केतु अष्टोत्तरशतनामस्तोत्रम् Shri Ketu Ashtottarashatanama Stotram

केतु बीज मन्त्र ॐ स्राँ स्रीं स्रौं सः केतवे नमः ॥शृणु नामानि जप्यानि केतो रथ महामते ।केतुः स्थूलशिराश्चैव शिरोमात्रो ध्वजाकृतिः ॥ १॥

ketu bīja mantra oṃ srām̐ srīṃ srauṃ saḥ ketave namaḥ ||śṛṇu nāmāni japyāni keto ratha mahāmate |ketuḥ sthūlaśirāścaiva śiromātro dhvajākṛtiḥ || 1||

नवग्रहयुतः सिंहिकासुरीगर्भसम्भवः ।महाभीतिकरश्चित्रवर्णो वै पिंगळाक्षकः ॥ २॥

navagrahayutaḥ siṃhikāsurīgarbhasambhavaḥ |mahābhītikaraścitravarṇo vai piṃgaḷākṣakaḥ || 2||

स फलोधूम्रसंकाषः तीक्ष्णदंष्ट्रो महोरगः ।रक्तनेत्रश्चित्रकारी तीव्रकोपो महासुरः ॥ ३॥

sa phalodhūmrasaṃkāṣaḥ tīkṣṇadaṃṣṭro mahoragaḥ |raktanetraścitrakārī tīvrakopo mahāsuraḥ || 3||

क्रूरकण्ठः क्रोधनिधिश्छायाग्रहविशेषकः ।अन्त्यग्रहो महाशीर्षो सूर्यारिः पुष्पवद्ग्रही ॥ ४॥

krūrakaṇṭhaḥ krodhanidhiśchāyāgrahaviśeṣakaḥ |antyagraho mahāśīrṣo sūryāriḥ puṣpavadgrahī || 4||

वरहस्तो गदापाणिश्चित्रवस्त्रधरस्तथा ।चित्रध्वजपताकश्च घोरश्चित्ररथश्शिखी ॥ ५॥

varahasto gadāpāṇiścitravastradharastathā |citradhvajapatākaśca ghoraścitrarathaśśikhī || 5||

कुळुत्थभक्षकश्चैव वैडूर्याभरण स्तथा ।उत्पातजनकः शुक्रमित्रं मन्दसखस्तथा ॥ ६॥

kuḷutthabhakṣakaścaiva vaiḍūryābharaṇa stathā |utpātajanakaḥ śukramitraṃ mandasakhastathā || 6||

गदाधरः नाकपतिः अन्तर्वेदीश्वरस्तथा ।जैमिनीगोत्रजश्चित्रगुप्तात्मा दक्षिणामुखः ॥ ७॥

gadādharaḥ nākapatiḥ antarvedīśvarastathā |jaiminīgotrajaścitraguptātmā dakṣiṇāmukhaḥ || 7||

मुकुन्दवरपात्रं च महासुरकुलोद्भवः ।घनवर्णो लम्बदेहो मृत्युपुत्रस्तथैव च ॥ ८॥

mukundavarapātraṃ ca mahāsurakulodbhavaḥ |ghanavarṇo lambadeho mṛtyuputrastathaiva ca || 8||

उत्पातरूपधारी चाऽदृश्यः कालाग्निसन्निभः ।नृपीडो ग्रहकारी च सर्वोपद्रवकारकः ॥ ९॥

utpātarūpadhārī cā'dṛśyaḥ kālāgnisannibhaḥ |nṛpīḍo grahakārī ca sarvopadravakārakaḥ || 9||

चित्रप्रसूतो ह्यनलः सर्वव्याधिविनाशकः ।अपसव्यप्रचारी च नवमे पापदायकः ॥ १०॥

citraprasūto hyanalaḥ sarvavyādhivināśakaḥ |apasavyapracārī ca navame pāpadāyakaḥ || 10||

