सूर्यसहस्रनामस्तोत्रम् १ Shri Surya Sahasranama Stotram 1 from Bhavishyapurana

सुमन्तुरुवाचमाघे मासि सिते पक्षे सप्तम्याङ्कुरुनन्दन ।निराहारो रविम्भक्त्या पूजयेद्विधिना नृप ॥ १॥

sumanturuvācamāghe māsi site pakṣe saptamyāṅkurunandana |nirāhāro ravimbhaktyā pūjayedvidhinā nṛpa || 1||

पूर्वोक्तेन जपेज्जप्यन्देवस्य पुरतः स्थितः ।शुद्धैकाग्रमना राजञ्जितक्रोधो जितेन्द्रियः ॥ २॥

pūrvoktena japejjapyandevasya purataḥ sthitaḥ |śuddhaikāgramanā rājañjitakrodho jitendriyaḥ || 2||

शतानीक उवाचकेन मन्त्रेण जप्तेन दर्शनं भगवान्व्रजेत् ।स्तोत्रेण वापि सविता तन्मे कथय सुव्रत ॥ ३॥

śatānīka uvācakena mantreṇa japtena darśanaṃ bhagavānvrajet |stotreṇa vāpi savitā tanme kathaya suvrata || 3||

सुमन्तुरुवाचस्तुतो नामसहस्रेण यदा भक्तिमता मया ।तदा मे दर्शनं यातः साक्षाद् देवो दिवाकरः ॥ ४॥

sumanturuvācastuto nāmasahasreṇa yadā bhaktimatā mayā |tadā me darśanaṃ yātaḥ sākṣād devo divākaraḥ || 4||

शतानीक उवाचनाम्नां सहस्रं सवितुः श्रोतुमिच्चामि हे द्विज ।येन ते दर्शनं यातः साक्षाद्देवो दिवाकरः ॥ १॥

śatānīka uvācanāmnāṃ sahasraṃ savituḥ śrotumiccāmi he dvija |yena te darśanaṃ yātaḥ sākṣāddevo divākaraḥ || 1||

सर्वमङ्गलमङ्गल्यं सर्वपापप्रणाशनम् ।स्तोत्रमेतन्महापुण्यं सर्वोपद्रवनाशनम् ॥ २॥

sarvamaṅgalamaṅgalyaṃ sarvapāpapraṇāśanam |stotrametanmahāpuṇyaṃ sarvopadravanāśanam || 2||

न तदस्ति भयं किञ्चिद्यदनेन न नश्यति ।ज्वराद्यैर्मुच्यते राजन् स्तोत्रेऽस्मिन् पठिते नरः ॥ ३॥

na tadasti bhayaṃ kiñcidyadanena na naśyati |jvarādyairmucyate rājan stotre'smin paṭhite naraḥ || 3||

अन्ये च रोगाः शाम्यन्ति पठतः शृण्वतस्तथा ।सम्पद्यन्ते यथा कामाः सर्व एव यथेप्सिताः ॥ ४॥

anye ca rogāḥ śāmyanti paṭhataḥ śṛṇvatastathā |sampadyante yathā kāmāḥ sarva eva yathepsitāḥ || 4||

य एतदादितः श्रुत्वा सङ्ग्रामं प्रविशेन्नरः ।स जित्वा समरे शत्रूनभ्येति गृहमक्षतः ॥ ५॥

ya etadāditaḥ śrutvā saṅgrāmaṃ praviśennaraḥ |sa jitvā samare śatrūnabhyeti gṛhamakṣataḥ || 5||

वन्ध्यानां पुत्रजननं भीतानां भयनाशनम् ।भूतिकारि दरिद्राणां कुष्ठिनां परमौषधम् ॥ ६॥

vandhyānāṃ putrajananaṃ bhītānāṃ bhayanāśanam |bhūtikāri daridrāṇāṃ kuṣṭhināṃ paramauṣadham || 6||

बालानां चैव सर्वेषां ग्रहरक्षोनिवारणम् ।पठते संयतो राजन् स श्रेयः परमाप्नुयात् ॥ ७॥

bālānāṃ caiva sarveṣāṃ graharakṣonivāraṇam |paṭhate saṃyato rājan sa śreyaḥ paramāpnuyāt || 7||

स सिद्धः सर्वसङ्कल्पः सुखमत्यन्तमश्नुते ।धर्मार्थिभिर्धर्मलुब्धैः सुखाय च सुखार्थिभिः ॥ ८॥

sa siddhaḥ sarvasaṅkalpaḥ sukhamatyantamaśnute |dharmārthibhirdharmalubdhaiḥ sukhāya ca sukhārthibhiḥ || 8||

राज्याय राज्यकामैश्च पठितव्यमिदं नरैः ।विद्यावहं तु विप्राणां क्षत्रियाणां जयावहम् ॥ ९॥

rājyāya rājyakāmaiśca paṭhitavyamidaṃ naraiḥ |vidyāvahaṃ tu viprāṇāṃ kṣatriyāṇāṃ jayāvaham || 9||

पश्वावहं तु वैश्यानां शूद्राणां धर्मवर्धनम् ।पठतां शृण्वतामेतद्भवतीति न संशयः ॥ १०॥

paśvāvahaṃ tu vaiśyānāṃ śūdrāṇāṃ dharmavardhanam |paṭhatāṃ śṛṇvatāmetadbhavatīti na saṃśayaḥ || 10||

तच्चृणुष्व नृपश्रेष्ठ प्रयतात्मा ब्रवीमि ते ।नाम्नां सहस्रं विख्यातं देवदेवस्य धीमतः ॥ ११॥

taccṛṇuṣva nṛpaśreṣṭha prayatātmā bravīmi te |nāmnāṃ sahasraṃ vikhyātaṃ devadevasya dhīmataḥ || 11||

ध्यानम्ध्येयः सदा सवितृमण्डलमध्यवर्तीनारायणः सरसिजासनसन्निविष्टः ।केयूरवान् मकरकुण्डलवान् किरीटीहारी हिरण्मयवपुर्धृतशङ्खचक्रः ॥अथ स्तोत्रम्ॐ विश्वविद्विश्वजित्कर्ता विश्वात्मा विश्वतोमुखः ।विश्वेश्वरो विश्वयोनिर्नियतात्मा जितेन्द्रियः ॥ १॥

dhyānamdhyeyaḥ sadā savitṛmaṇḍalamadhyavartīnārāyaṇaḥ sarasijāsanasanniviṣṭaḥ |keyūravān makarakuṇḍalavān kirīṭīhārī hiraṇmayavapurdhṛtaśaṅkhacakraḥ ||atha stotramoṃ viśvavidviśvajitkartā viśvātmā viśvatomukhaḥ |viśveśvaro viśvayonirniyatātmā jitendriyaḥ || 1||

