stotram (21) Shri Guru Ashtottarashatanama Stotram

गुरु बीज मन्त्र ॐ ग्राँ ग्रीं ग्रौं सः गुरवे नमः ॥गुरुर्गुणवरो गोप्ता गोचरो गोपतिप्रियः । (गुरुर्गुणकरो)गुणी गुणवतांश्रेष्ठो गुरूणाङ्गुरुरव्ययः ॥ १॥

guru bīja mantra oṃ grām̐ grīṃ grauṃ saḥ gurave namaḥ ||gururguṇavaro goptā gocaro gopatipriyaḥ | (gururguṇakaro)guṇī guṇavatāṃśreṣṭho gurūṇāṅgururavyayaḥ || 1||

जेता जयन्तो जयदो जीवोऽनन्तो जयावहः ।आङ्गीरसोऽध्वरासक्तो विविक्तोऽध्वरकृत्परः ॥ २॥

jetā jayanto jayado jīvo'nanto jayāvahaḥ |āṅgīraso'dhvarāsakto vivikto'dhvarakṛtparaḥ || 2||

वाचस्पतिर्वशी वश्यो वरिष्ठो वाग्विचक्षणः ।चित्तशुद्धिकरः श्रीमान् चैत्रः चित्रशिखण्डिजः ॥ ३॥

vācaspatirvaśī vaśyo variṣṭho vāgvicakṣaṇaḥ |cittaśuddhikaraḥ śrīmān caitraḥ citraśikhaṇḍijaḥ || 3||

बृहद्रथो बृहद्भानुर्बृहस्पतिरभीष्टदः ।सुराचार्यः सुराराध्यः सुरकार्यहितंकरः ॥ ४॥

bṛhadratho bṛhadbhānurbṛhaspatirabhīṣṭadaḥ |surācāryaḥ surārādhyaḥ surakāryahitaṃkaraḥ || 4||

गीर्वाणपोषको धन्यो गीष्पतिर्गिरिशोऽनघः ।धीवरो धिषणो दिव्यभूषणो देवपूजितः ॥ ५॥

gīrvāṇapoṣako dhanyo gīṣpatirgiriśo'naghaḥ |dhīvaro dhiṣaṇo divyabhūṣaṇo devapūjitaḥ || 5||

धनुर्धरो दैत्यहन्ता दयासारो दयाकरः ।दारिद्र्यनाशको धन्यो दक्षिणायनसम्भवः ॥ ६॥

dhanurdharo daityahantā dayāsāro dayākaraḥ |dāridryanāśako dhanyo dakṣiṇāyanasambhavaḥ || 6||

धनुर्मीनाधिपो देवो धनुर्बाणधरो हरिः ।आङ्गीरसाब्दसञ्जातो आङ्गीरसकुलसम्भवः ॥ ७ ॥ (आङ्गीरसकुलोद्भवः)

dhanurmīnādhipo devo dhanurbāṇadharo hariḥ |āṅgīrasābdasañjāto āṅgīrasakulasambhavaḥ || 7 || (āṅgīrasakulodbhavaḥ)

सिन्धुदेशाधिपो धीमान् स्वर्णवर्णः चतुर्भुजः । (स्वर्णकश्च)हेमाङ्गदो हेमवपुर्हेमभूषणभूषितः ॥ ८॥

sindhudeśādhipo dhīmān svarṇavarṇaḥ caturbhujaḥ | (svarṇakaśca)hemāṅgado hemavapurhemabhūṣaṇabhūṣitaḥ || 8||

पुष्यनाथः पुष्यरागमणिमण्डलमण्डितः ।काशपुष्पसमानाभः कलिदोषनिवारकः ॥ ९॥

puṣyanāthaḥ puṣyarāgamaṇimaṇḍalamaṇḍitaḥ |kāśapuṣpasamānābhaḥ kalidoṣanivārakaḥ || 9||

इन्द्रादिदेवोदेवेषो देवताभीष्टदायकः ।असमानबलः सत्त्वगुणसम्पद्विभासुरः ॥ १०॥

indrādidevodeveṣo devatābhīṣṭadāyakaḥ |asamānabalaḥ sattvaguṇasampadvibhāsuraḥ || 10||

भूसुराभीष्टदो भूरियशः पुण्यविवर्धनः ।धर्मरूपो धनाध्यक्षो धनदो धर्मपालनः ॥ ११॥

bhūsurābhīṣṭado bhūriyaśaḥ puṇyavivardhanaḥ |dharmarūpo dhanādhyakṣo dhanado dharmapālanaḥ || 11||

सर्ववेदार्थतत्त्वज्ञः सर्वापद्विनिवारकः ।सर्वपापप्रशमनः स्वमतानुगतामरः ॥ १२॥ (स्वमातानुगतामरः\, स्वमातानुगतावरः)

sarvavedārthatattvajñaḥ sarvāpadvinivārakaḥ |sarvapāpapraśamanaḥ svamatānugatāmaraḥ || 12|| (svamātānugatāmaraḥ\, svamātānugatāvaraḥ)

