ललिता त्रिपुरसुन्दरी अपराधक्षमापणस्तोत्रम् Shri Lalita Tripurasundari Aparadha Kshamapana Stotram

श्रीगणेशाय नमः ।ॐ कञ्जमनोहर पादचलन्मणि नूपुरहंस विराजितेकञ्जभवादि सुरौघपरिष्टुत लोकविसृत्वर वैभवे ।मञ्जुळवाङ्मय निर्जितकीर कुलेचलराज सुकन्यकेपालय हे ललितापरमेश्वरि मामपराधिनमम्बिके ॥ १॥

śrīgaṇeśāya namaḥ |oṃ kañjamanohara pādacalanmaṇi nūpurahaṃsa virājitekañjabhavādi suraughapariṣṭuta lokavisṛtvara vaibhave |mañjuḷavāṅmaya nirjitakīra kulecalarāja sukanyakepālaya he lalitāparameśvari māmaparādhinamambike || 1||

एणधरोज्वल फालतलोल्लस दैणमदाङ्क समन्वितेशोणपराग विचित्रित कन्दुक सुन्दरसुस्तन शोभिते ।नीलपयोधर कालसुकुन्तल निर्जितभृङ्ग कदम्बकेपालय हे ललितापरमेश्वरि मामपराधिनमम्बिके ॥ २॥

eṇadharojvala phālatalollasa daiṇamadāṅka samanviteśoṇaparāga vicitrita kanduka sundarasustana śobhite |nīlapayodhara kālasukuntala nirjitabhṛṅga kadambakepālaya he lalitāparameśvari māmaparādhinamambike || 2||

ईतिविनाशिनि भीति निवारिणि दानवहन्त्रि दयापरेशीतकराङ्कित रत्नविभूषित हेमकिरीट समन्विते ।दीप्ततरायुध भण्डमहासुर गर्व निहन्त्रि पुराम्बिकेपालय हे ललितापरमेश्वरि मामपराधिनमम्बिके ॥ ३॥

ītivināśini bhīti nivāriṇi dānavahantri dayāpareśītakarāṅkita ratnavibhūṣita hemakirīṭa samanvite |dīptatarāyudha bhaṇḍamahāsura garva nihantri purāmbikepālaya he lalitāparameśvari māmaparādhinamambike || 3||

लब्धवरेण जगत्रयमोहन दक्षलतान्त महेषुणालब्धमनोहर सालविषण्ण सुदेहभुवापरि पूजिते ।लङ्घितशासन दानव नाशन दक्षमहायुध राजितेपालय हे ललितापरमेश्वरि मामपराधिनमम्बिके ॥ ४॥

labdhavareṇa jagatrayamohana dakṣalatānta maheṣuṇālabdhamanohara sālaviṣaṇṇa sudehabhuvāpari pūjite |laṅghitaśāsana dānava nāśana dakṣamahāyudha rājitepālaya he lalitāparameśvari māmaparādhinamambike || 4||

ह्रीम्पद भूषित पञ्चदशाक्षर षोडशवर्ण सुदेवतेह्रीमतिहादि महामनुमन्दिर रत्नविनिर्मित दीपिके ।हस्तिवरानन दर्शितयुद्ध समादर साहसतोषितेपालय हे ललितापरमेश्वरि मामपराधिनमम्बिके ॥ ५॥

hrīmpada bhūṣita pañcadaśākṣara ṣoḍaśavarṇa sudevatehrīmatihādi mahāmanumandira ratnavinirmita dīpike |hastivarānana darśitayuddha samādara sāhasatoṣitepālaya he lalitāparameśvari māmaparādhinamambike || 5||

हस्तलसन्नव पुष्पसरेक्षु शरासन पाशमहाङ्कुशेहर्यजशम्भु महेश्वर पाद चतुष्टय मञ्च निवासिनि ।हंसपदार्थ महेश्वरि योगि समूहसमादृत वैभवेपालय हे ललितापरमेश्वरि मामपराधिनमम्बिके ॥ ६॥

hastalasannava puṣpasarekṣu śarāsana pāśamahāṅkuśeharyajaśambhu maheśvara pāda catuṣṭaya mañca nivāsini |haṃsapadārtha maheśvari yogi samūhasamādṛta vaibhavepālaya he lalitāparameśvari māmaparādhinamambike || 6||

सर्वजगत्करणावन नाशन कर्त्रि कपालि मनोहरेस्वच्छमृणाल मरालतुषार समानसुहार विभूषिते ।सज्जनचित्त विहारिणि शङ्करि दुर्जन नाशन तत्परेपालय हे ललितापरमेश्वरि मामपराधिनमम्बिके ॥ ७॥

sarvajagatkaraṇāvana nāśana kartri kapāli manoharesvacchamṛṇāla marālatuṣāra samānasuhāra vibhūṣite |sajjanacitta vihāriṇi śaṅkari durjana nāśana tatparepālaya he lalitāparameśvari māmaparādhinamambike || 7||

कञ्जदळाक्षि निरञ्जनि कुञ्जर गामिनि मञ्जुळ भाषितेकुङ्कुमपङ्क विलेपन शोभित देहलते त्रिपुरेश्वरि ।दिव्यमतङ्ग सुताधृतराज्य भरे करुणारस वारिधेपालय हे ललितापरमेश्वरि मामपराधिनमम्बिके ॥ ८॥

kañjadaḷākṣi nirañjani kuñjara gāmini mañjuḷa bhāṣitekuṅkumapaṅka vilepana śobhita dehalate tripureśvari |divyamataṅga sutādhṛtarājya bhare karuṇārasa vāridhepālaya he lalitāparameśvari māmaparādhinamambike || 8||

