ग्रहणपीडापरिहारश्लोकाः Grahanapidapariharashlokah

ग्रहणशान्तिश्लोकःइन्द्रोऽनलो दण्डधरश्च रक्षःप्राचेतसो वायुकुबेरशर्वाः ।मज्जन्मऋक्षे मम राशिसंस्थेसूर्योपरागं शमयन्तु सर्वे ॥अथ ग्रहणपीडापरिहारश्लोकाः ।योऽसौ वज्रधरो देवः आदित्यानां प्रभुर्मतः ।सहस्रनयनः शक्रः ग्रहपीडां व्यपोहतु ॥ १॥

grahaṇaśāntiślokaḥindro'nalo daṇḍadharaśca rakṣaḥprācetaso vāyukuberaśarvāḥ |majjanmaṛkṣe mama rāśisaṃsthesūryoparāgaṃ śamayantu sarve ||atha grahaṇapīḍāparihāraślokāḥ |yo'sau vajradharo devaḥ ādityānāṃ prabhurmataḥ |sahasranayanaḥ śakraḥ grahapīḍāṃ vyapohatu || 1||

मुखं यः सर्वदेवानां सप्तार्चिरमितद्युतिः ।चन्द्रसूर्योपरागोत्थां अग्निः पीडां व्यपोहतु ॥ २॥

mukhaṃ yaḥ sarvadevānāṃ saptārciramitadyutiḥ |candrasūryoparāgotthāṃ agniḥ pīḍāṃ vyapohatu || 2||

यः कर्मसाक्षी लोकानां यमो महिषवाहनः ।चन्द्रसूर्योपरागोत्थां ग्रहपीडां व्यपोहतु ॥ ३॥

yaḥ karmasākṣī lokānāṃ yamo mahiṣavāhanaḥ |candrasūryoparāgotthāṃ grahapīḍāṃ vyapohatu || 3||

रक्षो गणाधिपः साक्षात् प्रलयानलसन्निभः ।उग्रः करालो निरृतिः ग्रहपीडां व्यपोहतु ॥ ४॥

rakṣo gaṇādhipaḥ sākṣāt pralayānalasannibhaḥ |ugraḥ karālo nirṛtiḥ grahapīḍāṃ vyapohatu || 4||

नागपाशधरो देवः सदा मकरवाहनः ।वरुणो जललोकेशो ग्रहपीडां व्यपोहतु ॥ ५॥

nāgapāśadharo devaḥ sadā makaravāhanaḥ |varuṇo jalalokeśo grahapīḍāṃ vyapohatu || 5||

यः प्राणरूपो लोकानां वायुः कृष्णमृगप्रियः ।चन्द्रसूर्योपरागोत्थां ग्रहपीडां व्यपोहतु ॥ ६॥

yaḥ prāṇarūpo lokānāṃ vāyuḥ kṛṣṇamṛgapriyaḥ |candrasūryoparāgotthāṃ grahapīḍāṃ vyapohatu || 6||

योऽसौ निधिपतिर्देवः खड्गशूलधरो वरः ।चन्द्रसूर्योपरागोत्थां कलुषं मे व्यपोहतु ॥ ७॥

yo'sau nidhipatirdevaḥ khaḍgaśūladharo varaḥ |candrasūryoparāgotthāṃ kaluṣaṃ me vyapohatu || 7||

योऽसौ शूलधरो रुद्रः शङ्करो वृषवाहनः ।चन्द्रसूर्योपरागोत्थां दोषं नाशयतु द्रुतम् ॥ ८॥

yo'sau śūladharo rudraḥ śaṅkaro vṛṣavāhanaḥ |candrasūryoparāgotthāṃ doṣaṃ nāśayatu drutam || 8||

ॐ शान्तिः शान्तिः शान्तिः ।इति ग्रहणपीडापरिहारश्लोकाः सम्पूर्णाः ।

oṃ śāntiḥ śāntiḥ śāntiḥ |iti grahaṇapīḍāparihāraślokāḥ sampūrṇāḥ |