvagīḥ || 54||

भव्यैश्रव्यगुः सद्गुश्चित्रगुः परमार्थगुः ।प्रशान्तगुः प्राश्निकगुः सुगुर्नियतकालगुः ॥ ५५॥

bhavyaiśravyaguḥ sadguścitraguḥ paramārthaguḥ |praśāntaguḥ prāśnikaguḥ sugurniyatakālaguḥ || 55||

सुश्रुतिः सुश्रुतो याज्यश्रुतिः सुश्रुन्महाश्रुतिः ।धर्मश्रुतिः श्रुतिपतिः श्रुत्युद्धर्त्ता ध्रुवश्रुतिः ॥ ५६॥

suśrutiḥ suśruto yājyaśrutiḥ suśrunmahāśrutiḥ |dharmaśrutiḥ śrutipatiḥ śrutyuddharttā dhruvaśrutiḥ || 56||

निर्वाणमार्गदिग्मार्गदेशकः सर्वमार्गदिक् ।सारस्वतपथस्तीर्थपरमोत्तमतीर्थकृत् ॥ ५७॥

nirvāṇamārgadigmārgadeśakaḥ sarvamārgadik |sārasvatapathastīrthaparamottamatīrthakṛt || 57||

देष्टा वाग्मीश्वरो धर्मशासको धर्मदेशकः ।वागीश्वरस्त्रयीनाथस्त्रिभङ्गीशो गिरां पतिः ॥ ५८॥

deṣṭā vāgmīśvaro dharmaśāsako dharmadeśakaḥ |vāgīśvarastrayīnāthastribhaṅgīśo girāṃ patiḥ || 58||

सिद्धाज्ञः सिद्धवागाज्ञासिद्धः सिद्धैकशासनः ।जगत्प्रसिद्धक्ष् सिद्धान्तः सिद्धमन्त्रः सुसिद्धवाक् ॥ ५९॥

siddhājñaḥ siddhavāgājñāsiddhaḥ siddhaikaśāsanaḥ |jagatprasiddhakṣ siddhāntaḥ siddhamantraḥ susiddhavāk || 59||

शुचिश्रवा निरुकोक्तिस्तन्त्रकृन्यायशास्त्रकृत् ।महिष्ठवाग्महानादः कवीन्द्रो दुन्दुभिस्वनः ॥ ६०॥

śuciśravā nirukoktistantrakṛnyāyaśāstrakṛt |mahiṣṭhavāgmahānādaḥ kavīndro dundubhisvanaḥ || 60||

नाथः पतिः परिवृढः स्वामी भर्त्ता विभुः प्रभुः ।ईश्वरोऽधीश्वरोऽधीशोऽधीशानोऽधोशितेशिता ॥ ६१॥

nāthaḥ patiḥ parivṛḍhaḥ svāmī bharttā vibhuḥ prabhuḥ |īśvaro'dhīśvaro'dhīśo'dhīśāno'dhośiteśitā || 61||

ईशोऽधिपतिरीशान इन इन्द्रोऽधिपोऽधिभूः ।महेश्वरो महेशानो महेशः परमेशिता ॥ ६२॥

īśo'dhipatirīśāna ina indro'dhipo'dhibhūḥ |maheśvaro maheśāno maheśaḥ parameśitā || 62||

अधिदेवो महादेवो देवस्त्रिभुवनेश्वरः ।विश्वेशो विश्वभूतेशो विश्वेट् विश्वेश्वरोऽधिराट् ॥ ६३॥

adhidevo mahādevo devastribhuvaneśvaraḥ |viśveśo viśvabhūteśo viśveṭ viśveśvaro'dhirāṭ || 63||

लोकेश्वरो लोकपति लोकनाथो जगत्पतिः ।त्रैलोक्यनाथो लोकेशो जगन्नाथो जगत्प्रभुः ॥ ६४॥

lokeśvaro lokapati lokanātho jagatpatiḥ |trailokyanātho lokeśo jagannātho jagatprabhuḥ || 64||

पिताः परः परतरो जेता जिष्णुरनीश्वरः ।कर्त्ता प्रभूष्णुर्भ्राजिष्णुः प्रभविष्णुः स्वयम्प्रभुः ॥ ६५॥

pitāḥ paraḥ parataro jetā jiṣṇuranīśvaraḥ |karttā prabhūṣṇurbhrājiṣṇuḥ prabhaviṣṇuḥ svayamprabhuḥ || 65||