कालाश्रयः कालकर्ता कालहा कालनाशनः ।महायोगी महासिद्धिर्महात्मा सुमहाबलः ॥ २॥

kālāśrayaḥ kālakartā kālahā kālanāśanaḥ |mahāyogī mahāsiddhirmahātmā sumahābalaḥ || 2||

प्रभुर्विभुर्भूतनाथो भूतात्मा भुवनेश्वरः ।भूतभव्यो भावितात्मा भूतान्तःकरणं शिवः ॥ ३॥

prabhurvibhurbhūtanātho bhūtātmā bhuvaneśvaraḥ |bhūtabhavyo bhāvitātmā bhūtāntaḥkaraṇaṃ śivaḥ || 3||

शरण्यः कमलानन्दो नन्दनो नन्दवर्धनः ।वरेण्यो वरदो योगी सुसंयुक्तः प्रकाशकः ॥ ४॥

śaraṇyaḥ kamalānando nandano nandavardhanaḥ |vareṇyo varado yogī susaṃyuktaḥ prakāśakaḥ || 4||

प्राप्तयानः परप्राणः पूतात्मा प्रयतः प्रियः ।नयः सहस्रपात् साधुर्दिव्यकुण्डलमण्डितः ॥ ५॥

prāptayānaḥ paraprāṇaḥ pūtātmā prayataḥ priyaḥ |nayaḥ sahasrapāt sādhurdivyakuṇḍalamaṇḍitaḥ || 5||

अव्यङ्गधारी धीरात्मा सविता वायुवाहनः ।समाहितमतिर्दाता विधाता कृतमङ्गलः ॥ ६॥

avyaṅgadhārī dhīrātmā savitā vāyuvāhanaḥ |samāhitamatirdātā vidhātā kṛtamaṅgalaḥ || 6||

कपर्दी कल्पपाद्रुद्रः सुमना धर्मवत्सलः ।समायुक्तो विमुक्तात्मा कृतात्मा कृतिनां वरः ॥ ७॥

kapardī kalpapādrudraḥ sumanā dharmavatsalaḥ |samāyukto vimuktātmā kṛtātmā kṛtināṃ varaḥ || 7||

अविचिन्त्यवपुः श्रेष्ठो महायोगी महेश्वरः ।कान्तः कामारिरादित्यो नियतात्मा निराकुलः ॥ ८॥

avicintyavapuḥ śreṣṭho mahāyogī maheśvaraḥ |kāntaḥ kāmārirādityo niyatātmā nirākulaḥ || 8||

कामः कारुणिकः कर्ता कमलाकरबोधनः ।सप्तसप्तिरचिन्त्यात्मा महाकारुणिकोत्तमः ॥ ९॥

kāmaḥ kāruṇikaḥ kartā kamalākarabodhanaḥ |saptasaptiracintyātmā mahākāruṇikottamaḥ || 9||

सञ्जीवनो जीवनाथो जयो जीवो जगत्पतिः ।अयुक्तो विश्वनिलयः संविभागी वृषध्वजः ॥ १०॥

sañjīvano jīvanātho jayo jīvo jagatpatiḥ |ayukto viśvanilayaḥ saṃvibhāgī vṛṣadhvajaḥ || 10||

वृषाकपिः कल्पकर्ता कल्पान्तकरणो रविः ।एकचक्ररथो मौनी सुरथो रथिनां वरः ॥ ११॥

vṛṣākapiḥ kalpakartā kalpāntakaraṇo raviḥ |ekacakraratho maunī suratho rathināṃ varaḥ || 11||

सक्रोधनो रश्मिमाली तेजोराशिर्विभावसुः ।दिव्यकृद्दिनकृद्देवो देवदेवो दिवस्पतिः ॥ १२॥

sakrodhano raśmimālī tejorāśirvibhāvasuḥ |divyakṛddinakṛddevo devadevo divaspatiḥ || 12||

दीननाथो हरो होता दिव्यबाहुर्दिवाकरः ।यज्ञो यज्ञपतिः पूषा स्वर्णरेताः परावरः ॥ १३॥

dīnanātho haro hotā divyabāhurdivākaraḥ |yajño yajñapatiḥ pūṣā svarṇaretāḥ parāvaraḥ || 13||

परापरज्ञस्तरणिरंशुमाली मनोहरः ।प्राज्ञः प्राज्ञपतिः सूर्यः सविता विष्णुरंशुमान् ॥ १४॥

parāparajñastaraṇiraṃśumālī manoharaḥ |prājñaḥ prājñapatiḥ sūryaḥ savitā viṣṇuraṃśumān || 14||

सदागतिर्गन्धवहो विहितो विधिराशुगः ।पतङ्गः पतगः स्थाणुर्विहङ्गो विहगो वरः ॥ १५॥

sadāgatirgandhavaho vihito vidhirāśugaḥ |pataṅgaḥ patagaḥ sthāṇurvihaṅgo vihago varaḥ || 15||

हर्यश्वो हरिताश्वश्च हरिदश्वो जगत्प्रियः ।त्र्यम्बकः सर्वदमनो भावितात्मा भिषग्वरः ॥ १६॥

haryaśvo haritāśvaśca haridaśvo jagatpriyaḥ |tryambakaḥ sarvadamano bhāvitātmā bhiṣagvaraḥ || 16||

आलोककृल्लोकनाथो लोकालोकनमस्कृतः ।कालः कल्पान्तको वह्निस्तपनः संप्रतापनः ॥ १७॥

ālokakṛllokanātho lokālokanamaskṛtaḥ |kālaḥ kalpāntako vahnistapanaḥ saṃpratāpanaḥ || 17||

विरोचनो विरूपाक्षः सहस्राक्षः पुरन्दरः ।सहस्ररश्मिर्मिहिरो विविधाम्बरभूषणः ॥ १८॥

virocano virūpākṣaḥ sahasrākṣaḥ purandaraḥ |sahasraraśmirmihiro vividhāmbarabhūṣaṇaḥ || 18||

खगः प्रतर्दनो धन्यो हयगो वाग्विशारदः ।श्रीमानशिशिरो वाग्मी श्रीपतिः श्रीनिकेतनः ॥ १९॥

khagaḥ pratardano dhanyo hayago vāgviśāradaḥ |śrīmānaśiśiro vāgmī śrīpatiḥ śrīniketanaḥ || 19||

