सूर्यस्तवः Surya Stavah

नमः सूर्याय विसरत्संविकिरणशालिने ।सत्यप्रकाशसन्धाय संसारतिमिरच्छिदे ॥ १॥

namaḥ sūryāya visaratsaṃvikiraṇaśāline |satyaprakāśasandhāya saṃsāratimiracchide || 1||

नमोऽनुग्रहतात्पर्यविश्वचर्याविधायिने ॥अर्यम्णे जनतातापहरायाश्चर्यतेजसे ॥ २॥

namo'nugrahatātparyaviśvacaryāvidhāyine ||aryamṇe janatātāpaharāyāścaryatejase || 2||

नमश्चिद्गगनान्भोगभासिने बोधभावते ।अविच्छिन्नखभावाय भवायाभयकारिणे ॥ ३॥

namaścidgaganānbhogabhāsine bodhabhāvate |avicchinnakhabhāvāya bhavāyābhayakāriṇe || 3||

नमस्त्वष्ट्रे समाकृष्टदुष्टायारिष्टशालिने ।दिग्दलाष्टकसंश्लिष्टजगत्पद्मविकासिने ॥ ४॥

namastvaṣṭre samākṛṣṭaduṣṭāyāriṣṭaśāline |digdalāṣṭakasaṃśliṣṭajagatpadmavikāsine || 4||

नमो विष्यन्दिशीतांशुकृशानुशबलत्विषे ।पूर्णप्रशमिताशेषदोषायातिशयस्पृशे ॥ ५॥

namo viṣyandiśītāṃśukṛśānuśabalatviṣe |pūrṇapraśamitāśeṣadoṣāyātiśayaspṛśe || 5||

नमस्त्वतय॑गतये वसुधान्तरचारिणे ।अर्कायामृतसम्पर्करससंवर्धितान्धसे ॥ ६॥

namastvatayagataye vasudhāntaracāriṇe |arkāyāmṛtasamparkarasasaṃvardhitāndhase || 6||

नमो लोकपरित्राणकत्रे नित्योदितात्मने ।सवित्रे त्रिजगन्नेत्रशतपत्रविकासिने ॥ ७॥

namo lokaparitrāṇakatre nityoditātmane |savitre trijagannetraśatapatravikāsine || 7||

नमो विराजमानाय मेरुन्यस्तगभस्तये ।अजाय विश्वजयिने पृथिव्यादिमयात्मने ॥ ८॥

namo virājamānāya merunyastagabhastaye |ajāya viśvajayine pṛthivyādimayātmane || 8||

इति भारतमञ्जर्यां क्षेमेन्द्रविरचितः सूर्यस्तवः सम्पूर्णः ।आरण्यपर्वणि विदुरागमनम् श्लोकानि २८३५

iti bhāratamañjaryāṃ kṣemendraviracitaḥ sūryastavaḥ sampūrṇaḥ |āraṇyaparvaṇi vidurāgamanam ślokāni 2835