ग्रहध्यानम् Grahadhyanam

चन्द्रध्यानम् ।कर्पूरस्फटिकावदातमनिशं पूर्णेन्दुबिम्बाननंमुक्तादामविभूषितेन वपुषा निर्मूलयन्तं तमः ।हस्ताभ्यां कुमुदं वरं च दधतं नीलालकोद्भासितंस्वस्याङ्कस्थमृगोदिताश्रयगुणं सोमं सुधाब्धिं भजे ॥

candradhyānam |karpūrasphaṭikāvadātamaniśaṃ pūrṇendubimbānanaṃmuktādāmavibhūṣitena vapuṣā nirmūlayantaṃ tamaḥ |hastābhyāṃ kumudaṃ varaṃ ca dadhataṃ nīlālakodbhāsitaṃsvasyāṅkasthamṛgoditāśrayaguṇaṃ somaṃ sudhābdhiṃ bhaje ||

कुजध्यानम् ।विन्ध्येशं ग्रहदक्षिणप्रतिमुखं रक्तत्रिकोणाकृतिंदोर्भिः स्वीकृतशक्तिशूलसगदं चारूढमेषाधिपम् ।भारद्वाजमुपात्तरक्तवसनच्छत्रश्रिया शोभितंमेरोर्दिव्यगिरेः प्रदक्षिणकरं सेवामहे तं कुजम् ॥

kujadhyānam |vindhyeśaṃ grahadakṣiṇapratimukhaṃ raktatrikoṇākṛtiṃdorbhiḥ svīkṛtaśaktiśūlasagadaṃ cārūḍhameṣādhipam |bhāradvājamupāttaraktavasanacchatraśriyā śobhitaṃmerordivyagireḥ pradakṣiṇakaraṃ sevāmahe taṃ kujam ||

बुधध्यानम् ।आत्रेयं महदाधिपं ग्रहगणस्येशानभागस्थितंबाणाकारमुदङ्मुखं शरलसत्तूणीरबाणासनम् ।पीतस्रग्वसनद्वयध्वजरथच्छत्रश्रिया शोभितंमेरोर्दिव्यगिरेः प्रदक्षिणकरं सेवामहे तं बुधम् ॥

budhadhyānam |ātreyaṃ mahadādhipaṃ grahagaṇasyeśānabhāgasthitaṃbāṇākāramudaṅmukhaṃ śaralasattūṇīrabāṇāsanam |pītasragvasanadvayadhvajarathacchatraśriyā śobhitaṃmerordivyagireḥ pradakṣiṇakaraṃ sevāmahe taṃ budham ||

गुरुध्यानम् ।रत्नाष्टापदवस्त्रराशिममलं दक्षात्किरन्तं करादासीनं विपणौ करं निदधतं रत्नादिराशौ परम् ।पीतालेपनपुष्पवस्त्रमखिलालङ्कारसम्भूषितंविद्यासागरपारगं सुरगुरुं वन्दे सुवर्णप्रभम् ॥

gurudhyānam |ratnāṣṭāpadavastrarāśimamalaṃ dakṣātkirantaṃ karādāsīnaṃ vipaṇau karaṃ nidadhataṃ ratnādirāśau param |pītālepanapuṣpavastramakhilālaṅkārasambhūṣitaṃvidyāsāgarapāragaṃ suraguruṃ vande suvarṇaprabham ||

शुक्रध्यानम् ।श्वेताम्भोजनिषण्णमापणतटे श्वेताम्बरालेपनंनित्यं भक्तजनायसम्प्रददतं वासो मणीन् हाटकम् ।वामेनैव करेण दक्षिणकरे व्याख्यानमुद्राङ्कितंशुक्रं दैत्यवरार्चितं स्मितमुखं वन्दे सिताङ्गप्रभम् ॥

śukradhyānam |śvetāmbhojaniṣaṇṇamāpaṇataṭe śvetāmbarālepanaṃnityaṃ bhaktajanāyasampradadataṃ vāso maṇīn hāṭakam |vāmenaiva kareṇa dakṣiṇakare vyākhyānamudrāṅkitaṃśukraṃ daityavarārcitaṃ smitamukhaṃ vande sitāṅgaprabham ||

शनीश्वरध्यानम् ।ध्यायेन्नीलशिलोच्चयद्युतिनिभं नीलारविन्दासनंदेवं दीप्तविशाललोचनयुतं नित्यक्षुधाकोपिनम् ।निर्मांसोदरशुष्कदीर्घवपुषं रौद्राकृतिं भीषणंदीर्घस्मश्रुजटायुतं ग्रहपतिं सौरं सदाहं भजे ॥

śanīśvaradhyānam |dhyāyennīlaśiloccayadyutinibhaṃ nīlāravindāsanaṃdevaṃ dīptaviśālalocanayutaṃ nityakṣudhākopinam |nirmāṃsodaraśuṣkadīrghavapuṣaṃ raudrākṛtiṃ bhīṣaṇaṃdīrghasmaśrujaṭāyutaṃ grahapatiṃ sauraṃ sadāhaṃ bhaje ||