श्रीकण्ठः श्रीधरः श्रीमान् श्रीनिवासो वसुप्रदः ।कामचारी महामायो महोग्रोऽविदितामयः ॥ २०॥

śrīkaṇṭhaḥ śrīdharaḥ śrīmān śrīnivāso vasupradaḥ |kāmacārī mahāmāyo mahogro'viditāmayaḥ || 20||

तीर्थक्रियावान् सुनयो विभक्तो भक्तवत्सलः ।कीर्तिः कीर्तिकरो नित्यः कुण्डली कवची रथी ॥ २१॥

tīrthakriyāvān sunayo vibhakto bhaktavatsalaḥ |kīrtiḥ kīrtikaro nityaḥ kuṇḍalī kavacī rathī || 21||

हिरण्यरेताः सप्ताश्वः प्रयतात्मा परन्तपः ।बुद्धिमानमरश्रेष्ठो रोचिष्णुः पाकशासनः ॥ २२॥

hiraṇyaretāḥ saptāśvaḥ prayatātmā parantapaḥ |buddhimānamaraśreṣṭho rociṣṇuḥ pākaśāsanaḥ || 22||

समुद्रो धनदो धाता मान्धाता कश्मलापहः ।तमोघ्नो ध्वान्तहा वह्निर्होताऽन्तःकरणो गुहः ॥ २३॥

samudro dhanado dhātā māndhātā kaśmalāpahaḥ |tamoghno dhvāntahā vahnirhotā'ntaḥkaraṇo guhaḥ || 23||

पशुमान् प्रयतानन्दो भूतेशः श्रीमतां वरः ।नित्योऽदितो नित्यरथः सुरेशः सुरपूजितः ॥ २४॥

paśumān prayatānando bhūteśaḥ śrīmatāṃ varaḥ |nityo'dito nityarathaḥ sureśaḥ surapūjitaḥ || 24||

अजितो विजितो जेता जङ्गमस्थावरात्मकः ।जीवानन्दो नित्यगामी विजेता विजयप्रदः ॥ २५॥

ajito vijito jetā jaṅgamasthāvarātmakaḥ |jīvānando nityagāmī vijetā vijayapradaḥ || 25||

पर्जन्योऽग्निः स्थितिः स्थेयः स्थविरोऽथ निरञ्जनः ।प्रद्योतनो रथारूढः सर्वलोकप्रकाशकः ॥ २६॥

parjanyo'gniḥ sthitiḥ stheyaḥ sthaviro'tha nirañjanaḥ |pradyotano rathārūḍhaḥ sarvalokaprakāśakaḥ || 26||

ध्रुवो मेषी महावीर्यो हंसः संसारतारकः ।सृष्टिकर्ता क्रियाहेतुर्मार्तण्डो मरुतां पतिः ॥ २७॥

dhruvo meṣī mahāvīryo haṃsaḥ saṃsāratārakaḥ |sṛṣṭikartā kriyāheturmārtaṇḍo marutāṃ patiḥ || 27||

मरुत्वान् दहनस्त्वष्टा भगो भर्गोऽर्यमा कपिः ।वरुणेशो जगन्नाथः कृतकृत्यः सुलोचनः ॥ २८॥

marutvān dahanastvaṣṭā bhago bhargo'ryamā kapiḥ |varuṇeśo jagannāthaḥ kṛtakṛtyaḥ sulocanaḥ || 28||

विवस्वान् भानुमान् कार्यः कारणस्तेजसां निधिः ।असङ्गगामी तिग्मांशुर्घर्मांशुर्दीप्तदीधितिः ॥ २९॥

vivasvān bhānumān kāryaḥ kāraṇastejasāṃ nidhiḥ |asaṅgagāmī tigmāṃśurgharmāṃśurdīptadīdhitiḥ || 29||

सहस्रदीधितिर्ब्रध्नः सहस्रांशुर्दिवाकरः ।गभस्तिमान् दीधितिमान् स्रग्वी मणिकुलद्युतिः ॥ ३०॥

sahasradīdhitirbradhnaḥ sahasrāṃśurdivākaraḥ |gabhastimān dīdhitimān sragvī maṇikuladyutiḥ || 30||

भास्करः सुरकार्यज्ञः सर्वज्ञस्तीक्ष्णदीधितिः ।सुरज्येष्ठः सुरपतिर्बहुज्ञो वचसां पतिः ॥ ३१॥

bhāskaraḥ surakāryajñaḥ sarvajñastīkṣṇadīdhitiḥ |surajyeṣṭhaḥ surapatirbahujño vacasāṃ patiḥ || 31||

तेजोनिधिर्बृहत्तेजा बृहत्कीर्तिर्बृहस्पतिः ।अहिमानूर्जितो धीमानामुक्तः कीर्तिवर्धनः ॥ ३२॥

tejonidhirbṛhattejā bṛhatkīrtirbṛhaspatiḥ |ahimānūrjito dhīmānāmuktaḥ kīrtivardhanaḥ || 32||

महावैद्यो गणपतिर्धनेशो गणनायकः ।तीव्रप्रतापनस्तापी तापनो विश्वतापनः ॥ ३३॥

mahāvaidyo gaṇapatirdhaneśo gaṇanāyakaḥ |tīvrapratāpanastāpī tāpano viśvatāpanaḥ || 33||

कार्तस्वरो हृषीकेशः पद्मानन्दोऽतिनन्दितः ।पद्मनाभोऽमृताहारः स्थितिमान् केतुमान् नभः ॥ ३४॥

kārtasvaro hṛṣīkeśaḥ padmānando'tinanditaḥ |padmanābho'mṛtāhāraḥ sthitimān ketumān nabhaḥ || 34||

अनाद्यन्तोऽच्युतो विश्वो विश्वामित्रो घृणिर्विराट् ।आमुक्तकवचो वाग्मी कञ्चुकी विश्वभावनः ॥ ३५॥

anādyanto'cyuto viśvo viśvāmitro ghṛṇirvirāṭ |āmuktakavaco vāgmī kañcukī viśvabhāvanaḥ || 35||

अनिमित्तगतिः श्रेष्ठः शरण्यः सर्वतोमुखः ।विगाही वेणुरसहः समायुक्तः समाक्रतुः ॥ ३६॥

animittagatiḥ śreṣṭhaḥ śaraṇyaḥ sarvatomukhaḥ |vigāhī veṇurasahaḥ samāyuktaḥ samākratuḥ || 36||