लोकजिद्विश्वजिद्विश्वविजेता विश्वजित्वरः ।जगज्जेता जगज्जैत्रो जगज्जिष्णुर्जगज्जयी ॥ ६६॥

lokajidviśvajidviśvavijetā viśvajitvaraḥ |jagajjetā jagajjaitro jagajjiṣṇurjagajjayī || 66||

अग्रणीर्ग्रामणीर्नेता भूर्भुवःस्वरधीश्वरः ।धर्मनायक ऋद्धीशो भूतनाथश्च भूतभृत् ॥ ६७॥

agraṇīrgrāmaṇīrnetā bhūrbhuvaḥsvaradhīśvaraḥ |dharmanāyaka ṛddhīśo bhūtanāthaśca bhūtabhṛt || 67||

गतिः पाता वृषो वर्यो मन्त्रकृच्छुभलक्षणः ।लोकाध्यक्षो दुराधर्षो भव्यबन्धुर्निरुत्सुकः ॥ ६८॥

gatiḥ pātā vṛṣo varyo mantrakṛcchubhalakṣaṇaḥ |lokādhyakṣo durādharṣo bhavyabandhurnirutsukaḥ || 68||

धीरो जगद्धितोऽजय्यस्त्रिजगत्परमेश्वरः ।विश्वासी सर्वलोकेशो विभवो भुवनेश्वरः ॥ ६९॥

dhīro jagaddhito'jayyastrijagatparameśvaraḥ |viśvāsī sarvalokeśo vibhavo bhuvaneśvaraḥ || 69||

त्रिजगद्वल्लभस्तुङ्गस्त्रिजगन्मङ्गलोदयः ।धर्मचक्रायुधः सद्योजातस्त्रैलोक्य मङ्गलः ॥ ७०॥

trijagadvallabhastuṅgastrijaganmaṅgalodayaḥ |dharmacakrāyudhaḥ sadyojātastrailokya maṅgalaḥ || 70||

वरदोऽप्रतिघोऽच्छेद्यो दृढीयानभयङ्करः ।महाभागो निरौपम्यो धर्मसाम्राज्यनायकः ॥ ७१॥

varado'pratigho'cchedyo dṛḍhīyānabhayaṅkaraḥ |mahābhāgo niraupamyo dharmasāmrājyanāyakaḥ || 71||

योगी प्रव्यक्तनिर्वेदः साम्यारोहणतत्परः ।सामयिकी सामयिको निःप्रमादोऽप्रतिक्रमः ॥ ७२॥

yogī pravyaktanirvedaḥ sāmyārohaṇatatparaḥ |sāmayikī sāmayiko niḥpramādo'pratikramaḥ || 72||

यमः प्रधाननियमः स्वभ्यस्तपरमासनः ।प्राणायामचणः सिद्धप्रत्याहारो जितेन्द्रियः ॥ ७३॥

yamaḥ pradhānaniyamaḥ svabhyastaparamāsanaḥ |prāṇāyāmacaṇaḥ siddhapratyāhāro jitendriyaḥ || 73||

धारणाधीश्वरो धर्मध्याननिष्ठः समाधिराट् ।स्फुरत्समरसीभाव एकी करणनायकः ॥ ७४॥

dhāraṇādhīśvaro dharmadhyānaniṣṭhaḥ samādhirāṭ |sphuratsamarasībhāva ekī karaṇanāyakaḥ || 74||

निर्ग्रन्थनाथो योगीन्द्रः ऋषिः साधुर्यतिर्मुनिः ।महर्षिः साधुधौरेयो यतिनाथो मुनीश्वरः ॥ ७५॥

nirgranthanātho yogīndraḥ ṛṣiḥ sādhuryatirmuniḥ |maharṣiḥ sādhudhaureyo yatinātho munīśvaraḥ || 75||

महामुनिर्महामौनी महाध्यानी महाव्रती ।महाक्षमो महाशीलो महाशान्तो महादमः ॥ ७६॥

mahāmunirmahāmaunī mahādhyānī mahāvratī |mahākṣamo mahāśīlo mahāśānto mahādamaḥ || 76||

