सूर्यसहस्रनामस्तोत्रम् २ Shrisuryasahasranamastotram 2

श्रीरुद्रयामले तन्त्रे श्रीदेवीरहस्येअथ चतुस्त्रिंशः पटलः ।श्रीभैरव उवाच ।देवदेवि महादेवि सर्वाभयवरप्रदे ।त्वं मे प्राणप्रिया प्रीता वरदोऽहं तव स्थितः ॥ १॥

śrīrudrayāmale tantre śrīdevīrahasyeatha catustriṃśaḥ paṭalaḥ |śrībhairava uvāca |devadevi mahādevi sarvābhayavaraprade |tvaṃ me prāṇapriyā prītā varado'haṃ tava sthitaḥ || 1||

किञ्चित् प्रार्थय मे प्रेम्णा वक्ष्ये तत्ते ददाम्यहम् ।श्रीदेव्युवाच ।भगवन् देवदेवेश महारुद्र महेश्वर ॥ २॥

kiñcit prārthaya me premṇā vakṣye tatte dadāmyaham |śrīdevyuvāca |bhagavan devadeveśa mahārudra maheśvara || 2||

यदि देयो वरो मह्यं वरयोग्यास्म्यहं यदि ।देवदेवस्य सवितुर्वद नामसहस्रकम् ॥ ३॥

yadi deyo varo mahyaṃ varayogyāsmyahaṃ yadi |devadevasya saviturvada nāmasahasrakam || 3||

श्रीभैरव उवाच ।एतद्गुह्यतमं देवि सर्वस्वं मम पार्वति ।रहस्यं सर्वदेवानां दुर्लभं कामनावहम् ॥ ४॥

śrībhairava uvāca |etadguhyatamaṃ devi sarvasvaṃ mama pārvati |rahasyaṃ sarvadevānāṃ durlabhaṃ kāmanāvaham || 4||

यो देवो भगवान् सूर्यो वेदकर्ता प्रजापतिः ।कर्मसाक्षी जगच्चक्षुः स्तोतुं तं केन शक्यते ॥ ५॥

yo devo bhagavān sūryo vedakartā prajāpatiḥ |karmasākṣī jagaccakṣuḥ stotuṃ taṃ kena śakyate || 5||

यस्यादिर्मध्यमन्तं च सुरैरपि न गम्यते ।तस्यादिदेवदेवस्य सवितुर्जगदीशितुः ॥ ६॥

yasyādirmadhyamantaṃ ca surairapi na gamyate |tasyādidevadevasya saviturjagadīśituḥ || 6||

मन्त्रनामसहस्रं ते वक्ष्ये साम्राज्यसिद्धिदम् ।सर्वपापापहं देवि तन्त्रवेदागमोद्धृतम् ॥ ७॥

mantranāmasahasraṃ te vakṣye sāmrājyasiddhidam |sarvapāpāpahaṃ devi tantravedāgamoddhṛtam || 7||

माङ्गल्यं पौष्टिकं चैव रक्षोघ्नं पावनं महत् ।सर्वमङ्गलमाङ्गल्यं सर्वपापप्रणाशनम् ॥ ८॥

māṅgalyaṃ pauṣṭikaṃ caiva rakṣoghnaṃ pāvanaṃ mahat |sarvamaṅgalamāṅgalyaṃ sarvapāpapraṇāśanam || 8||

धनदं पुण्यदं पुण्यं श्रेयस्करं यशस्करम् ।वक्ष्यामि परमं तत्त्वं मूलविद्यात्मकं परम् ॥ ९॥

dhanadaṃ puṇyadaṃ puṇyaṃ śreyaskaraṃ yaśaskaram |vakṣyāmi paramaṃ tattvaṃ mūlavidyātmakaṃ param || 9||

ब्रह्मणो यत् परं ब्रह्म पराणामपि यत् परम् ।मन्त्राणामपि यत् तत्त्वं महसामपि यन्महः ॥ १०॥

brahmaṇo yat paraṃ brahma parāṇāmapi yat param |mantrāṇāmapi yat tattvaṃ mahasāmapi yanmahaḥ || 10||