धर्मकेतुर्धर्मरतिः संहर्ता संयमो यमः ।प्रणतार्तिहरो वायुः सिद्धकार्यो जनेश्वरः ॥ ३७॥

dharmaketurdharmaratiḥ saṃhartā saṃyamo yamaḥ |praṇatārtiharo vāyuḥ siddhakāryo janeśvaraḥ || 37||

नभो विगाहनः सत्यः सवितात्मा मनोहरः ।हारी हरिर्हरो वायुरृतुः कालानलद्युतिः ॥ ३८॥

nabho vigāhanaḥ satyaḥ savitātmā manoharaḥ |hārī harirharo vāyurṛtuḥ kālānaladyutiḥ || 38||

सुखसेव्यो महातेजा जगतामेककारणम् ।महेन्द्रो विष्टुतः स्तोत्रं स्तुतिहेतुः प्रभाकरः ॥ ३९॥

sukhasevyo mahātejā jagatāmekakāraṇam |mahendro viṣṭutaḥ stotraṃ stutihetuḥ prabhākaraḥ || 39||

सहस्रकर आयुष्मान् अरोषः सुखदः सुखी ।व्याधिहा सुखदः सौख्यं कल्याणः कलतां वरः ॥ ४०॥

sahasrakara āyuṣmān aroṣaḥ sukhadaḥ sukhī |vyādhihā sukhadaḥ saukhyaṃ kalyāṇaḥ kalatāṃ varaḥ || 40||

आरोग्यकारणं सिद्धिरृद्धिर्वृद्धिर्बृहस्पतिः ।हिरण्यरेता आरोग्यं विद्वान् ब्रध्नो बुधो महान् ॥ ४१॥

ārogyakāraṇaṃ siddhirṛddhirvṛddhirbṛhaspatiḥ |hiraṇyaretā ārogyaṃ vidvān bradhno budho mahān || 41||

प्राणवान् धृतिमान् घर्मो घर्मकर्ता रुचिप्रदः ।सर्वप्रियः सर्वसहः सर्वशत्रुविनाशनः ॥ ४२॥

prāṇavān dhṛtimān gharmo gharmakartā rucipradaḥ |sarvapriyaḥ sarvasahaḥ sarvaśatruvināśanaḥ || 42||

प्रांशुर्विद्योतनो द्योतः सहस्रकिरणः कृती ।केयूरी भूषणोद्भासी भासितो भासनोऽनलः ॥ ४३॥

prāṃśurvidyotano dyotaḥ sahasrakiraṇaḥ kṛtī |keyūrī bhūṣaṇodbhāsī bhāsito bhāsano'nalaḥ || 43||

शरण्यार्तिहरो होता खद्योतः खगसत्तमः ।सर्वद्योतो भवद्योतः सर्वद्युतिकरो मतः ॥ ४४॥

śaraṇyārtiharo hotā khadyotaḥ khagasattamaḥ |sarvadyoto bhavadyotaḥ sarvadyutikaro mataḥ || 44||

कल्याणः कल्याणकरः कल्यः कल्यकरः कविः ।कल्याणकृत् कल्यवपुः सर्वकल्याणभाजनम् ॥ ४५॥

kalyāṇaḥ kalyāṇakaraḥ kalyaḥ kalyakaraḥ kaviḥ |kalyāṇakṛt kalyavapuḥ sarvakalyāṇabhājanam || 45||

शान्तिप्रियः प्रसन्नात्मा प्रशान्तः प्रशमप्रियः ।उदारकर्मा सुनयः सुवर्चा वर्चसोज्ज्वलः ॥ ४६॥

śāntipriyaḥ prasannātmā praśāntaḥ praśamapriyaḥ |udārakarmā sunayaḥ suvarcā varcasojjvalaḥ || 46||

वर्चस्वी वर्चसामीशस्त्रैलोक्येशो वशानुगः ।तेजस्वी सुयशा वर्ष्मी वर्णाध्यक्षो बलिप्रियः ॥ ४७॥

varcasvī varcasāmīśastrailokyeśo vaśānugaḥ |tejasvī suyaśā varṣmī varṇādhyakṣo balipriyaḥ || 47||

यशस्वी तेजोनिलयस्तेजस्वी प्रकृतिस्थितः ।आकाशगः शीघ्रगतिराशुगो गतिमान् खगः ॥ ४८॥

yaśasvī tejonilayastejasvī prakṛtisthitaḥ |ākāśagaḥ śīghragatirāśugo gatimān khagaḥ || 48||

गोपतिर्ग्रहदेवेशो गोमानेकः प्रभञ्जनः ।जनिता प्रजनो जीवो दीपः सर्वप्रकाशकः ॥ ४९॥

gopatirgrahadeveśo gomānekaḥ prabhañjanaḥ |janitā prajano jīvo dīpaḥ sarvaprakāśakaḥ || 49||

सर्वसाक्षी योगनित्यो नभस्वानसुरान्तकः ।रक्षोघ्नो विघ्नशमनः किरीटी सुमनःप्रियः ॥ ५०॥

sarvasākṣī yoganityo nabhasvānasurāntakaḥ |rakṣoghno vighnaśamanaḥ kirīṭī sumanaḥpriyaḥ || 50||

मरीचिमाली सुमतिः कृताभिख्यविशेषकः ।शिष्टाचारः शुभाकारः स्वचाराचारतत्परः ॥ ५१॥

marīcimālī sumatiḥ kṛtābhikhyaviśeṣakaḥ |śiṣṭācāraḥ śubhākāraḥ svacārācāratatparaḥ || 51||

मन्दारो माठरो वेणुः क्षुधापः क्ष्मापतिर्गुरुः ।सुविशिष्टो विशिष्टात्मा विधेयो ज्ञानशोभनः ॥ ५२॥

mandāro māṭharo veṇuḥ kṣudhāpaḥ kṣmāpatirguruḥ |suviśiṣṭo viśiṣṭātmā vidheyo jñānaśobhanaḥ || 52||

महाश्वेतः प्रियो ज्ञेयः सामगो मोक्षदायकः ।सर्ववेदप्रगीतात्मा सर्ववेदलयो महान् ॥ ५३॥

mahāśvetaḥ priyo jñeyaḥ sāmago mokṣadāyakaḥ |sarvavedapragītātmā sarvavedalayo mahān || 53||

वेदमूर्तिश्चतुर्वेदो वेदभृद्वेदपारगः ।क्रियावानसितो जिष्णुर्वरीयांशुर्वरप्रदः ॥ ५४॥

vedamūrtiścaturvedo vedabhṛdvedapāragaḥ |kriyāvānasito jiṣṇurvarīyāṃśurvarapradaḥ || 54||