निर्लेपो निर्भमस्वान्तो धर्माध्यक्षो दयाध्वजः ।ब्रह्मयोनिः स्वयम्बुद्धो ब्रह्मज्ञो ब्रह्मतत्त्ववित् ॥ ७७॥

nirlepo nirbhamasvānto dharmādhyakṣo dayādhvajaḥ |brahmayoniḥ svayambuddho brahmajño brahmatattvavit || 77||

पूतात्मा स्नातको दान्तो भदन्तो वीतमत्सरः ।धर्मवृक्षायुधोऽक्षोभ्यः प्रपूतात्माऽमृतोद्भवः ॥ ७८॥

pūtātmā snātako dānto bhadanto vītamatsaraḥ |dharmavṛkṣāyudho'kṣobhyaḥ prapūtātmā'mṛtodbhavaḥ || 78||

मन्त्रमूर्त्तिः स्वसौम्यात्मा स्वतन्त्रो ब्रह्मसम्भवः ।सुप्रसन्नो गुणाम्भोधिः पुण्यापुण्यनिरोधकः ॥ ७९॥

mantramūrttiḥ svasaumyātmā svatantro brahmasambhavaḥ |suprasanno guṇāmbhodhiḥ puṇyāpuṇyanirodhakaḥ || 79||

सुसंवृतः सुगुप्तात्मा सिद्धात्मा निरुपप्लवः ।महोदर्को महोपायो जगदेकपितामहः ॥ ८०॥

susaṃvṛtaḥ suguptātmā siddhātmā nirupaplavaḥ |mahodarko mahopāyo jagadekapitāmahaḥ || 80||

महाकारुणिको गुण्यो महाक्लेशाङ्कुशः शुचिः ।अरिजंयः सदायोगः सदाभोगः सदाधृतिः ॥ ८१॥

mahākāruṇiko guṇyo mahākleśāṅkuśaḥ śuciḥ |arijaṃyaḥ sadāyogaḥ sadābhogaḥ sadādhṛtiḥ || 81||

परमौदासिताऽनाश्वान् सत्याशीः शान्तनायकः ।अपूर्ववैद्यो योगज्ञो धर्ममूर्तिरधर्मधक् ॥ ८२॥

paramaudāsitā'nāśvān satyāśīḥ śāntanāyakaḥ |apūrvavaidyo yogajño dharmamūrtiradharmadhak || 82||

ब्रह्मेट् महाब्रह्मपतिः कृतकृत्यः कृतकृतुः ।गुणाकरो गुणोच्छेदी निर्निमेषो निराश्रयः ॥ ८३॥

brahmeṭ mahābrahmapatiḥ kṛtakṛtyaḥ kṛtakṛtuḥ |guṇākaro guṇocchedī nirnimeṣo nirāśrayaḥ || 83||

सूरिः सुनयतत्त्वज्ञो महामैत्रीमयः समी (शमी) ।प्रक्षीणबन्धो निर्द्वन्द्वः परमर्षिरनन्तगः ॥ ८४॥

sūriḥ sunayatattvajño mahāmaitrīmayaḥ samī (śamī) |prakṣīṇabandho nirdvandvaḥ paramarṣiranantagaḥ || 84||

निर्वाणः सागरः प्राज्ञैर्महासाधुरुदाहृतः ।विमलाभोऽथ शुद्धाभः श्रीधरो दत्त इत्यपि ॥ ८५॥

nirvāṇaḥ sāgaraḥ prājñairmahāsādhurudāhṛtaḥ |vimalābho'tha śuddhābhaḥ śrīdharo datta ityapi || 85||

अमलाभोऽप्युद्धरोऽग्निः संयमश्च शिवस्तथा ।पुष्पाञ्जलिः शिवगण उत्साहो ज्ञानसंज्ञकः ॥ ८६॥

amalābho'pyuddharo'gniḥ saṃyamaśca śivastathā |puṣpāñjaliḥ śivagaṇa utsāho jñānasaṃjñakaḥ || 86||

परमेश्वर इत्युक्तो विमलेशो यशोधरः ।कृष्णो ज्ञानमतिः शुद्धमतिः श्रीभद्र शान्तयुक् ॥ ८७॥

parameśvara ityukto vimaleśo yaśodharaḥ |kṛṣṇo jñānamatiḥ śuddhamatiḥ śrībhadra śāntayuk || 87||