शान्तानामपि यः शान्तो मनूनामपि यो मनुः ।योगिनामपि यो योगी वेदानां प्रणवश्च यः ॥ ११॥

śāntānāmapi yaḥ śānto manūnāmapi yo manuḥ |yogināmapi yo yogī vedānāṃ praṇavaśca yaḥ || 11||

ग्रहाणामपि यो भास्वान् देवानामपि वासवः ।ताराणामपि यो राजा वायूनां च प्रभञ्जनः ॥ १२॥

grahāṇāmapi yo bhāsvān devānāmapi vāsavaḥ |tārāṇāmapi yo rājā vāyūnāṃ ca prabhañjanaḥ || 12||

इन्द्रियाणामपि मनो देवीनामपि यः परा ।नगानामपि यो मेरुः पन्नगानां च वासुकिः ॥ १३॥

indriyāṇāmapi mano devīnāmapi yaḥ parā |nagānāmapi yo meruḥ pannagānāṃ ca vāsukiḥ || 13||

तेजसामपि यो वह्निः कारणानां च यः शिवः ।सविता यस्तु गायत्र्याः परमात्मेति कीर्त्यते ॥ १४॥

tejasāmapi yo vahniḥ kāraṇānāṃ ca yaḥ śivaḥ |savitā yastu gāyatryāḥ paramātmeti kīrtyate || 14||

वक्ष्ये परमहंसस्य तस्य नामसहस्रकम् ।सर्वदारिद्र्यशमनं सर्वदुःखविनाशनम् ॥ १५॥

vakṣye paramahaṃsasya tasya nāmasahasrakam |sarvadāridryaśamanaṃ sarvaduḥkhavināśanam || 15||

सर्वपापप्रशमनं सर्वतीर्थफलप्रदम् ।ज्वररोगापमृत्युघ्नं सदा सर्वाभयप्रदम् ॥ १६॥

sarvapāpapraśamanaṃ sarvatīrthaphalapradam |jvararogāpamṛtyughnaṃ sadā sarvābhayapradam || 16||

तत्त्वं परमतत्त्वं च सर्वसारोत्तमोत्तमम् ।राजप्रसादविजयलक्ष्मीविभवकारणम् ॥ १७॥

tattvaṃ paramatattvaṃ ca sarvasārottamottamam |rājaprasādavijayalakṣmīvibhavakāraṇam || 17||

आयुष्करं पुष्टिकरं सर्वयज्ञफलप्रदम् ।मोहनस्तम्भनाकृष्टिवशीकरणकारणम् ॥ १८॥

āyuṣkaraṃ puṣṭikaraṃ sarvayajñaphalapradam |mohanastambhanākṛṣṭivaśīkaraṇakāraṇam || 18||

अदातव्यमभक्ताय सर्वकामप्रपूरकम् ।शृणुष्वावहिता भूत्वा सूर्यनामसहस्रकम् ॥ १९॥

adātavyamabhaktāya sarvakāmaprapūrakam |śṛṇuṣvāvahitā bhūtvā sūryanāmasahasrakam || 19||

अस्य श्रीसूर्यनामसहस्रस्य श्रीब्रह्मा ऋषिः । गायत्र्यं छन्दः ।श्रीभगवान् सविता देवता । ह्रां बीजम् । सः शक्तिः । ह्रीं कीलकम् ।धर्मार्थकाममोक्षार्थे सूर्यसहस्रनामपाठे विनियोगः ॥ध्यानम् ॥कल्पान्तानलकोटिभास्वरमुखं सिन्दूरधूलीजपावर्णं रत्नकिरीटिनं द्विनयनं श्वेताब्जमध्यासनम् ।नानाभूषणभूषितं स्मितमुखं रक्ताम्बरं चिन्मयंसूर्यं स्वर्णसरोजरत्नकलशौ दोर्भ्यां दधानं भजे ॥ १॥

