चन्द्रस्तोत्रम् २ Chandrastotram 2

ध्यानंश्वेताम्बरान्वितवपुर्वरशुभ्रवर्णंश्वेताश्वयुक्तरथगं सुरसेविताङ्घ्रिम् ।दोर्भ्यां वृताभयगदं वरदं सुधांशुंश्रीवत्समौक्तिकधरं प्रणमामि चन्द्रम् ॥ १॥

dhyānaṃśvetāmbarānvitavapurvaraśubhravarṇaṃśvetāśvayuktarathagaṃ surasevitāṅghrim |dorbhyāṃ vṛtābhayagadaṃ varadaṃ sudhāṃśuṃśrīvatsamauktikadharaṃ praṇamāmi candram || 1||

आग्नेयभागे सरथो दशाश्वश्चात्रेयजो यामुनदेशजश्च ।प्रत्यङ्मुखस्थश्चतुरस्रपीठे गदाधराङ्गो वररोहिणीशः ॥ २॥

āgneyabhāge saratho daśāśvaścātreyajo yāmunadeśajaśca |pratyaṅmukhasthaścaturasrapīṭhe gadādharāṅgo vararohiṇīśaḥ || 2||

चन्द्रं चतुर्भुजं देवं केयूरमकुटोज्ज्वलम् ।वासुदेवस्य नयनं शङ्करस्य च भूषणम् ॥ ३॥

candraṃ caturbhujaṃ devaṃ keyūramakuṭojjvalam |vāsudevasya nayanaṃ śaṅkarasya ca bhūṣaṇam || 3||

चन्द्रं च द्विभुजं ज्ञेयं श्वेतवस्त्रधरं विभुम् ।श्वेतमाल्याम्बरधरं श्वेतगन्धानुलेपनम् ॥ ४॥

candraṃ ca dvibhujaṃ jñeyaṃ śvetavastradharaṃ vibhum |śvetamālyāmbaradharaṃ śvetagandhānulepanam || 4||

श्वेतछत्रधरं देवं सर्वाभरणभूषणम् ।एतत्स्तोत्रं तु पठतां सर्वसम्पत्करं शुभम् ॥ ५॥

śvetachatradharaṃ devaṃ sarvābharaṇabhūṣaṇam |etatstotraṃ tu paṭhatāṃ sarvasampatkaraṃ śubham || 5||

फलश्रुतिःक्षयापस्मारकुष्ठादि तापज्वरनिवारणम् ।इदं निशाकरस्तोत्रं यः पठेत् सततं नरः ।सोपद्रवाद्विमुच्येत नात्र कार्या विचारणा ॥ ६॥

phalaśrutiḥkṣayāpasmārakuṣṭhādi tāpajvaranivāraṇam |idaṃ niśākarastotraṃ yaḥ paṭhet satataṃ naraḥ |sopadravādvimucyeta nātra kāryā vicāraṇā || 6||

इति चन्द्रस्तोत्रं सम्पूर्णम् ।

iti candrastotraṃ sampūrṇam |