वृषभस्तद्वदजितः सम्भवश्चाभिनन्दनः ।मुनिभिः सुमतिः पद्मप्रभः प्रोक्तः सुपार्श्वकः ॥ ८८॥

vṛṣabhastadvadajitaḥ sambhavaścābhinandanaḥ |munibhiḥ sumatiḥ padmaprabhaḥ proktaḥ supārśvakaḥ || 88||

चन्द्रप्रभः पुष्पदन्तः शीतलः श्रेय आह्वयः ।वासुपूज्यश्च विमलोऽनन्तजिद्धर्म इत्यपि ॥ ८९॥

candraprabhaḥ puṣpadantaḥ śītalaḥ śreya āhvayaḥ |vāsupūjyaśca vimalo'nantajiddharma ityapi || 89||

शान्तिः कुन्थुररो मल्लिः सुब्रतो नमिरप्यतः ।नेमिः पार्श्वो वर्धमानो महावीरः सुवीरकः ॥ ९०॥

śāntiḥ kunthuraro malliḥ subrato namirapyataḥ |nemiḥ pārśvo vardhamāno mahāvīraḥ suvīrakaḥ || 90||

सन्मतिश्चाकथि महतिमहावीर इत्यथ ।महापद्मः सूरदेवः सुप्रभश्च स्वयम्प्रभः ॥ ९१॥

sanmatiścākathi mahatimahāvīra ityatha |mahāpadmaḥ sūradevaḥ suprabhaśca svayamprabhaḥ || 91||

सर्वायुधो जयदेवो भवेदुदयदेवकः ।प्रभादेव उदङ्कश्च प्रश्नकीत्तिर्जयाभिधः ॥ ९२॥

sarvāyudho jayadevo bhavedudayadevakaḥ |prabhādeva udaṅkaśca praśnakīttirjayābhidhaḥ || 92||

पूर्णबुद्धिर्निष्कषायो विज्ञेयो विमलप्रभः ।बहलो निर्मलश्चित्रगुप्तः समाधिगुप्तकः ॥ ९३॥

pūrṇabuddhirniṣkaṣāyo vijñeyo vimalaprabhaḥ |bahalo nirmalaścitraguptaḥ samādhiguptakaḥ || 93||

स्वयम्भूश्वापि कन्दर्पो जयनाथ इतीरितः ।श्रीविमलो दिव्यवादोऽनन्तवीरोऽप्युदीरितः ॥ ९४॥

svayambhūśvāpi kandarpo jayanātha itīritaḥ |śrīvimalo divyavādo'nantavīro'pyudīritaḥ || 94||

पुरुदेवोऽथ सुविधिः प्रज्ञापारमितोऽव्ययः ।पुराणपुरुषो धर्मसारथिः शिवकीर्त्तनः ॥ ९५॥

purudevo'tha suvidhiḥ prajñāpāramito'vyayaḥ |purāṇapuruṣo dharmasārathiḥ śivakīrttanaḥ || 95||

विश्वकर्माऽक्षरोऽछद्मा विश्वभूर्विश्वनायकः ।दिगम्बरो निरातङ्को निरारेको भवान्तकः ॥ ९६॥

viśvakarmā'kṣaro'chadmā viśvabhūrviśvanāyakaḥ |digambaro nirātaṅko nirāreko bhavāntakaḥ || 96||

दृढव्रतो नयोत्तुङ्गो निःकलङ्कोऽकलाधरः ।सर्वक्लेशापहोऽक्षय्यः क्षान्तः श्रीवृक्षलक्षणः ॥ ९७॥

dṛḍhavrato nayottuṅgo niḥkalaṅko'kalādharaḥ |sarvakleśāpaho'kṣayyaḥ kṣāntaḥ śrīvṛkṣalakṣaṇaḥ || 97||

ब्रह्मा चतुर्मुखो धाता विधाता कमलासनः ।अब्जभूरात्मभूः स्रष्टा सुरज्येष्ठः प्रजापतिः ॥ ९८॥

brahmā caturmukho dhātā vidhātā kamalāsanaḥ |abjabhūrātmabhūḥ sraṣṭā surajyeṣṭhaḥ prajāpatiḥ || 98||

हिरण्यगर्भो वेदज्ञो वेदाङ्गो वेदपारगः ।अजो मनुः शतानन्दो हंसयानस्त्रयीमयः ॥ ९९॥

hiraṇyagarbho vedajño vedāṅgo vedapāragaḥ |ajo manuḥ śatānando haṃsayānastrayīmayaḥ || 99||