asya śrīsūryanāmasahasrasya śrībrahmā ṛṣiḥ | gāyatryaṃ chandaḥ |śrībhagavān savitā devatā | hrāṃ bījam | saḥ śaktiḥ | hrīṃ kīlakam |dharmārthakāmamokṣārthe sūryasahasranāmapāṭhe viniyogaḥ ||dhyānam ||kalpāntānalakoṭibhāsvaramukhaṃ sindūradhūlījapāvarṇaṃ ratnakirīṭinaṃ dvinayanaṃ śvetābjamadhyāsanam |nānābhūṣaṇabhūṣitaṃ smitamukhaṃ raktāmbaraṃ cinmayaṃsūryaṃ svarṇasarojaratnakalaśau dorbhyāṃ dadhānaṃ bhaje || 1||

प्रत्यक्षदेवं विशदं सहस्रमरीचिभिः शोभितभूमिदेशम् ।सप्ताश्वगं सद्ध्वजहस्तमाद्यं देवं भजेऽहं मिहिरं हृदब्जे ॥ २॥

pratyakṣadevaṃ viśadaṃ sahasramarīcibhiḥ śobhitabhūmideśam |saptāśvagaṃ saddhvajahastamādyaṃ devaṃ bhaje'haṃ mihiraṃ hṛdabje || 2||

ॐ ह्रां ह्रीं सः हं सः सोऽहं सविता भास्करो भगः ।भगवान् सर्वलोकेशो भूतेशो भूतभावनः ॥ ३॥

oṃ hrāṃ hrīṃ saḥ haṃ saḥ so'haṃ savitā bhāskaro bhagaḥ |bhagavān sarvalokeśo bhūteśo bhūtabhāvanaḥ || 3||

भूतात्मा सृष्टिकृत् स्रष्टा कर्ता हर्ता जगत्पतिः ।आदित्यो वरदो वीरो वीरलो विश्वदीपनः ॥ ४॥

bhūtātmā sṛṣṭikṛt sraṣṭā kartā hartā jagatpatiḥ |ādityo varado vīro vīralo viśvadīpanaḥ || 4||

विश्वकृद् विश्वहृद् भक्तो भोक्ता भीमोऽभयापहः ।विश्वात्मा पुरुषः साक्षी परं ब्रह्म परात् परः ॥ ५॥

viśvakṛd viśvahṛd bhakto bhoktā bhīmo'bhayāpahaḥ |viśvātmā puruṣaḥ sākṣī paraṃ brahma parāt paraḥ || 5||

प्रतापवान् विश्वयोनिर्विश्वेशो विश्वतोमुखः ।कामी योगी महाबुद्धिर्मनस्वी मनुरव्ययः ॥ ६॥

pratāpavān viśvayonirviśveśo viśvatomukhaḥ |kāmī yogī mahābuddhirmanasvī manuravyayaḥ || 6||

प्रजापतिर्विश्ववन्द्यो वन्दितो भुवनेश्वरः ।भूतभव्यभविष्यात्मा तत्त्वात्मा ज्ञानवान् गुणी ॥ ७॥

prajāpatirviśvavandyo vandito bhuvaneśvaraḥ |bhūtabhavyabhaviṣyātmā tattvātmā jñānavān guṇī || 7||

सात्त्विको राजसस्तामस्तमवी करुणानिधिः ।सहस्रकिरणो भास्वान् भार्गवो भृगुरीश्वरः ॥ ८॥

sāttviko rājasastāmastamavī karuṇānidhiḥ |sahasrakiraṇo bhāsvān bhārgavo bhṛgurīśvaraḥ || 8||

निर्गुणो निर्ममो नित्यो नित्यानन्दो निराश्रयः ।तपस्वी कालकृत् कालः कमनीयतनुः कृशः ॥ ९॥

nirguṇo nirmamo nityo nityānando nirāśrayaḥ |tapasvī kālakṛt kālaḥ kamanīyatanuḥ kṛśaḥ || 9||

