ललितात्रिशत्यान्तरम् Shri Lalita Trishatyantaram

श्रीमती शर्मदिश्यान्मे गोमती परदेवता ।कामराजश्चेदमीय सामरस्यपरायणः ॥ १॥

śrīmatī śarmadiśyānme gomatī paradevatā |kāmarājaścedamīya sāmarasyaparāyaṇaḥ || 1||

मदनानन्दनाथाय करवै गुरवे नम ।मोदिन्यम्बासमेताय मोहान्धतमसच्छिदे ॥ २॥

madanānandanāthāya karavai gurave nama |modinyambāsametāya mohāndhatamasacchide || 2||

नारायणीजानकीभ्यामम्बाभ्यां सहितो मम ।नरसिंहानन्दनाथो जयतात् परमो गुरुः ॥ ३॥

nārāyaṇījānakībhyāmambābhyāṃ sahito mama |narasiṃhānandanātho jayatāt paramo guruḥ || 3||

मधुमत्यम्बयोपेतः परमेष्ठिगुरुर्मम ।महादेवानन्दनाथो मङ्गलं तनुतात् सदा ॥ ४॥

madhumatyambayopetaḥ parameṣṭhigururmama |mahādevānandanātho maṅgalaṃ tanutāt sadā || 4||

सारस्वतो यत्कृपया मयास्वाद्योऽभवद् रसः ।गीर्वाणानन्दनाथाय तस्मै श्री गुरवे नमः ॥ ५॥

sārasvato yatkṛpayā mayāsvādyo'bhavad rasaḥ |gīrvāṇānandanāthāya tasmai śrī gurave namaḥ || 5||

वाग्देवतावशिन्याद्या वाचोयुक्तिं दिशन्तु मे ।रहस्यनामसाहस्रं याभिर्निर्मितमद्भुतम् ॥ ६॥

vāgdevatāvaśinyādyā vācoyuktiṃ diśantu me |rahasyanāmasāhasraṃ yābhirnirmitamadbhutam || 6||

चक्रराजनिवासिन्यो देवता याः सहसशः ।मन्त्रिणीदण्डिनीमुख्यास्ताः प्रसन्ना भवन्तु मे ॥ ७॥

cakrarājanivāsinyo devatā yāḥ sahasaśaḥ |mantriṇīdaṇḍinīmukhyāstāḥ prasannā bhavantu me || 7||

उपासकसमाजाय श्रीविद्याचारवेदिने ।कुलधर्मैकनिष्ठाय कुर्महे वयमञ्जलिम् ॥ ८॥

upāsakasamājāya śrīvidyācāravedine |kuladharmaikaniṣṭhāya kurmahe vayamañjalim || 8||

विद्याकाद्यक्षराद्यानि पथङ्नामानि विंशतिः ।कामेश्वरीप्रसादार्थं कथ्यन्ते गुर्वनुज्ञया ॥ ९॥

vidyākādyakṣarādyāni pathaṅnāmāni viṃśatiḥ |kāmeśvarīprasādārthaṃ kathyante gurvanujñayā || 9||

इमं कामेश्वरी नाम त्रिशतीरचनोद्यमम् ।मामकं सफलीकुर्यादेकः श्रीगुर्वनुग्रहि ॥ १०॥

imaṃ kāmeśvarī nāma triśatīracanodyamam |māmakaṃ saphalīkuryādekaḥ śrīgurvanugrahi || 10||

ॐ ककारशेखराकारा करुणामसृणाशया ।कल्याणदायिनी कल्या कमलासनसेविता ॥ ११॥

oṃ kakāraśekharākārā karuṇāmasṛṇāśayā |kalyāṇadāyinī kalyā kamalāsanasevitā || 11||

कलापूर्णकलानाथगर्वसर्वङ्कषानना ।करेणुराजगमना कञ्जनाभसहोदरी ॥ १२॥

kalāpūrṇakalānāthagarvasarvaṅkaṣānanā |kareṇurājagamanā kañjanābhasahodarī || 12||

कष्टताशमनी काबुकण्ठी कण्ठीरवासना ।कलिकल्मषनीहारहरिदश्वकरच्छटा ॥ १३॥

kaṣṭatāśamanī kābukaṇṭhī kaṇṭhīravāsanā |kalikalmaṣanīhāraharidaśvakaracchaṭā || 13||