व्रतचारी व्रतधरो लोकबन्धुरलङ्कृतः ।अलङ्काराक्षरो वेद्यो विद्यावान् विदिताशयः ॥ ५५॥

vratacārī vratadharo lokabandhuralaṅkṛtaḥ |alaṅkārākṣaro vedyo vidyāvān viditāśayaḥ || 55||

आकारो भूषणो भूष्यो भूष्णुर्भुवनपूजितः ।चक्रपाणिर्ध्वजधरः सुरेशो लोकवत्सलः ॥ ५६॥

ākāro bhūṣaṇo bhūṣyo bhūṣṇurbhuvanapūjitaḥ |cakrapāṇirdhvajadharaḥ sureśo lokavatsalaḥ || 56||

वाग्मिपतिर्महाबाहुः प्रकृतिर्विकृतिर्गुणः ।अन्धकारापहः श्रेष्ठो युगावर्तो युगादिकृत् ॥ ५७॥

vāgmipatirmahābāhuḥ prakṛtirvikṛtirguṇaḥ |andhakārāpahaḥ śreṣṭho yugāvarto yugādikṛt || 57||

अप्रमेयः सदायोगी निरहङ्कार ईश्वरः ।शुभप्रदः शुभः शास्ता शुभकर्मा शुभप्रदः ॥ ५८॥

aprameyaḥ sadāyogī nirahaṅkāra īśvaraḥ |śubhapradaḥ śubhaḥ śāstā śubhakarmā śubhapradaḥ || 58||

सत्यवान् श्रुतिमानुच्चैर्नकारो वृद्धिदोऽनलः ।बलभृद्बलदो बन्धुर्मतिमान् बलिनां वरः ॥ ५९॥

satyavān śrutimānuccairnakāro vṛddhido'nalaḥ |balabhṛdbalado bandhurmatimān balināṃ varaḥ || 59||

अनङ्गो नागराजेन्द्रः पद्मयोनिर्गणेश्वरः ।संवत्सर ऋतुर्नेता कालचक्रप्रवर्तकः ॥ ६०॥

anaṅgo nāgarājendraḥ padmayonirgaṇeśvaraḥ |saṃvatsara ṛturnetā kālacakrapravartakaḥ || 60||

पद्मेक्षणः पद्मयोनिः प्रभावानमरः प्रभुः ।सुमूर्तिः सुमतिः सोमो गोविन्दो जगदादिजः ॥ ६१॥

padmekṣaṇaḥ padmayoniḥ prabhāvānamaraḥ prabhuḥ |sumūrtiḥ sumatiḥ somo govindo jagadādijaḥ || 61||

पीतवासाः कृष्णवासा दिग्वासास्त्विन्द्रियातिगः ।अतीन्द्रियोऽनेकरूपः स्कन्दः परपुरञ्जयः ॥ ६२॥

pītavāsāḥ kṛṣṇavāsā digvāsāstvindriyātigaḥ |atīndriyo'nekarūpaḥ skandaḥ parapurañjayaḥ || 62||

शक्तिमाञ्जलधृग्भास्वान् मोक्षहेतुरयोनिजः ।सर्वदर्शी जितादर्शो दुःस्वप्नाशुभनाशनः ॥ ६३॥

śaktimāñjaladhṛgbhāsvān mokṣaheturayonijaḥ |sarvadarśī jitādarśo duḥsvapnāśubhanāśanaḥ || 63||

माङ्गल्यकर्ता तरणिर्वेगवान् कश्मलापहः ।स्पष्टाक्षरो महामन्त्रो विशाखो यजनप्रियः ॥ ६४॥

māṅgalyakartā taraṇirvegavān kaśmalāpahaḥ |spaṣṭākṣaro mahāmantro viśākho yajanapriyaḥ || 64||

विश्वकर्मा महाशक्तिर्द्युतिरीशो विहङ्गमः ।विचक्षणो दक्ष इन्द्रः प्रत्यूषः प्रियदर्शनः ॥ ६५॥

viśvakarmā mahāśaktirdyutirīśo vihaṅgamaḥ |vicakṣaṇo dakṣa indraḥ pratyūṣaḥ priyadarśanaḥ || 65||

अखिन्नो वेदनिलयो वेदविद्विदिताशयः ।प्रभाकरो जितरिपुः सुजनोऽरुणसारथिः ॥ ६६॥

akhinno vedanilayo vedavidviditāśayaḥ |prabhākaro jitaripuḥ sujano'ruṇasārathiḥ || 66||

कुनाशी सुरतः स्कन्दो महितोऽभिमतो गुरुः ।ग्रहराजो ग्रहपतिर्ग्रहनक्षत्रमण्डलः ॥ ६७॥

kunāśī surataḥ skando mahito'bhimato guruḥ |graharājo grahapatirgrahanakṣatramaṇḍalaḥ || 67||

भास्करः सततानन्दो नन्दनो नरवाहनः ।मङ्गलोऽथ मङ्गलवान् माङ्गल्यो मङ्गलावहः ॥ ६८॥

bhāskaraḥ satatānando nandano naravāhanaḥ |maṅgalo'tha maṅgalavān māṅgalyo maṅgalāvahaḥ || 68||

मङ्गल्यचारुचरितः शीर्णः सर्वव्रतो व्रती ।चतुर्मुखः पद्ममाली पूतात्मा प्रणतार्तिहा ॥ ६९॥

maṅgalyacārucaritaḥ śīrṇaḥ sarvavrato vratī |caturmukhaḥ padmamālī pūtātmā praṇatārtihā || 69||

अकिञ्चनः सतामीशो निर्गुणो गुणवाञ्चुचिः ।सम्पूर्णः पुण्डरीकाक्षो विधेयो योगतत्परः ॥ ७०॥

akiñcanaḥ satāmīśo nirguṇo guṇavāñcuciḥ |sampūrṇaḥ puṇḍarīkākṣo vidheyo yogatatparaḥ || 70||

सहस्रांशुः क्रतुमतिः सर्वज्ञः सुमतिः सुवाक् ।सुवाहनो माल्यदामा कृताहारो हरिप्रियः ॥ ७१॥

sahasrāṃśuḥ kratumatiḥ sarvajñaḥ sumatiḥ suvāk |suvāhano mālyadāmā kṛtāhāro haripriyaḥ || 71||

