छेदानगरक्षेत्रं देवपञ्चकस्तोत्रम् Chedanagarakshetram Deva Panchaka Stotram

सुब्रह्मण्यक्षेत्रं नव्यं नानोपदेवसञ्जुष्ठम् ।बहुतलसौधस्योपरि कल्पितमाभाति शिल्पसर्वस्वम् ॥ १॥

subrahmaṇyakṣetraṃ navyaṃ nānopadevasañjuṣṭham |bahutalasaudhasyopari kalpitamābhāti śilpasarvasvam || 1||

अष्टोत्तरशतसङ्ख्यैः सोपानेन यत्र सन्निधेम्र्मार्गः ।पार्श्वद्वयेऽपि यस्य प्रकाशतेऽनल्पशिल्पसौन्दर्यम् ॥ २॥

aṣṭottaraśatasaṅkhyaiḥ sopānena yatra sannidhemrmārgaḥ |pārśvadvaye'pi yasya prakāśate'nalpaśilpasaundaryam || 2||

आरोहणावरोहणमार्गोऽयं भक्तसङ्खसङ्कीर्णः ।सुव्यक्तं नागरिकश्रद्धाभक्तीस्फुटं प्रकाशयति ॥ ३॥

ārohaṇāvarohaṇamārgo'yaṃ bhaktasaṅkhasaṅkīrṇaḥ |suvyaktaṃ nāgarikaśraddhābhaktīsphuṭaṃ prakāśayati || 3||

वृत्यर्थं यतमानाः भौतिकविषयेषु सन्ततं सक्तः ।मानसमूर्जं शान्तिं चिन्वन्ति जना दिने दिने यत्र ॥ ४॥

vṛtyarthaṃ yatamānāḥ bhautikaviṣayeṣu santataṃ saktaḥ |mānasamūrjaṃ śāntiṃ cinvanti janā dine dine yatra || 4||

सायं प्रातश्चैतत् क्षेत्रं सविशेषपावनं भवति ।अभिषेकैरारतिभिर्वैदिकघोषैस्तथैव पूजाभिः ॥ ५॥

sāyaṃ prātaścaitat kṣetraṃ saviśeṣapāvanaṃ bhavati |abhiṣekairāratibhirvaidikaghoṣaistathaiva pūjābhiḥ || 5||

प्रवहति भक्तगलेभ्यो निर्गलिता नामवैखरीगङ्गा ।यत्र स्नात्वा श्रोत्रं नृणाञ्च चित्तं पावितं भवति ॥ ६॥

pravahati bhaktagalebhyo nirgalitā nāmavaikharīgaṅgā |yatra snātvā śrotraṃ nṛṇāñca cittaṃ pāvitaṃ bhavati || 6||

नारायणीयगीताभागवतादीनि सूक्तिरत्नानि ।पारायणप्रभाषणगोचरतां यान्ति भूरिशो यत्र ॥ ७॥

nārāyaṇīyagītābhāgavatādīni sūktiratnāni |pārāyaṇaprabhāṣaṇagocaratāṃ yānti bhūriśo yatra || 7||

क्षेत्राङ्कणे विशाले प्रादक्षिण्यं विधाय भक्तजनाः ।नानोपदेवदर्शनपुण्यं सम्पादयन्ति सानन्दम् ॥ ८॥

kṣetrāṅkaṇe viśāle prādakṣiṇyaṃ vidhāya bhaktajanāḥ |nānopadevadarśanapuṇyaṃ sampādayanti sānandam || 8||

रमणीयचन्द्रशालाकल्पेऽत्र समागतैह्र्मदयवद्भिः ।परितो नगरी लक्ष्मीद्र्दश्या क्षेत्रस्य मौक्तिकीमाला ॥ ९॥

ramaṇīyacandraśālākalpe'tra samāgataihrmadayavadbhiḥ |parito nagarī lakṣmīdrdaśyā kṣetrasya mauktikīmālā || 9||