कटाक्षदुरिताभद्रा कनकाचलवासिनी ।कम्रस्मेरमुखाम्भोजा कज्जलाञ्चितलोचना ॥ १४॥

kaṭākṣaduritābhadrā kanakācalavāsinī |kamrasmeramukhāmbhojā kajjalāñcitalocanā || 14||

कलिन्दनन्दिनीरोधस्तमालासितकैशिका ।कवित्वदायिनी कन्याजनपूजनहर्षिता ॥ १५॥

kalindanandinīrodhastamālāsitakaiśikā |kavitvadāyinī kanyājanapūjanaharṣitā || 15||

कपर्दिनिर्दयामर्दसहिष्णुकठिनस्तनी ।एकारविलसम्पूर्त्तिरेणीशाबविलोचना ॥ १६॥

kapardinirdayāmardasahiṣṇukaṭhinastanī |ekāravilasampūrttireṇīśābavilocanā || 16||

एकदन्तप्रसूरेनःपुञ्जभञ्जनकारिणी ।एकपिङ्गार्च्चितैकाग्रबुद्धिरेणाङ्कशेखरा ॥ १७॥

ekadantaprasūrenaḥpuñjabhañjanakāriṇī |ekapiṅgārccitaikāgrabuddhireṇāṅkaśekharā || 17||

एधमानतनुच्छायशोणीकृतदिगन्तरा ।एजितारिकुलैकान्तसपर्यापरितोषिता ॥ १८॥

edhamānatanucchāyaśoṇīkṛtadigantarā |ejitārikulaikāntasaparyāparitoṣitā || 18||

एतावदित्यप्रमेयवैभवैकपतिव्रता ।एकपत्न्येकवीरैकैश्वर्यदैकान्तकोमला ॥ १९॥

etāvadityaprameyavaibhavaikapativratā |ekapatnyekavīraikaiśvaryadaikāntakomalā || 19||

एकाकिन्येकसिद्धान्तिन्येडमूककवित्वदा ।एककालोदितानेकविकर्त्तनशतद्युतिः ॥ २०॥

ekākinyekasiddhāntinyeḍamūkakavitvadā |ekakāloditānekavikarttanaśatadyutiḥ || 20||

ईकारमध्यकुटैकस्वरूपमुखपङ्कजा ।ईर्षाविरहितेशानप्रेयसीड्यगुणान्विता ॥ २१॥

īkāramadhyakuṭaikasvarūpamukhapaṅkajā |īrṣāvirahiteśānapreyasīḍyaguṇānvitā || 21||

ईषत्करप्रपञ्चेहामृगादिभयनाशिनी ।ईशानशक्तिरीतिच्छिदीशित्रीहितपूरणी ॥ २२॥

īṣatkaraprapañcehāmṛgādibhayanāśinī |īśānaśaktirīticchidīśitrīhitapūraṇī || 22||

ईक्षणश्रीजितोत्फुल्लशतपत्रेरित्रशुतिः ।ईर्मतोदापहन्त्रीशचित्तव्यामोहदायिनी ॥ २३॥

īkṣaṇaśrījitotphullaśatapatreritraśutiḥ |īrmatodāpahantrīśacittavyāmohadāyinī || 23||

ईश्वरार्धतनूरीषदुन्मिषत्स्मितभासुरा ।ईक्षासृष्टजगद्राशिरीशितासिद्धिदेश्वरी ॥ २४॥

īśvarārdhatanūrīṣadunmiṣatsmitabhāsurā |īkṣāsṛṣṭajagadrāśirīśitāsiddhideśvarī || 24||

ईषिकान्तस्रवद्दानगजाग्रेसरसैनिका ।लकारविलसद्रूपा लक्षणावृत्तिबोधिता ॥ २५॥

īṣikāntasravaddānagajāgresarasainikā |lakāravilasadrūpā lakṣaṇāvṛttibodhitā || 25||

लम्बमानकचा लज्जाशालिनी लकुचस्तनी ।लतावेष्टितकाश्लेषतोषितार्द्धेन्दुशेखरा ॥ २६॥

lambamānakacā lajjāśālinī lakucastanī |latāveṣṭitakāśleṣatoṣitārddhenduśekharā || 26||

लवङ्गसौरभोल्लासिवदना लड्डुकप्रिया ।लसद्बिसप्रसूनाभलोचना ललनामणिः ॥ २७॥

lavaṅgasaurabhollāsivadanā laḍḍukapriyā |lasadbisaprasūnābhalocanā lalanāmaṇiḥ || 27||