विष्णुस्त्रिविक्रमः शौरिः श्रीपतिः पुरुषोत्तमः ।वैकुण्ठः पुण्डरीकाक्षो हृषीकेशो हरिः स्वभूः ॥ १००॥

viṣṇustrivikramaḥ śauriḥ śrīpatiḥ puruṣottamaḥ |vaikuṇṭhaḥ puṇḍarīkākṣo hṛṣīkeśo hariḥ svabhūḥ || 100||

विश्वम्भरोऽसुरध्वंसी माधवो बलिबन्धनः ।अधोक्षजो मधुद्वेषी केशवो विष्टरश्रवः ॥ १०१॥

viśvambharo'suradhvaṃsī mādhavo balibandhanaḥ |adhokṣajo madhudveṣī keśavo viṣṭaraśravaḥ || 101||

श्रीवत्सलाञ्छनः श्रीमानच्युतो नरकान्तकः ।विश्वक्सेनश्चक्रपाणिः पद्मनाभो जनार्दनः ॥ १०२॥

śrīvatsalāñchanaḥ śrīmānacyuto narakāntakaḥ |viśvaksenaścakrapāṇiḥ padmanābho janārdanaḥ || 102||

श्रीकण्ठः शङ्करः शम्भुः कपाली वृषकेतनः ।म्रुत्युञ्जयो विरूपाक्षो वामदेवस्त्रिलोचनः ॥ १०३॥

śrīkaṇṭhaḥ śaṅkaraḥ śambhuḥ kapālī vṛṣaketanaḥ |mrutyuñjayo virūpākṣo vāmadevastrilocanaḥ || 103||

उमापतिः पशुपतिः स्मरारिस्त्रिपुरान्तकः ।अर्धनारीश्वरो रुद्रो भवो भर्गः सदाशिवः ॥ १०४॥

umāpatiḥ paśupatiḥ smarāristripurāntakaḥ |ardhanārīśvaro rudro bhavo bhargaḥ sadāśivaḥ || 104||

जगत्कर्त्ताऽन्धकारातिरनादिनिधनो हरः ।महासेनस्तारकजिद्गणनाथो विनायकः ॥ १०५॥

jagatkarttā'ndhakārātiranādinidhano haraḥ |mahāsenastārakajidgaṇanātho vināyakaḥ || 105||

विरोचनो वियद्रत्नं द्वादशात्मा विभावसुः ।द्विजाराध्यो वृहद्भानुश्चित्रभानुस्तनूनपात् ॥ १०६॥

virocano viyadratnaṃ dvādaśātmā vibhāvasuḥ |dvijārādhyo vṛhadbhānuścitrabhānustanūnapāt || 106||

द्विजराजः सुधाशोचिरौषधीशः कलानिधिः ।नक्षत्रनाथः शुभ्रांशुः सोमः कुमुदबान्धवः ॥ १०७॥

dvijarājaḥ sudhāśocirauṣadhīśaḥ kalānidhiḥ |nakṣatranāthaḥ śubhrāṃśuḥ somaḥ kumudabāndhavaḥ || 107||

लेखर्षभोऽनिलः पुण्यजनः पुण्यजनेश्वरः ।धर्मराजो भोगिराजः प्रचेता भूमिनन्दनः ॥ १०८॥

lekharṣabho'nilaḥ puṇyajanaḥ puṇyajaneśvaraḥ |dharmarājo bhogirājaḥ pracetā bhūminandanaḥ || 108||

सिंहिकातनयश्छायानन्दनो वृहतांपतिः ।पूर्वदेवोपदेष्टा च द्विजराजसमुद्भवः ॥ १०९॥

siṃhikātanayaśchāyānandano vṛhatāṃpatiḥ |pūrvadevopadeṣṭā ca dvijarājasamudbhavaḥ || 109||

बुद्धो दशबलः शाक्यः षडभिज्ञस्तथागतः ।समन्तभद्रः सुगतः श्रीघनो भूतकोटिदिक् ॥ ११०॥

buddho daśabalaḥ śākyaḥ ṣaḍabhijñastathāgataḥ |samantabhadraḥ sugataḥ śrīghano bhūtakoṭidik || 110||

