अभिलाषाष्टकम् ३ Abhilashashtakam (2)

यतीन्द्रनैगमागमादिगीतकीर्तिसञ्चयसमस्तविश्वजान्तप प्रपन्नदुःखमोचन ।मृडादिलेखवन्दित स्वतन्त्र नन्दनन्दन (शिवादि देव वन्दित)कदा स्वकीयदर्शनं ददासि मेऽमृतोपमम् ॥ १॥

yatīndranaigamāgamādigītakīrtisañcayasamastaviśvajāntapa prapannaduḥkhamocana |mṛḍādilekhavandita svatantra nandanandana (śivādi deva vandita)kadā svakīyadarśanaṃ dadāsi me'mṛtopamam || 1||

सदभ्रसान्द्रचिक्कणातिनीलचूर्णकुन्तल(सूक्ष्म, निरन्तर, कुटिल, मयूरापिच्छ, मणिः ङीषन्तोऽपि)शिखण्डरुक्मसन्मणीखचत्किरीटकुण्डल ।मृगाक्षिकञ्जनेत्र मन्दहाससारुणाधरकदा स्वकीयदर्शनं ददासि मेऽमृतोपमम् ॥ २॥

sadabhrasāndracikkaṇātinīlacūrṇakuntala(sūkṣma, nirantara, kuṭila, mayūrāpiccha, maṇiḥ ṅīṣanto'pi)śikhaṇḍarukmasanmaṇīkhacatkirīṭakuṇḍala |mṛgākṣikañjanetra mandahāsasāruṇādharakadā svakīyadarśanaṃ dadāsi me'mṛtopamam || 2||

कपोलगोलसुन्दराननप्रभाविलज्जितप्रपूर्णचन्द्रमण्डल त्रिरेखकम्बुकन्दर ।उरस्थकौस्तुभादिक प्रफुल्लपुष्पलम्बनकदा स्वकीयदर्शनं ददासि मेऽमृतोपमम् ॥ ३॥

kapolagolasundarānanaprabhāvilajjitaprapūrṇacandramaṇḍala trirekhakambukandara |urasthakaustubhādika praphullapuṣpalambanakadā svakīyadarśanaṃ dadāsi me'mṛtopamam || 3||

नभस्थतारकागणप्रवेष्टहीरकाङ्गद (प्रवेष्ट एवं भुजा)प्रकोष्ठहेमकङ्कणाङ्गुलीवराङ्गुलीयक ।सवेत्रवेणुरक्त पञ्चशोखकञ्जकोमल (हस्त)कदा स्वकीयदर्शनं ददासि मेऽमृतोपमम् ॥ ४॥

nabhasthatārakāgaṇapraveṣṭahīrakāṅgada (praveṣṭa evaṃ bhujā)prakoṣṭhahemakaṅkaṇāṅgulīvarāṅgulīyaka |savetraveṇurakta pañcaśokhakañjakomala (hasta)kadā svakīyadarśanaṃ dadāsi me'mṛtopamam || 4||

तडिच्छचीशकार्मुकोपमोत्तमौत्तरीयकदुकूलपीतमेदिनीसमुद्रमेखलाकटे ।कटाग्रपादलम्बमाननिष्प्रवाण्यधोंऽशुककदा स्वकीयदर्शनं ददासि मेऽमृतोपमम् ॥ ५॥

taḍicchacīśakārmukopamottamauttarīyakadukūlapītamedinīsamudramekhalākaṭe |kaṭāgrapādalambamānaniṣpravāṇyadhoṃ'śukakadā svakīyadarśanaṃ dadāsi me'mṛtopamam || 5||

प्रशस्तरत्नकिङ्किणीपदारविन्दनूपुररवाक्षरप्रसक्तधीमुनीन्द्रमानसप्रिय ।पुनर्भवप्रवालवृन्दरक्तकाश्यपीस्थल(पुनर्भवं एवं नखं, प्रवालवृन्द एवं विद्रुमः, काश्यपीस्थल एवं पृथ्वी)कदा स्वकीयदर्शनं ददासि मेऽमृतोपमम् ॥ ६॥

praśastaratnakiṅkiṇīpadāravindanūpuraravākṣaraprasaktadhīmunīndramānasapriya |punarbhavapravālavṛndaraktakāśyapīsthala(punarbhavaṃ evaṃ nakhaṃ, pravālavṛnda evaṃ vidrumaḥ, kāśyapīsthala evaṃ pṛthvī)kadā svakīyadarśanaṃ dadāsi me'mṛtopamam || 6||

नवातसीप्रसूनसन्निभाभिराममेचकशरीरपञ्चमार्गणातिमोहनाङ्गमण्डन ।अनन्तसौख्यसागराऽसमाधिकादिविग्रहकदा स्वकीयदर्शनं ददासि मेऽमृतोपमम् ॥ ७॥

navātasīprasūnasannibhābhirāmamecakaśarīrapañcamārgaṇātimohanāṅgamaṇḍana |anantasaukhyasāgarā'samādhikādivigrahakadā svakīyadarśanaṃ dadāsi me'mṛtopamam || 7||

इतोप्यनल्पसौभगस्वभक्तभक्तिदन्त्रकत्रिलोकवैभवप्रद त्रिकर्मपाशनाशक ।स्वकीयहृत्सरोरुहस्थ सद्गते नमोऽस्तु तेकदा स्वकीयदर्शनं ददासि मेऽमृतोपमम् ॥ ८॥

itopyanalpasaubhagasvabhaktabhaktidantrakatrilokavaibhavaprada trikarmapāśanāśaka |svakīyahṛtsaroruhastha sadgate namo'stu tekadā svakīyadarśanaṃ dadāsi me'mṛtopamam || 8||

इतीदमद्भुताष्टकं निशम्य नन्दनन्दनोददाति सन्ततं जनं प्रति स्वकीयदर्शनम् ।कृतं गवादिपालदासनानकीयसाधुनाव्रजेशकृष्णदर्शनाभिलाषिणा सुमाथुरे ॥ ९॥

itīdamadbhutāṣṭakaṃ niśamya nandanandanodadāti santataṃ janaṃ prati svakīyadarśanam |kṛtaṃ gavādipāladāsanānakīyasādhunāvrajeśakṛṣṇadarśanābhilāṣiṇā sumāthure || 9||

इति श्रीस्वामिदासशिष्यगोपालदासेन विरचितं अभिलाषाष्टकं सम्पूर्णम् ।

iti śrīsvāmidāsaśiṣyagopāladāsena viracitaṃ abhilāṣāṣṭakaṃ sampūrṇam |