भास्कराष्टकम् Shri Bhaskarashtakam

श्रीपद्मिनीशमरुणोज्ज्वलकान्तिमन्तंमौनीन्द्रवृन्दसुरवन्दितपादपद्मम् ।नीरेजसम्भवमुकुन्दशिवस्वरूपंश्रीभास्करं भुवनबान्धवमाश्रयामि ॥ १॥

śrīpadminīśamaruṇojjvalakāntimantaṃmaunīndravṛndasuravanditapādapadmam |nīrejasambhavamukundaśivasvarūpaṃśrībhāskaraṃ bhuvanabāndhavamāśrayāmi || 1||

मार्ताण्डमीशमखिलात्मकमंशुमन्तंआनन्दरूपमणिमादिकसिद्धिदं च ।आद्यन्तमध्यरहितं च शिवप्रदं त्वांश्रीभास्करं नतजनाश्रयमाश्रयामि ॥ २॥

mārtāṇḍamīśamakhilātmakamaṃśumantaṃānandarūpamaṇimādikasiddhidaṃ ca |ādyantamadhyarahitaṃ ca śivapradaṃ tvāṃśrībhāskaraṃ natajanāśrayamāśrayāmi || 2||

सप्ताश्वमभ्रमणिमाश्रितपारिजातंजाम्बूनदाभमतिनिर्मलदृष्टिदं च ।दिव्याम्बराभरणभूषितचारुमूर्तिंश्रीभास्करं ग्रहगणाधिपमाश्रयामि ॥ ३॥

saptāśvamabhramaṇimāśritapārijātaṃjāmbūnadābhamatinirmaladṛṣṭidaṃ ca |divyāmbarābharaṇabhūṣitacārumūrtiṃśrībhāskaraṃ grahagaṇādhipamāśrayāmi || 3||

पापार्तिरोगभयदुःखहरं शरण्यंसंसारगाढतमसागरतारकं च ।हंसात्मकं निगमवेद्यमहस्करं त्वांश्रीभास्करं कमलबान्धवमाश्रयामि ॥ ४॥

pāpārtirogabhayaduḥkhaharaṃ śaraṇyaṃsaṃsāragāḍhatamasāgaratārakaṃ ca |haṃsātmakaṃ nigamavedyamahaskaraṃ tvāṃśrībhāskaraṃ kamalabāndhavamāśrayāmi || 4||

प्रत्यक्षदैवमचलात्मकमच्युतं चभक्तप्रियं सकलसाक्षिणमप्रमेयम् ।सर्वात्मकं सकललोकहरं प्रसन्नंश्रीभास्करं जगदधीश्वरमाश्रयामि ॥ ५॥

pratyakṣadaivamacalātmakamacyutaṃ cabhaktapriyaṃ sakalasākṣiṇamaprameyam |sarvātmakaṃ sakalalokaharaṃ prasannaṃśrībhāskaraṃ jagadadhīśvaramāśrayāmi || 5||

ज्योतिस्वरूपमघसञ्चयनाशकं च ।तापत्रयान्तकमनन्तसुखप्रदं च ।कालात्मकं ग्रहगणेन सुसेवितं च ।श्रीभास्करं भुवनरक्षकमाश्रयामि ॥ ६॥

jyotisvarūpamaghasañcayanāśakaṃ ca |tāpatrayāntakamanantasukhapradaṃ ca |kālātmakaṃ grahagaṇena susevitaṃ ca |śrībhāskaraṃ bhuvanarakṣakamāśrayāmi || 6||

सृष्टिस्थितिप्रलयकारणमीश्वरं चदृष्टिप्रदं परमतुष्टिदमाश्रितानाम् ।इष्टार्थदं सकलकष्टनिवारकं चश्रीभास्करं मृगपतीश्वरमाश्रयामि ॥ ७॥

sṛṣṭisthitipralayakāraṇamīśvaraṃ cadṛṣṭipradaṃ paramatuṣṭidamāśritānām |iṣṭārthadaṃ sakalakaṣṭanivārakaṃ caśrībhāskaraṃ mṛgapatīśvaramāśrayāmi || 7||

आदित्यमार्तजनरक्षकमव्ययं चछायाधवं कनकरेतसमग्निगर्भम् ।सूर्यं कृपालुमखिलाश्रयमादिदेवंलक्ष्मीनृसिंहकविपालकमाश्रयामि ॥ ८॥

ādityamārtajanarakṣakamavyayaṃ cachāyādhavaṃ kanakaretasamagnigarbham |sūryaṃ kṛpālumakhilāśrayamādidevaṃlakṣmīnṛsiṃhakavipālakamāśrayāmi || 8||

फलश्रुतिःश्रीभास्कराष्टकमिदं परमं पवित्रंयत्र श्रुतं च पठितं सततं स्मृतं च ।तत्र स्थिराणि कमलाप्तकृपाविलासैर्दीर्घायुरर्थबलवीर्यसुतादिकानि ॥हरिः ॐ तत् सत्इति श्रीभास्कराष्टकं सम्पूर्णम् ।

phalaśrutiḥśrībhāskarāṣṭakamidaṃ paramaṃ pavitraṃyatra śrutaṃ ca paṭhitaṃ satataṃ smṛtaṃ ca |tatra sthirāṇi kamalāptakṛpāvilāsairdīrghāyurarthabalavīryasutādikāni ||hariḥ oṃ tat satiti śrībhāskarāṣṭakaṃ sampūrṇam |