सूर्यकवचम् ४ Shri Surya Divya Kavacham 4

घृणिर्मे शीर्षकं पातु सूर्यः पातु ललाटकम् ।आदित्यःपातु नेत्रे द्वे श्रोत्रे पातु दिवाकरः ॥ १॥

ghṛṇirme śīrṣakaṃ pātu sūryaḥ pātu lalāṭakam |ādityaḥpātu netre dve śrotre pātu divākaraḥ || 1||

नासिकां च त्रयीपातु पातु गण्डस्थले रविः ।पातूत्तरोष्ठमुष्णांशुरधरोष्ठमहर्पतिः ॥ २॥

nāsikāṃ ca trayīpātu pātu gaṇḍasthale raviḥ |pātūttaroṣṭhamuṣṇāṃśuradharoṣṭhamaharpatiḥ || 2||

दन्तान्पातु जगच्चक्षुः जिह्वां पातु विभावसुः ।वक्त्रं पातु सहस्रांशुः चिबुकं पातु शङ्करः ॥ ३॥

dantānpātu jagaccakṣuḥ jihvāṃ pātu vibhāvasuḥ |vaktraṃ pātu sahasrāṃśuḥ cibukaṃ pātu śaṅkaraḥ || 3||

पार्शे पातु पतङ्गश्च पृष्ठं पातु प्रभाकरः ।कुक्षिं दिनमणिः पातु मध्यं पातु प्रजेश्वरः ॥ ४॥

pārśe pātu pataṅgaśca pṛṣṭhaṃ pātu prabhākaraḥ |kukṣiṃ dinamaṇiḥ pātu madhyaṃ pātu prajeśvaraḥ || 4||

पात्वंशुमाली नाभिं मे कटिं पात्वमराग्रणीः ।ऊरू पातु ग्रहपतिः जानुनी पातु सर्वगः ॥ ५॥

pātvaṃśumālī nābhiṃ me kaṭiṃ pātvamarāgraṇīḥ |ūrū pātu grahapatiḥ jānunī pātu sarvagaḥ || 5||

जङ्घे धामनिधिः पातु गुल्फौ पातु प्रभाकरः ।मार्ताण्डः पातु पादौ मे पातु मित्रोऽखिलं वपुः ॥ ६॥

jaṅghe dhāmanidhiḥ pātu gulphau pātu prabhākaraḥ |mārtāṇḍaḥ pātu pādau me pātu mitro'khilaṃ vapuḥ || 6||

फलश्रुतिः ।इदमादित्यनामाख्यं कवचं धारयेत्सुधीः ।सदीर्घायुस्सदा भोगी स्थिरसम्पद्विजायते ॥ ७॥

phalaśrutiḥ |idamādityanāmākhyaṃ kavacaṃ dhārayetsudhīḥ |sadīrghāyussadā bhogī sthirasampadvijāyate || 7||

धर्मसञ्चारिणो लोके त्रयीश्री सूर्यवर्मणा ।आवृतं पुरुषं द्रष्टुमशक्ता भयविह्वलाः ॥ ८॥

dharmasañcāriṇo loke trayīśrī sūryavarmaṇā |āvṛtaṃ puruṣaṃ draṣṭumaśaktā bhayavihvalāḥ || 8||

मित्रयन्तोद्भवन्तस्तं तिरस्कर्तुं तदक्षमम् ।विरोधिनस्तु सर्वत्र तदाचरणतत्पराः ॥ ९॥

mitrayantodbhavantastaṃ tiraskartuṃ tadakṣamam |virodhinastu sarvatra tadācaraṇatatparāḥ || 9||

दारिद्र्यं चैव दौर्भाग्यं मारकस्त्विह दह्यते ।सूर्येति सुरराजेति मित्रेति सुमनास्स्मरन् ॥ १०॥

dāridryaṃ caiva daurbhāgyaṃ mārakastviha dahyate |sūryeti surarājeti mitreti sumanāssmaran || 10||

