जिनदेवदर्शनस्तोत्रम् Jina Devadarshana Stotram

दर्शनं देवदेवस्य दर्शनं पापनाशनम् ।दर्शनं स्वर्गसोपानं दर्शनं मोक्षसाधनम् ॥ १॥

darśanaṃ devadevasya darśanaṃ pāpanāśanam |darśanaṃ svargasopānaṃ darśanaṃ mokṣasādhanam || 1||

दर्शनेन जिनेन्द्राणां साधूनां वन्दनेन च ।न चिरं तिष्ठते पापं छिद्रहस्ते यथोदकम् ॥ २॥

darśanena jinendrāṇāṃ sādhūnāṃ vandanena ca |na ciraṃ tiṣṭhate pāpaṃ chidrahaste yathodakam || 2||

वीतरागमुखं दॄष्ट्वा पद्मरागसमप्रभम् ।जन्मजन्मकृतं पापं दर्शनेन विनश्यति ॥ ३॥

vītarāgamukhaṃ dṝṣṭvā padmarāgasamaprabham |janmajanmakṛtaṃ pāpaṃ darśanena vinaśyati || 3||

दर्शनं जिनसूर्यस्य संसारध्वान्तनाशनम् ।बोधनं चित्तपद्मस्य समस्तार्थप्रकाशनम् ॥ ४॥

darśanaṃ jinasūryasya saṃsāradhvāntanāśanam |bodhanaṃ cittapadmasya samastārthaprakāśanam || 4||

दर्शनं जिनचन्द्रस्य सद्धर्मामृतवर्षणम् ।जन्मदाहविनाशाय वर्धनं सुखवारिधे ॥ ५॥

darśanaṃ jinacandrasya saddharmāmṛtavarṣaṇam |janmadāhavināśāya vardhanaṃ sukhavāridhe || 5||

जीवादितत्त्वं प्रतिपादकाय सम्यक्त्वमुख्याष्टगुणार्णवाय ।प्रशान्तरूपाय दिगम्बराय देवाधिदेवाय नमो जिनाय ॥ ६॥

jīvāditattvaṃ pratipādakāya samyaktvamukhyāṣṭaguṇārṇavāya |praśāntarūpāya digambarāya devādhidevāya namo jināya || 6||

चिदानन्दैकरूपाय जिनाय परमात्मने ।परमात्मप्रकाशाय नित्यं सिद्धात्मने नमः ॥ ७॥

cidānandaikarūpāya jināya paramātmane |paramātmaprakāśāya nityaṃ siddhātmane namaḥ || 7||

अन्यथा शरणं नास्ति त्वमेव शरणं मम ।तस्मात्कारुण्यभावेन रक्ष रक्ष जिनेश्वर ॥ ८॥

anyathā śaraṇaṃ nāsti tvameva śaraṇaṃ mama |tasmātkāruṇyabhāvena rakṣa rakṣa jineśvara || 8||

न हि त्राता न हि त्राता न हि त्राता जगत्त्रये ।वीतरागात्परो देवो न भूतो न भविष्यति ॥ ९॥

na hi trātā na hi trātā na hi trātā jagattraye |vītarāgātparo devo na bhūto na bhaviṣyati || 9||

जिने भक्तिर्जिने भक्तिर्जिने भक्तिर्दिने दिने ।सदा मेऽस्तु सदा मेऽस्तु सदा मेऽस्तु भवे भवे ॥ १०॥

jine bhaktirjine bhaktirjine bhaktirdine dine |sadā me'stu sadā me'stu sadā me'stu bhave bhave || 10||

जिनधर्मविनिर्मुक्तो मा भवेच्चक्रवर्त्यपि ।स्याच्चेटोऽपि दरिद्रोऽपि जिनधर्मानुवासित ॥ ११॥

jinadharmavinirmukto mā bhaveccakravartyapi |syācceṭo'pi daridro'pi jinadharmānuvāsita || 11||

जन्मजन्मकृतं पापं जन्मकोटिमुपार्जितम् ।जन्ममृत्युजरारोगं हन्यते जिनदर्शनात् ॥ १२॥

janmajanmakṛtaṃ pāpaṃ janmakoṭimupārjitam |janmamṛtyujarārogaṃ hanyate jinadarśanāt || 12||

अद्याभवत्सफलता नयनद्वयस्यदेव त्वदीयचरणांबुजवीक्षणेन ।अध्य् त्रिलोकतिलकं प्रतिभासते मेसंसारवारिधिरयं चुलुकप्रमाणम् ॥ १३॥

adyābhavatsaphalatā nayanadvayasyadeva tvadīyacaraṇāṃbujavīkṣaṇena |adhy trilokatilakaṃ pratibhāsate mesaṃsāravāridhirayaṃ culukapramāṇam || 13||

इति जिनदेवदर्शनं सम्पूर्णम् ॥

iti jinadevadarśanaṃ sampūrṇam ||