लक्ष्मीवल्लभसंसेव्या लघिष्टोपासनाकमा ।लयस्थित्युद्भवाध्यक्षमूर्त्तित्रितयचोदिनी ॥ २८॥

lakṣmīvallabhasaṃsevyā laghiṣṭopāsanākamā |layasthityudbhavādhyakṣamūrttitritayacodinī || 28||

ललाटिकालसद्भाला ललाटेक्षणवल्लभा ।लतामतल्लिकाबाहुर्लघिमासिद्धिरूपिणी ॥ २९॥

lalāṭikālasadbhālā lalāṭekṣaṇavallabhā |latāmatallikābāhurlaghimāsiddhirūpiṇī || 29||

लक्षकोटिजगज्जालशिक्षारक्षाविधायिनी ।लवशः खण्डितारातिशरीरा ललिताम्बिका ॥ ३०॥

lakṣakoṭijagajjālaśikṣārakṣāvidhāyinī |lavaśaḥ khaṇḍitārātiśarīrā lalitāmbikā || 30||

ह्रीङ्कारस्फुरदाकारा ह्रीङ्कारत्रयशालिनी ।ह्रीङ्कारमन्त्रतात्पर्यपर्यालोचिजनेष्टदा ॥ ३१॥

hrīṅkārasphuradākārā hrīṅkāratrayaśālinī |hrīṅkāramantratātparyaparyālocijaneṣṭadā || 31||

ह्रीङ्कारमयपीठस्था ह्रीङ्कारानन्दकन्दली ।ह्रीङ्कारलक्ष्या ह्रीङ्कारबोध्या ह्रीङ्कारपूजिता ॥ ३२॥

hrīṅkāramayapīṭhasthā hrīṅkārānandakandalī |hrīṅkāralakṣyā hrīṅkārabodhyā hrīṅkārapūjitā || 32||

ह्रीङ्कारजपवल्लोकशोकोन्मूलनकारिणी ।ह्रीङ्कारशक्तिह्रीङ्कारी ह्रीङ्कारमहिमावहा ॥ ३३॥

hrīṅkārajapavallokaśokonmūlanakāriṇī |hrīṅkāraśaktihrīṅkārī hrīṅkāramahimāvahā || 33||

ह्रीङ्कारचैतन्यमयी ह्रीङ्कारमयभूषणा ।ह्रीङ्काराक्षरजीवातुर्ह्रीङ्काराभिन्नमानसा ॥ ३४॥

hrīṅkāracaitanyamayī hrīṅkāramayabhūṣaṇā |hrīṅkārākṣarajīvāturhrīṅkārābhinnamānasā || 34||

ह्रीङ्कारसिद्धिमद्भक्तहृदयैकनिकेतना ।ह्रीङ्कारभाव्या ह्रीङ्कारसेव्या ह्रीङ्कारसिद्धिदा ॥ ३५॥

hrīṅkārasiddhimadbhaktahṛdayaikaniketanā |hrīṅkārabhāvyā hrīṅkārasevyā hrīṅkārasiddhidā || 35||

हकारादिमकूटोद्यन्मध्यकाया हसन्मुखी ।हस्ताम्बुजन्यस्तशुकी हस्तिमस्तकसुस्तनी ॥ ३६॥

hakārādimakūṭodyanmadhyakāyā hasanmukhī |hastāmbujanyastaśukī hastimastakasustanī || 36||

हलाहलाशनापायपालितप्राणवल्लभा ।हराक्षिप्लुष्टकन्दर्पसञ्जीवनमहौषधिः ॥ ३७॥

halāhalāśanāpāyapālitaprāṇavallabhā |harākṣipluṣṭakandarpasañjīvanamahauṣadhiḥ || 37||

हरितालसवर्णाभा हल्लकस्रगलङ्कृता ।हरिनेत्रा हरिस्तुत्या हरिणाक्षी हतासुरा ॥ ३८॥

haritālasavarṇābhā hallakasragalaṅkṛtā |harinetrā haristutyā hariṇākṣī hatāsurā || 38||

हरिराजसमारुढा हरिणी हरिभाषिणी ।हरिन्मणिगणोल्लासिकिरीटा हरिदम्बरा ॥ ३९॥

harirājasamāruḍhā hariṇī haribhāṣiṇī |harinmaṇigaṇollāsikirīṭā haridambarā || 39||

