लक्ष्म्यष्टोत्तरशतनामस्तोत्रम् Shrilakshmyashtottarashatanamastotram

एतत्स्तोत्रं महालक्ष्मीर्महेशना इत्यारब्धस्यसहस्रनामस्तोत्रस्याङ्गभूतम् ।ब्रह्मजा ब्रह्मसुखदा ब्रह्मण्या ब्रह्मरूपिणी ।सुमतिः सुभगा सुन्दा प्रयतिर्नियतिर्यतिः ॥ १॥

etatstotraṃ mahālakṣmīrmaheśanā ityārabdhasyasahasranāmastotrasyāṅgabhūtam |brahmajā brahmasukhadā brahmaṇyā brahmarūpiṇī |sumatiḥ subhagā sundā prayatirniyatiryatiḥ || 1||

सर्वप्राणस्वरूपा च सर्वेन्द्रियसुखप्रदा ।संविन्मयी सदाचारा सदातुष्टा सदानता ॥ २॥

sarvaprāṇasvarūpā ca sarvendriyasukhapradā |saṃvinmayī sadācārā sadātuṣṭā sadānatā || 2||

कौमुदी कुमुदानन्दा कुः कुत्सिततमोहरी ।हृदयार्तिहरी हारशोभिनी हानिवारिणी ॥ ३॥

kaumudī kumudānandā kuḥ kutsitatamoharī |hṛdayārtiharī hāraśobhinī hānivāriṇī || 3||

सम्भाज्या संविभज्याऽऽज्ञा ज्यायसी जनिहारिणी ।महाक्रोधा महातर्षा महर्षिजनसेविता ॥ ४॥

sambhājyā saṃvibhajyā''jñā jyāyasī janihāriṇī |mahākrodhā mahātarṣā maharṣijanasevitā || 4||

कैटभारिप्रिया कीर्तिः कीर्तिता कैतवोज्झिता ।कौमुदी शीतलमनाः कौसल्यासुतभामिनी ॥ ५॥

kaiṭabhāripriyā kīrtiḥ kīrtitā kaitavojjhitā |kaumudī śītalamanāḥ kausalyāsutabhāminī || 5||

कासारनाभिः का सा याऽऽप्येषेयत्ताविवर्जिता ।अन्तिकस्थाऽतिदूरस्था हृदयस्थाऽम्बुजस्थिता ॥ ६॥

kāsāranābhiḥ kā sā yā''pyeṣeyattāvivarjitā |antikasthā'tidūrasthā hṛdayasthā'mbujasthitā || 6||

मुनिचित्तस्थिता मौनिगम्या मान्धातृपूजिता ।मतिस्थिरीकर्तृकार्यनित्यनिर्वहणोत्सुका ॥ ७॥

municittasthitā maunigamyā māndhātṛpūjitā |matisthirīkartṛkāryanityanirvahaṇotsukā || 7||

महीस्थिता च मध्यस्था द्युस्थिताऽधःस्थितोर्ध्वग ।भूतिर्विभूतिः सुरभिः सुरसिद्धार्तिहारिणी ॥ ८॥

mahīsthitā ca madhyasthā dyusthitā'dhaḥsthitordhvaga |bhūtirvibhūtiḥ surabhiḥ surasiddhārtihāriṇī || 8||

अतिभोगाऽतिदानाऽतिरूपाऽतिकरुणाऽतिभाः ।विज्वरा वियदाभोगा वितन्द्रा विरहासहा ॥ ९॥

atibhogā'tidānā'tirūpā'tikaruṇā'tibhāḥ |vijvarā viyadābhogā vitandrā virahāsahā || 9||

शूर्पकारातिजननी शून्यदोषा शुचिप्रिया ।निःस्पृहा सस्पृहा नीलासपत्नी निधिदायिनी ॥ १०॥

śūrpakārātijananī śūnyadoṣā śucipriyā |niḥspṛhā saspṛhā nīlāsapatnī nidhidāyinī || 10||