ब्रह्मा प्रचेताः प्रथितः प्रयतात्मा स्थिरात्मकः ।शतविन्दुः शतमुखो गरीयाननलप्रभः ॥ ७२॥

brahmā pracetāḥ prathitaḥ prayatātmā sthirātmakaḥ |śatavinduḥ śatamukho garīyānanalaprabhaḥ || 72||

धीरो महत्तरो विप्रः पुराणपुरुषोत्तमः ।विद्याराजाधिराजो हि विद्यावान् भूतिदः स्थितः ॥ ७३॥

dhīro mahattaro vipraḥ purāṇapuruṣottamaḥ |vidyārājādhirājo hi vidyāvān bhūtidaḥ sthitaḥ || 73||

अनिर्देश्यवपुः श्रीमान् विपाप्मा बहुमङ्गलः ।स्वःस्थितः सुरथः स्वर्णो मोक्षदो बलिकेतनः ॥ ७४॥

anirdeśyavapuḥ śrīmān vipāpmā bahumaṅgalaḥ |svaḥsthitaḥ surathaḥ svarṇo mokṣado baliketanaḥ || 74||

निर्द्वन्द्वो द्वन्द्वहा सर्गः सर्वगः संप्रकाशकः ।दयालुः सूक्ष्मधीः क्षान्तिः क्षेमाक्षेमस्थितिप्रियः ॥ ७५॥

nirdvandvo dvandvahā sargaḥ sarvagaḥ saṃprakāśakaḥ |dayāluḥ sūkṣmadhīḥ kṣāntiḥ kṣemākṣemasthitipriyaḥ || 75||

भूधरो भूपतिर्वक्ता पवित्रात्मा त्रिलोचनः ।महावराहः प्रियकृद्दाता भोक्ताऽभयप्रदः ॥ ७६॥

bhūdharo bhūpatirvaktā pavitrātmā trilocanaḥ |mahāvarāhaḥ priyakṛddātā bhoktā'bhayapradaḥ || 76||

चक्रवर्ती धृतिकरः सम्पूर्णोऽथ महेश्वरः ।चतुर्वेदधरोऽचिन्त्यो विनिन्द्यो विविधाशनः ॥ ७७॥

cakravartī dhṛtikaraḥ sampūrṇo'tha maheśvaraḥ |caturvedadharo'cintyo vinindyo vividhāśanaḥ || 77||

विचित्ररथ एकाकी सप्तसप्तिः परात्परः ।सर्वोदधिस्थितिकरः स्थितिस्थेयः स्थितिप्रियः ॥ ७८॥

vicitraratha ekākī saptasaptiḥ parātparaḥ |sarvodadhisthitikaraḥ sthitistheyaḥ sthitipriyaḥ || 78||

निष्कलः पुष्कलो विभुर्वसुमान् वासवप्रियः ।पशुमान् वासवस्वामी वसुधामा वसुप्रदः ॥ ७९॥

niṣkalaḥ puṣkalo vibhurvasumān vāsavapriyaḥ |paśumān vāsavasvāmī vasudhāmā vasupradaḥ || 79||

बलवान् ज्ञानवांस्तत्त्वमोङ्कारस्त्रिषु संस्थितः ।सङ्कल्पयोनिर्दिनकृद्भगवान् कारणापहः ॥ ८०॥

balavān jñānavāṃstattvamoṅkārastriṣu saṃsthitaḥ |saṅkalpayonirdinakṛdbhagavān kāraṇāpahaḥ || 80||

नीलकण्ठो धनाध्यक्षश्चतुर्वेदप्रियंवदः ।वषट्कारोद्गाता होता स्वाहाकारो हुताहुतिः ॥ ८१॥

nīlakaṇṭho dhanādhyakṣaścaturvedapriyaṃvadaḥ |vaṣaṭkārodgātā hotā svāhākāro hutāhutiḥ || 81||

जनार्दनो जनानन्दो नरो नारायणोऽम्बुदः ।सन्देहनाशनो वायुर्धन्वी सुरनमस्कृतः ॥ ८२॥

janārdano janānando naro nārāyaṇo'mbudaḥ |sandehanāśano vāyurdhanvī suranamaskṛtaḥ || 82||

विग्रही विमलो विन्दुर्विशोको विमलद्युतिः ।द्युतिमान् द्योतनो विद्युद्विद्यावान् विदितो बली ॥ ८३॥

vigrahī vimalo vindurviśoko vimaladyutiḥ |dyutimān dyotano vidyudvidyāvān vidito balī || 83||

घर्मदो हिमदो हासः कृष्णवर्त्मा सुताजितः ।सावित्रीभावितो राजा विश्वामित्रो घृणिर्विराट् ॥ ८४॥

gharmado himado hāsaḥ kṛṣṇavartmā sutājitaḥ |sāvitrībhāvito rājā viśvāmitro ghṛṇirvirāṭ || 84||

सप्तार्चिः सप्ततुरगः सप्तलोकनमस्कृतः ।सम्पूर्णोऽथ जगन्नाथः सुमनाः शोभनप्रियः ॥ ८५॥

saptārciḥ saptaturagaḥ saptalokanamaskṛtaḥ |sampūrṇo'tha jagannāthaḥ sumanāḥ śobhanapriyaḥ || 85||

सर्वात्मा सर्वकृत् सृष्टिः सप्तिमान् सप्तमीप्रियः ।सुमेधा मेधिको मेध्यो मेधावी मधुसूदनः ॥ ८६॥

sarvātmā sarvakṛt sṛṣṭiḥ saptimān saptamīpriyaḥ |sumedhā medhiko medhyo medhāvī madhusūdanaḥ || 86||

अङ्गिरःपतिः कालज्ञो धूमकेतुः सुकेतनः ।सुखी सुखप्रदः सौख्यं कामी कान्तिप्रियो मुनिः ॥ ८७॥ सौख्यं कान्तिः

aṅgiraḥpatiḥ kālajño dhūmaketuḥ suketanaḥ |sukhī sukhapradaḥ saukhyaṃ kāmī kāntipriyo muniḥ || 87|| saukhyaṃ kāntiḥ

सन्तापनः सन्तपन आतपस्तपसां पतिः ।उमापतिः सहस्रांशुः प्रियकारी प्रियङ्करः ॥ ८८॥

santāpanaḥ santapana ātapastapasāṃ patiḥ |umāpatiḥ sahasrāṃśuḥ priyakārī priyaṅkaraḥ || 88||

प्रीतिर्विमन्युरम्भोत्थः खञ्जनो जगतां पतिः ।जगत्पिता प्रीतमनाः सर्वः खर्वो गुहोऽचलः ॥ ८९॥

prītirvimanyurambhotthaḥ khañjano jagatāṃ patiḥ |jagatpitā prītamanāḥ sarvaḥ kharvo guho'calaḥ || 89||