हरिदश्वायुतज्योतिर्हर्षितप्रियमानसा ।हलिप्रियापानकणेघातघूर्णितलोचना ॥ ४०॥

haridaśvāyutajyotirharṣitapriyamānasā |halipriyāpānakaṇeghātaghūrṇitalocanā || 40||

सकारघटिताकारा सच्चिदानन्दरूपिणी ।समाश्रितजनक्लेशसमुन्मूलनकर्मठा ॥ ४१॥

sakāraghaṭitākārā saccidānandarūpiṇī |samāśritajanakleśasamunmūlanakarmaṭhā || 41||

समस्ततन्त्रातिशायिस्वत्रन्ता समशेमुषी ।सरस्वती सरोजाक्षी सर्वलोकैकनायिका ॥ ४२॥

samastatantrātiśāyisvatrantā samaśemuṣī |sarasvatī sarojākṣī sarvalokaikanāyikā || 42||

सकृत्प्रन्नजनतासाम्राज्यस्थानदायिनी ।सङ्गीतरसिका सङ्गरहिता सङ्गरोद्भटा ॥ ४३॥

sakṛtprannajanatāsāmrājyasthānadāyinī |saṅgītarasikā saṅgarahitā saṅgarodbhaṭā || 43||

सनन्दादिमुनिस्तोममनस्तलिमशायिनी ।सन्तानकुसुमोत्तंसा सन्देहास्पदमध्यमा ॥ ४४॥

sanandādimunistomamanastalimaśāyinī |santānakusumottaṃsā sandehāspadamadhyamā || 44||

सङ्कल्पकल्पिताशेषजगती सङ्कटापहा ।सङ्क्रान्तिपूज्या सङ्क्रन्दनार्चिता सद्गतिप्रदा ॥ ४५॥

saṅkalpakalpitāśeṣajagatī saṅkaṭāpahā |saṅkrāntipūjyā saṅkrandanārcitā sadgatipradā || 45||

ककारमध्यावयवा कनत्कनकमेखला ।कन्दर्परथचातुर्यधुरीणजघनस्थला ॥ ४६॥

kakāramadhyāvayavā kanatkanakamekhalā |kandarparathacāturyadhurīṇajaghanasthalā || 46||

कदम्बवाटिनिलया कपोलोल्लासिकुण्डला ।कलहंसगतिः कर्मफलदा कर्कशेतरा ॥ ४७॥

kadambavāṭinilayā kapolollāsikuṇḍalā |kalahaṃsagatiḥ karmaphaladā karkaśetarā || 47||

कण्ठदघ्नदयापूरा कळकण्ठसुभाषिणी ।कलधौतगलग्राहिकलेवरगलन्महाः ॥ ४८॥

kaṇṭhadaghnadayāpūrā kaḷakaṇṭhasubhāṣiṇī |kaladhautagalagrāhikalevaragalanmahāḥ || 48||

कलङ्कहीना कर्पूरदिग्धाङ्गू कण्टकापहा ।कन्धराशोभिमाङ्गल्यसूत्रा कदननाशिनी ॥ ४९॥

kalaṅkahīnā karpūradigdhāṅgū kaṇṭakāpahā |kandharāśobhimāṅgalyasūtrā kadananāśinī || 49||

कङ्कणालङ्कृतभुजा कच्छपीमधुरस्वरा ।कदलीकाण्डकम्रोरुद्वया कल्पान्तसाक्षिणी ॥ ५०॥

kaṅkaṇālaṅkṛtabhujā kacchapīmadhurasvarā |kadalīkāṇḍakamrorudvayā kalpāntasākṣiṇī || 50||

हकाराभिव्यक्तशक्तिर्हरिणाङ्कार्भकालिका ।हलायुधार्चिता हर्षदायिनी हरवल्लभा ॥ ५१॥

hakārābhivyaktaśaktirhariṇāṅkārbhakālikā |halāyudhārcitā harṣadāyinī haravallabhā || 51||

हव्यवाहनशीतांशु हरिदश्वविलोचना ।हविस्वीकारसन्तुष्टा हयवर्योल्लसच्चमूः ॥ ५२॥

havyavāhanaśītāṃśu haridaśvavilocanā |havisvīkārasantuṣṭā hayavaryollasaccamūḥ || 52||