कुम्भस्तनी कुन्दरदा कुङ्कुमालेपिता कुजा ।शास्त्रज्ञा शास्त्रजननी शास्त्रज्ञेया शरीरगा ॥ ११॥

kumbhastanī kundaradā kuṅkumālepitā kujā |śāstrajñā śāstrajananī śāstrajñeyā śarīragā || 11||

सत्यभास्सत्यसङ्कल्पा सत्यकामा सरोजिनी ।चन्द्रप्रिया चन्द्रगता चन्द्रा चन्द्रसहोदरी ॥ १२॥

satyabhāssatyasaṅkalpā satyakāmā sarojinī |candrapriyā candragatā candrā candrasahodarī || 12||

औदर्यौपयिकी प्रीता गीता चौता गिरिस्थिता ।अनन्विताऽप्यमूलार्तिध्वान्तपुञ्जरविप्रभा ॥ १३॥

audaryaupayikī prītā gītā cautā giristhitā |ananvitā'pyamūlārtidhvāntapuñjaraviprabhā || 13||

मङ्गला मङ्गलपरा मृग्या मङ्गलदेवता ।कोमला च महालक्ष्मीः नाम्नामष्टोत्तरं शतम् ।फलश्रुतिःनारद उवाचइत्येवं नामसाहस्रं साष्टोत्तरशतं श्रियः ।कथितं ते महाराज भुक्तिमुक्तिफलप्रदम् ॥ १॥

maṅgalā maṅgalaparā mṛgyā maṅgaladevatā |komalā ca mahālakṣmīḥ nāmnāmaṣṭottaraṃ śatam |phalaśrutiḥnārada uvācaityevaṃ nāmasāhasraṃ sāṣṭottaraśataṃ śriyaḥ |kathitaṃ te mahārāja bhuktimuktiphalapradam || 1||

भूतानामवताराणां तथा विष्णोर्भविष्यताम् ।लक्ष्म्या नित्यानुगामिन्याः गुणकर्मानुसारतः ॥ २॥

bhūtānāmavatārāṇāṃ tathā viṣṇorbhaviṣyatām |lakṣmyā nityānugāminyāḥ guṇakarmānusārataḥ || 2||

उदाहृतानि नामानि सारभूतानि सर्वतः ।इदन्तु नामसाहस्रं ब्रह्मणा कथितं मम ॥ ३॥

udāhṛtāni nāmāni sārabhūtāni sarvataḥ |idantu nāmasāhasraṃ brahmaṇā kathitaṃ mama || 3||

उपांशुवाचिकजपैः प्रीयेतास्य हरिप्रिया ।लक्ष्मीनामसहस्रेण श्रुतेन पठितेन वा ॥ ४॥

upāṃśuvācikajapaiḥ prīyetāsya haripriyā |lakṣmīnāmasahasreṇa śrutena paṭhitena vā || 4||

धर्मार्थी धर्मलाभी स्यात् अर्थार्थी चार्थवान् भवेत् ।कामार्थी लभते कामान् सुखार्थी लभते सुखम् ॥ ५॥

dharmārthī dharmalābhī syāt arthārthī cārthavān bhavet |kāmārthī labhate kāmān sukhārthī labhate sukham || 5||

इहामुत्र च सौख्याय लक्ष्मीभक्तिहितङ्करी ।इदं श्रीनामसाहस्रं रहस्यानां रहस्यकम् ॥ ६॥

ihāmutra ca saukhyāya lakṣmībhaktihitaṅkarī |idaṃ śrīnāmasāhasraṃ rahasyānāṃ rahasyakam || 6||

गोप्यं त्वया प्रयत्नेन अपचारभयाच्छ्रियः ।नैतद्व्रात्याय वक्तव्यं न मूर्खाय न दम्भिने ॥ ७॥

gopyaṃ tvayā prayatnena apacārabhayācchriyaḥ |naitadvrātyāya vaktavyaṃ na mūrkhāya na dambhine || 7||