छेदानगरीदेव्याः फालतले भासमानममलतरम् ।सुन्दरसिन्दूरमयं तिलकमिदं देवमन्दिरं जयति ॥ १०॥

chedānagarīdevyāḥ phālatale bhāsamānamamalataram |sundarasindūramayaṃ tilakamidaṃ devamandiraṃ jayati || 10||

तदिदं पञ्चकन्तर्विकसद्भक्त्यादरधृदयेन ।संस्तूयते मया, तद् ददातु मह्रं सदा मनःशान्तिम् ॥ ११॥

tadidaṃ pañcakantarvikasadbhaktyādaradhṛdayena |saṃstūyate mayā, tad dadātu mahraṃ sadā manaḥśāntim || 11||

स्कन्दःसुरभिलकर्पूरमहानीराजननित्यतृप्तनिखिलगुरो ।आर्तत्राणपरायण, भवन्तमीडे दयामयं देवम् ॥ १२॥

skandaḥsurabhilakarpūramahānīrājananityatṛptanikhilaguro |ārtatrāṇaparāyaṇa, bhavantamīḍe dayāmayaṃ devam || 12||

जय जय तारकवैरिन्! शक्तिधर, क्रौञ्चदारण, स्वामिन् ।सुन्दरमयूरवाहन, दयानिधे पाहि नित्यदासान् नः ॥ १३॥

jaya jaya tārakavairin! śaktidhara, krauñcadāraṇa, svāmin |sundaramayūravāhana, dayānidhe pāhi nityadāsān naḥ || 13||

हर हर हर हर नन्दन! सिन्दूराक्तसुन्दराङ्ग, विभो ।भक्ताभीष्टविधायक, नौमि त्वां देव! देवसेनान्यम् ॥ १४॥

hara hara hara hara nandana! sindūrāktasundarāṅga, vibho |bhaktābhīṣṭavidhāyaka, naumi tvāṃ deva! devasenānyam || 14||

भक्तप्रिय, भगवंस्त्वं भजामि वाञ्छन् सदा मनःशान्तिम् ।विपदस्त्रायस्व विभो दयःनिधे पाहि नित्यदासान् नः ॥ १५॥

bhaktapriya, bhagavaṃstvaṃ bhajāmi vāñchan sadā manaḥśāntim |vipadastrāyasva vibho dayaḥnidhe pāhi nityadāsān naḥ || 15||

गुरुवायुपुरेशःछेदानगरनिवासिन्! गुरुवायुपुरेश सच्चिदानन्द!मन्दस्मितार्द्रवदनं कृष्णं त्वामन्वहं वन्दे ॥ १६॥

guruvāyupureśaḥchedānagaranivāsin! guruvāyupureśa saccidānanda!mandasmitārdravadanaṃ kṛṣṇaṃ tvāmanvahaṃ vande || 16||

तैलभिषेचनाद्यैः केरलपूजाक्रमैः समाराद्धम् ।अस्माकमिष्टदेवं छेदानगरस्थितं भजे कृष्णम् ॥ १७॥

tailabhiṣecanādyaiḥ keralapūjākramaiḥ samārāddham |asmākamiṣṭadevaṃ chedānagarasthitaṃ bhaje kṛṣṇam || 17||

प्रत्यहमुषसि हरे त्वां तैलक्षीरादिनाभिषिक्ततनुम् ।व्यञ्जितकिशोरभावं ध्यायामि विभो, प्रसीद मयि नित्यन् ॥ १८॥

pratyahamuṣasi hare tvāṃ tailakṣīrādinābhiṣiktatanum |vyañjitakiśorabhāvaṃ dhyāyāmi vibho, prasīda mayi nityan || 18||

छेदानगरीसंस्थं गुरुवायुपुरीपतिं दयासिन्धुम् ।हन्त भजन्तो वयमिह शान्तिं विन्देम मानसीं नित्यम् ॥ १९॥

chedānagarīsaṃsthaṃ guruvāyupurīpatiṃ dayāsindhum |hanta bhajanto vayamiha śāntiṃ vindema mānasīṃ nityam || 19||