सर्वगो जगदानन्दो जगन्नेता सुरारिहा ।श्रेयः श्रेयस्करो ज्यायान् महानुत्तम उद्भवः ॥ ९०॥

sarvago jagadānando jagannetā surārihā |śreyaḥ śreyaskaro jyāyān mahānuttama udbhavaḥ || 90||

उत्तमो मेरुमेयोऽथ धरणो धरणीधरः ।धराध्यक्षो धर्मराजो धर्माधर्मप्रवर्तकः ॥ ९१॥

uttamo merumeyo'tha dharaṇo dharaṇīdharaḥ |dharādhyakṣo dharmarājo dharmādharmapravartakaḥ || 91||

रथाध्यक्षो रथगतिस्तरुणस्तनितोऽनलः ।उत्तरोऽनुत्तरस्तापी अवाक्पतिरपां पतिः ॥ ९२॥

rathādhyakṣo rathagatistaruṇastanito'nalaḥ |uttaro'nuttarastāpī avākpatirapāṃ patiḥ || 92||

पुण्यसङ्कीर्तनः पुण्यो हेतुर्लोकत्रयाश्रयः ।स्वर्भानुर्विगतानन्दो विशिष्टोत्कृष्टकर्मकृत् ॥ ९३॥

puṇyasaṅkīrtanaḥ puṇyo heturlokatrayāśrayaḥ |svarbhānurvigatānando viśiṣṭotkṛṣṭakarmakṛt || 93||

व्याधिप्रणाशनः क्षेमः शूरः सर्वजितां वरः ।एकरथो रथाधीशः पिता शनैश्चरस्य हि ॥ ९४॥

vyādhipraṇāśanaḥ kṣemaḥ śūraḥ sarvajitāṃ varaḥ |ekaratho rathādhīśaḥ pitā śanaiścarasya hi || 94||

वैवस्वतगुरुर्मृत्युर्धर्मनित्यो महाव्रतः ।प्रलम्बहारासञ्चारी प्रद्योतो द्योतितानलः ॥ ९५॥

vaivasvatagururmṛtyurdharmanityo mahāvrataḥ |pralambahārāsañcārī pradyoto dyotitānalaḥ || 95||

सन्तापहृत् परो मन्त्रो मन्त्रमूर्तिर्महाबलः ।श्रेष्ठात्मा सुप्रियः शम्भुर्मरुतामीश्वरेश्वरः ॥ ९६॥

santāpahṛt paro mantro mantramūrtirmahābalaḥ |śreṣṭhātmā supriyaḥ śambhurmarutāmīśvareśvaraḥ || 96||

संसारगतिविच्चेत्ता संसारार्णवतारकः ।सप्तजिह्वः सहस्रार्ची रत्नगर्भोऽपराजितः ॥ ९७॥

saṃsāragativiccettā saṃsārārṇavatārakaḥ |saptajihvaḥ sahasrārcī ratnagarbho'parājitaḥ || 97||

धर्मकेतुरमेयात्मा धर्माधर्मवरप्रदः ।लोकसाक्षी लोकगुरुर्लोकेशश्चण्डवाहनः ॥ ९८॥

dharmaketurameyātmā dharmādharmavarapradaḥ |lokasākṣī lokagururlokeśaścaṇḍavāhanaḥ || 98||

धर्मयूपो यूपवृक्षो धनुष्पाणिर्धनुर्धरः ।पिनाकधृङ्महोत्साहो महामायो महाशनः ॥ ९९॥

dharmayūpo yūpavṛkṣo dhanuṣpāṇirdhanurdharaḥ |pinākadhṛṅmahotsāho mahāmāyo mahāśanaḥ || 99||

वीरः शक्तिमतां श्रेष्ठः सर्वशस्त्रभृतां वरः ।ज्ञानगम्यो दुराराध्यो लोहिताङ्गो विवर्धनः ॥ १००॥

vīraḥ śaktimatāṃ śreṣṭhaḥ sarvaśastrabhṛtāṃ varaḥ |jñānagamyo durārādhyo lohitāṅgo vivardhanaḥ || 100||

खगोऽन्धो धर्मदो नित्यो धर्मकृच्चित्रविक्रमः ।भगवानात्मवान् मन्त्रस्त्र्यक्षरो नीललोहितः ॥ १०१॥

khago'ndho dharmado nityo dharmakṛccitravikramaḥ |bhagavānātmavān mantrastryakṣaro nīlalohitaḥ || 101||

एकोऽनेकस्त्रयी कालः सविता समितिञ्जयः ।शार्ङ्गधन्वाऽनलो भीमः सर्वप्रहरणायुधः ॥ १०२॥

eko'nekastrayī kālaḥ savitā samitiñjayaḥ |śārṅgadhanvā'nalo bhīmaḥ sarvapraharaṇāyudhaḥ || 102||

सुकर्मा परमेष्ठी च नाकपाली दिविस्थितः ।वदान्यो वासुकिर्वैद्य आत्रेयोऽथ पराक्रमः ॥ १०३॥

sukarmā parameṣṭhī ca nākapālī divisthitaḥ |vadānyo vāsukirvaidya ātreyo'tha parākramaḥ || 103||

द्वापरः परमोदारः परमो ब्रह्मचर्यवान् ।उदीच्यवेषो मुकुटी पद्महस्तो हिमांशुभृत् ॥ १०४॥

dvāparaḥ paramodāraḥ paramo brahmacaryavān |udīcyaveṣo mukuṭī padmahasto himāṃśubhṛt || 104||

सितः प्रसन्नवदनः पद्मोदरनिभाननः ।सायं दिवा दिव्यवपुरनिर्देश्यो महालयः ॥ १०५॥

sitaḥ prasannavadanaḥ padmodaranibhānanaḥ |sāyaṃ divā divyavapuranirdeśyo mahālayaḥ || 105||

महारथो महानीशः शेषः सत्त्वरजस्तमः ।धृतातपत्रप्रतिमो विमर्षी निर्णयः स्थितः ॥ १०६॥

mahāratho mahānīśaḥ śeṣaḥ sattvarajastamaḥ |dhṛtātapatrapratimo vimarṣī nirṇayaḥ sthitaḥ || 106||

अहिंसकः शुद्धमतिरद्वितीयो विवर्धनः ।सर्वदो धनदो मोक्षो विहारी बहुदायकः ॥ १०७॥

ahiṃsakaḥ śuddhamatiradvitīyo vivardhanaḥ |sarvado dhanado mokṣo vihārī bahudāyakaḥ || 107||