न नास्तिकाय नो वेदशास्त्रविक्रयकारिणे ।वक्तव्यं भक्तियुक्ताय दरिद्राय च सीदते ॥ ८॥

na nāstikāya no vedaśāstravikrayakāriṇe |vaktavyaṃ bhaktiyuktāya daridrāya ca sīdate || 8||

सकृत्पठित्व श्रीदेव्याः नामसाहस्रमुत्तमम् ।दारिद्र्यान्मुच्यते पुर्वं जन्मकोटिभवान्नरः ॥ ९॥

sakṛtpaṭhitva śrīdevyāḥ nāmasāhasramuttamam |dāridryānmucyate purvaṃ janmakoṭibhavānnaraḥ || 9||

त्रिवारपठनादस्याः सर्वपापक्षयो भवेत् ।पञ्चचत्वारिंशदहं सायं प्रातः पठेत्तु यः ॥ १०॥

trivārapaṭhanādasyāḥ sarvapāpakṣayo bhavet |pañcacatvāriṃśadahaṃ sāyaṃ prātaḥ paṭhettu yaḥ || 10||

तस्य सन्निहिता लक्ष्मीः किमतोऽधिकमाप्यते ।अमायां पौर्णमास्यां च भृगुवारेषु सङ्क्रमे ॥ ११॥

tasya sannihitā lakṣmīḥ kimato'dhikamāpyate |amāyāṃ paurṇamāsyāṃ ca bhṛguvāreṣu saṅkrame || 11||

प्रातः स्नात्वा नित्यकर्म यथाविधि समाप्य चस्वर्णपात्रेऽथ रजते कांस्यपात्रेऽथवा द्विजः ॥ १२॥

prātaḥ snātvā nityakarma yathāvidhi samāpya casvarṇapātre'tha rajate kāṃsyapātre'thavā dvijaḥ || 12||

निक्षिप्य कुङ्कुमं तत्र लिखित्वाऽष्टदलाम्बुजम् ।कर्णिकामध्यतो लक्ष्मीं बीजं साधु विलिख्य च ॥ १३॥

nikṣipya kuṅkumaṃ tatra likhitvā'ṣṭadalāmbujam |karṇikāmadhyato lakṣmīṃ bījaṃ sādhu vilikhya ca || 13||

प्रागादिषु दलेष्वस्य वाणीब्राह्म्यादिमातृकाः ।विलिख्य वर्णतोऽथेदं नामसाहस्रमादरात् ॥ १४॥

prāgādiṣu daleṣvasya vāṇībrāhmyādimātṛkāḥ |vilikhya varṇato'thedaṃ nāmasāhasramādarāt || 14||

यः पठेत् तस्य लोकस्तु सर्वेऽपि वशगास्ततः ।राज्यलाभः पुत्रपौत्रलाभः शत्रुजयस्तथा ॥ १५॥

yaḥ paṭhet tasya lokastu sarve'pi vaśagāstataḥ |rājyalābhaḥ putrapautralābhaḥ śatrujayastathā || 15||

सङ्कल्पादेव तस्य स्यात् नात्र कार्या विचारणा ।अनेन नामसहस्रेणार्चयेत् कमलां यदि ॥ १६॥

saṅkalpādeva tasya syāt nātra kāryā vicāraṇā |anena nāmasahasreṇārcayet kamalāṃ yadi || 16||

कुङ्कुमेनाथ पुष्पैर्वा न तस्य स्यात्पराभवः ।उत्तमोत्तमता प्रोक्ता कमलानामिहार्चने ॥ १७॥

kuṅkumenātha puṣpairvā na tasya syātparābhavaḥ |uttamottamatā proktā kamalānāmihārcane || 17||