धर्मशास्ताशबरिगिरीश्वर, शान्तं छेदानगरे कृताधिवासं त्वाम् ।भक्तजनैराराद्धं पश्यामि भजामि धन्यधन्योऽस्मि ॥ २०॥

dharmaśāstāśabarigirīśvara, śāntaṃ chedānagare kṛtādhivāsaṃ tvām |bhaktajanairārāddhaṃ paśyāmi bhajāmi dhanyadhanyo'smi || 20||

शरणं शरणं यामस्तावकपादाम्बुजं दयासिन्धो!जीवितमस्तु मम त्वद्दास्यमयं धर्मकर्मसम्पूर्णम् ॥ २१॥

śaraṇaṃ śaraṇaṃ yāmastāvakapādāmbujaṃ dayāsindho!jīvitamastu mama tvaddāsyamayaṃ dharmakarmasampūrṇam || 21||

त्वद्दासे मयि करुणां धेहि विधेहि स्थिरां मनःशान्तिम् ।निर्मयमस्तु मनस्त्वयि विश्रान्तं सच्चिदानन्ते ॥ २२॥

tvaddāse mayi karuṇāṃ dhehi vidhehi sthirāṃ manaḥśāntim |nirmayamastu manastvayi viśrāntaṃ saccidānante || 22||

देवीदेवि! महाकालि! महालक्ष्मीमहाशारदाम्बिके गौरी ।शकिन्त सम्पदमेव च विद्यां नो देहि पाहि नो विपदः ॥ २३॥

devīdevi! mahākāli! mahālakṣmīmahāśāradāmbike gaurī |śakinta sampadameva ca vidyāṃ no dehi pāhi no vipadaḥ || 23||

शक्तिस्वरूपिणि, शिवे, भुक्तेर्मुक्तेश्च साधिके, देवि!त्वत्पदनलिनद्वन्द्वे पतामि भक्त्याः प्रसीद मयि नित्यम् ॥ २४॥

śaktisvarūpiṇi, śive, bhuktermukteśca sādhike, devi!tvatpadanalinadvandve patāmi bhaktyāḥ prasīda mayi nityam || 24||

सिन्दूरतिलकसुन्दरफलां कारुण्यवर्षिनयनान्ताम् ।मन्दस्मितार्द्रवदनां ध्यायामि त्वां महेश्वरीं मायाम् ॥ २५॥

sindūratilakasundaraphalāṃ kāruṇyavarṣinayanāntām |mandasmitārdravadanāṃ dhyāyāmi tvāṃ maheśvarīṃ māyām || 25||

विघ्नेशःभगवन्, गणनाथ, विभो, छेदानगरे कृताधिवासं त्वाम् ।विघ्नविदारणदक्षं नौमि भवन्तं प्रसीद मयि दासे ॥ २६॥

vighneśaḥbhagavan, gaṇanātha, vibho, chedānagare kṛtādhivāsaṃ tvām |vighnavidāraṇadakṣaṃ naumi bhavantaṃ prasīda mayi dāse || 26||

शिवशक्तितत्वमेकं प्रत्यूहव्यूहनाशकं देवम् ।सिन्दूरारुणिताङ्गं वन्देऽहं शान्तमद्भुताकारम् ॥ २७॥

śivaśaktitatvamekaṃ pratyūhavyūhanāśakaṃ devam |sindūrāruṇitāṅgaṃ vande'haṃ śāntamadbhutākāram || 27||

सिद्धिविनायक, वन्दे बुद्धिविकासप्रदं महाकायम् ।तुन्दामर्शकशुण्डं भवन्तमीशं प्रसन्नवदनाब्जम् ॥ २८॥

siddhivināyaka, vande buddhivikāsapradaṃ mahākāyam |tundāmarśakaśuṇḍaṃ bhavantamīśaṃ prasannavadanābjam || 28||

इति श्रीवासुदेवन् एलयथेन विरचितं छेदानगरक्षेत्रंदेवपञ्चकस्तोत्रं सम्पूर्णम् ।

iti śrīvāsudevan elayathena viracitaṃ chedānagarakṣetraṃdevapañcakastotraṃ sampūrṇam |