गुरुस्तोत्रम् अथवा बृहस्पतिस्तोत्रम् Guru Stotram (3)

अथ गुरुस्तोत्रम् ।बृहस्पतिः सुराचार्यो दयावान् शुभलक्षणः ।लोकत्रयगुरुः श्रीमान्सर्वज्ञः सर्वकोविदः ॥ १॥

atha gurustotram |bṛhaspatiḥ surācāryo dayāvān śubhalakṣaṇaḥ |lokatrayaguruḥ śrīmānsarvajñaḥ sarvakovidaḥ || 1||

सर्वेशः सर्वदाऽभीष्टः सर्वजित्सर्वपूजितः ।अक्रोधनो मुनिश्रेष्ठो नीतिकर्ता गुरुः पिता ॥ २॥

sarveśaḥ sarvadā'bhīṣṭaḥ sarvajitsarvapūjitaḥ |akrodhano muniśreṣṭho nītikartā guruḥ pitā || 2||

विश्वात्मा विश्वकर्ता च विश्वयोनिरयोनिजः ।भूर्भुवःसुवरों चैव भर्ता चैव महाबलः ॥ ३॥

viśvātmā viśvakartā ca viśvayonirayonijaḥ |bhūrbhuvaḥsuvaroṃ caiva bhartā caiva mahābalaḥ || 3||

पञ्चविंशतिनामानि पुण्यानि नियतात्मना ।वसता नन्दभवने विष्णुना कीर्तितानि वै ॥ ४॥

pañcaviṃśatināmāni puṇyāni niyatātmanā |vasatā nandabhavane viṣṇunā kīrtitāni vai || 4||

यः पठेत् प्रातरुत्थाय प्रयतः सुसमाहितः ।विपरीतोऽपि भगवान्प्रीतो भवति वै गुरुः ॥ ५॥

yaḥ paṭhet prātarutthāya prayataḥ susamāhitaḥ |viparīto'pi bhagavānprīto bhavati vai guruḥ || 5||

यश्छृणोति गुरुस्तोत्रं चिरं जीवेन्न संशयः ।बृहस्पतिकृता पीडा न कदाचिद्भविष्यति ॥ ६॥

yaśchṛṇoti gurustotraṃ ciraṃ jīvenna saṃśayaḥ |bṛhaspatikṛtā pīḍā na kadācidbhaviṣyati || 6||

इति गुरुस्तोत्रं सम्पूर्णम् ।

iti gurustotraṃ sampūrṇam |