चारुरात्रिहरो नाथो भगवान् सर्वगोऽव्ययः ।मनोहरवपुः शुभ्रः शोभनः सुप्रभावनः ॥ १०८॥

cārurātriharo nātho bhagavān sarvago'vyayaḥ |manoharavapuḥ śubhraḥ śobhanaḥ suprabhāvanaḥ || 108||

सुप्रभावः सुप्रतापः सुनेत्रो दिग्विदिक्पतिः ।राज्ञीप्रियः शब्दकरो ग्रहेशस्तिमिरापहः ॥ १०९॥

suprabhāvaḥ supratāpaḥ sunetro digvidikpatiḥ |rājñīpriyaḥ śabdakaro graheśastimirāpahaḥ || 109||

सैंहिकेयरिपुर्देवो वरदो वरनायकः ।चतुर्भुजो महायोगी योगीश्वरपतिस्तथा ॥ ११०॥

saiṃhikeyaripurdevo varado varanāyakaḥ |caturbhujo mahāyogī yogīśvarapatistathā || 110||

अनादिरूपोऽदितिजो रत्नकान्तिः प्रभामयः ।जगत्प्रदीपो विस्तीर्णो महाविस्तीर्णमण्डलः ॥ १११॥

anādirūpo'ditijo ratnakāntiḥ prabhāmayaḥ |jagatpradīpo vistīrṇo mahāvistīrṇamaṇḍalaḥ || 111||

एकचक्ररथः स्वर्णरथः स्वर्णशरीरधृक् ।निरालम्बो गगनगो धर्मकर्मप्रभावकृत् ॥ ११२॥

ekacakrarathaḥ svarṇarathaḥ svarṇaśarīradhṛk |nirālambo gaganago dharmakarmaprabhāvakṛt || 112||

धर्मात्मा कर्मणां साक्षी प्रत्यक्षः परमेश्वरः ।मेरुसेवी सुमेधावी मेरुरक्षाकरो महान् ॥ ११३॥

dharmātmā karmaṇāṃ sākṣī pratyakṣaḥ parameśvaraḥ |merusevī sumedhāvī merurakṣākaro mahān || 113||

आधारभूतो रतिमांस्तथा च धनधान्यकृत् ।पापसन्तापहर्ता च मनोवाञ्चितदायकः ॥ ११४॥

ādhārabhūto ratimāṃstathā ca dhanadhānyakṛt |pāpasantāpahartā ca manovāñcitadāyakaḥ || 114||

रोगहर्ता राज्यदायी रमणीयगुणोऽनृणी ।कालत्रयानन्तरूपो मुनिवृन्दनमस्कृतः ॥ ११५॥

rogahartā rājyadāyī ramaṇīyaguṇo'nṛṇī |kālatrayānantarūpo munivṛndanamaskṛtaḥ || 115||

सन्ध्यारागकरः सिद्धः सन्ध्यावन्दनवन्दितः ।साम्राज्यदाननिरतः समाराधनतोषवान् ॥ ११६॥

sandhyārāgakaraḥ siddhaḥ sandhyāvandanavanditaḥ |sāmrājyadānanirataḥ samārādhanatoṣavān || 116||

भक्तदुःखक्षयकरो भवसागरतारकःभयापहर्ता भगवानप्रमेयपराक्रमः ।मनुस्वामी मनुपतिर्मान्यो मन्वन्तराधिपः ॥ ११७॥

bhaktaduḥkhakṣayakaro bhavasāgaratārakaḥbhayāpahartā bhagavānaprameyaparākramaḥ |manusvāmī manupatirmānyo manvantarādhipaḥ || 117||

फलश्रुतिःएतत्ते सर्वमाख्यातं यन्मां त्वं परिपृच्चसि ।नाम्नां सहस्रं सवितुः पाराशर्यो यदाह मे ॥ १॥

phalaśrutiḥetatte sarvamākhyātaṃ yanmāṃ tvaṃ paripṛccasi |nāmnāṃ sahasraṃ savituḥ pārāśaryo yadāha me || 1||

धन्यं यशस्यमायुष्यं दुःखदुःस्वप्ननाशनम् ।बन्धमोक्षकरं चैव भानोर्नामानुकीर्तनात् ॥ २॥

dhanyaṃ yaśasyamāyuṣyaṃ duḥkhaduḥsvapnanāśanam |bandhamokṣakaraṃ caiva bhānornāmānukīrtanāt || 2||

यस्त्विदं शृणुयान्नित्यं पठेद्वा प्रयतो नरः ।अक्षयं सुखमन्नाद्यं भवेत्तस्योपसाधितम् ॥ ३॥

yastvidaṃ śṛṇuyānnityaṃ paṭhedvā prayato naraḥ |akṣayaṃ sukhamannādyaṃ bhavettasyopasādhitam || 3||

नृपाग्नितस्करभयं व्याधितो न भयं भवेत् ।विजयी च भवेन्नित्यमाश्रयं परमाप्नुयात् ॥ ४॥

nṛpāgnitaskarabhayaṃ vyādhito na bhayaṃ bhavet |vijayī ca bhavennityamāśrayaṃ paramāpnuyāt || 4||

कीर्तिमान् सुभगो विद्वान् स सुखी प्रियदर्शनः ।जीवेद्वर्षशतायुश्च सर्वव्याधिविवर्जितः ॥ ५॥

kīrtimān subhago vidvān sa sukhī priyadarśanaḥ |jīvedvarṣaśatāyuśca sarvavyādhivivarjitaḥ || 5||

नाम्नां सहस्रमिदमंशुमतः पठेद्यःप्रातः शुचिर्नियमवान् सुसमृद्धियुक्तः ।दूरेण तं परिहरन्ति सदैव रोगाःभूताः सुपर्णमिव सर्वमहोरगेन्द्राः ॥ ६॥

nāmnāṃ sahasramidamaṃśumataḥ paṭhedyaḥprātaḥ śucirniyamavān susamṛddhiyuktaḥ |dūreṇa taṃ pariharanti sadaiva rogāḥbhūtāḥ suparṇamiva sarvamahoragendrāḥ || 6||

॥ इति श्री भविष्यपुराणे सप्तमकल्पेश्रीभगवत्सूर्यस्य सहस्रनामस्तोत्रं सम्पूर्णम् ॥

|| iti śrī bhaviṣyapurāṇe saptamakalpeśrībhagavatsūryasya sahasranāmastotraṃ sampūrṇam ||