पञ्चमे शोकदश्चोपरागखेचर एव च ।अतिपुरुषकर्मा च तुरीये सुखप्रदः ॥ ११॥

pañcame śokadaścoparāgakhecara eva ca |atipuruṣakarmā ca turīye sukhapradaḥ || 11||

तृतीये वैरदः पापग्रहश्च स्फोटककारकः ।प्राणनाथः पञ्चमे तु श्रमकारक एव च ॥ १२॥

tṛtīye vairadaḥ pāpagrahaśca sphoṭakakārakaḥ |prāṇanāthaḥ pañcame tu śramakāraka eva ca || 12||

द्वितीयेऽस्फुटवाग्दाता विषाकुलितवक्त्रकः ।कामरूपी सिंहदन्तः सत्येऽप्यनृतवानपि ॥ १३॥

dvitīye'sphuṭavāgdātā viṣākulitavaktrakaḥ |kāmarūpī siṃhadantaḥ satye'pyanṛtavānapi || 13||

चतुर्थे मातृनाशश्च नवमे पितृनाशकः ।अन्त्ये वैरप्रदश्चैव सुतानन्दनबन्धकः ॥ १४॥

caturthe mātṛnāśaśca navame pitṛnāśakaḥ |antye vairapradaścaiva sutānandanabandhakaḥ || 14||

सर्पाक्षिजातोऽनंगश्च कर्मराश्युद्भवस्तथा ।उपान्ते कीर्तिदश्चैव सप्तमे कलहप्रदः ॥ १५॥

sarpākṣijāto'naṃgaśca karmarāśyudbhavastathā |upānte kīrtidaścaiva saptame kalahapradaḥ || 15||

अष्टमे व्याधिकर्ता च धने बहुसुखप्रदः ।जनने रोगदश्चोर्ध्वमूर्धजो ग्रहनायकः ॥ १६॥

aṣṭame vyādhikartā ca dhane bahusukhapradaḥ |janane rogadaścordhvamūrdhajo grahanāyakaḥ || 16||

पापदृष्टिः खेचरश्च शाम्भवोऽशेषपूजितः ।शाश्वतश्च नटश्चैव शुभाऽशुभफलप्रदः ॥ १७॥

pāpadṛṣṭiḥ khecaraśca śāmbhavo'śeṣapūjitaḥ |śāśvataśca naṭaścaiva śubhā'śubhaphalapradaḥ || 17||

धूम्रश्चैव सुधापायी ह्यजितो भक्तवत्सलः ।सिंहासनः केतुमूर्ती रवीन्दुद्युतिनाशकः ॥ १८॥

dhūmraścaiva sudhāpāyī hyajito bhaktavatsalaḥ |siṃhāsanaḥ ketumūrtī ravīndudyutināśakaḥ || 18||

अमरः पीडकोऽमर्त्यो विष्णुदृष्टोऽसुरेश्वरः ।भक्तरक्षोऽथ वैचित्र्यकपटस्यन्दनस्तथा ॥ १९॥

amaraḥ pīḍako'martyo viṣṇudṛṣṭo'sureśvaraḥ |bhaktarakṣo'tha vaicitryakapaṭasyandanastathā || 19||

विचित्रफलदायी च भक्ताभीष्टफलप्रदः ।एतत्केतुग्रहस्योक्तं नाम्नामष्टोत्तरं शतम् ॥ २०॥

vicitraphaladāyī ca bhaktābhīṣṭaphalapradaḥ |etatketugrahasyoktaṃ nāmnāmaṣṭottaraṃ śatam || 20||

यो भक्त्येदं जपेत्केतुर्नाम्नामष्टोत्तरं शतम् ।स तु केतोः प्रसादेन सर्वाभीष्टं समाप्नुयात् ॥ २१॥

yo bhaktyedaṃ japetketurnāmnāmaṣṭottaraṃ śatam |sa tu ketoḥ prasādena sarvābhīṣṭaṃ samāpnuyāt || 21||

॥ इति केतु अष्टोत्तरशतनामस्तोत्रं सम्पूर्णम् ॥

|| iti ketu aṣṭottaraśatanāmastotraṃ sampūrṇam ||