महालक्ष्मी ललितास्तोत्रम् Shrimahalakshmi Lalita Stotram

॥ ध्यानम् ॥चक्राकारं महत्तेजः तन्मध्ये परमेश्वरी ।जगन्माता जीवदात्री नारायणी परमेश्वरी ॥ १॥

|| dhyānam ||cakrākāraṃ mahattejaḥ tanmadhye parameśvarī |jaganmātā jīvadātrī nārāyaṇī parameśvarī || 1||

व्यूहतेजोमयी ब्रह्मानन्दिनी हरिसुन्दरी ।पाशांकुशेक्षुकोदण्ड पद्ममालालसत्करा ॥ २॥

vyūhatejomayī brahmānandinī harisundarī |pāśāṃkuśekṣukodaṇḍa padmamālālasatkarā || 2||

दृष्ट्वा तां मुमुहुर्देवाः प्रणेमुर्विगतज्वराः ।तुष्टुवुः श्रीमहालक्ष्मीं ललितां वैष्णवीं पराम् ॥ ३॥

dṛṣṭvā tāṃ mumuhurdevāḥ praṇemurvigatajvarāḥ |tuṣṭuvuḥ śrīmahālakṣmīṃ lalitāṃ vaiṣṇavīṃ parām || 3||

॥ श्रीदेवाः ऊचुः ॥जय लक्ष्मि जगन्मातः जय लक्ष्मि परात्परे ।जय कल्याणनिलये जय सर्वकलात्मिके ॥ १॥

|| śrīdevāḥ ūcuḥ ||jaya lakṣmi jaganmātaḥ jaya lakṣmi parātpare |jaya kalyāṇanilaye jaya sarvakalātmike || 1||

जय ब्राह्मि महालक्ष्मि ब्रह्मात्मिके परात्मिके ।जय नारायणि शान्ते जय श्रीललिते रमे ॥ २॥

jaya brāhmi mahālakṣmi brahmātmike parātmike |jaya nārāyaṇi śānte jaya śrīlalite rame || 2||

जय श्रीविजये देवीश्वरि श्रीदे जयर्द्धिदे ।नमः सहस्र शीर्षायै सहस्रानन लोचने ॥ ३॥

jaya śrīvijaye devīśvari śrīde jayarddhide |namaḥ sahasra śīrṣāyai sahasrānana locane || 3||

नमः सहस्रहस्ताब्जपादपङ्कजशोभिते ।अणोरणुतरे लक्ष्मि महतोऽपि महीयसि ॥ ४॥

namaḥ sahasrahastābjapādapaṅkajaśobhite |aṇoraṇutare lakṣmi mahato'pi mahīyasi || 4||

अतलं ते स्मृतौ पादौ वितलं जानुनी तव ।रसातलं कटिस्ते च कुक्षिस्ते पृथिवी मता ॥ ५॥

atalaṃ te smṛtau pādau vitalaṃ jānunī tava |rasātalaṃ kaṭiste ca kukṣiste pṛthivī matā || 5||

हृदयं भुवः स्वस्तेऽस्तु मुखं सत्यं शिरो मतम् ।दृशश्चन्द्रार्कदहना दिशः कर्णा भुजः सुराः ॥ ६॥

hṛdayaṃ bhuvaḥ svaste'stu mukhaṃ satyaṃ śiro matam |dṛśaścandrārkadahanā diśaḥ karṇā bhujaḥ surāḥ || 6||

मरुतस्तु तवोच्छ्वासा वाचस्ते श्रुतयो मताः ।क्रिडा ते लोकरचना सखा ते परमेश्वरः ॥ ७॥

marutastu tavocchvāsā vācaste śrutayo matāḥ |kriḍā te lokaracanā sakhā te parameśvaraḥ || 7||

आहारस्ते सदानन्दो वासस्ते हृदयो हरेः ।दृश्यादृश्यस्वरूपाणि रूपाणि भुवनानि ते ॥ ८॥

āhāraste sadānando vāsaste hṛdayo hareḥ |dṛśyādṛśyasvarūpāṇi rūpāṇi bhuvanāni te || 8||

शिरोरुहा घनास्ते वै तारकाः कुसुमानि ते ।धर्माद्या बाहवस्ते च कालाद्या हेतयस्तव ॥ ९॥

śiroruhā ghanāste vai tārakāḥ kusumāni te |dharmādyā bāhavaste ca kālādyā hetayastava || 9||

यमाश्च नियमाश्चापि करपादनखास्तव ।स्तनौ स्वाहास्वधाकारौ सर्वजीवनदुग्धदौ ॥ १०॥

yamāśca niyamāścāpi karapādanakhāstava |stanau svāhāsvadhākārau sarvajīvanadugdhadau || 10||