सिद्धार्थो मारजिच्छास्ता क्षणिकैकसुलक्षणः ।बोधिसत्त्वो निर्विकल्पदर्शनोऽद्वयवाद्यपि ॥ १११॥

siddhārtho mārajicchāstā kṣaṇikaikasulakṣaṇaḥ |bodhisattvo nirvikalpadarśano'dvayavādyapi || 111||

महाकृपालुर्नैरात्म्यवादी सन्तानशासकः ।सामान्यलक्षणचणः पञ्चस्कन्धमयात्मदृक् ॥ ११२॥

mahākṛpālurnairātmyavādī santānaśāsakaḥ |sāmānyalakṣaṇacaṇaḥ pañcaskandhamayātmadṛk || 112||

भूतार्थभावनासिद्धः चतुर्भूमिकशासनः ।चतुरार्यसत्यवक्ता निराश्रयचिदन्वयः ॥ ११३॥

bhūtārthabhāvanāsiddhaḥ caturbhūmikaśāsanaḥ |caturāryasatyavaktā nirāśrayacidanvayaḥ || 113||

योगो वैशेषिकस्तुच्छाभावभित्पट्पदार्थदृक् ।नैयायिकः पोडशार्थवादी पञ्चार्थवर्णकः ॥ ११४॥

yogo vaiśeṣikastucchābhāvabhitpaṭpadārthadṛk |naiyāyikaḥ poḍaśārthavādī pañcārthavarṇakaḥ || 114||

ज्ञानान्तराध्यक्षबोधः समवायवशार्थभित् ।भुक्तैकसा व्यकमोन्तो निर्विशेषगुणामृतः ॥ ११५॥

jñānāntarādhyakṣabodhaḥ samavāyavaśārthabhit |bhuktaikasā vyakamonto nirviśeṣaguṇāmṛtaḥ || 115||

साङ्ख्यः समीक्ष्यः कपिलः पञ्चविंशतितत्त्ववित् ।व्यक्ताव्यक्तज्ञविज्ञानी ज्ञानचैतन्य भेददृक् ॥ ११६॥

sāṅkhyaḥ samīkṣyaḥ kapilaḥ pañcaviṃśatitattvavit |vyaktāvyaktajñavijñānī jñānacaitanya bhedadṛk || 116||

अस्वसंविदितज्ञानवादी सत्कार्यवादसात् ।त्रिःप्रमाणोऽक्षप्रमाणः स्याद्वाहङ्कारिकाक्षदिक् ॥ ११७॥

asvasaṃviditajñānavādī satkāryavādasāt |triḥpramāṇo'kṣapramāṇaḥ syādvāhaṅkārikākṣadik || 117||

क्षेत्रज्ञ आत्मा पुरुषो नरो ना चेतनः पुमान् ।अकर्त्ता निर्गुणोऽमूर्तो भोक्ता सर्वगतोऽक्रियः ॥ ११८॥

kṣetrajña ātmā puruṣo naro nā cetanaḥ pumān |akarttā nirguṇo'mūrto bhoktā sarvagato'kriyaḥ || 118||

द्रष्टा तटस्थः कूटस्थो ज्ञाता निर्बन्धनोऽभवः ।बहिविकारो निर्मोक्षः प्रधानं बहुधानकम् ॥ ११९॥

draṣṭā taṭasthaḥ kūṭastho jñātā nirbandhano'bhavaḥ |bahivikāro nirmokṣaḥ pradhānaṃ bahudhānakam || 119||

प्रकृतिः ख्यातिरारूढप्रकृतिः प्रकृतिप्रियः ।प्रधानभोज्योऽप्रकृतिर्विरम्यो विकृतिः कृती ॥ १२०॥

prakṛtiḥ khyātirārūḍhaprakṛtiḥ prakṛtipriyaḥ |pradhānabhojyo'prakṛtirviramyo vikṛtiḥ kṛtī || 120||

मीमांसकोऽस्तसर्वज्ञः श्रुतिपूतः सदोत्सवः ।परोक्षज्ञानवादीष्टपावकः सिद्धकर्मकः ॥ १२१॥

mīmāṃsako'stasarvajñaḥ śrutipūtaḥ sadotsavaḥ |parokṣajñānavādīṣṭapāvakaḥ siddhakarmakaḥ || 121||

चार्वाको भौतिकज्ञानो भूताभिव्यक्तचेतनः ।प्रत्यक्षैकप्रमाणोऽस्तपरलोको गुरुश्रुतिः ॥ १२२॥

cārvāko bhautikajñāno bhūtābhivyaktacetanaḥ |pratyakṣaikapramāṇo'staparaloko guruśrutiḥ || 122||

