शनिमङ्गलस्तोत्रम् Shanimangalastotram

मन्दः कृष्णनिभस्तु पश्चिममुखः सौराष्ट्रकः काश्यपः ।स्वामी नक्रभकुम्भयोर्बुधसितौ मित्रे समश्चाऽङ्गिराः ॥ १॥

mandaḥ kṛṣṇanibhastu paścimamukhaḥ saurāṣṭrakaḥ kāśyapaḥ |svāmī nakrabhakumbhayorbudhasitau mitre samaścā'ṅgirāḥ || 1||

स्थानं पश्चिमदिक् प्रजापति यमौ देवौ धनुष्यासनः ।षट्त्रिस्थः शुभकृच्छनी रविसुतः कुर्यात्सदा मङ्गलम् ॥ २॥

sthānaṃ paścimadik prajāpati yamau devau dhanuṣyāsanaḥ |ṣaṭtristhaḥ śubhakṛcchanī ravisutaḥ kuryātsadā maṅgalam || 2||

प्रार्थनाआवाहनं न जानामि न जानामि विसर्जनम् ।पूजां नैव हि जानामि क्षमस्व परमेश्वर ॥मन्त्रहीनं क्रियाहीनं भक्तिहीनं सुरेश्वर ।यत्पूजितं मया देव परिपूर्णं तदस्तु मे ॥कोणनीलाञ्जनप्रख्यं मन्दचेष्टाप्रसारिणम् ।छायामार्तण्डसम्भूतं तं नमामि शनैश्चरम् ॥ॐ अनया पूजया शनैश्चरः प्रीयताम् ।ॐ मन्दाय नमः ॐ घटनाथाय नमः ॐ शनैश्चराय नमः ।ॐ शान्तिः ॐ शान्तिः ॐ शान्तिः ॐ ॥इति श्रीशनिमङ्गलस्तोत्रं सम्पूर्णम् ॥

prārthanāāvāhanaṃ na jānāmi na jānāmi visarjanam |pūjāṃ naiva hi jānāmi kṣamasva parameśvara ||mantrahīnaṃ kriyāhīnaṃ bhaktihīnaṃ sureśvara |yatpūjitaṃ mayā deva paripūrṇaṃ tadastu me ||koṇanīlāñjanaprakhyaṃ mandaceṣṭāprasāriṇam |chāyāmārtaṇḍasambhūtaṃ taṃ namāmi śanaiścaram ||oṃ anayā pūjayā śanaiścaraḥ prīyatām |oṃ mandāya namaḥ oṃ ghaṭanāthāya namaḥ oṃ śanaiścarāya namaḥ |oṃ śāntiḥ oṃ śāntiḥ oṃ śāntiḥ oṃ ||iti śrīśanimaṅgalastotraṃ sampūrṇam ||