हसिताधःकृतसुधा हरिद्रौदनलोलुपा ।हतभण्डादिदैतेया हनुमत्स्वामिसेविता ॥ ५३॥

hasitādhaḥkṛtasudhā haridraudanalolupā |hatabhaṇḍādidaiteyā hanumatsvāmisevitā || 53||

हरिचन्दनवाटस्था हन्तव्यहननोत्सुका ।हर्म्यप्रकाण्डनिलया हतोद्यच्चतुरायुधा ॥ ५४॥

haricandanavāṭasthā hantavyahananotsukā |harmyaprakāṇḍanilayā hatodyaccaturāyudhā || 54||

हरिप्रियाहितप्रेमा हरित्पतिवरप्रदा ।हवनोत्थापिता हस्तिमुखशक्तिधरप्रसूः ॥ ५५॥

haripriyāhitapremā haritpativarapradā |havanotthāpitā hastimukhaśaktidharaprasūḥ || 55||

लकारलसिताकारा ललामरुचिरालिका ।ललितापहृतेशानमानसा ललिताकृतिः ॥ ५६॥

lakāralasitākārā lalāmarucirālikā |lalitāpahṛteśānamānasā lalitākṛtiḥ || 56||

लघुकृत्रप्रपन्नार्त्तिर्लब्धवर्णजनार्चिता ।लङ्घिताज्ञार्त्तिदा लक्ष्मीवाणीशच्यादिवन्दिता ॥ ५७॥

laghukṛtraprapannārttirlabdhavarṇajanārcitā |laṅghitājñārttidā lakṣmīvāṇīśacyādivanditā || 57||

लग्नकुङ्कुमपङ्काङ्गा लपनाधरिताम्बुजा ।लब्धदीक्षैकसुलभा लम्भितैश्वर्यसेवका ॥ ५८॥

lagnakuṅkumapaṅkāṅgā lapanādharitāmbujā |labdhadīkṣaikasulabhā lambhitaiśvaryasevakā || 58||

ललद्भ्रूलतिका लक्षणोज्ज्वलाङ्गी लसद्गुणा ।लपितस्फारमाधुर्यनिर्भर्त्सितसुधाझरी ॥ ५९॥

laladbhrūlatikā lakṣaṇojjvalāṅgī lasadguṇā |lapitasphāramādhuryanirbhartsitasudhājharī || 59||

लक्ष्महीनसमग्रेन्दुमुखी लयविधायिनी ।लक्ष्यनिस्सीमसौन्दर्यविग्रहा लक्ष्यवेधिनी ॥ ६०॥

lakṣmahīnasamagrendumukhī layavidhāyinī |lakṣyanissīmasaundaryavigrahā lakṣyavedhinī || 60||

ह्रीङ्कारभासुराकारा ह्रीङ्कारमधुमाधुरी ।ह्रीङ्कारबिम्बारूणिमा ह्रीङ्कारसुमसौरभी ॥ ६१॥

hrīṅkārabhāsurākārā hrīṅkāramadhumādhurī |hrīṅkārabimbārūṇimā hrīṅkārasumasaurabhī || 61||

ह्रीङ्कारवाद्यक्वणना ह्रीङ्कारपटहध्वनिः ।ह्रीङ्कारकोकिलकुहुर्ह्रीङ्कारशुकराजवाक् ॥ ६२॥

hrīṅkāravādyakvaṇanā hrīṅkārapaṭahadhvaniḥ |hrīṅkārakokilakuhurhrīṅkāraśukarājavāk || 62||

ह्रीङ्कारकेकिराट्केका ह्रीङ्कारगजगर्जना ।ह्रीङ्कारतुरग्रह्रीपा ह्रीङ्कारकविसाहिती ॥ ६३॥

hrīṅkārakekirāṭkekā hrīṅkāragajagarjanā |hrīṅkāraturagrahrīpā hrīṅkārakavisāhitī || 63||

ह्रीङ्कारनिस्त्रंशधरा ह्रीङ्कारेष्वासशिञ्जिनी ।ह्रीङ्कारनिर्झरझरी ह्रीङ्काराम्बुधिवीचिका ॥ ६४॥

hrīṅkāranistraṃśadharā hrīṅkāreṣvāsaśiñjinī |hrīṅkāranirjharajharī hrīṅkārāmbudhivīcikā || 64||

