सूर्यस्तोत्रम् ०१ Surya Stotram 1

आचम्य ॥॥ सङ्कल्प ॥श्रीसूर्यनारायणदेवतामुद्दिश्य, प्रीत्यर्थम् ।श्रीसूर्यस्तोत्रमहामन्त्रपठनं करिष्ये ॥अस्य श्रीभगवदादित्यस्तोत्रमहामन्त्रस्य, अगस्त्यभगवान् ऋषिः,अनुष्टुप्छन्दः, श्रीसूर्यनारायणो देवता ।ह्रां बीजं, ह्रीं शक्तिः, ह्रूं कीलकं,श्रीसूर्यनारायणदेवताप्रसादसिद्।ह्ध्यर्थे जपे विनियोगः ॥अथ सूर्यस्तोत्रप्रारम्भः ।अस्य श्रीभगवत्सूर्यस्तोत्रमहामन्त्रस्य अगस्त्य ऋषिः । अनुष्टुप्छन्दः ।श्रीसूर्यनारायणो देवता । सूं बीजम् ।रिं शक्तिः । यं कीलकम् । सूर्यप्रसादसिद्ध्यर्थे जपे विनियोगः ।आदित्याय अङ्गुष्ठाभ्यां नमः । अर्काय तर्जनीभ्यां नमः ।दिवाकराय मध्यमाभ्यां नमः । प्रभाकराय अनामिकाभ्यां नमः ।सहस्रकिरणाय कनिष्ठिकाभ्यां नमः । मार्ताण्डाय करतलकरपृष्ठाभ्यां नमः ।आदित्याय हृदयाय नमः । अर्काय शिरसे स्वाहा ।दिवाकराय शिखायै वषट् । प्रभाकराय कवचाय हुम् ।सहस्रकिरणाय नेत्रत्रयाय वौषट् । मार्ताण्डाय अस्त्राय फट् ।भूर्भुवः सुवरोमिति दिग्बन्धः ॥ध्यानम् ।ध्यायेत् सूर्यमनन्तशक्तिकिरणं तेजोमयं भास्वरंभक्तानामभयप्रदं दिनकरं ज्योतिर्मयं शङ्करम् ।आदित्यं जगदीशमच्युतमजं त्रैलोक्यचूडामणिंभक्ताभीष्टवरप्रदं दिनमणिं मार्ताण्डमाद्यं शुभम् ॥ब्रह्मा विष्णुश्च रुद्रश्च ईश्वरश्च सदाशिवः ।पञ्चब्रह्ममयाकाराः येन जाता नमामि तम् ॥ १॥

ācamya |||| saṅkalpa ||śrīsūryanārāyaṇadevatāmuddiśya, prītyartham |śrīsūryastotramahāmantrapaṭhanaṃ kariṣye ||asya śrībhagavadādityastotramahāmantrasya, agastyabhagavān ṛṣiḥ,anuṣṭupchandaḥ, śrīsūryanārāyaṇo devatā |hrāṃ bījaṃ, hrīṃ śaktiḥ, hrūṃ kīlakaṃ,śrīsūryanārāyaṇadevatāprasādasid|hdhyarthe jape viniyogaḥ ||atha sūryastotraprārambhaḥ |asya śrībhagavatsūryastotramahāmantrasya agastya ṛṣiḥ | anuṣṭupchandaḥ |śrīsūryanārāyaṇo devatā | sūṃ bījam |riṃ śaktiḥ | yaṃ kīlakam | sūryaprasādasiddhyarthe jape viniyogaḥ |ādityāya aṅguṣṭhābhyāṃ namaḥ | arkāya tarjanībhyāṃ namaḥ |divākarāya madhyamābhyāṃ namaḥ | prabhākarāya anāmikābhyāṃ namaḥ |sahasrakiraṇāya kaniṣṭhikābhyāṃ namaḥ | mārtāṇḍāya karatalakarapṛṣṭhābhyāṃ namaḥ |ādityāya hṛdayāya namaḥ | arkāya śirase svāhā |divākarāya śikhāyai vaṣaṭ | prabhākarāya kavacāya hum |sahasrakiraṇāya netratrayāya vauṣaṭ | mārtāṇḍāya astrāya phaṭ |bhūrbhuvaḥ suvaromiti digbandhaḥ ||dhyānam |dhyāyet sūryamanantaśaktikiraṇaṃ tejomayaṃ bhāsvaraṃbhaktānāmabhayapradaṃ dinakaraṃ jyotirmayaṃ śaṅkaram |ādityaṃ jagadīśamacyutamajaṃ trailokyacūḍāmaṇiṃbhaktābhīṣṭavarapradaṃ dinamaṇiṃ mārtāṇḍamādyaṃ śubham ||brahmā viṣṇuśca rudraśca īśvaraśca sadāśivaḥ |pañcabrahmamayākārāḥ yena jātā namāmi tam || 1||

कालात्मा सर्वभूतात्मा वेदात्मा विश्वतोमुखः ।जन्ममृत्युजराव्याधिसंसारभयनाशनः ॥ २॥

kālātmā sarvabhūtātmā vedātmā viśvatomukhaḥ |janmamṛtyujarāvyādhisaṃsārabhayanāśanaḥ || 2||

ब्रह्मस्वरूप उदये मध्याह्ने तु सदाशिवः ।अस्तकाले स्वयं विष्णुस्त्रयीमूर्तिर्दिवाकरः ॥ ३॥

brahmasvarūpa udaye madhyāhne tu sadāśivaḥ |astakāle svayaṃ viṣṇustrayīmūrtirdivākaraḥ || 3||

एकचक्रो रथो यस्य दिव्यः कनकभूषितः ।सोऽयं भवतु नः प्रीतः पद्महस्तो दिवाकरः ॥ ४॥

ekacakro ratho yasya divyaḥ kanakabhūṣitaḥ |so'yaṃ bhavatu naḥ prītaḥ padmahasto divākaraḥ || 4||

पद्महस्तः परञ्ज्योतिः परेशाय नमो नमः ।अण्डयोने कर्मसाक्षिन्नादित्याय नमो नमः ॥ ५॥

padmahastaḥ parañjyotiḥ pareśāya namo namaḥ |aṇḍayone karmasākṣinnādityāya namo namaḥ || 5||

कमलासन देवेश कर्मसाक्षिन्नमो नमः ।धर्ममूर्ते दयामूर्ते तत्त्वमूर्ते नमो नमः ॥ ६॥

kamalāsana deveśa karmasākṣinnamo namaḥ |dharmamūrte dayāmūrte tattvamūrte namo namaḥ || 6||

सकलेशाय सूर्याय सर्वज्ञाय नमो नमः ।क्षयापस्मारगुल्मादिव्याधिहन्त्रे नमो नमः ॥ ७॥

sakaleśāya sūryāya sarvajñāya namo namaḥ |kṣayāpasmāragulmādivyādhihantre namo namaḥ || 7||

सर्वज्वरहरं चैव सर्वरोगनिवारणम् ।स्तोत्रमेतच्छिवप्रोक्तं सर्वसिद्धिकरं परम् ॥ ८॥

sarvajvaraharaṃ caiva sarvaroganivāraṇam |stotrametacchivaproktaṃ sarvasiddhikaraṃ param || 8||

सर्वसम्पत्करं चैव सर्वाभीष्टप्रदायकम् ॥इति सूर्यस्तोत्रं सम्पूर्णम् ।बे रेस्तोरेद् सून्।

sarvasampatkaraṃ caiva sarvābhīṣṭapradāyakam ||iti sūryastotraṃ sampūrṇam |be restored sūn|