भारततीर्थस्मरणम् Bharata Tirtha Smaranam

स्मरामि शतद्रु सिन्धुं चन्द्रभागां सरस्वतीम् ।विपाशां यमुनां गङ्गामुत्तरस्थान् सुरापगान् ॥ १॥

smarāmi śatadru sindhuṃ candrabhāgāṃ sarasvatīm |vipāśāṃ yamunāṃ gaṅgāmuttarasthān surāpagān || 1||

नमामि शारदां शोणां कौशिकीं गण्डकी तथा ।सरयूं गोमतीं पूर्वे ब्रह्मपुत्रां महानदीम् ॥ २॥

namāmi śāradāṃ śoṇāṃ kauśikīṃ gaṇḍakī tathā |sarayūṃ gomatīṃ pūrve brahmaputrāṃ mahānadīm || 2||

मध्ये चर्मण्वतीं क्षिप्रां सेवे वेत्रवतीं महीम् ।शरावतीं च पश्चिमे नर्मदां तपतीं श्रये ॥ ३॥

madhye carmaṇvatīṃ kṣiprāṃ seve vetravatīṃ mahīm |śarāvatīṃ ca paścime narmadāṃ tapatīṃ śraye || 3||

याम्ये गोदावरीं कृष्णां कावेरीं ताम्रपर्णिकाम् ।तुङ्गभद्रां भजे पूर्णां शङ्कराचार्यपूजिताम् ॥ ४॥

yāmye godāvarīṃ kṛṣṇāṃ kāverīṃ tāmraparṇikām |tuṅgabhadrāṃ bhaje pūrṇāṃ śaṅkarācāryapūjitām || 4||

सायं प्रातः स्मरेन्नित्यं सादरं चित्तशुद्धये ।भारतोद्धाराकान् तीर्थान् संवित् स्फूर्तिप्रदायकान् ॥ ५॥

sāyaṃ prātaḥ smarennityaṃ sādaraṃ cittaśuddhaye |bhāratoddhārākān tīrthān saṃvit sphūrtipradāyakān || 5||

इति भारततीर्थस्मरणं सम्पूर्णम् ।

iti bhāratatīrthasmaraṇaṃ sampūrṇam |