ह्रीङ्कारकेसरिसटा ह्रीङ्काराशीविषस्टा ।ह्रीङ्कारदन्तीन्द्रशुण्डा ह्रीङ्कारखगपक्षतिः ॥ ६५॥

hrīṅkārakesarisaṭā hrīṅkārāśīviṣasṭā |hrīṅkāradantīndraśuṇḍā hrīṅkārakhagapakṣatiḥ || 65||

सकारावयवाकारव्यक्तीभूतशिवा सती ।सत्यस्वरूपा सर्वाङ्गसुन्दरी सकलेश्वरी ॥ ६६॥

sakārāvayavākāravyaktībhūtaśivā satī |satyasvarūpā sarvāṅgasundarī sakaleśvarī || 66||

सद्यस्सिद्धिप्रदा सर्वमङ्गला सद्गुणाम्बुधिः ।सदाशिवमयोत्तुङ्गमञ्चोपरिनिषेदुषी ॥ ६७॥

sadyassiddhipradā sarvamaṅgalā sadguṇāmbudhiḥ |sadāśivamayottuṅgamañcopariniṣeduṣī || 67||

सहस्रशीर्षवदनपाणिपादविलोचना ।समाजैकसुगमा समा समजदुर्गमा ॥ ६८॥

sahasraśīrṣavadanapāṇipādavilocanā |samājaikasugamā samā samajadurgamā || 68||

समांसमीनादरिणी समानाधिकवर्जिता ।समुद्रागाधहृदया समुत्पाटितपातका ॥ ६९॥

samāṃsamīnādariṇī samānādhikavarjitā |samudrāgādhahṛdayā samutpāṭitapātakā || 69||

समूलोन्मूलितामित्रा समुत्पादितविष्टपा ।समुल्लसच्छक्तिकूटकट्यधोभागशालिनी ॥ ७०॥

samūlonmūlitāmitrā samutpāditaviṣṭapā |samullasacchaktikūṭakaṭyadhobhāgaśālinī || 70||

ककारकलिताकारा ककुद्मद्वाहनप्रिया ।कक्ष्यानवकमध्यस्था कङ्केलिकुसुमप्रिया ॥ ७१॥

kakārakalitākārā kakudmadvāhanapriyā |kakṣyānavakamadhyasthā kaṅkelikusumapriyā || 71||

कबरीकान्तिनिर्धूतनिबिरीसवलाहका ।कच्छपप्रपदा कद्रुवन्दिता कन्दुकस्तनी ॥ ७२॥

kabarīkāntinirdhūtanibirīsavalāhakā |kacchapaprapadā kadruvanditā kandukastanī || 72||

कस्तूरीमकरीक्रमकपोला कश्मलार्तिदा ।कल्पान्तभैरवारब्धमहाताण्डवसाक्षिणी ॥ ७३॥

kastūrīmakarīkramakapolā kaśmalārtidā |kalpāntabhairavārabdhamahātāṇḍavasākṣiṇī || 73||

कल्हारदामरुचिरा कलालापा कलावती ।कर्मकारीभवत्सर्वगीर्वाणा कवचावृता ॥ ७४॥

kalhāradāmarucirā kalālāpā kalāvatī |karmakārībhavatsarvagīrvāṇā kavacāvṛtā || 74||

कर्णजाहलसद्वाली कर्णजित्समुपासिता ।कपालिपुण्यलहरी कमनीयकलेवरा ॥ ७५॥

karṇajāhalasadvālī karṇajitsamupāsitā |kapālipuṇyalaharī kamanīyakalevarā || 75||

लकारविलसद्रूपा लक्ष्मीपुत्रनिषेविता ।लक्षणीयवपुर्लक्ष्मीर्लक्ष्मीजानिप्रियङ्करी ॥ ७६॥

lakāravilasadrūpā lakṣmīputraniṣevitā |lakṣaṇīyavapurlakṣmīrlakṣmījānipriyaṅkarī || 76||

लब्धादिमरसानन्दयोगिमानसहंसिका ।लक्ष्मीवती लक्ष्महीना लक्ष्मीगृहलसत्करा ॥ ७७॥

labdhādimarasānandayogimānasahaṃsikā |lakṣmīvatī lakṣmahīnā lakṣmīgṛhalasatkarā || 77||

