भारतभूमिः Bharatabhumih

एषा भारतभूमिरद्य सुदिने निर्मुच्यमाना विदेशीयानां परमाधिकारनिगळात् पादे प्रसह्यार्पितात् ।सार्धे वर्षशतेऽनुभूय विविधं दैन्यं पुनः स्वोचितामारूढा जनराज्यमान्यपदवीं सर्वैंश्च सम्भाविता ॥ १॥

eṣā bhāratabhūmiradya sudine nirmucyamānā videśīyānāṃ paramādhikāranigaḷāt pāde prasahyārpitāt |sārdhe varṣaśate'nubhūya vividhaṃ dainyaṃ punaḥ svocitāmārūḍhā janarājyamānyapadavīṃ sarvaiṃśca sambhāvitā || 1||

ईजिप्तादिपुराणसंस्कृतिसमुत्पत्तौ स्वयं ज्यायसीया प्रावर्धात ग्रीक्करोममुख साम्राज्याभिपुष्टिये ।वार्धक्यं पुनराङ्गलादिनवराज्येषु प्रपन्नेषु साधन्या भारतमेदिनी विजयते तारुण्यपूर्णा सदा ॥ २॥

ījiptādipurāṇasaṃskṛtisamutpattau svayaṃ jyāyasīyā prāvardhāta grīkkaromamukha sāmrājyābhipuṣṭiye |vārdhakyaṃ punarāṅgalādinavarājyeṣu prapanneṣu sādhanyā bhāratamedinī vijayate tāruṇyapūrṇā sadā || 2||

लोके केवलभौतिकार्थनिरतान् धर्मातिसक्तानपिव्योमोहेन पराङ्मुखान् बुधजनाना ध्यात्मिकाच्छ्रेयसः ।नौभङ्गादुदधेस्तरङ्गनिवहे विक्षिप्यमाणानिवत्रातुं भारतभूमिरेव भवति प्रज्ञाप्लवेन क्षमा ॥ ३॥

loke kevalabhautikārthaniratān dharmātisaktānapivyomohena parāṅmukhān budhajanānā dhyātmikācchreyasaḥ |naubhaṅgādudadhestaraṅganivahe vikṣipyamāṇānivatrātuṃ bhāratabhūmireva bhavati prajñāplavena kṣamā || 3||

उत्पत्तिर्जिनबुद्धमुख्यबहुधर्माचार्यपुण्यात्मनांविद्यानां प्रभवश्च, तद्विसरणे मूलं च लोकेऽखिले ।शश्वत्स्वैरनिवासभूमिरिसलांक्रिस्तुज्यहोवामतस्थानां, पार्सिमतानुयाय्यभयदं राष्ट्रं चिरं राजतु ॥ ४॥

utpattirjinabuddhamukhyabahudharmācāryapuṇyātmanāṃvidyānāṃ prabhavaśca, tadvisaraṇe mūlaṃ ca loke'khile |śaśvatsvairanivāsabhūmirisalāṃkristujyahovāmatasthānāṃ, pārsimatānuyāyyabhayadaṃ rāṣṭraṃ ciraṃ rājatu || 4||

इन्द्रप्रस्थमिति प्रशस्तविभवा यासीत् पुरी भारतेसेयं भारतदेशमूलनगरी दिल्ली नवा भूतले ।आरामैः सुमनोहरैर्विपणिभिर्दीपावलीभिर्महारथ्याभिश्च जलाशयैर्विलसति स्तम्भैश्च हम्यैर्युता ॥ ५॥

indraprasthamiti praśastavibhavā yāsīt purī bhārateseyaṃ bhāratadeśamūlanagarī dillī navā bhūtale |ārāmaiḥ sumanoharairvipaṇibhirdīpāvalībhirmahārathyābhiśca jalāśayairvilasati stambhaiśca hamyairyutā || 5||

शुभाशंसा ।एतादृक्प्रभुमन्त्रशक्तिधिषणासत्कीर्तिजुष्टैर्महावीरैः शश्वदवेक्षिता धनलसद्विद्याकलामण्डिता ।योगक्षेमकरी समस्तभुवने मैत्री परां तन्वतीस्वस्थाने जनराज्यभारतमही जाग लोके सदा ॥पण्डित श्री चि कुञ्जन् राजन् (२६ जानेवारी १९५०)रचना सन्दर्भ भारतप्रशतिः

śubhāśaṃsā |etādṛkprabhumantraśaktidhiṣaṇāsatkīrtijuṣṭairmahāvīraiḥ śaśvadavekṣitā dhanalasadvidyākalāmaṇḍitā |yogakṣemakarī samastabhuvane maitrī parāṃ tanvatīsvasthāne janarājyabhāratamahī jāga loke sadā ||paṇḍita śrī ci kuñjan rājan (26 jānevārī 1950)racanā sandarbha bhāratapraśatiḥ