तदभावे कुङ्कुमं स्यात् मल्लीपुष्पाञ्जलिस्ततः ।जातीपुष्पाणि च ततः ततो मरुवकावलिः ॥ १८॥

tadabhāve kuṅkumaṃ syāt mallīpuṣpāñjalistataḥ |jātīpuṣpāṇi ca tataḥ tato maruvakāvaliḥ || 18||

पद्मानामेव रक्तत्वं श्लाघितं मुनिसत्तमैः ।अन्येषां कुसुमानान्तु शौक्ल्यमेव शिवार्चने ॥ १९॥

padmānāmeva raktatvaṃ ślāghitaṃ munisattamaiḥ |anyeṣāṃ kusumānāntu śauklyameva śivārcane || 19||

प्रशस्तं नृपतिश्रेष्ठ तस्माद्यत्नपरो भवेत् ।किमिहात्र बहूक्तेन लक्ष्मीनामसहस्रकम् ॥ २०॥

praśastaṃ nṛpatiśreṣṭha tasmādyatnaparo bhavet |kimihātra bahūktena lakṣmīnāmasahasrakam || 20||

वेदानां सरहस्यानां सर्वशास्त्रगिरामपि ।तन्त्राणामपि सर्वेषां सारभूतं न संशयः ॥ २१॥

vedānāṃ sarahasyānāṃ sarvaśāstragirāmapi |tantrāṇāmapi sarveṣāṃ sārabhūtaṃ na saṃśayaḥ || 21||

सर्वपापक्षयकरं सर्वशत्रुविनाशनम् ।दारिद्र्यध्वंसनकरं पराभवनिवर्तकम् ॥ २२॥

sarvapāpakṣayakaraṃ sarvaśatruvināśanam |dāridryadhvaṃsanakaraṃ parābhavanivartakam || 22||

विश्लिष्टबन्धुसंश्लेषकारकं सद्गतिप्रदम् ।तन्वन्ते चिन्मयात्म्यैक्यबोधादानन्ददायकम् ॥ २३॥

viśliṣṭabandhusaṃśleṣakārakaṃ sadgatipradam |tanvante cinmayātmyaikyabodhādānandadāyakam || 23||

लक्ष्मीनामसहस्रं तत् नरोऽवश्यं पठेत्सदा ।योऽसौ तात्पर्यतः पाठी सर्वज्ञः सुखितो भवेत् ॥ २४॥

lakṣmīnāmasahasraṃ tat naro'vaśyaṃ paṭhetsadā |yo'sau tātparyataḥ pāṭhī sarvajñaḥ sukhito bhavet || 24||

अकारादिक्षकारान्तनामभिः पूजयेत्सुधीः ।तस्य सर्वेप्सितार्थसिद्धिर्भवति निश्चितम् ॥ २५॥

akārādikṣakārāntanāmabhiḥ pūjayetsudhīḥ |tasya sarvepsitārthasiddhirbhavati niścitam || 25||

श्रियं वर्चसमारोग्यं शोभनं धान्यसम्पदः ।पशूनां बहुपुत्राणां लाभश्च सम्भावेद्ध्रुवम् ॥ २६॥

śriyaṃ varcasamārogyaṃ śobhanaṃ dhānyasampadaḥ |paśūnāṃ bahuputrāṇāṃ lābhaśca sambhāveddhruvam || 26||

शतसंवत्सरं विंशत्युतरं जीवितं भवेत् ।मङ्गलानि तनोत्येषा श्रीविद्यामङ्गला शुभा ॥ २७॥

śatasaṃvatsaraṃ viṃśatyutaraṃ jīvitaṃ bhavet |maṅgalāni tanotyeṣā śrīvidyāmaṅgalā śubhā || 27||

इति नारदीयोपपुराणान्तर्गतं श्रीलक्ष्म्यष्टोत्तरशतनामस्तोत्रं सम्पूर्णम् ।

iti nāradīyopapurāṇāntargataṃ śrīlakṣmyaṣṭottaraśatanāmastotraṃ sampūrṇam |