ललाटजितबालेन्दुर्लतिकाचारुविग्रहा ।लम्बालका लब्धविद्या लोकशोकविनाशिनी ॥ ७८॥

lalāṭajitabālendurlatikācāruvigrahā |lambālakā labdhavidyā lokaśokavināśinī || 78||

ललन्तिकाशोभमाना लहरीलोलचिल्लिका ।लङ्काधिनाथनिधनसमर्थीकृतराघवा ॥ ७९॥

lalantikāśobhamānā laharīlolacillikā |laṅkādhināthanidhanasamarthīkṛtarāghavā || 79||

लसन्ती ललिता लक्ष्मीसहजार्भकशेखरा ।ललन्मौक्तिकचिन्ताका लक्ष्मीफलफलस्तनी ॥ ८०॥

lasantī lalitā lakṣmīsahajārbhakaśekharā |lalanmauktikacintākā lakṣmīphalaphalastanī || 80||

ह्रीङ्कारपूरिताकारा ह्रीङ्काराद्वैतरूपिणी ।ह्रीङ्कारकमलार्काभा ह्रीङ्कारकुमुदेन्दुभा ॥ ८१॥

hrīṅkārapūritākārā hrīṅkārādvaitarūpiṇī |hrīṅkārakamalārkābhā hrīṅkārakumudendubhā || 81||

ह्रीङ्कारकेतनपटी ह्रीङ्कारमणिदीधितिः ।ह्रीङ्कारशल्यशलली ह्रीङ्कारफणिभुक्छिखा ॥ ८२॥

hrīṅkāraketanapaṭī hrīṅkāramaṇidīdhitiḥ |hrīṅkāraśalyaśalalī hrīṅkāraphaṇibhukchikhā || 82||

ह्रीङ्कारमन्दुरावामी ह्रीङ्कारबिलपन्नगी ।ह्रीङ्कारवेदगायत्री ह्रीङ्कारकरसन्मणिः ॥ ८३॥

hrīṅkāramandurāvāmī hrīṅkārabilapannagī |hrīṅkāravedagāyatrī hrīṅkārakarasanmaṇiḥ || 83||

ह्रीङ्कारक्षणदाज्योत्स्ना ह्रीङ्कारदिनसूर्यभा ।ह्रीङ्कारसिंहासनेशी ह्रीङ्कारकुलपालिका ॥ ८४॥

hrīṅkārakṣaṇadājyotsnā hrīṅkāradinasūryabhā |hrīṅkārasiṃhāsaneśī hrīṅkārakulapālikā || 84||

ह्रीङ्कारगुप्ता ह्रीङ्कारलीना ह्रीङ्कारमध्यगा ।ह्रीङ्कारकारणानन्दकैवल्याद्वैतरूपिणी ॥ ८५॥

hrīṅkāraguptā hrīṅkāralīnā hrīṅkāramadhyagā |hrīṅkārakāraṇānandakaivalyādvaitarūpiṇī || 85||

गुरुपादसहायेन मया नामशत्रत्रयी ।विनिर्मिता जगन्मातुः प्रसादाय भवत्वियम् ॥ ८६॥

gurupādasahāyena mayā nāmaśatratrayī |vinirmitā jaganmātuḥ prasādāya bhavatviyam || 86||

श्रीकामेश्वरकामेशीमुखनिस्सृतया तया ।त्रिशत्या त्रिशतीमेनां तुलयेन्न कदाचन ॥ ८७॥

śrīkāmeśvarakāmeśīmukhanissṛtayā tayā |triśatyā triśatīmenāṃ tulayenna kadācana || 87||

द्वयोस्तुल्येऽपि तत्रान्यादृशमस्ति हि ।अदृष्टकशक्त्या माहात्म्यं मन्त्रत्वादन्यदुर्लभम् ॥ ८८॥

dvayostulye'pi tatrānyādṛśamasti hi |adṛṣṭakaśaktyā māhātmyaṃ mantratvādanyadurlabham || 88||

तुल्यरूपेऽपि पुष्पादौ कल्पिते शिल्पकारिभिः ।आविर्भवेत् कथन्नाम सौरभ्यं वास्तवे यथा ॥ ८९॥

tulyarūpe'pi puṣpādau kalpite śilpakāribhiḥ |āvirbhavet kathannāma saurabhyaṃ vāstave yathā || 89||