हल्लकचम्पक पङ्कजकेतक पुष्पसुगन्धित कुन्तलेहाटक भूधर शृङ्गविनिर्मित सुन्दर मन्दिरवासिनि ।हस्तिमुखाम्ब वराहमुखीधृत सैन्यभरे गिरिकन्यकेपालय हे ललितापरमेश्वरि मामपराधिनमम्बिके ॥ ९॥

hallakacampaka paṅkajaketaka puṣpasugandhita kuntalehāṭaka bhūdhara śṛṅgavinirmita sundara mandiravāsini |hastimukhāmba varāhamukhīdhṛta sainyabhare girikanyakepālaya he lalitāparameśvari māmaparādhinamambike || 9||

लक्ष्मणसोदर सादर पूजित पादयुगे वरदेशिवेलोहमयादि बहून्नत साल निषण्ण बुधेश्वर सम्युते ।लोलमदालस लोचन निर्जित नीलसरोज सुमालिकेपालय हे ललितापरमेश्वरि मामपराधिनमम्बिके ॥ १०॥

lakṣmaṇasodara sādara pūjita pādayuge varadeśivelohamayādi bahūnnata sāla niṣaṇṇa budheśvara samyute |lolamadālasa locana nirjita nīlasaroja sumālikepālaya he lalitāparameśvari māmaparādhinamambike || 10||

ह्रीमितिमन्त्र महाजप सुस्थिर साधकमानस हंसिकेह्रीम्पद शीतकरानन शोभित हेमलते वसुभास्वरे ।हार्दतमोगुण नाशिनि पाश विमोचनि मोक्षसुखप्रदेपालय हे ललितापरमेश्वरि मामपराधिनमम्बिके ॥ ११॥

hrīmitimantra mahājapa susthira sādhakamānasa haṃsikehrīmpada śītakarānana śobhita hemalate vasubhāsvare |hārdatamoguṇa nāśini pāśa vimocani mokṣasukhapradepālaya he lalitāparameśvari māmaparādhinamambike || 11||

सच्चिदभेद सुखामृतवर्षिणि तत्त्वमसीति सदादृतेसद्गुणशालिनि साधुसमर्चित पादयुगे परशाम्बवि ।सर्वजगत् परिपालन दीक्षित बाहुलतायुग शोभितेपालय हे ललितापरमेश्वरि मामपराधिनमम्बिके ॥ १२॥

saccidabheda sukhāmṛtavarṣiṇi tattvamasīti sadādṛtesadguṇaśālini sādhusamarcita pādayuge paraśāmbavi |sarvajagat paripālana dīkṣita bāhulatāyuga śobhitepālaya he lalitāparameśvari māmaparādhinamambike || 12||

कम्बुगळे वर कुन्दरदे रस रञ्जितपाद सरोरुहेकाममहेश्वर कामिनि कोमल कोकिल भाषिणि भैरवि ।चिन्तितसर्व मनोहर पूरण कल्पलते करुणार्णवेपालय हे ललितापरमेश्वरि मामपराधिनमम्बिके ॥ १३॥

kambugaḷe vara kundarade rasa rañjitapāda saroruhekāmamaheśvara kāmini komala kokila bhāṣiṇi bhairavi |cintitasarva manohara pūraṇa kalpalate karuṇārṇavepālaya he lalitāparameśvari māmaparādhinamambike || 13||

लस्तकशोभि करोज्वल कङ्कणकान्ति सुदीपित दिङ्मुखेशस्ततर त्रिदशालय कार्य समादृत दिव्यतनुज्वले ।कश्चतुरोभुवि देविपुरेशि भवानि तवस्तवने भवेत्पालय हे ललितापरमेश्वरि मामपराधिनमम्बिके ॥ १४॥

lastakaśobhi karojvala kaṅkaṇakānti sudīpita diṅmukheśastatara tridaśālaya kārya samādṛta divyatanujvale |kaścaturobhuvi devipureśi bhavāni tavastavane bhavetpālaya he lalitāparameśvari māmaparādhinamambike || 14||

ह्रीम्पदलाञ्चित मन्त्रपयोदधि मन्थनजात परामृतेहव्यवहानिल भूयजमानक खेन्दु दिवाकररूपिणि ।हर्यजरुद्र महेश्वर संस्तुत वैभवशालिनि सिद्धिदेपालय हे ललितापरमेश्वरि मामपराधिनमम्बिके ॥ १५॥

hrīmpadalāñcita mantrapayodadhi manthanajāta parāmṛtehavyavahānila bhūyajamānaka khendu divākararūpiṇi |haryajarudra maheśvara saṃstuta vaibhavaśālini siddhidepālaya he lalitāparameśvari māmaparādhinamambike || 15||

श्रीपुरवासिनि हस्तलसद्वर चामरवाक्कमलानुतेश्रीगुहपूर्व भवार्जित पुण्यफले भवमत्तविलासिनि ।श्रीवशिनी विमलादि सदानत पादचलन्मणि नूपुरेपालय हे ललितापरमेश्वरि मामपराधिनमम्बिके ॥ १६॥

śrīpuravāsini hastalasadvara cāmaravākkamalānuteśrīguhapūrva bhavārjita puṇyaphale bhavamattavilāsini |śrīvaśinī vimalādi sadānata pādacalanmaṇi nūpurepālaya he lalitāparameśvari māmaparādhinamambike || 16||

॥ इति श्रीललितात्रिपुरसुन्दरी अपराधक्षमापणस्तोत्रं सम्पूर्णम् ॥

|| iti śrīlalitātripurasundarī aparādhakṣamāpaṇastotraṃ sampūrṇam ||