ऋग्वेदपारगो ऋक्षराशिमार्गप्रचारकः ।सदानन्दः सत्यसन्धः सत्यसंकल्पमानसः ॥ १३॥

ṛgvedapārago ṛkṣarāśimārgapracārakaḥ |sadānandaḥ satyasandhaḥ satyasaṃkalpamānasaḥ || 13||

सर्वागमज्ञः सर्वज्ञः सर्ववेदान्तविद्वरः ।ब्रह्मपुत्रो ब्राह्मणेशो ब्रह्मविद्याविशारदः ॥ १४॥

sarvāgamajñaḥ sarvajñaḥ sarvavedāntavidvaraḥ |brahmaputro brāhmaṇeśo brahmavidyāviśāradaḥ || 14||

समानाधिकनिर्मुक्तः सर्वलोकवशंवदः ।ससुरासुरगन्धर्ववन्दितः सत्यभाषणः ॥ १५॥

samānādhikanirmuktaḥ sarvalokavaśaṃvadaḥ |sasurāsuragandharvavanditaḥ satyabhāṣaṇaḥ || 15||

नमः सुरेन्द्रवन्द्याय देवाचार्याय ते नमः ।नमस्तेऽनन्तसामर्थ्य वेदसिद्धान्तपारगः ॥ १६॥

namaḥ surendravandyāya devācāryāya te namaḥ |namaste'nantasāmarthya vedasiddhāntapāragaḥ || 16||

सदानन्द नमस्तेऽस्तु नमः पीडाहराय च ।नमो वाचस्पते तुभ्यं नमस्ते पीतवाससे ॥ १७॥

sadānanda namaste'stu namaḥ pīḍāharāya ca |namo vācaspate tubhyaṃ namaste pītavāsase || 17||

नमोऽद्वितीयरूपाय लम्बकूर्चाय ते नमः ।नमः प्रकृष्टनेत्राय विप्राणाम्पतये नमः ॥ १८॥

namo'dvitīyarūpāya lambakūrcāya te namaḥ |namaḥ prakṛṣṭanetrāya viprāṇāmpataye namaḥ || 18||

नमो भार्गवषिष्याय विपन्नहितकारिणे ।नमस्ते सुरसैन्यानांविपत्छिद्रानकेतवे ॥ १९॥

namo bhārgavaṣiṣyāya vipannahitakāriṇe |namaste surasainyānāṃvipatchidrānaketave || 19||

बृहस्पतिः सुराचार्यो दयावान् शुभलक्षणः ।लोकत्रयगुरुः श्रीमान् सर्वगः सर्वतोविभुः ॥ २०॥

bṛhaspatiḥ surācāryo dayāvān śubhalakṣaṇaḥ |lokatrayaguruḥ śrīmān sarvagaḥ sarvatovibhuḥ || 20||

सर्वेशः सर्वदातुष्टः सर्वदः सर्वपूजितः ।अक्रोधनो मुनिश्रेष्ठो दीप्तिकर्ता जगत्पिता ॥ २१॥

sarveśaḥ sarvadātuṣṭaḥ sarvadaḥ sarvapūjitaḥ |akrodhano muniśreṣṭho dīptikartā jagatpitā || 21||

विश्वात्मा विश्वकर्ता च विश्वयोनिरयोनिजः ।भूर्भुवोधनदासाजभक्ताजीवो महाबलः ॥ २२॥

viśvātmā viśvakartā ca viśvayonirayonijaḥ |bhūrbhuvodhanadāsājabhaktājīvo mahābalaḥ || 22||

बृहस्पतिः काष्यपेयो दयावान् षुभलक्षणः ।अभीष्टफलदः श्रीमान् सुभद्गर नमोऽस्तु ते ॥ २३॥

bṛhaspatiḥ kāṣyapeyo dayāvān ṣubhalakṣaṇaḥ |abhīṣṭaphaladaḥ śrīmān subhadgara namo'stu te || 23||

बृहस्पतिस्सुराचार्यो देवासुरसुपूजितः ।आचार्योदानवारिष्ट सुरमन्त्री पुरोहितः ॥ २४॥

bṛhaspatissurācāryo devāsurasupūjitaḥ |ācāryodānavāriṣṭa suramantrī purohitaḥ || 24||

कालज्ञः कालऋग्वेत्ता चित्तदश्च प्रजापतिः ।विष्णुः कृष्णः सदासूक्ष्मः प्रतिदेवोज्ज्वलग्रहः ॥ २५॥

kālajñaḥ kālaṛgvettā cittadaśca prajāpatiḥ |viṣṇuḥ kṛṣṇaḥ sadāsūkṣmaḥ pratidevojjvalagrahaḥ || 25||

॥ इति गुर्वाष्टोत्तरशतनामस्तोत्रं सम्पूर्णम् ॥

|| iti gurvāṣṭottaraśatanāmastotraṃ sampūrṇam ||