दुर्दर्शः सुदशो दाशो दीनबन्धुर्दयाकरः ।द्विभुजोऽष्टभुजो धीरो दशबाहुर्दशातिगः ॥ १०॥

durdarśaḥ sudaśo dāśo dīnabandhurdayākaraḥ |dvibhujo'ṣṭabhujo dhīro daśabāhurdaśātigaḥ || 10||

दशांशफलदो विष्णुर्जिगीषुर्जयवाञ्जयी ।जटिलो निर्भयो भानुः पद्महस्तः कुशीरकः ॥ ११॥

daśāṃśaphalado viṣṇurjigīṣurjayavāñjayī |jaṭilo nirbhayo bhānuḥ padmahastaḥ kuśīrakaḥ || 11||

समाहितगतिर्धाता विधाता कृतमङ्गलः ।मार्तण्डो लोकधृत् त्राता रुद्रो भद्रप्रदः प्रभुः ॥ १२॥

samāhitagatirdhātā vidhātā kṛtamaṅgalaḥ |mārtaṇḍo lokadhṛt trātā rudro bhadrapradaḥ prabhuḥ || 12||

अरातिशमनः शान्तः शङ्करः कमलासनः ।अविचिन्त्यवपुः (१००) श्रेष्ठो महाचीनक्रमेश्वरः ॥ १३॥

arātiśamanaḥ śāntaḥ śaṅkaraḥ kamalāsanaḥ |avicintyavapuḥ (100) śreṣṭho mahācīnakrameśvaraḥ || 13||

महार्तिदमनो दान्तो महामोहहरो हरिः ।नियतात्मा च कालेशो दिनेशो भक्तवत्सलः ॥ १४॥

mahārtidamano dānto mahāmohaharo hariḥ |niyatātmā ca kāleśo dineśo bhaktavatsalaḥ || 14||

कल्याणकारी कमठकर्कशः कामवल्लभः ।व्योमचारी महान् सत्यः शम्भुरम्भोजवल्लभः ॥ १५॥

kalyāṇakārī kamaṭhakarkaśaḥ kāmavallabhaḥ |vyomacārī mahān satyaḥ śambhurambhojavallabhaḥ || 15||

सामगः पञ्चमो द्रव्यो ध्रुवो दीनजनप्रियः ।त्रिजटो रक्तवाहश्च रक्तवस्त्रो रतिप्रियः ॥ १६॥

sāmagaḥ pañcamo dravyo dhruvo dīnajanapriyaḥ |trijaṭo raktavāhaśca raktavastro ratipriyaḥ || 16||

कालयोगी महानादो निश्चलो दृश्यरूपधृक् ।गम्भीरघोषो निर्घोषो घटहस्तो महोमयः ॥ १७॥

kālayogī mahānādo niścalo dṛśyarūpadhṛk |gambhīraghoṣo nirghoṣo ghaṭahasto mahomayaḥ || 17||

रक्ताम्बरधरो रक्तो रक्तमाल्यानुलेपनः ।सहस्रहस्तो विजयो हरिगामी हरीश्वरः ॥ १८॥

raktāmbaradharo rakto raktamālyānulepanaḥ |sahasrahasto vijayo harigāmī harīśvaraḥ || 18||

मुण्डः कुण्डी भुजङ्गेशो रथी सुरथपूजितः ।न्यग्रोधवासी न्यग्रोधो वृक्षकर्णः कुलन्धरः ॥ १९॥

muṇḍaḥ kuṇḍī bhujaṅgeśo rathī surathapūjitaḥ |nyagrodhavāsī nyagrodho vṛkṣakarṇaḥ kulandharaḥ || 19||

शिखी चण्डी जटी ज्वाली ज्वालातेजोमयो विभुः ।हैमो हेमकरो हारी हरिद्रलासनस्थितः ॥ २०॥

śikhī caṇḍī jaṭī jvālī jvālātejomayo vibhuḥ |haimo hemakaro hārī haridralāsanasthitaḥ || 20||