पुरन्दरविद्धकर्णो वेदान्ती संविदद्वयी ।शब्दाद्वैती स्फोटवादी पाखण्डघ्नो नयौघयुक् ॥ १२३॥

purandaraviddhakarṇo vedāntī saṃvidadvayī |śabdādvaitī sphoṭavādī pākhaṇḍaghno nayaughayuk || 123||

अन्तकृत्पारकृत्तीरप्राप्तः परितमः स्थितः ।त्रिदण्डी दण्डितारातिर्ज्ञानकर्मसमुच्चयी ॥ १२४॥

antakṛtpārakṛttīraprāptaḥ paritamaḥ sthitaḥ |tridaṇḍī daṇḍitārātirjñānakarmasamuccayī || 124||

संहृतध्वनिरुच्छन्नयोगः (ध्वनिरुत्सन्न) सुप्तार्णवोपमः ।योगस्नेहापहो योगकिट्टिनिर्लेपनोद्यतः ॥ १२५॥

saṃhṛtadhvanirucchannayogaḥ (dhvanirutsanna) suptārṇavopamaḥ |yogasnehāpaho yogakiṭṭinirlepanodyataḥ || 125||

स्थितस्थूलवपुर्योगो गोर्मनोयोगकार्यकः ।सूक्ष्मवाक्चित्तयोगस्थः सूक्ष्मीकृतवपुःक्रियः ॥ १२६॥

sthitasthūlavapuryogo gormanoyogakāryakaḥ |sūkṣmavākcittayogasthaḥ sūkṣmīkṛtavapuḥkriyaḥ || 126||

सूक्ष्मकायक्रियास्थायी सूक्ष्मवाक्चित्तयोगहा ।एकदण्डी च परमहंसः परमसंवरः ॥ १२७॥

sūkṣmakāyakriyāsthāyī sūkṣmavākcittayogahā |ekadaṇḍī ca paramahaṃsaḥ paramasaṃvaraḥ || 127||

नैः कर्म्यसिद्धः परमनिर्जरः प्रज्वलत्प्रभः ।मोघकर्मा त्रुटत्कर्मपाशः शैलेश्यलङ्कृतः ॥ १२८॥

naiḥ karmyasiddhaḥ paramanirjaraḥ prajvalatprabhaḥ |moghakarmā truṭatkarmapāśaḥ śaileśyalaṅkṛtaḥ || 128||

एकाकाररसास्वादो विश्वाकाररसाकुलः ।अजीवन्नमृतोऽजाग्रदसुप्तः शून्यतामयः ॥ १२९॥

ekākārarasāsvādo viśvākārarasākulaḥ |ajīvannamṛto'jāgradasuptaḥ śūnyatāmayaḥ || 129||

प्रेयानयोगी चतुरशीतिलक्षगुणोऽगुणः ।निःपीतानन्तपर्यायोऽविद्यासंस्कारनाशकः ॥ १३०॥

preyānayogī caturaśītilakṣaguṇo'guṇaḥ |niḥpītānantaparyāyo'vidyāsaṃskāranāśakaḥ || 130||

वृद्धो निर्वचनीयोऽणुरणीयाननणुप्रियः ।प्रेष्ठः स्थेयान् स्थिरो निष्ठः श्रेष्ठो ज्येष्ठः सुनिष्ठितः ॥ १३१॥

vṛddho nirvacanīyo'ṇuraṇīyānanaṇupriyaḥ |preṣṭhaḥ stheyān sthiro niṣṭhaḥ śreṣṭho jyeṣṭhaḥ suniṣṭhitaḥ || 131||

भूतार्थशूरो भूतार्थदूरः परमनिर्गुणः ।व्यवहारसुषुप्तोऽतिजागरूकोऽतिसुस्थितः ॥ १३२॥

bhūtārthaśūro bhūtārthadūraḥ paramanirguṇaḥ |vyavahārasuṣupto'tijāgarūko'tisusthitaḥ || 132||

उदितोदितमाहात्म्यो निरुपाधिरकृत्रिमः ।अमेयमहिमात्यन्तशुद्धः सिद्धिस्वयंवरः ॥ १३३॥

uditoditamāhātmyo nirupādhirakṛtrimaḥ |ameyamahimātyantaśuddhaḥ siddhisvayaṃvaraḥ || 133||