अतस्तादृशोत्कृष्टमाहात्म्येन स्तवेन कः ।मन्निबद्धमिमं लोके तुलयेदास्तिको जनः ॥ ९०॥

atastādṛśotkṛṣṭamāhātmyena stavena kaḥ |mannibaddhamimaṃ loke tulayedāstiko janaḥ || 90||

तथापि श्रीमहाराज्ञीनामावल्यात्मकः स्तवः ।अभीष्टफलदाता स्यात् पठितृणामयं ध्रुवम् ॥ ९१॥

tathāpi śrīmahārājñīnāmāvalyātmakaḥ stavaḥ |abhīṣṭaphaladātā syāt paṭhitṛṇāmayaṃ dhruvam || 91||

मातस्त्वद्भक्तिनुन्नेन कृतास्तुतिरियं मया ।सावद्यास्त्वनवद्या वा सर्वथा क्षन्तुमर्हसि ॥ ९२॥

mātastvadbhaktinunnena kṛtāstutiriyaṃ mayā |sāvadyāstvanavadyā vā sarvathā kṣantumarhasi || 92||

अर्पितं तदिदं स्तोत्रं त्वत्पादाम्भोजयोर्मया ।अप्रमेयदयासिन्धो त्वत्प्रसादो भवेन्मयि ॥ ९३॥

arpitaṃ tadidaṃ stotraṃ tvatpādāmbhojayormayā |aprameyadayāsindho tvatprasādo bhavenmayi || 93||

जना निन्दन्तु जननि स्तवमेनं स्तुवन्तु वा ।यदि प्रसन्ना भवती कृतार्थस्तावतास्म्यहम् ॥ ९४॥

janā nindantu janani stavamenaṃ stuvantu vā |yadi prasannā bhavatī kṛtārthastāvatāsmyaham || 94||

सत्समाजा स्तोत्रमिदं न निन्देयुः कथञ्चन ।समाजा यदि निन्देयुः किमनेनास्य हीयते ॥ ९५॥

satsamājā stotramidaṃ na nindeyuḥ kathañcana |samājā yadi nindeyuḥ kimanenāsya hīyate || 95||

भक्त्या सुदृढया नित्यं ये पठेयुरिमं स्तवम् ।तेषामभीष्टसिद्धिः स्यात् कृपया ते महेश्वरि ॥ ९६॥

bhaktyā sudṛḍhayā nityaṃ ye paṭheyurimaṃ stavam |teṣāmabhīṣṭasiddhiḥ syāt kṛpayā te maheśvari || 96||

पतितोऽस्मि पदाम्भोजे परमेश्वरि तावके ।यथा प्रसीदसि तथा विधेयेस्मिन् विधीयताम् ॥ ९७॥

patito'smi padāmbhoje parameśvari tāvake |yathā prasīdasi tathā vidheyesmin vidhīyatām || 97||

अवलम्बनमेका त्वं जगदम्ब दृढं मम ।न मुञ्चामि भवत्पादौ सम्पत्स्वपि विपत्स्वपि ॥ ९८॥

avalambanamekā tvaṃ jagadamba dṛḍhaṃ mama |na muñcāmi bhavatpādau sampatsvapi vipatsvapi || 98||

त्वामेकामेव सेवेऽहं न परानमरानुमे ।यस्मादनिर्विशेषं रक्षणीयास्त्वयैव ते ॥ ९९॥

tvāmekāmeva seve'haṃ na parānamarānume |yasmādanirviśeṣaṃ rakṣaṇīyāstvayaiva te || 99||

अवस्थात्रितयेप्यस्तु भवद्।ह्ध्यानं भवानि मे ।अविच्छिन्नं भवेद्येन शिवं मे सर्वमङ्गले ॥ १००॥

avasthātritayepyastu bhavad|hdhyānaṃ bhavāni me |avicchinnaṃ bhavedyena śivaṃ me sarvamaṅgale || 100||

महात्रिपुरसुन्दर्या समेतः स्तोतमम्बया ।महादेवानन्दनाथः किमप्येतद् विनिर्ममे ॥ १०१॥

mahātripurasundaryā sametaḥ stotamambayā |mahādevānandanāthaḥ kimapyetad vinirmame || 101||

इति श्री केरलवर्मणा विरचितं त्रिशत्यन्तरं सम्पूर्णम् ।

iti śrī keralavarmaṇā viracitaṃ triśatyantaraṃ sampūrṇam |