हरिद्श्वो जगद्वासी जगतां पतिरिङ्गिलः ।विरोचनो विलासी च विरूपाक्षो विकर्तनः ॥ २१॥

haridśvo jagadvāsī jagatāṃ patiriṅgilaḥ |virocano vilāsī ca virūpākṣo vikartanaḥ || 21||

विनायको विभासश्च भासो भासां पतिः प्रभुः ।मतिमान् रतिमान् स्वक्षो विशालाक्षो विशाम्पतिः ॥ २२॥

vināyako vibhāsaśca bhāso bhāsāṃ patiḥ prabhuḥ |matimān ratimān svakṣo viśālākṣo viśāmpatiḥ || 22||

बालरूपो गिरिचरो गीर्पतिर्गोमतीपतिः ।गङ्गाधरो गणाध्यक्षो गणसेव्यो गणेश्वरः ॥ २३॥

bālarūpo giricaro gīrpatirgomatīpatiḥ |gaṅgādharo gaṇādhyakṣo gaṇasevyo gaṇeśvaraḥ || 23||

गिरीशनयनावासी सर्ववासी सतीप्रियः ।सत्यात्मकः सत्यधरः सत्यसन्धः सहस्रगुः ॥ २४॥

girīśanayanāvāsī sarvavāsī satīpriyaḥ |satyātmakaḥ satyadharaḥ satyasandhaḥ sahasraguḥ || 24||

अपारमहिमा मुक्तो मुक्तिदो मोक्षकामदः ।मूर्तिमान् ( २००) दुर्धरोऽमूर्तिस्तुटिरूपो लवात्मकः ॥ २५॥

apāramahimā mukto muktido mokṣakāmadaḥ |mūrtimān ( 200) durdharo'mūrtistuṭirūpo lavātmakaḥ || 25||

प्राणेशो व्यानदोऽपानसमानोदानरूपवान् ।चषको घटिकारूपो मुहूर्तो दिनरूपवान् ॥ २६॥

prāṇeśo vyānado'pānasamānodānarūpavān |caṣako ghaṭikārūpo muhūrto dinarūpavān || 26||

पक्षो मास ऋतुर्वर्षा दिनकालेश्वरेश्वरः ।अयनं युगरूपश्च कृतं त्रेतायुगस्त्रिपात् ॥ २७॥

pakṣo māsa ṛturvarṣā dinakāleśvareśvaraḥ |ayanaṃ yugarūpaśca kṛtaṃ tretāyugastripāt || 27||

द्वापरश्च कलिः कालः कालात्मा कलिनाशनः ।मन्वन्तरात्मको देवः शक्रस्त्रिभुवनेश्वरः ॥ २८॥

dvāparaśca kaliḥ kālaḥ kālātmā kalināśanaḥ |manvantarātmako devaḥ śakrastribhuvaneśvaraḥ || 28||

वासवोऽग्निर्यमो रक्षो वरुणो यादसां पतिः ।वायुर्वैश्रवणं शैव्यो गिरिजो जलजासनः ॥ २३॥

vāsavo'gniryamo rakṣo varuṇo yādasāṃ patiḥ |vāyurvaiśravaṇaṃ śaivyo girijo jalajāsanaḥ || 23||

अनन्तोऽनन्तमहिमा परमेष्ठी गतज्वरः ।कल्पान्तकलनः क्रूरः कालाग्निः कालसूदनः ॥ ३०॥

ananto'nantamahimā parameṣṭhī gatajvaraḥ |kalpāntakalanaḥ krūraḥ kālāgniḥ kālasūdanaḥ || 30||

महाप्रलयकृत् कृत्यः कुत्याशीर्युगवर्तनः ।कालावर्तो युगधरो युगादिः शहकेश्वरः ॥ ३१॥

mahāpralayakṛt kṛtyaḥ kutyāśīryugavartanaḥ |kālāvarto yugadharo yugādiḥ śahakeśvaraḥ || 31||