सिद्धानुजः सिद्धपुरीपान्थः सिद्धगणातिथिः ।सिद्धसङ्गोन्मुखः सिद्धालिङ्ग्यः सिद्धोपगूहकः ॥ १३४॥

siddhānujaḥ siddhapurīpānthaḥ siddhagaṇātithiḥ |siddhasaṅgonmukhaḥ siddhāliṅgyaḥ siddhopagūhakaḥ || 134||

पुष्टोऽष्टादशसहस्रशीलाश्वः पुण्यशम्बलः ।वृत्ताप्रयुम्यः परमशुक्लेश्योऽपचारकृत् ॥ १३५॥

puṣṭo'ṣṭādaśasahasraśīlāśvaḥ puṇyaśambalaḥ |vṛttāprayumyaḥ paramaśukleśyo'pacārakṛt || 135||

क्षेपिष्ठोऽन्त्यक्षणसखा पञ्चलध्वक्षरस्थितिः ।द्वासप्ततिप्रकृत्यासी त्रयोदशकलिप्रणुत् ॥ १३६॥

kṣepiṣṭho'ntyakṣaṇasakhā pañcaladhvakṣarasthitiḥ |dvāsaptatiprakṛtyāsī trayodaśakalipraṇut || 136||

अवेदोऽयाजकोऽयज्योऽयाज्योऽनग्निपरिग्रहः ।अनग्निहोत्री परमनिःस्पृहोऽत्यन्तनिर्दयः ॥ १३७॥

avedo'yājako'yajyo'yājyo'nagniparigrahaḥ |anagnihotrī paramaniḥspṛho'tyantanirdayaḥ || 137||

अशिष्योऽशासकोऽदीक्ष्योऽदीक्षकोऽदीक्षितोऽक्षयः ।अगम्योऽगमकोऽरम्योऽरमको ज्ञाननिर्भरः ॥ १३८॥

aśiṣyo'śāsako'dīkṣyo'dīkṣako'dīkṣito'kṣayaḥ |agamyo'gamako'ramyo'ramako jñānanirbharaḥ || 138||

महायोगीश्वरो द्रव्यसिद्धोऽदेहोऽपुनर्भवः ।ज्ञानैकचिज्जीवघनः सिद्धो लोकाग्रगामुकः ॥ १३९॥

mahāyogīśvaro dravyasiddho'deho'punarbhavaḥ |jñānaikacijjīvaghanaḥ siddho lokāgragāmukaḥ || 139||

इदमष्टोत्तरं नाम्नां सहस्रं भक्तितोऽर्हताम् ।योऽनन्तानामधीतेऽसौ मुक्त्यन्तां भक्तिमश्नुते ॥ १४०॥

idamaṣṭottaraṃ nāmnāṃ sahasraṃ bhaktito'rhatām |yo'nantānāmadhīte'sau muktyantāṃ bhaktimaśnute || 140||

इदं लोकोत्तमं पुंसामिदं शरणमुल्वणम् ।इदं मङ्गलमग्रीयमिदं परमपावनम् ॥ १४१॥

idaṃ lokottamaṃ puṃsāmidaṃ śaraṇamulvaṇam |idaṃ maṅgalamagrīyamidaṃ paramapāvanam || 141||

इदमेव परमतीर्थमिदमेवेष्टसाधनम् ।इदमेवाखिलक्लेशसङ्क्लेशक्षयकारणम् ॥ १४२॥

idameva paramatīrthamidameveṣṭasādhanam |idamevākhilakleśasaṅkleśakṣayakāraṇam || 142||

एतेषामेकमप्यर्हन्नाम्नामुच्चारयन्नघैः ।मुच्यते किं पुनः सर्वाण्यर्थज्ञस्तु जिनायते ॥ १४३॥

eteṣāmekamapyarhannāmnāmuccārayannaghaiḥ |mucyate kiṃ punaḥ sarvāṇyarthajñastu jināyate || 143||

इति पण्डित आशाधरविरचितं जिनसहस्रनामस्तोत्रं अथवाजिनसहस्रनामस्तवनं सम्पूर्णम् ।

iti paṇḍita āśādharaviracitaṃ jinasahasranāmastotraṃ athavājinasahasranāmastavanaṃ sampūrṇam |