नक्षत्रशान्तिस्तोत्रम् Nakshatra Shanti Stotram

कृत्तिका परमा देवी रोहिणी रुचिरानना ॥ १॥

kṛttikā paramā devī rohiṇī rucirānanā || 1||

श्रीमान् मृगशिरा भद्रा आर्द्रा च परमोज्ज्वला ।पुनर्वसुस्तथा पुष्य आश्लेषाऽथ महाबला ॥ २॥

śrīmān mṛgaśirā bhadrā ārdrā ca paramojjvalā |punarvasustathā puṣya āśleṣā'tha mahābalā || 2||

नक्षत्रमातरो ह्येताः प्रभामालाविभूषिताः ।महादेवाऽर्चने शक्ता महादेवाऽनुभावितः ॥ ३॥

nakṣatramātaro hyetāḥ prabhāmālāvibhūṣitāḥ |mahādevā'rcane śaktā mahādevā'nubhāvitaḥ || 3||

पूर्वभागे स्थिता ह्येताः शान्तिं कुर्वन्तु मे सदा ।मघा सर्वगुणोपेता पूर्वा चैव तु फाल्गुनी ॥ ४॥

pūrvabhāge sthitā hyetāḥ śāntiṃ kurvantu me sadā |maghā sarvaguṇopetā pūrvā caiva tu phālgunī || 4||

उत्तरा फाल्गुनी श्रेष्ठा हस्ता चित्रा तथोत्तमा ।स्वाती विशाखा वरदा दक्षिणस्थानसंस्थिताः ॥ ५॥

uttarā phālgunī śreṣṭhā hastā citrā tathottamā |svātī viśākhā varadā dakṣiṇasthānasaṃsthitāḥ || 5||

अर्चयन्ति सदाकालं देवं त्रिभुवनेश्वरम् ।नक्षत्रमारो ह्येतास्तेजसापरिभूषिताः ॥ ६॥

arcayanti sadākālaṃ devaṃ tribhuvaneśvaram |nakṣatramāro hyetāstejasāparibhūṣitāḥ || 6||

ममाऽपि शान्तिकं नित्यं कुर्वन्तु शिवचोदिताः ।अनुराधा तथा ज्येष्ठा मूलमृद्धिबलान्वितम् ॥ ७॥ वर् मूला ऋद्धिबलान्वितता

mamā'pi śāntikaṃ nityaṃ kurvantu śivacoditāḥ |anurādhā tathā jyeṣṭhā mūlamṛddhibalānvitam || 7|| var mūlā ṛddhibalānvitatā

पूर्वाषाढा महावीर्या आषाढा चोत्तरा शुभा ।अभिजिन्नाम नक्षत्रं श्रवणः परमोज्ज्वलः ॥ ८॥

pūrvāṣāḍhā mahāvīryā āṣāḍhā cottarā śubhā |abhijinnāma nakṣatraṃ śravaṇaḥ paramojjvalaḥ || 8||

एताः पश्चिमतो दीप्ता राजन्ते राजमूर्तयः ।ईशानं पूजयन्त्येताः सर्वकालं शुभाऽन्विताः ॥ ९॥

etāḥ paścimato dīptā rājante rājamūrtayaḥ |īśānaṃ pūjayantyetāḥ sarvakālaṃ śubhā'nvitāḥ || 9||

मम शान्तिं प्रकुर्वन्तु विभूतिभिः समन्विताः ।धनिष्ठा शतभिषा च पूर्वाभाद्रपदा तथा ॥ १०॥

mama śāntiṃ prakurvantu vibhūtibhiḥ samanvitāḥ |dhaniṣṭhā śatabhiṣā ca pūrvābhādrapadā tathā || 10||

उत्तराभाद्ररेवत्यावश्विनी च महर्धिका ।भरणी च महावीर्या नित्यमुत्तरतः स्थिताः ॥ ११॥

uttarābhādrarevatyāvaśvinī ca mahardhikā |bharaṇī ca mahāvīryā nityamuttarataḥ sthitāḥ || 11||

शिवार्चनपरा नित्यं शिवध्यानैकमानसाः ।शान्तिं कुर्वन्तु मे नित्यं सर्वकालं शुभोदयाः ॥ १२॥

śivārcanaparā nityaṃ śivadhyānaikamānasāḥ |śāntiṃ kurvantu me nityaṃ sarvakālaṃ śubhodayāḥ || 12||

इति नक्षत्रशान्तिस्तोत्रं सम्पूर्णम् ।

iti nakṣatraśāntistotraṃ sampūrṇam |