मङ्गलकवचम् Mangala Kavacham

श्रीगणेशाय नमः ।अस्य श्री अङ्गारककवचस्तोत्रमन्त्रस्य कश्यप ऋषिः\,अनुष्टुप् छन्दः\, अङ्गारको देवता\, भौमप्रीत्यर्थं जपे विनियोगः ।रक्ताम्बरो रक्तवपुः किरीटी चतुर्भुजो मेषगमो गदाभृत् ।धरासुतः शक्तिधरश्च शूली सदा मम स्याद्वरदः प्रशान्तः ॥ १॥

śrīgaṇeśāya namaḥ |asya śrī aṅgārakakavacastotramantrasya kaśyapa ṛṣiḥ\,anuṣṭup chandaḥ\, aṅgārako devatā\, bhaumaprītyarthaṃ jape viniyogaḥ |raktāmbaro raktavapuḥ kirīṭī caturbhujo meṣagamo gadābhṛt |dharāsutaḥ śaktidharaśca śūlī sadā mama syādvaradaḥ praśāntaḥ || 1||

अङ्गारकः शिरो रक्षेन्मुखं वै धरणीसुतः ।श्रवौ रक्ताम्बरः पातु नेत्रे मे रक्तलोचनः ॥ २॥

aṅgārakaḥ śiro rakṣenmukhaṃ vai dharaṇīsutaḥ |śravau raktāmbaraḥ pātu netre me raktalocanaḥ || 2||

नासां शक्तिधरः पातु मुखं मे रक्तलोचनः ।भुजौ मे रक्तमाली च हस्तौ शक्तिधरस्तथा ॥ ३॥

nāsāṃ śaktidharaḥ pātu mukhaṃ me raktalocanaḥ |bhujau me raktamālī ca hastau śaktidharastathā || 3||

वक्षः पातु वराङ्गश्च हृदयं पातु रोहितः ।कटिं मे ग्रहराजश्च मुखं चैव धरासुतः ॥ ४॥

vakṣaḥ pātu varāṅgaśca hṛdayaṃ pātu rohitaḥ |kaṭiṃ me graharājaśca mukhaṃ caiva dharāsutaḥ || 4||

जानुजङ्घे कुजः पातु पादौ भक्तप्रियः सदा ।सर्वाण्यन्यानि चाङ्गानि रक्षेन्मे मेषवाहनः ॥ ५॥

jānujaṅghe kujaḥ pātu pādau bhaktapriyaḥ sadā |sarvāṇyanyāni cāṅgāni rakṣenme meṣavāhanaḥ || 5||

य इदं कवचं दिव्यं सर्वशत्रुनिवारणम् ।भूतप्रेतपिशाचानां नाशनं सर्वसिद्धिदम् ॥ ६॥

ya idaṃ kavacaṃ divyaṃ sarvaśatrunivāraṇam |bhūtapretapiśācānāṃ nāśanaṃ sarvasiddhidam || 6||

सर्वरोगहरं चैव सर्वसम्पत्प्रदं शुभम् ।भुक्तिमुक्तिप्रदं नॄणां सर्वसौभाग्यवर्धनम् ।रोगबन्धविमोक्षं च सत्यमेतन्न संशयः ॥ ७॥

sarvarogaharaṃ caiva sarvasampatpradaṃ śubham |bhuktimuktipradaṃ nṝṇāṃ sarvasaubhāgyavardhanam |rogabandhavimokṣaṃ ca satyametanna saṃśayaḥ || 7||

॥ इति श्रीमार्कण्डेयपुराणे मङ्गलकवचं सम्पूर्णम् ॥

|| iti śrīmārkaṇḍeyapurāṇe maṅgalakavacaṃ sampūrṇam ||