पुमान्न प्राप्नुयाद्दुःखं शाश्वतं सुखमश्नुते ।सर्वोन्नतगुणाधारं सूर्येणाशु प्रकल्पितम् ॥ ११॥

pumānna prāpnuyādduḥkhaṃ śāśvataṃ sukhamaśnute |sarvonnataguṇādhāraṃ sūryeṇāśu prakalpitam || 11||

कवचं धारयेद्यस्तु तस्य स्यादखिलं वशम् ।सदा गदाधरस्यापि छेत्तुं किं च तदक्षयम् ॥ १२॥

kavacaṃ dhārayedyastu tasya syādakhilaṃ vaśam |sadā gadādharasyāpi chettuṃ kiṃ ca tadakṣayam || 12||

तस्य हस्ते च सर्वापि सिद्धीः प्रत्ययदायिनीः ।सुखस्वपे यदा सूरः स्वस्य वर्मोपविष्टवान् ॥ १३॥

tasya haste ca sarvāpi siddhīḥ pratyayadāyinīḥ |sukhasvape yadā sūraḥ svasya varmopaviṣṭavān || 13||

याज्ञवल्क्यो स्तवान् सप्त समक्षं हृदये मुदा ।स घृणिस्सूर्य आदित्यस्तपनस्सविता रविः ॥ १४॥

yājñavalkyo stavān sapta samakṣaṃ hṛdaye mudā |sa ghṛṇissūrya ādityastapanassavitā raviḥ || 14||

कर्मसाक्षी दिनमणिर्मित्रो भानुर्विभुर्हरिः ।द्वादशैतानि नामानि त्रिसन्ध्यं यः पठेन्नरः ॥ १५॥

karmasākṣī dinamaṇirmitro bhānurvibhurhariḥ |dvādaśaitāni nāmāni trisandhyaṃ yaḥ paṭhennaraḥ || 15||

तस्य मृत्युभयं नास्ति सपुत्रो विजयी भवेत् ।द्वाभ्यां त्रिभिस्त्रिभिर्व??सन्मन्त्रपद्धतिम् ॥ १६॥

tasya mṛtyubhayaṃ nāsti saputro vijayī bhavet |dvābhyāṃ tribhistribhirva??sanmantrapaddhatim || 16||

विज्ञायाष्टाक्षरीमेतां ओङ्कारादि जपेत्कृती ।मन्त्रात्मकमिदं वर्म मन्त्रवद्गोपयेत्तथा ॥ १७॥

vijñāyāṣṭākṣarīmetāṃ oṅkārādi japetkṛtī |mantrātmakamidaṃ varma mantravadgopayettathā || 17||

अमन्दविदुषः पुंसो दातुं तद्दुर्लभं खलु ।दुर्लभं भक्तिहीनानां सुलभं पुण्यजीविनाम् ॥ १८॥

amandaviduṣaḥ puṃso dātuṃ taddurlabhaṃ khalu |durlabhaṃ bhaktihīnānāṃ sulabhaṃ puṇyajīvinām || 18||

य इदं पठते भक्त्या शृणुयाद्वा समाहितः ।तस्य पुण्यफलं वक्तुमशक्यं वर्षकोटिभिः ॥ १९॥

ya idaṃ paṭhate bhaktyā śṛṇuyādvā samāhitaḥ |tasya puṇyaphalaṃ vaktumaśakyaṃ varṣakoṭibhiḥ || 19||

इत्यादित्यपुराणे उत्तरखण्डे याज्ञवल्क्य विरचितंश्रीसूर्यकवचं सम्पूर्णम् ।स्वर्भुवर्भूरोमित दिग्विमोकःश्री सूर्यनारायण परब्रह्मार्पणमस्तु ।इति श्रीसूर्यकवचं सम्पूर्णम् ।

ityādityapurāṇe uttarakhaṇḍe yājñavalkya viracitaṃśrīsūryakavacaṃ sampūrṇam |svarbhuvarbhūromita digvimokaḥśrī sūryanārāyaṇa parabrahmārpaṇamastu |iti śrīsūryakavacaṃ sampūrṇam |