प्राणायामस्तव श्वासो रसना ते सरस्वती ।महीरुहास्तेऽङ्गरुहाः प्रभातं वसनं तव ॥ ११॥

prāṇāyāmastava śvāso rasanā te sarasvatī |mahīruhāste'ṅgaruhāḥ prabhātaṃ vasanaṃ tava || 11||

आदौ दया धर्मपत्नी ससर्ज निखिलाः प्रजाः ।हृत्स्था त्वं व्यापिनी लक्ष्मीः मोहिनी त्वं तथा परा ॥ १२॥

ādau dayā dharmapatnī sasarja nikhilāḥ prajāḥ |hṛtsthā tvaṃ vyāpinī lakṣmīḥ mohinī tvaṃ tathā parā || 12||

इदानीं दृश्यसे ब्राह्मी नारायणी प्रियशङ्करी ।नमस्तस्यै महालक्ष्म्यै गजमुख्यै नमो नमः ॥ १३॥

idānīṃ dṛśyase brāhmī nārāyaṇī priyaśaṅkarī |namastasyai mahālakṣmyai gajamukhyai namo namaḥ || 13||

सर्वशक्त्यै सर्वधात्र्यै महालक्ष्म्यै नमो नमः ।या ससर्ज विराजं च ततोऽजं विष्णुमीश्वरम् ॥ १४॥

sarvaśaktyai sarvadhātryai mahālakṣmyai namo namaḥ |yā sasarja virājaṃ ca tato'jaṃ viṣṇumīśvaram || 14||

रुदं तथा सुराग्रयाँश्च तस्यै लक्ष्म्यै नमो नमः ।त्रिगुणायै निर्गुणायै हरिण्यै ते नमो नमः ॥ १५॥

rudaṃ tathā surāgrayām̐śca tasyai lakṣmyai namo namaḥ |triguṇāyai nirguṇāyai hariṇyai te namo namaḥ || 15||

यन्त्रतन्त्रात्मिकायै ते जगन्मात्रे नमो नमः ।वाग्विभूत्यै गुरुतन्व्यै महालक्ष्म्यै नमो नमः ॥ १६॥

yantratantrātmikāyai te jaganmātre namo namaḥ |vāgvibhūtyai gurutanvyai mahālakṣmyai namo namaḥ || 16||

कम्भरायै सर्वविद्याभरायै ते नमो नमः ।जयाललितापाञ्चाली रमातन्वै नमो नमः ॥ १७॥

kambharāyai sarvavidyābharāyai te namo namaḥ |jayālalitāpāñcālī ramātanvai namo namaḥ || 17||

पद्मावतीरमाहंसी सुगुणाऽऽज्ञाश्रियै नमः ।नमः स्तुता प्रसनैवंछन्दयामास सव्दरैः ॥ १८॥

padmāvatīramāhaṃsī suguṇā''jñāśriyai namaḥ |namaḥ stutā prasanaivaṃchandayāmāsa savdaraiḥ || 18||

॥ फलश्रुतिः ॥श्रीलक्ष्मी उवाच ।स्तावका मे भविश्यन्ति श्रीयशोधर्मसम्भृताः ।विद्याविनयसम्पन्ना निरोगा दीर्घजीविनः ॥ १॥

|| phalaśrutiḥ ||śrīlakṣmī uvāca |stāvakā me bhaviśyanti śrīyaśodharmasambhṛtāḥ |vidyāvinayasampannā nirogā dīrghajīvinaḥ || 1||

पुत्रमित्रकलत्राढ्या भविष्यन्ति सुसम्पदः ।पठनाच्छ्रवणादस्य शत्रुभीतिर्विनश्यति ॥ २॥

putramitrakalatrāḍhyā bhaviṣyanti susampadaḥ |paṭhanācchravaṇādasya śatrubhītirvinaśyati || 2||

राजभीतिः कदनानि विनश्यन्ति न संशयः ।भुक्तिं मुक्तिं भाग्यवृद्धिमुत्तमां च लभेन्नरः ॥ ३॥

rājabhītiḥ kadanāni vinaśyanti na saṃśayaḥ |bhuktiṃ muktiṃ bhāgyavṛddhimuttamāṃ ca labhennaraḥ || 3||

॥ श्रीलक्ष्मीनारायणसंहितायां देवसङ्घकृता श्रीमहालक्ष्मीललितास्तोत्रम् ॥

|| śrīlakṣmīnārāyaṇasaṃhitāyāṃ devasaṅghakṛtā śrīmahālakṣmīlalitāstotram ||